− جاڭا جاعداي اشۋ، وزگەرىسكە نازار سالۋ جەلىلەس شولۋى (1)

 انار بۇلت / شينجياڭ گازەتىنىڭ ءتىلشىسى سۇي يۇنيان

”زاڭمەن باسقارىلاتىن شينجياڭ، زاڭمەن باسقارىلاتىن ۇكىمەت، زاڭمەن باسقارىلاتىن قوعام قۇرۋ“، ”قالا باسقارۋ جۇيەسى مەن باسقارۋ قابىلەتىن وسىزامانداندىرۋدى جەدەل ىلگەرىلەتۋ“، ”شينجياڭدى زاڭمەن باسقارۋدا باسشى كادرلار سىندى ’شەشۋشى ازشىلىقتى‘ مىقتى ۇستاۋ“، ”ىزگى زاڭمەن ۇتىمدى باسقارۋ ارقىلى ءار ۇلت بۇقاراسىنىڭ جوعارى ساپالى تۇرمىسىن قورعاۋ“...

وسى كوكتەمدە ”زاڭمەن باسقارۋ“ شينجياڭداعى ءبىرتالاي كىندىك سوزدەردىڭ ىشىندەگى ”جوعارى جيىلىكتى سوزگە“ اينالدى. اۆتونوميالى رايون بيىل اشقان كوپتەگەن ماڭىزدى ماجىلىستەر شينجياڭدى زاڭمەن باسقارۋدى اناعۇرلىم كورنەكتى ورىنعا قويىپ، مەملەكەتتى جاپپاي زاڭمەن باسقارۋ تالابىن شينجياڭ قىزمەتىنىڭ ءار سالاسىندا تياناقتاندىرۋدى باسا دارىپتەدى.

”ىندەتتەن زاڭ بويىنشا، عىلمي، دالمە - ءدال ساقتانۋ“، ”زاڭمەن باسقارىلاتىن شارۋاشىلىق - ساۋدا ورتاسىن قالىپتاستىرۋ“، ”’تومەنگە بەرۋ، باسقارۋ، قىزمەت وتەۋ‘ اناعۇرلىم كوپ قولايلىلىق اكەلدى“... بۇگىنگى تاڭدا تيانشان الابىندا جۇرتشىلىق قىزۋ تالقىلاپ جاتقان تاقىرىپتاردىڭ ءبىرتالايى زاڭمەن باسقارۋ قۇرىلىسى اكەلگەن جاڭا وزگەرىستەرگە، جاڭا لەپتەرگە بايلانىستى بولدى.

”جوعارى جيىلىكتى ءسوزدىڭ“ جوعارى قۇنى باسشى كادرلاردىڭ زاڭمەن باسقارۋ تانىمى مەن زاڭمەن باسقارۋ ويىنىڭ جوعارىلاۋىندا ايگىلەندى، تاماشا زاڭمەن باسقارۋ ورتاسى نەگىزىندە كاسىپورىنداردىڭ، بۇقارانىڭ دامۋ، شارۋاشىلىق قۇرۋ سەنىمىنىڭ ونان ارى نىعايا تۇسكەندىگىندە ايگىلەندى.

جاڭا داۋىردەگى پارتيانىڭ شينجياڭدى جونگە سالۋ جالپى جوباسىندا شينجياڭدى زاڭمەن باسقارۋدىڭ ماڭداي الدى ورىندا تۇرۋى زاڭمەن باسقارۋدىڭ شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋداعى ماڭىزدى ىرگە تاس ەكەندىگىن تولىق تۇسىندىرەدى.

جۋىقتا «شينجياڭ ۇيعۇر اۆتونوميالى رايونىنىڭ اۋىل - قىستاقتى گۇلدەندىرۋدى جەبەۋ ەرەجەسى» جاريالاندى، بۇل اۆتونوميالى رايوندىق حالىق قۇرىلتايى تۇراقتى كوميتەتى 2022 - جىلعى زاڭ شىعارۋ قىزمەتى جوسپارىن جاساعاننان كەيىن ماقۇلداعان العاشقى زاڭ ەرەجە سانالادى.

بيىل رايونىمىز جالپى 56 زاڭ شىعارادى، مۇنىڭ ىشىندە ەكونوميكانىڭ جوعارى ساپالى دامۋىن جەبەۋ جاعىندا 15، حالىق تۇرمىسىن كۇش سالا قامتاماسىز ەتۋ جانە جاقسارتۋ جاعىندا 24 زاڭ قابىلدانادى. زاڭ شىعارۋدىڭ قامتۋ كولەمىنىڭ كەڭ بولۋى ”ەكىنى ءبىر تۇتاس جوسپارلاۋدىڭ“ ديالەكتيكالىق قاتىناسىن ايگىلەدى.

جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋگە تاباندى بولىپ، اۆتونوميالى رايوندىق پارتكومنىڭ وزەكتى قىزمەتىن تىعىز ارقاۋ ەتىپ، ءتۇرلى قىزمەتتەردىڭ وزەك پەن كەلەلى جاعدايدى اناعۇرلىم ويداعىداي ارقاۋ ەتۋىنە مۇمكىندىك جاساۋ بيىلعى زاڭ شىعارۋ قىزمەتىنىڭ جەتەكشى يدەياسى.

رەفورمانىڭ، دامۋدىڭ قاجەتىن حالىقتىڭ دامۋ جەتىستىكتەرىنەن تەڭ يگىلىكتەنۋىن قامتاماسىز ەتۋمەن ورگانيكالى بىرلەستىرىپ، حالىق بۇقاراسىنىڭ شينجياڭدى زاڭمەن باسقارۋ قۇرىلىسىنا دەگەن ءۇمىت - تىلەگىنە بەلسەنە جاۋاپ بەرىپ، ءىس جۇزىندىككە ۇيلەسەتىن زاڭ شىعارۋ، ءونىمدى، جارامدى زاڭ شىعارۋ، بۇقارا قولدايتىن زاڭ شىعارۋ شينجياڭنىڭ زاڭمەن باسقارۋ دەڭگەيىن ۇزدىكسىز جوعارىلاتادى.

2 - ايدىڭ 24 - كۇنى اۆتونوميالى رايوندىق پارتكومنىڭ شينجياڭدى جاپپاي زاڭمەن باسقارۋ كوميتەتىنىڭ 2022 - جىلعى 2 - رەتكى ءماجىلىسى جانە زاڭنان ەسەپ بەرۋ ءماجىلىسى اشىلدى. ءماجىلىس تاجىريبە اۋىستىرىپ، ماسەلەلەردى تاۋىپ، قىزمەتتەردى جاقسارتىپ، زاڭمەن باسقارىلاتىن شينجياڭ قۇرىلىسىنىڭ دەڭگەيىن جوعارىلاتۋدى ىلگەرىلەتتى.

بۇل 14 ايماق، وبلىس، قالاداعى پارتيا، ۇكىمەت ورىندارىنداعى نەگىزگى جاۋاپتى جولداستاردىڭ ءبىرىنشى رەت زاڭنان ەسەپ بەرۋى سانالادى. ءار دارەجەلى باسشى كادرلار باستاماشىلدىقپەن زاڭمەن باسقارۋعا قۇرمەت ەتىپ، زاڭنان يمەنىپ، باستاماشىلدىقپەن زاڭدى ءتۇسىنىپ، زاڭدى يگەرىپ، باستاماشىلدىقپەن زاڭمەن باسقارۋدى قاتاڭ اتقارىپ، زاڭمەن باسقارۋدى قورعاپ، ءىس تىندىرماۋدى، الباتى ىستەۋدى باتىل تۇزەتىپ، ماسەلەلەردى شىن مانىندە دەن قويا زەرتتەپ، ماسەلەلەردى شەشىپ، قىزمەتتەردى ىلگەرىلەتسە بولعانى، جوعارى دەڭگەيدەگى زاڭمەن باسقارۋ ارقىلى شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدى ىلگەرىلەتە الادى.

«قارامايلى قالاسىنىڭ اكىمشىلىك زاڭ اتقارۋدى باقىلاۋ ءادىسى» بيىل 4 - ايدىڭ 1 - كۇنىنەن باستاپ اتقارىلادى. وسىدان كەيىن قارامايلى قالاسىندا اكىمشىلىك زاڭ اتقارۋدى باقىلاۋ ناتيجەسى زاڭمەن باسقارىلاتىن ۇكىمەت قۇرىلىسىنداعى ءبىرىنشى جاۋاپتى ادامنىڭ قىزمەت اتقارۋ جاعدايىن قاداعالاۋ - تەكسەرۋدىڭ، زاڭمەن باسقارۋ قۇرىلىسىن باعالاۋدىڭ ماڭىزدى مازمۇنى ەتىلىپ، جىلدىق قىزمەت ناتيجەسىن باعالاۋعا ەنگىزىلەدى.

