جاۋاپكەرشىلىك ارقالاۋ مەن كۇرەس جاساۋ ٴبىر ٴتۇرلى رۋح

حى حايگىن

باتىلدىقپەن جاۋاپتى بولىپ، باتىلدىقپەن جاۋاپكەرشىلىك ارقالاي الۋ - الماۋدان ٴبىر كادردىڭ پارتيالىلىعى مەن ستيلىن ەڭ انىق كورىپ الۋعا بولادى. باس شۋجي شي جينپيڭ 2022 - جىلعى كوكتەمگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا سويلەگەن ماڭىزدى سوزىندە بىلاي دەپ اتاپ كورسەتتى: «جاۋاپكەرشىلىك ارقالاۋ مەن كۇرەس جاساۋ ٴبىر ٴتۇرلى جاۋاپكەرشىلىك، جاۋاپكەرشىلىك ارقالاۋعا باتىل بولعاندا عانا، شىنايى جاۋاپكەرشىلىك ارقالاۋعا، شىنايى كۇرەس جاساۋعا بولادى». ۇقىق بولادى ەكەن، جاۋاپكەرشىلىك بولادى. باسشى كادرلارعا ۇقىقتى پارتيا مەن حالىق بەرگەن، باسشى كادرلار، ٴسوز جوق، پارتيا مەن حالىق ىستەرىندە جاۋاپكەرشىلىك ارقالاۋى كەرەك. ٴىس ىستەۋ، ٴىستى مىندەتىنە الۋ باسشى كادرلاردىڭ مىندەت جاۋاپكەرشىلىگىنىڭ تياناعى ٴارى قۇن تياناعى. باسشى كادرلار، ٴسوز جوق ٴوز جاۋاپكەرشىلىگىن ارقالاپ، باتىلدىقپەن جاۋاپتى بولاتىن ەرەن قابىلەت شىڭداپ، جاۋاپكەرشىلىك ارقالاۋ مەن كۇرەس جاساۋ ارقىلى پارتيا مەن حالىقتىڭ ٴۇمىتى مەن تالابىنان شىعاتىن ناتيجە جاراتۋى كەرەك. 

پارتيامىزدىڭ كۇرەس جاساۋ تاريحىن ەسكە الار بولساق، پارتيامىزدىڭ حالىقتى ىنتىماقتاستىرا باستاپ قول جەتكىزگەن تاريحتا وشپەيتىن ۇلى تابىستارىنىڭ ٴبارى دە وڭاي - وسپاق ورىندالا سالعانى جوق، بارىندە دە جاپالى قۇلشىنىستار جاسالعان. كوپتەگەن كوممۋنيستەر پارتياعا، وتانعا ٴوزىن ارناپ، پارتيانىڭ، وتاننىڭ ٴۇمىتىن اقتاپ، جاۋاپكەرشىلىك ارقالاۋ مەن كۇرەس جاساۋدى ٴبىر ٴتۇرلى جاۋاپكەرشىلىك دەپ ٴبىلىپ، شىنايى جاۋاپكەرشىلىك ارقالاپ، شىنايى كۇرەس جاساعان. پارتيامىزدىڭ حالىقتى ىنتىماقتاستىرا باستاپ جەڭىستەن جەڭىستەرگە قول جەتكىزۋى جۇڭگونى تاياۋ زاماننان كەيىنگى اۋىر قاتەردەن قۇتىلدىرىپ، گۇلدەنىپ - كوركەيگەن بەينەمەن دۇنيەنىڭ شىعىسىندا قايتادان ەڭسە كوتەرتتى. بارلىق ناتيجە جۇڭگو كوممۋنيستەرىنىڭ ٴوزىنىڭ تاريحي جاۋاپكەرشىلىگىن باس تارتپاي ارقالاپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، ۇلى كۇرەستەر جۇرگىزۋىنىڭ ارقاسىندا قولعا كەلگەن. جاڭا جورىقتا ەكپىندەي ىلگەرىلەپ، جاڭا داۋىردە ەسە قوسۋدا باسشى كادرلار، ٴسوز جوق، جاۋاپكەرشىلىك ارقالاۋ مەن كۇرەس جاساۋدى ٴبىر ٴتۇرلى جاۋاپكەرشىلىك دەپ ٴبىلىپ، باتىلدىقپەن جاۋاپتى بولىپ، باتىلدىقپەن جاۋاپكەرشىلىك ارقالاۋى كەرەك. 

