汉文 ىلە اقپارات تورابىنا حوش كەلدىڭىزدەر!
وبلىسقا توتە قاراستى ورىندار جەلىدە وتباسى تاربيەسى ارناۋلى تاقىرىبىندا لەكسيا وتكىزدى
2022-03-01 16:16:07     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

ٴتىلشىمىز ياڭ جيڭ - ي حابارلايدى. 2 - ايدىڭ 25 - كۇنى وبلىستىق وقۋ - اعارتۋ مەكەمەسى وبلىسقا توتە قاراستى ورىندارداعى وقۋ - اعارتۋ جۇيەسىن ۇيىمداستىرىپ، جەلىدە وتباسى تاربيەسى ارناۋلى تاربيە لەكسياسىن وتكىزىپ، قالىڭ وقىتۋشىلار مەن اتا - انالاردىڭ نازارىن ايرىقشا اۋدارىپ، قاتىناسقان ادام سانى رەت سانى بويىنشا 429 مىڭعا جەتكەن.

وسى رەتكى قيمىلدا وبلىستىق وقۋ - اعارتۋ مەكەمەسى شينجياڭ تاينىڭ تاربيەلەۋ مەكتەبىمەن بىرگە، بەيجيڭ پەداگوگيكا داشۋەسى وتباسى تاربيەسى جەتەكشىسى، تاربيەلەۋ لەكتورى، مەملەكەتتىك پسيحولوگيالىق اقىل - كەڭەسشى ليۋ بيندى ۇسىنىس ەتىپ، «وتباسى تاربيەسىن جەبەۋ زاڭىنا تۇسىنىك − <زاڭ بويىنشا بالا تاربيەلەۋدەگى> ٴۇشتى ىستەۋ، ٴۇشتى ىستەمەۋ» تاقىرىبىندا ارناۋلى لەكسيا جاسادى.

تىكە تارالىمداعى لەكسيادا، وقىتۋشىلار مەن اتا - انالار ماماندارمەن بەلسەنە پىكىر الماستىردى. قۇلجا قالالىق 24 - باستاۋىش مەكتەپتىڭ وقىتۋشىسى جاڭ مين بىلاي دەدى: وسى رەتكى ارناۋلى تاقىرىپتىق لەكسيادا، وقىتۋشىلار مەن اتا - انالار وتباسى تاربيەسى جونىندە تىڭ تانىمعا يە بولدى.

«جۇڭحۋا حالىق رەسپۋبليكاسىنىڭ وتباسى تاربيەسىن جەبەۋ زاڭى» اتقارىلعاننان بەرى وبلىسقا توتە قاراستى وقۋ - اعارتۋ جۇيەسى ۇيرەنۋدى بەلسەنە  ۇيىمداستىرۋدى ٴارى دايەكتىلەندىرۋدى، تياناقتاندىرۋدى ويداعىداي يگەرىپ، «ەكىنى ازايتۋ» ساياساتىن ويداعىداي تياناقتاندىرۋمەن بىرگە، اتا - انالاردى، مەكتەپتەردى وتباسى تاربيەسىن جەبەۋ زاڭىنىڭ تياناقتانۋىن بەلسەنە ويداعىداي ىستەۋگە جەتەكتەپ، وتباسى، مەكتەپ، قوعام سەلبەسىپ تاربيەلەۋ ۇلگىسىن قالىپتاستىرۋداعى ىزدەنىستى ىلگەرىلەتتى.