ٴتىلشىمىز جاڭ جينفىڭ حابارلايدى. 3 - ايدىڭ 14 - كۇنى ٴتىلشىنىڭ ىلە وبلىستىق بازاردى باقىلاۋ - باسقارۋ مەكەمەسىنەن ۇعىسۋىنشا، 2021 - جىلعى ارىز - شاعىم جاعدايىنا نەگىزدەلگەندە اس - سۋ جانە قوناقجاي قىزمەت وتەۋى، ادەتتەگى ازىق - تۇلىك، قاتىناس قۇرالدارى، كيىم - كەشەك، اياق كيىم، باس كيىم سياقتى 10 ٴىرى كاسىپ تۇتىنۋشىلار ارىز - شاعىمىنداعى قىزۋ تۇيىنگە اينالعان.

ساندى مالىمەتتە كورسەتىلۋىنشە، اس - سۋ مەن قوناقجاي قىزمەت وتەۋى تۇتىنۋ ارىز - شاعىمىنداعى 1 - قىزۋ تۇيىنگە اينالىپ، ارىز - شاعىم ٴبىر مىڭ 125 كە جەتىپ، جالپى ارىز - شاعىم مولشەرىنىڭ %13.36 ىن يەلەگەن. نەگىزگى ماسەلە − تۇتىنۋشى قوناق ۇيگە تاپسىرىس بەرگەننەن كەيىن قوناقجايعا كەلگەندە كەلىسىم بويىنشا تاپسىرىس بەرگەن قوناق ۇيمەن قامداماۋ؛ تاماقتانعاندا تۇتىنۋشىعا ايتپاي قاتىستى قاراجاتتاردى الۋ؛ تۇتىنۋشى ازىق - تۇلىك ساتىپ العاندا، ىشىنە بوگدە زات، جالعان زات ارالاستىرۋ سياقتىلار ەكەن.

ادەتتەگى ازىق - تۇلىك ارىز - شاعىمى 2 - ورىندى يەلەپ، 849 عا جەتىپ، جالپى ارىز - شاعىم مولشەرىنىڭ %10.09 ىن يەلەگەن. نەگىزگى ماسەلە − ساۋدا ورىندارىنىڭ ساپاسى وزگەرگەن، ۋاقىتى وتكەن، بوگدە زات قوسىلعان ازىق - تۇلىكتەردى ساتۋى؛ ازىق - تۇلىكتىڭ قوراپتالۋى، جاپسىرىلعان بەلگىسى ولشەمدى بولماۋ، جالعان بەلگى جاپسىرىپ، كوز بوياۋشىلىق ىستەۋ سياقتىلار.

قاتىناس قۇرالدارى تۇرىندەگى ارىز - شاعىم 3 - ورىندى يەلەپ، 666 عا جەتىپ، جالپى ارىز - شاعىم مولشەرىنىڭ %7.91 ىن يەلەگەن. نەگىزگى ماسەلە − ساۋدا ورىندارى «ۇشكە كەپىلدىك ەتۋ» بورىشىن، كەلىسىمدە بەلگىلەنگەن جاۋاپكەرشىلىگىن اتقارماۋ، اۆتوكولىك اينەگى، موتورى، دوڭگەلەگى جانە باسقا بولشەكتەرىندە ساپا ماسەلەسى بايقالعاندا ساۋدا ورنى ۋاعىندا ٴبىر جاقتى ەتپەۋ نەمەسە ٴبىر جاقتى ەتۋ ۋاقىتىن كەشەۋىلدەتۋ؛ زورلىقپەن كەپىل اقشا الۋ جانە ونى قايتارماۋ؛ ساۋدا ورىندارى كەلىسىمدە بەلگىلەنگەن قيمىل مازمۇندارىن (سيلىق بۇيىمدارىن تاراتۋ) تولىق تياناقتاندىرماۋ سياقتىلار.

كيىم - كەشەك، باس كيىم، اياق كيىم تۇرىندەگى ارىز - شاعىم 4 - ورىندى يەلەپ، ٴبىر جىلدا 653 كە جەتىپ، جالپى ارىز - شاعىم مولشەرىنىڭ %7.76 ىن يەلەگەن. نەگىزگى ماسەلە − ٴىشىنارا كيىم - كەشەك، اياق كيىم، اسەمونەر بۇيىمى سياقتىلاردى ساپاسى تومەن ماتەريالدان ٴجونسال جاساۋ؛ تۇتىنۋشى ساتىپ العان كيىم - كەشەكتەردە كوپ ۇزاماي جىرتىلۋ، ٴوڭى ٴتۇسۋ، تۇيىرتپەكتەلۋ سياقتى ماسەلە بايقالۋ؛ اياق كيىمدەردە جەلىمى اشىلۋ، سۋ ٴوتۋ جاعدايى بايقالۋ سياقتىلار.

مادەنيەت، كوڭىل اشۋ، دەنە تاربيە قىزمەت وتەۋ تۇرىندەگى ارىز - شاعىم 5 - ورىندى يەلەپ، جالپى 473 ارىز - شاعىم قابىلدانىپ، جالپى ارىز - شاعىم مولشەرىنىڭ %5.62 ىن يەلەگەن. نەگىزگى ماسەلە − قىزمەت وتەۋ ساپاسىنا ريزا بولماۋ، ساۋدا ورنى ۋادەسىنە ساي باعا ەسەپتەمەۋ؛ اۆانس كارتوچكاسىن تۇتىنۋ بارىسىندا ٴىشىنارا ساۋدا ورىندارى تيجارات توقتاتۋ، وتكەرمەلەۋ، كوشۋ سياقتى جاعدايلاردى تۇتىنۋشىلارعا ۋاعىندا قۇلاق قاعىس ەتپەۋ، تۇتىنۋشى ساۋدا ورنىن ىزدەپ تابا الماي، ۇقىعىن قورعاۋى قيىنعا ٴتۇسۋ سياقتىلار.