جاۋاپكەرشىلىك ارقالاۋ مەن كۇرەس جاساۋدى ٴبىر ٴتۇرلى جاۋاپكەرشىلىك دەپ ٴبىلىپ، حاۋىپ - قاتەر الدىندا ىرىقتىلىقپەن اتوي سالىپ، ٴورىس اشا العا ىلگەرىلەۋ كەرەك. باس شۋجي شي جينپيڭ بىلاي دەپ اتاپ كورسەتكەن: «تاريحتىڭ دامۋ زاڭدىلىعى مەن اۋقىمىن يگەرىپ، تاريح وزگەرىسىنىڭ ورايىن مىقتاپ ۇستاپ، جاعدايعا قاراي ىسكەرلىك كورسەتسەك بولعانى، ٴبىز ٴتىپتى دە العا ىلگەرىلەي الامىز». تاريح ٴارى - ٴسارى بولعانداردى، بولبىرلاردى ەشقاشان كۇتىپ تۇرمايدى، تەك ەكپىندەي ىلگەرىلەيتىندەردى، سايسىكەرلەردى عانا قامقورلىعىنا الادى. قىمباتتى وراي قاس قاققانشا وتە شىعادى، ارتىن كۇتۋ، ەكى ۇداي بولۋ تاماشا ورايدان قاپى قالدىرادى، قىزمەتتىڭ عىلميلىعىن، بولجامپازدىعىن، ىرىقتىلىعىن كۇشەيتكەندە عانا ورايدى مىقتاپ ۇستاپ، ونى دەر كەزىندە ەكونوميكا مەن قوعام دامۋىن ىلگەرىلەتۋدىڭ تاماشا شاراسىنا، حالىق تۇرمىسىن جاقسارتۋدىڭ تاماشا ادىسىنە اينالدىرۋعا بولادى، سوندا عانا ورايدان قاپى قالاتىن وكىنىشتەن اۋلاق بولۋعا بولادى. كەزەكتە، ەلىمىز جاڭا دامۋ كەزەڭىنە ٴوتتى، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋ ٴبىر قىدىرۋ جاڭا وراي الا كەلدى. ٴبىز جاڭا كوز ايامەن، جاڭا وي جەلىسىمەن، جاڭا ادىستەرمەن ورايدى بايقاپ، ورايدان ۇتىمدى پايدالانىپ، اناعۇرلىم زور ناتيجەلەرگە قول جەتكىزۋىمىز كەرەك. 

