汉文 ىلە اقپارات تورابىنا حوش كەلدىڭىزدەر!
جاڭا داۋىردەگى «فىڭچياۋ تاجىريبەسىن» امالياتتا ايگىلەۋدىڭ تەكەس ۇلگىسى
2022-01-04 12:46:52     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

تىلشىلەرىمىز جاڭ جينفىڭ، ۋ جىجيان، حاليدا ٴامىرباي قىزى


وتكەن جىلى تەكەس اۋداندىق حالىق پروكۋراتۋراسى 7 - كەزەكتى «مەملەكەت بويىنشا ۇزدىك نەگىزگى ساتى پروكۋراتۋراسى» اتاعىنا يە بولىپ، اۆتونوميالى وبلىستان وسى داڭقتى اتاققا يە بولعان بىردەن - ٴبىر نەگىزگى ساتى حالىق پروكۋراتۋراسى بولدى.

12 - ايدىڭ 19 - كۇنى تەكەس اۋداندىق حالىق پروكۋراتۋراسىنا بارعان ٴتىلشى 12309 پروكۋراتۋرالىق قىزمەت وتەۋ ورتالىعىنىڭ ۇگىت تەكشەسىنە ٴتۇرلى قولدانىلمالى زاڭ - ەرەجە ماتەريالدارى مەن ۇگىت قولدانبالارىنىڭ رەتتى ٴتىزىلىپ، قىزمەتكەرلەردىڭ جۇمىس بىتىرۋگە كەلگەن بۇقاراعا ماسەلەلەردى بەلسەنە ٴتۇسىندىرىپ، ولاردى رازى ەتىپ جاتقانىن كوردى.

«ٴبىز بۇقارامەن پىكىر اۋىستىرىپ، بايلانىس جاساۋدى كۇشەيتىپ، بۇقارا ٴۇشىن شىن پەيىلىمىزبەن ناقتى ىستەردى تىندىرىپ، قيىن ماسەلەلەردى شەشۋمەن بىرگە، حالىق بۇقاراسىنىڭ نەگىزگى ساتىنى جونگە سالۋداعى ماڭىزدى رولىن ساۋلەلەندىرىپ، ورتاق قۇرۋ، ورتاق جونگە سالۋ، ورتاق يگىلىكتەنۋدەي قوعامدىق جونگە سالۋ ارناسىن قالىپتاستىردىق» دەدى تەكەس اۋداندىق حالىق پروكۋراتۋراسى پارتيا باسشىلىق گرۋپپاسىنىڭ ورىنباسار شۋجيى، باس پروكۋرور ابدۇعوپىر ابىلەت.

5 جىلدان بەرى بۇل پروكۋراتۋرا ىلگەرىندى - كەيىندى شينجياڭ بويىنشا ۇزدىك نەگىزگى ساتى پروكۋراتۋراسى سياقتى 6 رەت اۆتونوميالى رايون دارەجەلى داڭقتى اتاققا، اۆتونوميالى وبلىس بويىنشا ۇزدىك نەگىزگى ساتى پارتيا ۇيىمى سياقتى 10 رەت وبلىس دارەجەلى داڭقتى اتاققا يە بولعان. 2002 - جىلى، 2018 - جىلى بۇل پروكۋراتۋراعا ەكى رەت ەڭ جوعارى حالىق پروكۋراتۋراسى جاعىنان «كوللەكتيۆ 1 - دارەجەلى ەڭبەك ٴسىڭىردى» دەگەن ات بەرىلگەن. 2015 - جىلى، 2019 - جىلى اۆتونوميالى رايوندىق حالىق پروكۋراتۋراسى جاعىنان «شينجياڭ بويىنشا ۇزدىك نەگىزگى ساتى حالىق پروكۋراتۋراسى» دەگەن ات بەرىلگەن.

