汉文 ىلە اقپارات تورابىنا حوش كەلدىڭىزدەر!
شينجياڭداعى سوت مەكەمەلەرى ”قاتاڭ جاۋاپتى بولۋ“ ارقىلى زاڭمەن باسقارىلاتىن شارۋاشىلىق - ساۋدا ورتاسىن ساپالىلاندىردى
2022-03-31 17:32:48     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

انار بۇلت / شينجياڭ گازەتىنىڭ ءتىلشىسى ياڭ شۋحان


”سوت مەكەمەسى ەگەر ماعان ’ۇتىمدى شارا‘ كورسەتىپ، كوپ جاقتى كاسىپورىنعا قارجى سالۋعا كەلىستىرىپ، ءوندىرىستى قالپىنا كەلتىرۋگە كومەكتەسپەسە، بۇل ارا توزعان كۇيدە قالا بەرۋشى ەدى...“، - دەدى 3 - ايدىڭ 21 - كۇنى سەحتا دابىرالى جۇرگىزىلىپ جاقتان ءوندىرىس كورىنىسىنە قاراپ، فۋكاڭ قالاسىنا ورنالاسقان شينجياڭ حىڭجي اليۋمين شارۋاشىلىعى شەكتى سەرىكتەستىگىنىڭ باس ديرەكتورى لي شيان - ۋ سوزىنەن اسەرلەنگەندىگىن بايقاتىپ. بۇل كاسىپورىننىڭ قارىزعا بەلشەسىنەن باتقان ”ناۋقاس كاسىپورىننان“ تۇلا بويىنان ومىرشەڭدىك قاۋلاعان ”جاندى كاسىپورىنعا“ اينالۋى سوت مەكەمەسىنىڭ ءادىليالىق قىزمەت وتەۋدى بەلسەنە كەڭەيتىپ، اناعۇرلىم ساپالى زاڭمەن باسقارىلاتىن شارۋاشىلىق - ساۋدا ورتاسىن تۇلعالاۋ ناقتى شاراسىنىڭ ارقاسى ەدى.

سوڭعى جىلدارى بۇكىل رايونداعى سوت مەكەمەلەرى زاڭمەن باسقارىلاتىن شارۋاشىلىق - ساۋدا ورتاسىن كۇش سالا تۇلعالاپ، كاسىپورىننىڭ ىشكى قوزعاۋشى كۇشىن جانە جاڭالىق اشۋ ومىرشەڭدىگىن ۇزدىكسىز قاۋلاتىپ، شارالاردى العا قويىپ، زاڭمەن باسقارىلاتىن شارۋاشىلىق - ساۋدا ورتا قۇرىلىسىن جەبەپ، ۇزدىك سوت جۇرگىزۋ، اتقارۋ قىزمەت ناقتى ناتيجەسى ارقىلى بۇكىل رايون ەكونوميكاسىنىڭ، قوعامىنىڭ جوعارى ساپالى دامۋىنا دەم بەردى.

كۇيرەۋ بويىنشا سوت جۇرگىزۋدى كۇشەيتىپ، ”تۇرالاعان كاسىپورىنداردى“ زاڭ بويىنشا ءبىر جاقتى ەتىپ، كۇيرەۋ ءتۇزىمىنىڭ شارۋاشىلىق - ساۋدا ورتاسىن ساپالىلاندىرۋداعى بەلسەندى رولىن ونان ارى ساۋلەلەندىرۋ تيپتىك، ۇلگىلىك ءمان الادى.

سوڭعى جىلدارى ءۇرىمجى قالالىق ورتا حالىق سوتى مەكەمەسى نازاردى شەشۋشى بۋىنعا شوعىرلاندىرىپ، باتىلدىقپەن جاڭالىق اشىپ، زاڭمەن باسقارىلاتىن شارۋاشىلىق - ساۋدا ورتاسىن ساپالىلاندىرۋدى قىزمەتتىڭ ءتۇيىنى رەتىندە تىڭعىلىقتى ىلگەرىلەتىپ، كۇيرەۋ دەلولارىنا سوت جۇرگىزۋدە ءادىستى قاراپايىمداستىرىپ تەز سوت جۇرگىزۋ بويىنشا بەلسەنە ىزدەنىس جاساپ، دەلو قاراۋ پەريودىن شىن مانىندە ىقشامداپ، سوت جۇرگىزۋ ساپاسىن، ونىمدىلىگىن جوعارىلاتتى.