ٴۇي جيھازدارى تۇرىندەگى ارىز - شاعىم 6 - ورىندى يەلەپ ٴبىر جىلدا جالپى 373 ارىز - شاعىم قابىلدانىپ، جالپى ارىز - شاعىم مولشەرىنىڭ %4.43 ىن يەلەگەن. نەگىزگى ماسەلە − تۇتىنۋشى تاپسىرىس بەرگەن ٴۇي جيھازدارىن تاپسىرىپ العاندا اسىلىندەگى زاتپەن ۇلگىسى، ماتەريالى، رەڭى بىردەي بولماۋ؛ ساۋدا ورنى كەلىسىم بويىنشا ۋاعىندا زات جەتكىزبەۋ نەمەسە جەتكىزگەن زاتى كەلىسىمدەگى تالاپتارعا ۇيلەسپەۋ؛ ساۋدا ورنى «ۇشكە كەپىلدىك ەتۋ» بورىشىن اتقارماۋ سياقتىلار.

وقۋ - اعارتۋ، تاربيەلەۋگە قىزمەت وتەۋ تۇرىندەگى ارىز - شاعىم 7 - ورىندى يەلەپ، ٴبىر جىلدا جالپى 368 ارىز - شاعىم قابىلدانىپ، جالپى ارىز - شاعىم مولشەرىنىڭ %4.37 ىن يەلەگەن. نەگىزگى ماسەلە تاربيەلەۋ قاراجاتىن انىق بەلگىلەمەۋ، تومەن ولشەمدى ايتىپ، جوعارى اقى الۋ، تاربيەلەۋ توقتامىندا ۇيلەسىمسىز، تارماقتار بولۋ سياقتىلار.

جاساۋ، قورعاۋ جانە رەمونتتاۋ تۇرىندەگى ارىز - شاعىم 8 - ورىندى يەلەپ، ٴبىر جىلدا جالپى 289 ارىز - شاعىم قابىلدانىپ، جالپى ارىز - شاعىم مولشەرىنىڭ %3.4 ىن يەلەگەن. نەگىزگى ماسەلە − اۆتوكولىك ساتىپ العاننان كەيىنگى رەمونتتاۋعا قىزمەت وتەۋ ورىندارى رەمونتتاۋ ۋاقىتىن كەشەۋىلدەتۋ، رەمونتتاماۋ، رەمونتتاۋ باعاسى اشىق بولماۋ، الباتى اقى الۋ، تەك بولشەكتەردى عانا اۋىستىرىپ، رەمونتتاۋدان باس تارتۋ، اسىلگى زاۆودتىڭ بولشەكتەرىن ىستەتپەي، ساپاسىز بولشەك ىستەتىپ، كوز بوياۋشىلىق ىستەۋ؛ اۆانس كارتوچكاسى ارقىلى اقى تاپسىرۋدى سەبەپسىز تويتارۋ، رەمونتتاۋ بارىسىندا بولشەكتەردى ٴبۇلدىرۋ سياقتىلار.

اجارلاندىرۋ، شاشتارازدىق، مونشا قىزمەت وتەۋ تۇرىندەگى ارىز - شاعىم 9 - ورىندى يەلەپ، ٴبىر جىلدا قابىلدانعان ارىز - شاعىم 288 گە جەتىپ، جالپى ارىز - شاعىمنىڭ %3.42 ىن يەلەگەن. نەگىزگى ماسەلە − ساۋدا ورىندارىنىڭ بەلگىلەمەنى كولدەنەڭ تارتىپ، جاۋاپكەرشىلىكتەن تايساقتاۋى، ساۋدا ورنىنىڭ جابىلۋى نەمەسە باسقالارعا وتكەرمەلەۋ سالدارىنان اۆانس كارتوچكاسىن بىتىرگەندەر قىزمەت وتەۋدەن يگىلىكتەنە الماۋ؛ قىزمەت ەتۋدى قابىلداعان كەزدە تۇتىنۋشىنىڭ باس اماندىعى، مال - مۇلكى زياندالۋ؛ قىزمەت ەتۋ باعاسى انىق بولماۋ، انىق باعا بەلگىلەمەۋ، جاسىرىن اقى ۇستەمەلەۋ سياقتىلار.

وتباسى ەلەكتر جابدىقتارى جونىندەگى ارىز - شاعىم 10 - ورىندى يەلەپ، ٴبىر جىلدا جالپى 260 ارىز - شاعىم قابىلدانىپ، جالپى ارىز - شاعىم مولشەرىنىڭ %3.09 ىن يەلەگەن. نەگىزىنەن ساۋدا ورنى «ۇشكە كەپىلدىك ەتۋ» بورىشىن اتقارماۋ، ٴونىم ساپاسى ٴونىم تۇسىندىرمەسىنە، ناقتى ۇلگى زات ايگىلەگەن ساپا جاعدايىنا ساي كەلمەۋ؛ ٴونىمنىڭ جوبالانۋى ۇيلەسىمسىز، ساپاسى تولىمسىز، ەسكەرتپە ينفورماتسيالارى تولىق بولماۋ سياقتى سەبەپتەردەن تۇتىنۋشىنىڭ زاقىمدالۋى؛ ساۋدا ورنى توقتام بەلگىلەمەلەرى ارقىلى تۇتىنۋشىنىڭ جاۋاپكەرشىلىگىن اۋىرلاتۋ سياقتىلاردى.