تاۋلىك بويى جۇمىس جۇرگىزەتىن 12309

نەگىزگى ساتىنىڭ جونگە سالۋىن وسىزامانداندىرۋدى جەبەپ، كوپ نەگىزدىك تۇلعالار ارا دەموكراتيالىق كەڭەسۋ مەن ٴبىر - ٴبىرىن بەلسەنە جەبەۋدى جۇزەگە اسىرىپ، حالىقتىڭ ٴىسىن حالىق كەڭەسۋدى، حالىقتىڭ ٴىسىن حالىق ٴبىتىرۋدى، حالىقتىڭ ٴىسىن حالىق باسقارۋدى جەبەپ، بۇقارانىڭ نەگىزگى ساتىنى جونگە سالۋداعى ماڭىزدى رولىن ساۋلەلەندىردى. مىنە بۇل تەكەس اۋداندىق حالىق پروكۋراتۋراسىنىڭ نەگىزگى ساتىنى جونگە سالۋىنداعى ۇتىمدى شاراسى.

12309 پروكۋراتۋرالىق قىزمەت وتەۋ ورتالىعى − اتالعان پروكۋراتۋرانىڭ حالىق ٴۇشىن قىزمەت وتەيتىن تەرەزەلىگى رەتىندە قوعامدىق جونگە سالۋ ادىسىندە جاڭالىق اشىپ، قوعامدىق قايشىلىقتاردى شەشىپ، قايشىلىقتاردى جوعارىعا يتەرمەلەمەي، قىزمەت وتەۋدە شاشاۋ شىعارمادى؛ زاڭدىق قولداۋمەن قامتاماسىزداندىرىپ، مەيىر باعىشتاپ، قامقورلىق جاساپ، جاڭا داۋىردەگى «فىڭچياۋ تاجىريبەسىن» امالياتتا ايگىلەدى.

وتكەن جىلى 12 - ايدىڭ 20 - كۇنى تەكەس اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ەڭبەك باقىلاۋ - تەكسەرۋ ۇلكەن اترەتى كۇردەلى ٴبىر دەلونى تاپسىرىپ الادى: بەلگىلى قۇرىلىس سەرىكتەستىگى اۋدان ورتالىعىنداعى ٴبىر تۇرعىندار رايونىن سالۋ قۇرىلىسىن كوتەرمەگە الادى، ٴبىراق جىل سوڭىندا جۇمىسشىلار ەڭبەكاقىسىن الا المايدى. ەگەر ماسەلە ۋاعىندا شەشىلمەسە، سوڭعى زاردابى اۋىر بولاتىن ەدى، سونىمەن ولار زاڭدىق كومەك سۇراۋعا ٴماجبۇر بولادى.

تەكەس اۋداندىق حالىق پروكۋراتۋراسى بۇل كومەك سۇراۋ ٴوتىنىشىن تاپسىرىپ العاننان كەيىن ەڭبەكاقىنى كەشەۋىلدەتۋدى تۇبىرىنەن وڭاۋ قىزمەت مەحانيزمىن ىسكە قوسىپ، ٴبىر پروكۋروردى ەڭبەك باقىلاۋ - تەكسەرۋ ۇلكەن اترەتىندە ۇزاق ۋاقىت تۇرىپ قىزمەت ىستەۋگە ورنالاستىرادى، ٴبىر ايدان استام ۋاقىت ارناۋلى تەكسەرۋ جۇرگىزۋ ارقىلى 20 نەشە حالىق جۇمىسكەرىنىڭ 400 مىڭ يۋاننان استام كەشەۋىلدەتىلگەن ەڭبەكاقىسى ولاردىڭ قولىنا تيگىزىلەدى. پروكۋراتۋرانىڭ ارالاسۋىمەن جۋىقتاعى 5 جىل ىشىندە 100 دەن استام حالىق جۇمىسكەرى ٴبىر ميلليون 500 مىڭ يۋاننان استام كەشەۋىلدەتىلگەن ەڭبەكاقىسىن تاپسىرىپ الدى.

