سۋرەتتە: حالىق ساقشىلارى وقۋشىلارعا حاۋىپسىزدىك تاربيەسىن جۇرگىزۋدە.

حان شاشا فوتوسى

ٴتىلشىمىز حان شاشا حابارلايدى. مەكتەپ اۋلاسى حاۋىپسىزدىگى جونىندەگى ۇگىت - تاربيە قىزمەتىن اناعۇرلىم كۇشەيتىپ، وقىتۋشى ـ وقۋشىلاردىڭ حاۋىپسىزدىك تانىمىن، زاڭدىق تانىمىن، ساقتانۋ تانىمىن جانە ٴوزىن ـ ٴوزى قورعاۋ قابىلەتىن جوعارىلاتۋ ٴۇشىن، 4 - ايدىڭ 11 - كۇنى قۇلجا قالالىق قوعام حاۋىپسىزدىگى مەكەمەسى ازات جولى ساقشى بولىمشەسىنىڭ حالىق ساقشىلارى قاراستى رايونداعى 16 ـ باستاۋىش مەكتەپكە بارىپ، «حاۋىپسىزدىك ساباعىن» ٴوتۋ قيمىلىن ورىستەتتى. 

حالىق ساقشىلارى مەكتەپ ماڭىندا، وقۋشىلاردىڭ قاسىندا تۋىلعان جاندى دەلو مىسالدارىن نەگىزگى مازمۇن ەتىپ، دەلو ارقىلى زاڭدى دارىپتەۋ، دەلو ارقىلى زاڭدى ۇيرەنۋ، سونداي - اق حاۋىپسىزدىكتە بىلۋگە ٴتيىستى ىستەر، ٴوزارا سۇراۋ - جاۋاپ بەرۋ سياقتى تاسىلدەر ارقىلى وقۋشىلارمەن پىكىر الماستىردى.

 سونىمەن بىرگە، حالىق ساقشىلارى مەكتەپتىڭ مەكتەپ اۋلاسىندا زاڭمەن جونگە سالۋ ۇگىت تاقتاسىن ورناتۋىنا، مەكتەپتىڭ LED ەلەكتروندى ەكرانىنان پايدالانىپ، ٴتۇرلى حاۋىپسىزدىك ۇگىت ۇراندارىن جانە قاتىناس حاۋىپسىزدىگى جونىندەگى ساۋاتتىق بىلىمدەردى قويىپ، وقىتۋشى ـ وقۋشىلاردىڭ حاۋىپسىزدىك ساقتىق تانىمىن اناعۇرلىم كۇشەيتىپ، وقۋشىلاردىڭ ٴوزىن ـ ٴوزى قورعاۋ قابىلەتىن جوعارىلاتۋىنا جەتەكشىلىك ەتتى.