پارتيانىڭ ۇلت قىزمەتىنىڭ نەگىزگى جەلىسىن عىلمي يگەرىپ، جۇڭحۋا ۇلتى ورتاق تۇلعا تانىمىن بەكەمدەيىك

ۋاڭ ياۋيۇي

ەلىمىز − بىرلىككە كەلگەن كوپ ۇلتتى مەملەكەت، ۇلت ماسەلەسىن ويداعىداي ٴبىر جاقتى ەتۋ، ۇلت قىزمەتىن ويداعىداي ىستەۋ ۇلتتار ىنتىماعى مەن قوعام ورنىقتىلىعىنا، مەملەكەتتىڭ باياندى تىنىشتىعى مەن جۇڭحۋا ۇلتىنىڭ ۇلى گۇلدەنۋىنە سايادى. باس شۋجي شي جينپيڭ مەملەكەتتىك 13 - كەزەكتى حالىق قۇرىلتايىنىڭ 5 - ماجىلىسىندە ىشكى موڭعۇل ۋاكىلدەر ۇيىرمەسىنىڭ تالقىسىنا قاتىناسقاندا بىلاي دەپ باسا دارىپتەدى: «ۇلتتار ىنتىماعى − ەلىمىزدەگى ٴار ۇلت حالقىنىڭ جان تامىرى، جۇڭحۋا ۇلتى ورتاق تۇلعا تانىمى − ۇلتتار ىنتىماعىنىڭ نەگىزى. جۇڭحۋا ۇلتى ورتاق تۇلعا تانىمىن بەرىك ورناتۋ − جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى». ٴبىز باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، بىرنەشە ماڭىزدى قاتىناستى تەرەڭ تانىپ، يگەرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى ۇلت قىزمەتىنىڭ ٴار سالاسىنا، تۇتاس بارىسىنا ٴسىڭىرۋىمىز كەرەك.

ورتاقتىق پەن ايىرماشىلىقتىڭ قاتىناسىن دۇرىس يگەرۋ كەرەك. باس شۋجي شي جينپيڭ بىلاي دەپ اتاپ كورسەتكەن بولاتىن: «پارتيانىڭ ۇلت قىزمەتىن جاسامپازدىقپەن دامىتۋدا دۇرىستارىنا تاباندى بولىپ، ۋاقىتى وتكەندەردى رەتتەپ، ٴار ۇلت بۇقاراسىنىڭ زاڭدى ۇقىق - مۇددەسىن اناعۇرلىم ويداعىداي قامتاماسىز ەتۋ كەرەك. ورتاقتىق پەن ايىرماشىلىقتىڭ قاتىناسىن دۇرىس يگەرىپ، ورتاقتىقتى نىعايتۋ ايىرماشىلىققا قۇرمەت ەتۋ جانە وعان كەڭ پەيىلدىلىكپەن قاراۋ − ۇلت قىزمەتىنىڭ ماڭىزدى پرينسيبى. ۇزاق ۋاقىتتىق تاريحي دامۋ بارىسىندا جۇڭحۋا ۇلتى كوپ نەگىزدى، ٴبىر تۇلعالى ارنا قالىپتاستىرىپ، ٴبىر تۇلعا كوپ نەگىزدى قامتىدى، كوپ نەگىز ٴبىر تۇلعانى قۇرادى؛ ٴبىر تۇلعا كوپ نەگىزدەن، كوپ نەگىز دە ٴبىر تۇلعادان ايرىلا المايدى؛ ٴبىر تۇلعا − نەگىزگى جەلى ٴارى بەتالىسى كوپ نەگىز − فاكتور جانە قوزعاۋشى كۇش، ەكەۋى ديالەكتيكالىق بىرلىكتە. جۇڭحۋا ۇلتى مەن ۇلتتاردىڭ قاتىناسى وبرازدى تۇردە ايتقاندا، ٴبىر ۇلكەن وتباسى مەن وتباسى مۇشەلەرىنىڭ قاتىناسى، ۇلتتاردىڭ قاتىناسى ٴبىر ۇلكەن وتباسىنداعى ۇقساماعان مۇشەلەردىڭ قاتىناسى. ٴداۋىر وزگەرىسىنە سايكەسىپ، ورتاقتىقتى كۇشەيتۋ باعىتى بويىنشا ۇلت قىزمەتىن جاقسارتىپ، ورتاقتىق پەن ايىرماشىلىقتىڭ ديالەكتيكالىق بىرلىگىن، ۇلتتىق فاكتور مەن وڭىرلىك فاكتوردى ورگانيكالى ۇشتاستىرعاندا عانا، جاڭا داۋىردەگى پارتيانىڭ ۇلت قىزمەتىن جان - جاقتى، ناقتى، ويداعىداي ىستەۋگە بولادى. 