بيىل كوكتەمدە گۋ فاميليالى جەڭىل اۆتوكولىكپەن جاڭ فاميليالىنى سوعىپ جارالاعان سوڭ قاشىپ كەتەدى. زياندالۋشى اقشا تاپشىلىعىنان ەڭ جاقسى ەمدەلۋ مەزگىلىن وتكىزىپ العاندىقتان، قولى سەمىپ، كەمتار بولىپ قالادى، سودان كوپ وتپەي ايەلى ودان اجىراسىپ، ەكى بالاسى ونىڭ قاراۋىنا قالۋدان تىس، اكەسى جۇرەك اۋرۋىنا شالدىعىپ، ناۋقاسىن ەمدەتۋگە 200 مىڭ يۋاننان استام اقشا جۇمساپ، وتباسى كەدەيلەسىپ، قيىنشىلىق قىسپاعىندا قالادى. الەۋمەتتىك اۋماق بۇل جاعدايدان حاباردار بولعان سوڭ جاڭ فاميليالى مەن ونىڭ قىزى ٴۇشىن ەڭ تومەنگى تۇرمىستى قامتاماسىزداندىرۋدى ٴوتىنىش ەتىپ، رەسميات وتەيدى.

تەكەس اۋداندىق حالىق پروكۋراتۋراسى جاڭ فاميليالىنىڭ مۇگەدەكتىك كۋالىگىن بىتىرۋىنە كومەكتەسىپ، ارحيۆ تەكسەرىپ اداقتاعاننان كەيىن الدىمەن وعان 5 مىڭ يۋان كومەك بەرەدى ٴارى وبلىستىق پروكۋراتۋراعا دوكلاد جازىپ، 20 مىڭ يۋاندىق بىرلەسپە كومەك بەرۋدى ۇسىنىس ەتەدى. كەيىنگى مەزگىلدە ونىڭ مەملەكەتتىڭ ٴادىليالىق كومەگىن ٴوتىنىش ەتۋىنە قوسىمشا ازاماتتىق ىستەر، قاتىناس قامسىزداندىرۋى بويىنشا تولەم الۋى سياقتىلاردى ٴوتىنىش ەتۋىنە كومەكتەسىپ، ٴتۇرلى ٴادىس - شارا ارقىلى ونىڭ ەكونوميكالىق اۋىرتپالىعىن جەڭىلدەتتى.

اتالعان پروكۋراتۋرانىڭ 3 - تەكسەرۋ ٴبولىمىنىڭ مەڭگەرۋشىسى ياڭ لەي بىلاي دەدى: «12309 پروكۋراتۋرالىق قىزمەت وتەۋ ورتالىعى − بۇقارانىڭ ۇقىعىن قورعايتىن ورىن، بۇل ورىن ارىز - ارمان ايتا كەلگەن بۇقارانى قابىلداپ، ولاردى ٴادىليالىق كومەكپەن قامداپ، وتباسىندا قيىنشىلىعى بار بۇقاراعا ٴادىليالىق كومەك بەرىپ كومەكتەسەدى. بيىل ٴبىز 11 دەلوداعى 13 زياندالۋشىعا كومەك بەرىپ، جالپى 77 مىڭ يۋان كومەك قاراجات تاراتتىق».

بۇقارا وتباسىنىڭ ىرگەسىندەگى «پروكۋراتۋرا»

