汉文 ىلە اقپارات تورابىنا حوش كەلدىڭىزدەر!
مەملەكەت حاۋىپسىزدىگىن قورعاۋدا بارلىق ادامنىڭ ۇلەسى، جاۋاپكەرشىلىگى بار
2022-04-18 13:15:41     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

مەملەكەت حاۋىپسىزدىگىن قورعاۋدا بارلىق ادامنىڭ ۇلەسى، جاۋاپكەرشىلىگى بار

− رايونىمىزدىڭ جەر - جەرى الۋان ءتۇرلى فورمادا ۇگىت تاربيە قيمىلىن ورىستەتتى

انار بۇلت / شينجياڭ گازەتىنىڭ تىلشىلەرى


بيىل 4 - ايدىڭ 15 - كۇنى 7 - رەتكى جالپى حالىقتىق مەملەكەت حاۋىپسىزدىگى تاربيەسى كۇنى، ۇگىت تاقىرىبى: ”مەملەكەتتىڭ جالپى تۇلعالىق حاۋىپسىزدىگى كوزقاراسىن مىقتاپ ورناتىپ، جاڭا داۋىردەگى مەملەكەت حاۋىپسىزدىگى تابىسىن سەزىنىپ، پارتيا 20 - قۇرىلتايىنىڭ جەڭىسپەن اشىلۋىن قارسى الۋعا تاماشا راي جاراتۋ“. نەشە كۇننەن بەرى رايونىمىزدىڭ جەر - جەرى الۋان ءتۇرلى فورمادا ۇگىت تاربيە قيمىلىن ورىستەتىپ، مەملەكەتتىڭ جالپى تۇلعالىق حاۋىپسىزدىگى كوزقاراسىنىڭ جۇرت جۇرەگىنە تەرەڭ ۇيالاپ، تامىر تارتۋىن ىلگەرىلەتتى.

4 - ايدىڭ 14 - كۇنى كەشتە جالپى حالىقتىق مەملەكەت حاۋىپسىزدىگى تاربيەسى كۇنى تاقىرىبىنداعى شىراق سالتاناتى المۇرت قالاسىنىڭ اسپانىن جارقىراتتى. مەملەكەتتىڭ جالپى تۇلعالىق حاۋىپسىزدىگى كوزقاراسىن امالياتتا ىشكەرىلەي ايگىلەپ، پارتيا 20 - قۇرىلتايىنىڭ جەڭىسپەن اشىلۋىن قارسى الۋ ءۇشىن، بايىنعولين موڭعۇل اۆتونوميالى وبلىسى كورلا قالاسىنداعى كوپتەگەن قۇرىلىستاردا جالپى حالىقتىق مەملەكەت حاۋىپسىزدىگى تاربيەسى كۇنى تاقىرىبىندا شىراق سالتاناتىن باستاپ، كوزدىڭ جاۋىن الاتىن شىراقتارمەن بەينەلەۋ تاسىلىمەن مەملەكەتتىڭ جالپى تۇلعالىق حاۋىپسىزدىگى جونىندەگى بىلىمدەردى جان - جاقتى جالپىلاستىرىپ، مەملەكەت حاۋىپسىزدىگىن قورعاۋدا ”بارلىق ادامدا جاۋاپكەرشىلىك بولۋ، بارلىق ادام قاتىناسۋ، بارلىق ادام ورتاق يگىلىكتەنۋدەي“ تاماشا راي قالىپتاستىردى.

4 - ايدىڭ 13 - كۇنى فۋكاڭ قالاسى جالپى حالىقتىق مەملەكەت حاۋىپسىزدىگى تاربيەسى كۇنى ۇگىت قيمىلىن ۇيىمداستىرىپ ورىستەتتى. قىزمەتكەرلەر كوشەدە وتكەن - كەتكەن قالا تۇرعىندارىنا مەملەكەت حاۋىپسىزدىگىن قورعاۋعا قاتىستى بىلىمدەردى ۇگىتتەپ، مەملەكەت حاۋىپسىزدىگى ءبىلىمى قولدانباسىن تاراتتى. فۋكاڭ قالالىق پارتكوم كەڭسەسىنىڭ ورىنباسار مەڭگەرۋشىسى ۋ يوۋميڭ بىلاي دەدى: ”مەملەكەت حاۋىپسىزدىگىن قورعاۋ بارلىعىمىزدىڭ، ءسوزسىز، ورىنداۋعا ءتيىستى ءىسىمىز. قالىڭ ازاماتتار قىراعىلىقتى ارتتىرىپ، مەملەكەت حاۋىپسىزدىگىنە زيان جەتكىزەتىن كۇماندى ارەكەتتەردى نەمەسە باسقالاي ءبۇلدىرۋ قيمىلدارىن بايقاسا، 12339عا تەلەفون جالعاپ اشكەرەلەۋىنە بولادى“.