جۇڭحۋا ۇلتى ورتاق تۇلعا تانىمى مەن ٴار ۇلت تانىمىنىڭ قاتىناسىن دۇرىس يگەرۋ كەرەك. باس شۋجي شي جينپيڭ بىلاي دەپ باسا دارىپتەگەن: «جۇڭحۋا ۇلتى ورتاق تۇلعا تانىمى مەن ٴار ۇلت تانىمىنىڭ قاتىناسىن دۇرىس يگەرىپ، ٴار ۇلتتى جۇڭحۋا ۇلتىنىڭ مۇددەسىن باستان - اياق ماڭداي الدى ورىنعا قويۋعا، ٴوز ۇلتى تانىمىن جۇڭحۋا ۇلتى ورتاق تۇلعا تانىمىنا بويسۇندىرۋعا جانە قىزمەت ەتتىرۋگە جەتەكتەۋ. سونىمەن بىرگە، جۇڭحۋا ۇلتى ورتاق تۇلعاسىنىڭ جالپى تۇلعالىق مۇددەسىن جۇزەگە اسىرۋ بارىسىندا ٴار ۇلتتىڭ ناقتى مۇددەسىن ويداعىداي جۇزەگە اسىرۋ كەرەك، زور حانزۋشىلدىق تا، جەرگىلىكتى ۇلتشىلدىق تا جۇڭحۋا ۇلتى ورتاق تۇلعا قۇرىلىسىنا ٴتيىمسىز». جاڭا داۋىردەگى پارتيانىڭ ۇلت قىزمەتىن ويداعىداي ىستەۋدە جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ٴار ۇلت بۇقاراسىنىڭ ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋىن كۇشەيتىپ، دۇرىس وتان كوزقاراسىن، ۇلت كوزقاراسىن، مادەنيەت كوزقاراسىن، تاريح كوزقاراسىن بەرىك ورناتىپ، ٴار ۇلتقا ورتاق رۋحاني مەكەن قۇرۋ كەرەك. بۇكىل ەلدەگى ٴار ۇلت حالقىن ۇلتتار ىنتىماعىن كوز قاراشىعىنداي قاستەرلەۋگە، بۇكىل ەلدەگى ٴار ۇلت حالقىنىڭ ۇلى ىنتىماعىنىڭ ساياسي جاعدايىن قورعاۋعا، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، مەملەكەتتى بولشەكتەۋ قاسكۇنەمدىگىنە، ۇلتتار ىنتىماعىن بۇلدىرەتىن ٴسوز - ارەكەتتەرگە تۋى ايقىن تۇردە قارسى تۇرۋعا، مەملەكەت تۇتاستىعىنىڭ، ۇلتتار ىنتىماعىنىڭ، قوعام ورنىقتىلىعىنىڭ بەرىك قورعانىن ورناتۋعا تاربيەلەۋ، جەتەكتەۋ كەرەك. 