2016 - جىلى 3 - ايدا تەكەس اۋداندىق حالىق پروكۋراتۋراسى شينجياڭ بويىنشا ەڭ الدىمەن اۋداندىق قوعام حاۋىپسىزدىگى مەكەمەسىندە تۇراتىن پروكۋراتۋرا كەڭسەسىن ورنالاستىردى، پروكۋرورلار ىشكى تور ارقىلى قوعام حاۋىپسىزدىگى مەكەمەسى ٴبىر جاقتى ەتۋ ۇستىندەگى دەلونى تەكسەرىپ كورە الادى ٴارى دەلونىڭ  باقىلاۋدى قاجەت ەتۋ - ەتپەۋىنە باعىتتاي وتىرىپ ارناۋلى قىزمەتكەردىڭ دەلو بىتىرۋىنە جەتەكشىلىك ەتۋ مەحانيزمىن ورناتىپ، زاڭ اتقارۋدى ارناعا ٴتۇسىرۋدى، تەكسەرۋ قيمىلىن بارلاۋدى ورىستەتىپ، دەلوداعى داۋگەردىڭ زاڭدى ۇقىق - مۇددەسىن جانە دەلونىڭ ويداعىداي ٴبىر جاقتى ەتىلۋىن شىنايى قامتاماسىزداندىردى. قوعام حاۋىپسىزدىگى مەكەمەسىندە پروكۋراتۋرا كەڭسەسىنىڭ ورنالاستىرىلۋى − دەلو بىتىرەتىن حالىق ساقشىلارى جونىنەن ٴارى تەجەۋ، ٴارى شابىتتاندىرۋ رولىن اتقارىپ، ارىز - شاعىم ونىمدىلىگى مەن قوعام حاۋىپسىزدىگى تاراۋلارىنىڭ دەلو ٴبىتىرۋ ونىمدىلىگىن جوعارىلاتىپ، ٴادىليالىق وزىندىك قۇندى تومەندەتىپ، «پروكۋراتۋرا مەن ساقشى ىستەرىندە قوس تابىستى بولۋ» سىندى تاماشا ناتيجەگە قول جەتكىزدى. وسىدان كەيىن بۇل پروكۋراتۋرا تاعى اۋدان ورتالىعى ساقشى بولىمشەسى، قارادالا ساقشى بولىمشەسى سياقتى ورىنداردا ماڭدايشالىق اسىپ، پروكۋراتۋرا كەڭسەسىن قۇردى. سول جىلى 6 - ايدا باسقا اۋىل - قالاشىقتاردا دا ٴۇرتىس ماڭدايشالىق اسىپ پروكۋراتۋرا كەڭسەسىن قۇردى، بۇل تۇتاس اۋداندا قوعامدانعان جالپىلىق ساقتانۋ قىزمەتىنىڭ جاپپاي باستالعاندىعىن بەينەلەدى.

بۇل پروكۋراتۋرا باستان - اياق نەگىزگى ساتى ٴۇشىن قىزمەت ەتىپ، پروكۋراتۋرا جاۋاپكەرلىگىن ارقالاۋدى ٴتۇيىندى قىزمەت رەتىندە مىقتى يگەردى، نەگىزگى ساتى پروكۋراتۋرا كەڭسەسىن قۇرۋ ارقىلى زاڭدىق باقىلاۋدى كەڭەيتىپ، ٴتۇرلى قىزمەت وتەۋ قيمىلدارىن ورىستەتىپ، «جوعارىعا ارىزدانۋدى» «تومەننەن شىعارماۋعا» وزگەرتىپ، قوعامدىق قايشىلىقتاردى ٴونىمدى شەشىپ، بۇقارانىڭ ارىز - ارمانىنا يلانارلىق جاۋاپ قايتارىپ، بۇقارا وتباسىنىڭ ىرگەسىندەگى «پروكۋراتۋراعا» اينالدى.

پروكۋراتۋرا كەڭسەسى قۇرىلعاننان بەرى ٴتۇرلى كۇردەلى دەلولاردى ىرىقتىلىقپەن «الدىعا ورنالاستىرىپ» تەكسەرىپ، جىلىنا ورتا ەسەپپەن رەت سانى بويىنشا 50 دەن استام دەلونى تەكسەردى. سونىمەن بىرگە، قوعام حاۋىپسىزدىگى ورگانىنىڭ زاڭ اتقارۋ قيمىلىن باقىلاۋ - تەكسەرۋدى كۇشەيتتى. 2019 - جىلدان بەرى قوعام حاۋىپسىزدىگى ورگانى قىزمەتىنە جالپى 20 رەتتەن استام پروكۋرورلىق باقىلاۋ جۇرگىزىپ، 500 تومنان استام ٴتۇرلى قۇجاتتار توپتاماسىن تەكسەرىپ، 50  نۇسقادان ارتىق زاڭعا قايشىلىق جاساۋدى تۇزەتۋ حابارلاندىرۋىن ٴتۇسىردى. بۇل پروكۋراتۋرا پروكۋراتۋرا كەڭسەسىنىڭ «كوپىرلىك - دانەكەرلىك» رولىن ساۋلەلەندىرىپ، دەلونى ٴبىر جاقتى ەتۋدىڭ ونىمدىلىگى مەن ساپاسىن جوعارىلاتۋعا كۇش ۇستەپ، وبلىسقا توتە قاراستى ورىندارداعى پروكۋراتۋرا ورگاندارى بويىنشا الدىڭعى ورىننان بوي كورسەتتى.