نەشە كۇننەن بەرى ءۇشتۇرپان اۋدانى جالپى حالىقتىق مەملەكەت حاۋىپسىزدىگى تاربيەسى كۇنى شەكارا قورعاۋشىلاردىڭ ۇگىت تاربيە قيمىلىن بەلسەنە ۇيىمداستىرىپ، قالىڭ شەكارا قورعاۋشىلارىنىڭ مەملەكەت حاۋىپسىزدىگىن قورعاۋ تانىمىن ونان ارى كۇشەيتتى. جامانسۋ قىرعىز اۋىلى شەكارا قورعاۋشىلارى ۇيىندە جامانسۋ شەكارا ساقشى بولىمشەسىنىڭ حالىق ساقشىسى سۇڭ جيان 25 شەكارا قورعاۋ بولىمشە اترەتى باستىقتارىنا مەملەكەت حاۋىپسىزدىگى زاڭىن، تىڭشىلىققا قارسى تۇرۋ زاڭىن ۇگىتتەدى، سونداي - اق تاڭداۋلى شەكارا قورعاۋشى، ”ءداۋىر ونەگەسى“ لاچين بايەكەنىڭ ىزگى ىستەرىن بىرگە ۇيرەندى. شەكارا قورعاۋشى داۋۇت قاسىم بىلاي دەدى: ”مەملەكەت حاۋىپسىزدىگىن قورعاۋدا بارلىق ادامنىڭ جاۋاپكەرشىلىگى بار، مەن لاچين بايەكەدەن ۇيرەنىپ، وتانىمىزدىڭ شەكارا جەلىسىن ويداعىداي قورعايمىن“.

4 - ايدىڭ 12 - كۇنىنەن باستاپ ءۇرىمجى كەدەنى تۇتاس شينجياڭداعى شەكارا وتكەلى كەدەندەرىن مەملەكەت قاقپاسىنىڭ بيولوگيالىق حاۋىپسىزدىك ۇگىت تاربيە جەلىلەس قيمىلدارىن ورىستەتۋگە ۇيىمداستىرىپ، ءار ۇلت بۇقاراسىنىڭ بيولوگيالىق حاۋىپسىزدىك ساقتىق تانىمىن ونان ارى كۇشەيتتى. ءۇرىمجى كەدەنى حايۋاناتتار مەن وسىمدىكتەردى كارانتيندەۋ باسقارماسىنىڭ باستىعى شۇي جۇن بىلاي دەدى: ءۇرىمجى كەدەنى مەملەكەتتىڭ جالپى تۇلعالىق حاۋىپسىزدىگى كوزقاراسىن ىشكەرىلەي تياناقتاندىرىپ، ءتۇزىمدى جۇيەلىلەندىرۋ، دارىندىلار قوسىنىن نىعايتۋ، شەكارا وتكەلىنىڭ كارانتيندەۋ قابىلەتىن جوعارىلاتۋ، تاجىريبەحانالاردىڭ تەكسەرۋ قابىلەتىن كۇشەيتۋ سياقتى جاقتاردان كىرىسىپ، مەملەكەت قاقپاسىنىڭ بيولوگيالىق حاۋىپسىزدىك ىندەتتەن ساقتانۋ تىزبەگىن قالىپتاستىرىپ، مەملەكەت قاقپاسى بيولوگيالىق حاۋىپسىزدىگىن كۇش سالا ويداعىداي قورعايدى.

(تىلشىلەر سۇي يۇنيان، ياڭ شۋحان، قاتىناسقان تىلشىلەر فان چيۇڭيان، چىن چياڭۋي، ەرىكتى تىلشىلەر سەلگىر، ۋ شياۋيان)