汉文 ىلە اقپارات تورابىنا حوش كەلدىڭىزدەر!
اۆتونوميالى وبلىس «بۇقارا كورسەتكەندى تەكسەرۋ» بويىنشا ازىق - تۇلىكتەن ۇلگى الىپ تەكسەرۋ قيمىلىن ورىستەتتى
2022-03-18 17:15:42     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

图为:工作人员邀请市民参加食品安全“你点我检”调研问卷.JPG

سۋرەتتە: قىزمەتكەرلەر قالا تۇرعىندارىن ازىق - تۇلىك حاۋىپسىزدىگىندەگى «بۇقارا كورسەتكەندى تەكسەرۋ» سۇراۋلارىنا جاۋاپ بەرۋگە ۇسىنىس ەتۋدە.

لي يافىڭ فوتوسى


ٴتىلشىمىز لي يافىڭ حابارلايدى.حالىق جۇرتشىلىعىنىڭ ازىق - تۇلىك حاۋىپسىزدىگىنە كەپىلدىك ەتۋ ٴۇشىن، 3 - ايدىڭ 14 - كۇنى وبلىستىق بازاردى باقىلاۋ - باسقارۋ مەكەمەسىنىڭ ازىق - تۇلىكتى جەدەل تەكسەرۋ اۆتوكولىگى قۇلجا قالالىق تيانشان كوشەسى ۋنيۆەرسالدى اۋىل شارۋاشىلىق ونىمدەرى ساۋدا بازارىنا بارىپ، قالا تۇرعىندارىنا ناق مايداندا كوكونىس، جەمىس تۇرىندەگى اۋىل شارۋاشىلىق ونىمدەرىنىڭ قۇرامىنداعى ەگىس دارىلەرىنىڭ قالدىعىن اقىسىز تەكسەردى.

سول كۇنى قۇلجا قالالىق تيانشان كوشەسى ۋنيۆەرسالدى اۋىل شارۋاشىلىق ونىمدەرى بازارىنىڭ اۋزىندا وبلىستىق بازاردى باقىلاۋ - باسقارۋ مەكەمەسىنىڭ قىزمەتكەرلەرى وسى ارادان وتكەن جۇرگىنشىلەرگە ازىق - تۇلىك حاۋىپسىزدىگى بىلىمدەرىن ۇگىتتەپ، قالا تۇرعىندارىن ازىق - تۇلىك حاۋىپسىزدىگىندەگى «بۇقارا كورسەتكەندى تەكسەرۋ» بويىنشا تەكسەرۋ، زەرتتەۋ سۇراۋلارىنا جاۋاپ بەرۋگە ۇسىنىس ەتىپ، ولارعا ازىق - تۇلىكتى جەدەل تەكسەرۋ بارىسىن ناق مايداندا كورسەتىپ، ازىق - تۇلىك حاۋىپسىزدىگىن باقىلاۋ - تەكسەرۋگە بەلسەنە ات سالىستى. بازارعا كىرەتىن جول اۋزىنا توقتاتىلعان ازىق - تۇلىكتى جەدەل تەكسەرۋ اۆتوكولىگىنە ىلىنگەن «بۇقارا كورسەتكەندى تەكسەرىپ، ازىق - تۇلىك حاۋىپسىزدىگىنەن ورتاق يگىلىكتەنۋ» دەگەن جازۋ جازىلعان كەرمە تۋ ەرەكشە كوزگە تۇسەدى. اۆتوكولىك ىشىندە ازىق - تۇلىك تەكسەرۋ قىزمەتكەرلەرى كوكونىس، جەمىس تۇرىندەگى اۋىل شارۋاشىلىق ونىمدەرىن مۇقيات تەكسەرىپ جاتىپتى.

«تۇتىنۋشى يۇي ۋىنحاۋ اكەلگەن شامگۇل ساباعى، ساڭىراۋقۇلاق سياقتى كوكونىستەردە ەگىس ٴدارىسى قالدىعى بار - جوقتىعىن، حاۋىپسىز تۇتىنۋعا بولاتىن - بولمايتىندىعىن تەكسەردىك» دەدى وبلىستىق بازاردى باقىلاۋ - باسقارۋ مەكەمەسى ازىق - تۇلىك حاۋىپسىزدىگىن باقىلاۋ - باسقارۋ باسقارماسىنىڭ كادرى جاڭ حۋان. ول تاعى بىلاي دەدى: «تۇتىنۋشىلار كوكونىس، جەمىس تۇرلەرىن تەكسەرتۋگە اكەلسە، ادەتتە الدىمەن جەدەل تەكسەرەمىز، ونان سوڭ ازىق - تۇلىكتى تەكسەرۋ، ساراپتاۋ كاسىپتىك تاجىريبەحاناسىندا تەكسەرەمىز ٴارى تەكسەرۋ، ساراپتاۋ ناتيجەسىن بازاردىڭ كورنەكتى ورنىنا ٴىلىپ، جۇرتقا جاريا ەتىپ، قوعامنىڭ باقىلاۋىن قابىلدايمىز».

ۇعىسۋىمىزشا، «15 - ناۋرىز» حالىقارالىق تۇتىنۋشىلاردىڭ ۇقىق - مۇددەسىن قورعاۋ كۇنى وبلىستىق بازاردى باقىلاۋ - باسقارۋ مەكەمەسى بۇقارا باسا نازار اۋدارعان، تۇتىنۋ مولشەرى جوعارى ٴتۇيىندى ازىق - تۇلىكتەردى نەگىز ەتىپ، «جەلىدە + جەلى سىرتىندا»، «بۇقارا كورسەتكەندى تەكسەرۋ» فورماسىنداعى ۇلگى الىپ تەكسەرۋدى ورىستەتىپ، «بۇقارا كورسەتكەن ٴتۇيىندى تۇرلەردەن ۇلگى الۋدى، بۇقارانى الاڭداتقان تۇرلەردى تەكسەرۋدى» شىنايى ورىنداعان. بۇل رەتكى «بۇقارا كورسەتكەندى تەكسەرۋ» قيمىلى نەگىزىنەن اۋىل شارۋاشىلىق بازارلارىندا ورىستەتىلگەن، بۇدان بىلاي قياق كۇرىش مەرەكەسى، ورتا كۇز مەرەكەسى، ازىق - تۇلىك حاۋىپسىزدىگى ۇگىت اپتالىعى سياقتى كەزدەردە ەرەن بازار، مەكتەپ سياقتى ٴتۇيىندى سالالاردا ورىستەتىپ، الۋان ٴتۇرلى، ٴونىمدى ازىق - تۇلىك حاۋىپسىزدىگىن باقىلاۋ - باسقارۋ فورماسىن قولدانۋ ارقىلى «بۇقارا كورسەتكەندى تەكسەرۋ» قىزمەتىن ۇدايىلاندىرۋدى ۇزدىكسىز ىلگەرىلەتىپ، جالپى الەۋمەتتىك ازىق - تۇلىك حاۋىپسىزدىگىنە نازار اۋدارۋ، ات سالىسۋ جانە سەزىنۋ ورەسىن اناعۇرلىم جوعارىلاتىپ، ازىق - تۇلىك حاۋىپسىزدىگىن جونگە سالۋ جۇيەسىن جانە جونگە سالۋ قابىلەتىن وسىزامانداندىرۋدى ىلگەرىلەتىپ، بىرگە قۇرىپ، بىرگە جونگە سالاتىن، ورتاق يگىلىكتەنەتىن ازىق - تۇلىك حاۋىپسىزدىگىنىڭ تاماشا قوعامدىق اۋقىمى قالىپتاستىرىلادى ەكەن.