بۇل پروكۋراتۋرا اۋدان كولەمىندەگى ەكى مەكتەپتەن پروكۋرورلار قىزمەت كەڭسەسىن قۇرىپ، قالاعان ۋاقىتتا زاڭمەن جونگە سالۋدى مەكتەپكە ەنگىزۋ، ازامات جاسىنا تولماعانداردىڭ ٴوسىپ - جەتىلۋىنە كوڭىل ٴبولۋ سياقتى قيمىلداردى ورىستەتىپ، ازامات جاسىنا تولماعانداردىڭ ٴوزىن قورعاۋ تانىمىن جانە زاڭدى ٴبىلۋ، زاڭدى ۇعىنۋ، زاڭعا بويسۇنۋ تانىمىن كۇشەيتتى، بىلتىر ماسەلەسى بار 18 وسپىرىمگە بىرگە - ٴبىر كومەكتەستى.

بىلتىر 11 - ايدىڭ 1 - كۇنى كوكسۋ اۋىلى كوكسۋ قىستاعى ٴتۇيىندى باستاۋىش مەكتەبىندە پروكۋرور قىزمەت كەڭسەسى قۇرىلىپ، سول كۇنى ازامات جاسىنا تولماعانداردىڭ قىلمىس وتكىزۋىنەن ساقتانۋ جانە ازامات جاسىنا تولماعانداردى قورعاۋ سياقتى زاڭ - ٴتۇزىم ۇگىت - تاربيەسى قيمىلىن ورىستەتتى. ابدۇعوپىر ابىلەت اتالعان مەكتەپتىڭ زاڭمەن جونگە سالۋ قىزمەتىنە جاۋاپتى ورىنباسار مەكتەپ باستىعى، اي سايىنعى زاڭدى مەكتەپ اۋلاسىنا جەتكىزۋ قيمىلى ونىڭ مىندەتتى ساباعى. سول جىلعى ماۋسىمدىق ەمتيحاننان كەيىن ول ٴمورالى جاقسى، وقۋ ناتيجەسى كورنەكتى 12 وقۋشىنى سيلاپ ماراپاتتادى.

ابدۇعوپىر ابىلەت بىلاي دەدى: پروكۋروردىڭ مەكتەپتەگى قىزمەت كەڭسەسى − ازامات جاسىنا تولماعاندارعا زاڭ ۇگىتىن جۇرگىزەتىن تەرەزەلىك، ازامات جاسىنا تولماعانداردىڭ ۇقىق - مۇددەسىن قورعايتىن ماڭىزدى بازا، ونىڭ جاۋاپكەرلىگى مەن ٴمانى كەلەلى ٴارى تەرەڭ. بۇدان كەيىن تۇتاس اۋداننىڭ 8 اۋىل - قالاشىعىنداعى مەكتەپتەرگە جاپپاي جالپىلاستىرىلادى.

شۋاققا تولى «كەمپىرقوساق پسيحولوگيا بولمەسى»

80 نەشە شارشى مەترلىك ٴبىر اۋىز بولمەنىڭ قابىرعاسىنا كەمپىرقوساق جانە كارتون سۋرەتتەر جاپسىرىلعان، مۇندا تاعى اقىل - ويدى دامىتۋعا پايدالى ويىنشىق، كىتاپ، سونداي - اق پسيحولوگيالىق سىناق جۇرگىزەتىن قۇم تاباق سياقتى زاتتار قويىلعان، ادامعا ەرەكشە جىلۋلىق سيلايدى. بۇل اڭگىمەلەسۋ كەڭسەسى ٴارى ازامات جاسىنا تولماعاندارعا پسيحولوگيالىق ٴجون سىلتەۋ كەڭسەسى − كەمپىرقوساق پسيحولوگيا كەڭسەسى.