”قابىلداۋدان دەلو بىتىرۋگە دەيىن نەبارى 5 اي ۋاقىت جۇمسالدى“! كۇيرەۋ دەلولارىنا سوت جۇرگىزۋدە ءادىستى قاراپايىمداستىرىپ تەز سوت جۇرگىزۋ ۇلگىسى تۇڭعىش رەت قولدانىلعان كۇيرەۋ بويىنشا ەسەپ اداقتاۋ دەلوسىن اۋىزعا العاندا، وسى دەلونىڭ باس سۋدياسى مىندەتىن ۇستىنە العان ءۇرىمجى قالالىق ورتا حالىق سوتى مەكەمەسىنىڭ ورىنباسار باستىعى چىن باۋگۇيدىڭ ەسىندە ءدال قازىرگىدەي ساقتاۋلى ەكەن. شينجياڭداعى بەلگىلى ءبىر قارجى قۇراۋ، كەپىل بولۋ شەكتى سەرىكتەستىگى مەرزىمى تولعان قارىزىن قايتارا الماعاندىعى، ونىڭ ۇستىنە مال - مۇلكى بارلىق قارىزىن قايتارۋعا جەتپەۋ، قارىز قايتارۋ قۋاتى كورنەكتى كەمشىل بولۋ سەبەپتى ءۇرىمجى قالالىق ورتا حالىق سوتى مەكەمەسىنە كۇيرەۋ بويىنشا ەسەپ اداقتاۋدى ءوتىنىش ەتەدى. تەكسەرۋ ارقىلى سوت مەكەمەسى وسى سەرىكتەستىكتىڭ قارىز ۇقىعىنىڭ، قارىز قاتىناسىنىڭ ايقىن، قازىنا مۇلىك احۋالىنىڭ سالىستىرمالى تۇردە انىق، ونىڭ ۇستىنە قارىز يەسىنىڭ سانى ءبىرشاما از ەكەندىگىن بايقاپ، ىقشام ءتارتىپ قولدانۋدى ۇيعارادى. 5 اي ەسەپ اداقتاۋ سياقتى قىزمەتتەردى جۇرگىزۋ ارقىلى بۇل سەرىكتەستىك كۇيرەگەندىگىن ءساتتى تۇردە جاريالايدى.

”سوت جۇرگىزۋ ’تۇرالاعان كاسىپورىنداردى‘ بازار ارقىلى اداقتاۋدى تەزدەتىپ، ءادىليا بايلىعىن جانە وزىندىك قۇنىن ۇنەمدەپ، بازاردىڭ شارۋاشىلىق - ساۋدا ورتاسىن ساپالىلاندىرۋعا تيپتىك مىسال ازىرلەدى“، - دەدى چىن باۋگۇي، كەلەر قادامدا ءۇرىمجى قالالىق ورتا حالىق سوتى مەكەمەسى زاڭمەن باسقارۋ وي جەلىسىن جانە زاڭمەن باسقارۋ ءتاسىلىن قولدانۋعا تاباندى بولىپ، كۇيرەۋ دەلولارىنا سوت جۇرگىزۋ ساپاسىن، ونىمدىلىگىن ورنىقتى جوعارىلاتىپ، بازاردىڭ ومىرشەڭدىگىن ۇزدىكسىز قاۋلاتىپ، شارۋاشىلىق - ساۋدا ورتاسىن ساپالىلاندىرۋعا دەم بەرەدى.

ىندەتتىڭ ىقپالىنا ۇشىراعاندىقتان، رايونىمىزداعى ورتا، شاعىن، ۇساق كاسىپورىنداردىڭ دامۋى بەلگىلى مولشەردە سوققىعا ۇشىراپ، وسى سەبەپتى ارىز - شاعىم داۋ - شارلارى اۋىق - اۋىق تۋىلىپ تۇردى.