قيىنشىلىق − باسشى كادرلاردىڭ جاۋاپكەرشىلىك ارقالاۋ جانە كۇرەس جاساۋ رۋحى بار - جوقتىعىن، باتىلدىقپەن جاۋاپتى بولا الۋ - الماۋىن سىننان وتكىزەتىن ولشەم. ٴىس تىندىرىپ، ناتيجە جاراتۋ بىردەن ٴساتتى بولا بەرمەيدى، ٴتۇرلى قيىنشىلىقتار ۇنەمى بولىپ تۇرادى. رەفورما، دامۋ، ورنىقتىلىق ماسەلەلەرىندە، بۇقارانىڭ اسىققان، ۋايىمداعان، قينالعان، ٴزارۋ بولعان ماسەلەلەرىندە ماشاقاتتى تۇيىندەر از ەمەس. جالتارىپ شىعا بەرۋ، تايساقتاۋ ماسەلەنى شەشىم ەتكەنى بىلاي تۇرسىن، كەرىسىنشە ماسەلەنى بارعان سايىن كوبەيتەدى، بارعان سايىن كۇردەلىلەستىرەدى. «شام جاعۋشى» زوۋ بيحۋا ٴادىليا رەفورماسىندا باتىلدىقپەن اتوي سالعان قۋعىنداۋشى بولىپ، پارتيا مەن حالىققا دەگەن شەكسىز ادالدىقتى ٴتۇسىندىردى؛ ٴداۋىر اۆانگاردى فان دۇڭشىڭ ٴىرى دەلو، توسىن تۋىلعان قاتەر الدىندا ەشقاشان تايساقتاماي، «پارتيالى كادر الدىڭعى شەپتە اتويلاۋى كەرەك» دەگەن ٴبىر اۋىز سوزىمەن كوممۋنيستەردىڭ جاۋاپكەرشىلىك ارقالاۋ جانە كۇرەس جاساۋ رۋحىن اسەرلى بەينەلەپ بەردى. باسشى كادرلار مىندەتكە تاعايىندالعاننان كەيىن - اق حالىققا باقىت جاراتۋ جاۋاپكەرشىلىك سەزىمىمەن قىزمەتتەگى قيىنشىلىقتارعا تىكە قاراپ، ماشاقاتتى تۇيىندەردى شەشۋگە باتىل بولىپ، شەگە قاعۋ رۋحىن ساۋلەلەندىرىپ، قيىن ماسەلەلەردى ٴبىر - بىرلەپ شەشۋى كەرەك. پارتيا مەن حالىققا پايدالى ٴىس بولسا بولعانى، ىستەن تايساقتاماي، جاۋاپكەرشىلىكتەن قاشقالاقتاماي، جۇرەكتىلىكپەن ىستەپ، باتىل تۇردە ىستەپ، قيىندىقتاردان قامال الۋ بارىسىندا قىزمەتتىڭ جاڭا جاعدايىن اشۋ كەرەك. 

حاۋىپ - قاتەر الدىندا بەلسەنە توتەپ بەرىپ، شەگىنشەكتەمەۋ، قاشقالاقتاماۋدىڭ ٴوزى جاۋاپكەرشىلىك ارقالاۋ مەن كۇرەس جاساۋدى ٴبىر ٴتۇرلى جاۋاپكەرشىلىك دەپ ٴبىلۋدىڭ تىكەلەي بەينەلەنۋى. ەكونوميكا مەن قوعام دامۋىندا ساقتانۋعا، شەشۋگە ٴتيىستى حاۋىپ - قاتەرلەر از ەمەس، تاعى تابيعات دۇنيەسىنەن كەلەتىن حاۋىپ - قاتەرلەرگە توتەپ بەرۋ كەرەك. ٴبىر قىدىرۋ حاۋىپ - قاتەرگە توتەپ بەرۋدە قامسىز كۇن وتكىزىپ، كۇرەس جاساۋدى ويلاماۋ ٴىس جۇزىندىككە جاناسپايدى، ول «جۇمساق سۇيەك اۋرۋىنا» شالدىقتىراتىن، «ۇرەيلەنۋ اۋرۋىن» كەلتىرىپ شىعاراتىن، ەش پايداسى جوق نارسە. باتىل كەسىم جاساپ، كۇرەس جاسايتىن كەزدە كۇرەس جاساعاندا عانا جاماندىقتى جاقسىلىققا اينالدىرىپ، دامۋعا بولادى. باسىشى كادرلار العا باسۋ جولىنداعى حاۋىپ - قاتەرلەرگە عىلمي تۇجىرىم جاساپ، كۇرەس جاساپ شىنعۋدى كۇشەيتىپ، كۇرەس جاساۋ قابىلەتىن نىعايتۋى، حاۋىپ - قاتەر الدىندا اسپاي - ساسپاي، دەر كەزىندە ٴونىمدى شارا قولدانىپ كۇرەس جاساۋى، جاۋاپكەرشىلىك ارقالايتىن كەزدە جاۋاپكەرشىلىك ارقالاپ، جاڭا ساپاردا ۇزدىكسىز جاڭا ناتيجەلەر جاراتۋى كەرەك. 

اۆتوردىڭ قىزمەت ورنى: ورتالىق پارتيا مەكتەبى (مەملەكەتتىك اكىمشىلىك شۋەيۋانى) قوعامدىق سوتسياليزمدى وقىتۋ - زەرتتەۋ ٴبولىمى 

حالىق گازەتىنەن اۋدارعان: قايىربەك قاسيران ۇلى