ازامات جاسىنا تولماعاندار پروكۋرورلىعى اتالعان پروكۋراتۋرانىڭ ٴتۇيىندى كوزدە ۇستاعان قىزمەتى. 2015 - جىلدان بەرى بۇل پروكۋراتۋرا بۇكىل شينجياڭ بويىنشا تۇڭعىش مەكتەپ اۋلاسىن زاڭمەن جونگە سالۋ شاعىن راديوسىن جانە وبلىسقا توتە قاراستى ورىندارداعى پروكۋراتۋرا ورگاندارى بويىنشا تۇڭعىش ازامات جاسىنا تولماعاندارعا پسيحولوگيالىق ٴجون سىلتەۋ كەڭسەسىن، ازامات جاسىنا تولماعان زياندالۋشىلاردىڭ دەلوسىن «ٴبىر پۋنكت ۇلگىسىندە» ٴبىتىرۋ ورتالىعىن ىركەس - تىركەس قۇرىپ، بۇكىل شينجياڭ كولەمىندە ماسەلەسى بار وسپىرىمدەرگە كومەكتەسۋ - تاربيەلەۋ قىزمەتىن ٴبىرشاما ەرتە باستادى.

13 جاستاعى زياندالۋشى ميھىرگۇل (بۇركەنشىك ەسىمى) العاش وسىندا كەلگەنىندە بۇرىشتا جىم - جىلاس وتىراتىن، ارىق تا نازىك ونىڭ كىرپىگى دە قيمىلدامايتىن، كورگەن كىسىنىڭ جانى اشيتىن ەدى. اتا - اناسى ۇزاق ۋاقىت ۇيىندە بولماعان ول جەزدەسى جاعىنان كوپ رەت باسقىنشىلىققا ۇشىراپ، سوڭىندا اۋىر اياق بولىپ قالادى. وتباسىنداعىلارى بۇل ىستەن حاباردار بولعان سوڭ وعان سۋىق قاباق تانىتادى. قورلانعان ول ٴوزىن جازىم ەتۋ ويىنا دا كەلەدى. «ونىمەن پسيحولوگيالىق قۇم تاباق ويىنىن ويناۋ بارىسىندا وعان ۇشتىك، جەتىلىك قاعيدا بويىنشا پسيحولوگيالىق جاقتان ٴجون سىلتەدىم، ۇنەمى ۇيىنە بارىپ، سىرلاسىپ، اڭگىمەلەستىم، وسىلايشا ول قاراڭعىلىقتان اقىرىن - اقىرىن قۇتىلدى. ورتالاۋ مەكتەپتى بىتىرگەن كەزىندە ماعان قۇلجا قالاسىنداعى ٴمالىم ٴبىر ٴتۇيىندى ورتا مەكتەپكە وتكەنىن ايتىپ، كەلتە حات جولداپتى. مەن ونى قۇتقاردىم، ول قالىپتى ادامدارداي تۇرمىس كەشىرەتىن بولدى. قۇلشىنا ۇيرەنسە، جاقسى ٴبىر مەكتەپكە تۇسەدى» دەدى 1 - دارەجەلى پروكۋرور، مەملەكەتتىك 3 - دارەجەلى پسحيكالىق كەڭەسشى جىڭ يانليڭ.