ءپىشان اۋدانىندا كاسىپورىننىڭ ساۋدا - ساتتىق توقتامىنا قاتىستى داۋ - شار دەلوسىن تەكسەرۋ بارىسىندا دەلوعا قاتىستى جابدىقتار جوعارى، نازىك ءارى ۇزدىك اسپاپتار بولعاندىقتان، ەل ىشىندەگى باسقا ولكەلەردەگى ساراپتاۋ قۇرىلىمدارىنىڭ ساراپتاۋى قاجەت بولادى، ايتسە دە ىندەت ىقپالى سەبەبىنەن ساراپتاۋ ءتارتىبى كوپ رەت دوعارىلىپ، كاسىپورىندار ارا قايشىلىق بارعان سايىن تەرەڭدەيدى. كاسىپورىننىڭ ۇتىمدى دامۋىنا شىنايى كەپىلدىك ەتۋ ءۇشىن، ءپىشان اۋداندىق حالىق سوتى مەكەمەسىنىڭ تەرگەۋشىسى باي يارۇڭ ەكى جاقتىڭ كاسىپورىن ۋاكىلىنە كوپ جاقتى بايلانىس جاساپ، ىزدەستىرگەن ۇقساس دەلولارمەن قامداپ، زاڭعا تۇسىنىك، قاعيداعا تالداۋ جاساپ، سوڭىندا ەكى جاق توقتامدى كۇشىنەن قالدىرىپ، قايشىلىعى شەشىم تابادى.

2020 - جىلدان بەرى تۇرپان قالالىق ورتا حالىق سوتى مەكەمەسى ىندەتكە توتەپ بەرۋ، كاسىپورىنداردىڭ اقاۋسىز دامۋىنا قىزمەت وتەۋ جانە ونى قامتاماسىز ەتۋ جونىندە 12 ءتۇرلى شارانى ىركەس - تىركەس العا قويىپ، تۇرپان بانكە - قامسىزداندىرۋدى باقىلاۋ - باسقارۋ بولىمشە مەكەمەسىمەن فينانستىق داۋ - شارلاردىڭ ارىز - شاعىم، جاراستىرۋ بويىنشا ۇشتاستىرۋ قىزمەت مەحانيزمىن ورناتىپ، قامسىزداندىرۋ كاسىبىنىڭ جاراستىرۋ كەڭسەسىن قۇرىپ، فينانسقا ساياتىن 141 دەلونى زاڭ بويىنشا ۇيلەسىمدى ءبىر جايلى ەتتى.

3 - ايدىڭ 10 - كۇنى جىڭ اۋداندىق ۇكىمەت تاراۋى جانە كاسىپورىنشىلار ۋاكىلى ۇسىنىس بويىنشا جىڭ اۋداندىق حالىق سوتى مەكەمەسىنە باردى، بۇل وسى سوت مەكەمەسىنىڭ «جىڭ اۋداندىق حالىق سوتى مەكەمەسىنىڭ شارۋاشىلىق - ساۋدا ورتاسىن ساپالىلاندىرۋ جونىندەگى 10 تارماقتى شاراسى» جونىندە كوپشىلىكتەن پىكىر الۋى ەدى. ”مۇنان بىلاي سوت مەكەمەسى زاڭ بويىنشا سوت جۇرگىزۋ، تەپە - تەڭ تۇرعىدا قورعاۋ، زاڭمەن باسقارۋ بويىنشا جەتەكشىلىك ەتۋ جانە ىرىقتىلىقپەن جاڭالىق اشۋ پرينسيبىنە تاباندى بولۋدى دالمە - ءدال يگەرىپ، ورنىقتى، ءادىل زاڭمەن باسقارىلاتىن شارۋاشىلىق - ساۋدا ورتاسىن كۇش سالا قالىپتاستىرادى“، - دەدى جىڭ اۋداندىق حالىق سوتى مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى جاڭ كايفۋ.

الداعى جەردە رايونىمىزداعى ءار دارەجەلى سوت مەكەمەلەرى ۇزدىكسىز وزەكتى ارقاۋ ەتىپ، كەلەلى جاعدايعا قىزمەت وتەپ، ”قاتاڭ جاۋاپتى بولۋ“ ارقىلى زاڭمەن باسقارىلاتىن شارۋاشىلىق - ساۋدا ورتاسىنىڭ ”جۇمساق ورتاسىن“ ساپالىلاندىرىپ، بۇكىل رايوننىڭ ەكونوميكالىق، قوعامدىق دامۋىنا اناعۇرلىم ساپالى ءادىليالىق كەپىلدىك ازىرلەيدى.