جۇڭحۋا مادەنيەتى مەن ٴار ۇلت مادەنيەتىنىڭ قاتىناسىن دۇرىس يگەرۋ كەرەك. باس شۋجي شي جينپيڭ بىلاي دەپ اتاپ كورسەتكەن: «جۇڭحۋا مادەنيەتى مەن ٴار ۇلت مادەنيەتىنىڭ قاتىناسىن دۇرىس يگەرۋ كەرەك، ٴار ۇلتتىڭ تاڭداۋلى ٴداستۇرلى مادەنيەتىنىڭ بارلىعى جۇڭحۋا مادەنيەتىنىڭ قۇرامداس بولىگى، جۇڭحۋا مادەنيەتى نەگىزگى ٴدىڭ، ٴار ۇلت مادەنيەتى سونىڭ بۇتاق - جاپىراقتارى سانالادى، تامىرى تەرەڭ، ٴدىڭى مىعىم بولعاندا عانا بۇتاق - جاپىراعى جايقالىپ وسەدى». جۇڭحۋا مادەنيەتى ٴار ۇلت مادەنيەتىنىڭ توپتاماسى، ول ۇلتتاردىڭ ارالاسۋى، ىشتەسۋى، توعىسۋى بارىسىندا قالىپتاسقان. جۇڭحۋا مادەنيەتىنىڭ ارت - ارتىنان ايشىقتالىپ، تارتىمدى بولۋى مەن مازمۇنعا باي، ويعا شۇلەن بولۋىنداعى سەبەپ، ونىڭ قامتىعان مازمۇنى مول، كەڭ تىنىستى ەرەكشەلىككە يە بولعاندىعىندا. ٴار ۇلت مادەنيەتى جۇڭحۋا مادەنيەتىنىڭ ماڭىزدى قۇرامداس بولىگى، وندا جۇڭحۋا مادەنيەتىنىڭ ورتاقتىعى دا، وزىندىك ەرەكشەلىگى دە بار. ٴار ۇلت مادەنيەتىندە بارلىق گۇل شەشەك اتىپ، جالپى جارىسا ٴۇن قاتقاندىقتان عانا جۇڭحۋا مادەنيەتى كوز تارتار كوركەمدىككە يە بولعان. جاڭا داۋىردەگى پارتيانىڭ ۇلت قىزمەتىن جاقسى ىستەۋدە جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ٴار ۇلت مادەنيەتىنە مۇراگەرلىك ەتىپ، قورعاۋدى جانە جاڭالىق اشا توعىستىرۋدى ىلگەرىلەتىپ، ٴار ۇلت بىرگە يگىلىكتەنەتىن جۇڭحۋا مادەنيەتىنىڭ بەلگىسى مەن جۇڭحۋا ۇلتىنىڭ وبرازىن تىكتەپ جانە كورنەكتىلەندىرىپ، ٴار ۇلت بۇقاراسىنىڭ جۇڭحۋا مادەنيەتىن شىنايى مويىنداۋىن كۇشەيتۋ كەرەك. 

ماتەريا مەن رۋحتىڭ قاتىناسىن دۇرىس يگەرۋ كەرەك. باس شۋجي شي جينپيڭ بىلاي دەپ باسا دارىپتەگەن: «ماتەريا مەن رۋحتىڭ قاتىناسىن دۇرىس يگەرىپ، بارلىق رەفورما مەن دامۋعا جۇڭحۋا ۇلتى ورتاق تانىمىن ايگىلەيتىن ٴمان، ٴبىر تۇتاستىقتى قورعايتىن، بولشەكتەۋشىلىككە قارسى تۇراتىن ٴمان، حالىق تۇرمىسىن جاقسارتاتىن، جۇرت تىلەگىن ۇيىستىراتىن ٴمان ۇستەپ، جۇڭحۋا ۇلتى ورتاق تۇلعاسىنىڭ مىزعىماس بەرىك بولۋىنا مۇمكىندىك جاساۋ كەرەك». دامۋ − ۇلتتىق وڭىرلەردەگى ٴتۇرلى ماسەلەلەردى شەشۋدەگى باس كىلت. ٴار ۇلتتىڭ بىرگە ىنتىماقتاسىپ العا باسۋى، بىرگە گۇلدەنىپ - كوركەيۋى، دامۋى − جۇڭحۋا ۇلتىنىڭ ٴومىر تياناعى، كۇش - قۋات قاينارى، ٴۇمىت وشاعى. ٴار ۇلت حالقىن بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى - تۇششىنى بىرگە تاتاتىن، تاعدىرلاس ورتاق تۇلعا ۇستانىمىن بەرىك ورناتۋعا جەتەكتەپ، ۇلتتاردىڭ ارالاسۋىن، ىشتەسۋىن، توعىسۋىن كۇشەيتىپ، ۇلتتاردىڭ تاتۋ - ٴتاتتى ٴوتۋىن، ٴبىر جاعادان باس، ٴبىر جەڭنەن قول شىعارۋىن، جاراسىمدى دامۋىن جەبەپ، ٴار ۇلت بۇقاراسىنىڭ تاماشا تۇرمىس قاجەتىن ۇزدىكسىز قاناعاتتاندىرىپ، تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن بەكەمدەپ جانە دامىتىپ، ۇلتتاردىڭ اناردىڭ دانىندەي تىعىز ۇيىسۋىن جەبەپ، جۇڭحۋا ۇلتىنىڭ ۇلى گۇلدەنۋىن بىرگە جۇزەگە اسىرۋىمىز كەرەك. 

(اۆتوردىڭ قىزمەت ورنى: ورتالىق ۇلتتار داشۋەسى)

جوعارىداعى ەكى ماقالانى حالىق گازەتىنەن اۋدارعان: نۇركەلدى نۇراقىن ۇلى