15 جاسار شيە x كورشىسىنىڭ دۇكەنىنىڭ ەسىگىن شاعىپ، ىشىندەگى بارلىق ناق اقشانى الىپ كەتەدى، حالىق ساقشىسى ونى توراپحانادان قولعا تۇسىرەدى. ول بىرەۋدىڭ ەركە وسكەن جالعىز ۇلى ەدى، اكەسى جىل بويى باسقالاردىڭ مالىن باعىساتىن دا، وتباسى تاربيەسى كەمشىل بولاتىن. پروكۋرور شيە x كە جان - جاقتى قوعامدىق تەكسەرۋ جۇرگىزىپ، وتباسى جاعدايى، ٴوسۋ بارىسى، دارالىق ەرەكشەلىگى سياقتىلارعا نەگىزدەلە وتىرىپ، ونىڭ دەلو تۋدىرۋ سەبەبىنە تالداۋ جاساپ، وعان ٴبىر رەت ٴوزىن وزگەرتۋ ورايىن بەرىپ، شارتتى ايىپتاماۋ قارارىن شىعارىپ، 6 اي ۋاقىت تەكسەرىپ كورەدى ٴارى ىزىنە ٴتۇسىپ باقىلاپ وتىرادى. كومەكتەسىپ تاربيەلەۋ، پسيحولوگيالىق جاقتان ٴجون سىلتەۋدىڭ ارقاسىندا شيە x بەلسەندىلىكپەن وزگەرەدى. بيىل 19 جاستاعى ول اۋدان ورتالىعىنداعى ٴبىر اسحانادا اسپازدىق ىستەيدى، ايلىق ەڭبەكاقىسى 4 مىڭ يۋان.

2016 - جىلى كەمپىرقوساق پسيحولوگيا كەڭسەسى قۇرىلعاننان بەرى بۇل پروكۋراتۋرا ازامات جاسىنا تولماعان 60 زياندالۋشىعا ٴادىليالىق كومەك جانە پسيحولوگيالىق جەتەكشىلىك جاساپ، ولارعا تىڭ تۇرمىس سيلادى.

جىڭ يانليڭ بىلاي دەدى: «ازامات جاسىنا تولماعاندارعا پسيحولوگيالىق جەتەكشىلىك ەتۋدە شىنايى سۇيىسپەنشىلىك پەن سابىر بولۋى كەرەك، بۇل ٴبىر ۇجدان ينجەنەرياسى. بۇدان كەيىن ٴبىز تاعى قوعامدىق قىزمەتكەر سياقتى كۇشتەرمەن بىرلەسىپ، زاڭ جالپىلاستىرۋ قيمىلىن بار كۇشپەن ورىستەتىپ، زاڭدى مەكتەپتەرگە، اۋىل - قىستاقتارعا جەتكىزىپ، شەت - شالعاي مال شارۋاشىلىق وڭىرلەرىنە دەيىن زاڭ جالپىلاستىرىپ، ازامات جاسىنا تولماعانداردىڭ قىلمىس وتكىزبەۋىنە، زيانكەستىككە ۇشىراماۋىنا شارت - جاعداي ازىرلەيمىز».

اتالعان پروكۋراتۋرا «ادامدى نەگىز ەتۋ، حالىق ٴۇشىن زاڭ اتقارۋ» قىزمەت تانىمىندا تاباندى بولىپ، پارتيا تاريحىن ۇيرەنۋ تاربيەسى مەن ساياسي - زاڭ قوسىنىن تاربيەلەۋ - رەتتەۋ قيمىلىن ىشكەرىلەي ورىستەتىپ، ستيل قۇرىلىسىن كۇشەيتتى. جۋىق جىلداردان بەرى بىردە - ٴبىر كادر - ساقشى زاڭ - تۇزىمگە قايشىلىق جاسامادى. كاسىپتىك قىزمەت جاعىندا قاتە قولعا الۋ، قولعا الۋعا ٴتيىستى ادام قولعا الىنباي قالۋ، ايىپتالعان دەلوعا قىلمىسسىز دەپ ۇكىم شىعارىلۋ جاعدايى تۋىلمادى. پروكۋراتۋرا پارتگرۋپپاسىنىڭ شۋجيى، ورىنباسار باس پروكۋرور گو شياۋدۇڭ بىلاي دەدى: «بۇدان بىلاي ٴبىز ەڭ جوعارى حالىق پروكۋراتۋراسى العا قويعان <ساياسيدى دارىپتەۋ، جالپى جاعدايمەن ساناسۋ، دامۋدى كوزدەۋ، ٴوزىن الۋەتتەندىرۋگە باسا ٴمان بەرۋ> تالابى بويىنشا، باتىلدىقپەن ىزدەنىس جاساپ، ۇزدىكسىز العا ىلگەرىلەپ، قوعامدىق ادىلدىكتى قورعايمىز».