اكىمشىلىك زاڭ اتقارۋدى باقىلاۋدى كۇشەيتۋ − زاڭعا قايشى نەمەسە ورىنسىز اكىمشىلىك زاڭ اتقارۋ ارەكەتتەرىنەن ساقتانۋ جانە ونى تۇزەتۋدىڭ ءونىمدى جولى، سونداي - اق زاڭمەن باسقارىلاتىن شارۋاشىلىق - ساۋدا ورتاسىن تۇلعالاۋدىڭ، زاڭ بويىنشا اكىمشىلىك جۇرگىزۋدىڭ جانە زاڭمەن باسقارىلاتىن ۇكىمەت قۇرىلىسىن جەبەۋدىڭ پارمەندى قامتاماسىزدىعى. ال ءوزىن باقىلاۋدى كۇشەيتىپ، قوعامنىڭ باقىلاۋىن ىرىقتىلىقپەن قابىلداۋ زاڭمەن باسقارىلاتىن ۇكىمەت قۇرۋداعى سەنىم مەن بەكىمدى ايگىلەدى.

ءار ءتۇرلى بازار تۇلعالارىنىڭ، سونداي - اق حالىق بۇقاراسىنىڭ تابىس سەزىمى ءونىمىنىڭ اناعۇرلىم تولىق، باقىت سەزىمىنىڭ اناعۇرلىم باياندى، حاۋىپسىزدىك سەزىمىنىڭ اناعۇرلىم قامتاماسىز بولۋى ءۇشىن، سانجى حۇيزۋ اۆتونوميالى وبلىستىق ورتا حالىق سوتى مەكەمەسى 10 تارماقتى تيىم سالۋ بەلگىلەمەسىن شىعاردى، مۇنىڭ ىشىندە تەپە - تەڭ قورعاۋ پرينسيبىنە قايشىلىق جاساۋعا قاتاڭ تيىم سالۋ، بەلگىلەمەگە قايشى مىندەتتەپ باعالاۋعا، ساراپتاۋعا قاتاڭ تيىم سالۋ، ازاماتتىق جانە قىلمىستىق ىستەر جاۋاپكەرشىلىگىنىڭ شەكاراسىن شاتىستىرۋعا قاتاڭ تيىم سالۋ، كۇيرەۋ ءتارتىبىن بەلگىلەمەگە قايشى قولدانۋعا قاتاڭ تيىم سالۋ سياقتى مازمۇندار بار.

ءبىراز ۋاقىتتان بەرى شينجياڭداعى كوپتەگەن سوت مەكەمەلەرى ىلگەرىندى - كەيىندى شارۋاشىلىق - ساۋدا ورتاسىن ساپالىلاندىرۋ شاراسىن شىعارىپ، حالىقتىڭ ءادىليالىق قاجەتىنە جاۋاپ قايتارىپ، ىزگى نيەتپەن وركەنيەتتى اتقارۋ ۇستانىمىن بەرىك ورناتىپ، ىسكە قاتىستى ادامداردىڭ شاعىمدانۋ ۇقىعىن شىن مانىندە قامتاماسىزداندىرىپ، ورنىقتى، ءادىل، جاريا زاڭمەن باسقارىلاتىن شارۋاشىلىق - ساۋدا ورتاسىن قالىپتاستىرۋعا قۇلشىندى.

حالىق بۇقاراسىنىڭ ءاربىر ءادىليا دەلوسىندا ادىلدىكتى، ادىلەتتىلىكتى سەزىنۋىنە مۇمكىندىك بەرۋ ءۇشىن، تاعى زاڭمەن باسقارىلاتىن شارۋاشىلىق - ساۋدا ورتاسىن تۇلعالاۋ جانە قورعاۋ، رايونىمىزداعى ءادىليا ورگاندارى شينجياڭدى زاڭمەن باسقارۋ كەلەلى جاعدايىمەن اناعۇرلىم ويداعىداي توعىسۋ، ەكونوميكانىڭ جوعارى ساپالى دامۋىن جەبەۋ ءۇشىن قاجىماي - تالماي قۇلشىنۋى كەرەك.

زاڭمەن باسقارىلاتىن شارۋاشىلىق - ساۋدا ورتاسى كاسىپورىندار ءۇشىن تاماشا جەتىلۋ جانە دامۋ نەگىزىن الا كەلدى، ال كاسىپورىندار دا ماماندانعان ادۆوكاتتار قوسىنىنىڭ كومەگىندە وزدەرىنىڭ زاڭ بويىنشا تيجارات جۇرگىزۋ، بەلگىلەمەگە ساي تيجارات جۇرگىزۋ قابىلەتتەرىن ۇزدىكسىز جوعارىلاتاتىندىقتارىن ءبىلدىردى.

”تولەم قاراجاتىن ءساتتى قولىما تيگىزگەندەرىڭىزگە العىس ايتامىن“، - دەدى ۇرىمجىدە جۇمىس ىستەيتىن لي فاميليالى.

بىلتىر 2 - ايدىڭ 18 - كۇنى لي فاميليالى جاڭ فاميليالى كوتەرمەگە العان قۇرىلىس ورنىندا جۇمىس ىستەپ جۇرگەندە ابايسىزدا جىعىلىپ جارالانادى دا 22 كۇن شيپاحانادا جاتىپ ەمدەلەدى. بيىل 1 - ايدا لي فاميليالى مەن جاڭ فاميليالى زياندالۋ تولەم اقىسىنا كەلىسە الماي كەرىسىپ، ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) الەۋمەتتىك زاڭدىق قىزمەت وتەۋ ورتالىعىنا حالىقتىق جاراستىرۋعا ءوتىنىش بەرەدى.

حالىقتىق جاراستىرۋشى مەن زاڭ قىزمەتكەرىنىڭ بىرگە قۇلشىنۋىندا، قايتا - قايتا جاراستىرۋ مەن كەڭەسۋ ارقىلى ەكى جاق ەڭ سوڭىندا پىكىر بىرلىگىنە كەلەدى. تولەم كەلىسىمىنە كەلىسكەننەن كەيىن، جاڭ فاميليالى سول جەردە تولەم اقشاسىن تولەيدى. وسىلايشا وسى رەتكى تالاس - تارتىسقا نۇكتە قويىلدى.

بۇكىل شينجياڭنىڭ جەر - جەرىندە الەۋمەتتىك زاڭدىق قىزمەت وتەۋ جۇيەسى ۇزدىكسىز كەمەلدەنىپ، زاڭدىق قىزمەت وتەۋمەن قامداۋى ۇزدىكسىز بايىپ، حالىقتىق جاراستىرۋ، اكىمشىلىك جاراستىرۋ، ءادىليالىق جاراستىرۋ جانە سالا - ماماندار بويىنشا جاراستىرۋ سياقتى كوپ نەگىزدى شەشۋ ءتاسىلى ورگانيكالى تۇيىلىسكەن ”ۇلكەن جاراستىرۋ“ قىزمەت جۇلگەسى ءبىر توپ نەگىزگى ساتى بۇقاراسىنىڭ ”شۇعىل، قيىن، الاڭداعان، ءزارۋ“ ماسەلەلەرىن شەشىپ، قوعامنىڭ ورنىقتىلىعىن، جاراسىمدىلىعىن قورعاپ، جاڭا داۋىردەگى ”فىڭچياۋ تاجىريبەسىن“ تيانشان الابىندا قاۋلاتا ءتۇستى.

بۇگىنگى شينجياڭدا شينجياڭدى زاڭمەن باسقارۋ قىزمەت جۇيەسى مەن جاۋاپكەرشىلىك مەحانيزمى ۇزدىكسىز اقاۋسىزداندىرىلىپ، كەمەلدەندىرىلىپ، ءبىر دارەجە ءبىر دارەجەنى يگەرگەن، ساتىلار بويىنشا تياناقتاندىرۋدى يگەرگەن تاماشا جاعداي قالىپتاسۋدا، عىلمي زاڭ شىعارۋ، زاڭدى قاتاڭ اتقارۋ، ءادىليا ادىلدىگى، جالپى حالىق زاڭعا بويسۇنۋ جاپپاي ىلگەرىلەتىلۋدە.

زاڭمەن باسقارۋ قۇرىلىسى جالپى قوعامنىڭ بىرگە ات سالىسۋىن قاجەت ەتەدى. ءار ۇلت كادر - بۇقاراسىنىڭ بىرگە قۇلشىنۋىندا زاڭدى قۇرمەتتەۋ، زاڭدى ۇيرەنۋ، زاڭعا بويسۇنۋ، زاڭنان پايدالانۋ سالتقا اينالارى داۋسىز.

زاڭمەن باسقارىلاتىن شينجياڭنىڭ بولاشاعى نۇرلى!