汉文 ىلە اقپارات تورابىنا حوش كەلدىڭىزدەر!
وبلىسقا توتە قاراستى ورىندار «نەگىزگى زاڭ مەن زاڭداردى ۇگىتتەۋ ايى» جەلىلەس قيمىلىن ورىستەتتى
2022-04-20 16:27:22     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

20220418000369_cb641cce64eeb4bc742b7b9629b5721787045bc2.jpg

سۋرەتتە: وبلىستىق ٴادىليا مەكەمەسىنىڭ قىزمەتكەرلەرى بۇقاراعا قاتىستى زاڭدىق بىلىمدەردى ۇگىتتەپ، تۇسىندىرۋدە.

سۇن ي - نان فوتوسى


ٴتىلشىمىز سۇن ي - نان حابارلايدى. بيىلعى 4 - اي − اۆتونوميالى رايوننىڭ 19 - رەتكى «نەگىزگى زاڭ مەن زاڭداردى ۇگىتتەۋ ايى». بىرنەشە كۇننەن بەرى ىلە وبلىستىق ٴادىليا مەكەمەسى زاڭدى اۋىل - قىستاقتارعا، ورگاندارعا، الەۋمەتتىك اۋماقتارعا، كاسىپورىندارعا جەتكىزۋ سياقتى جەلىلەس قيمىلداردى ۇزدىكسىز ورىستەتىپ، ٴتۇرلى فورماداعى نەگىزگى زاڭ مەن زاڭداردى ۇگىتتەۋ ورلەۋىن كوتەردى.

4 - ايدىڭ 15 - كۇنى − جالپى حالىقتىق مەملەكەت حاۋىپسىزدىگى تاربيە كۇنى. سول كۇنى وبلىستىق ٴادىليا مەكەمەسى مەن اۋداندىق، قالالىق ٴادىليا مەكەمەلەرى بازار، الاڭ سياقتى جەرلەردە زاڭمەن جونگە سالۋ بويىنشا ۇگىت جۇرگىزۋ، كەڭەس بەرۋ تەكشەلەرىن قۇرىپ، زاڭ - ەرەجەلەر ۇگىت كىتاپشاسىن، بۇكتەمە ۇگىت قاعازىن تاراتىپ، كەرمە تۋ، ۇران سوزدەرىن ٴىلىپ، الەۋمەتتىك ورىنداردا كورسەتپەلى تەرمينال، ميكرو بلوك، ٴۇنحات كليەنتى سياقتى جاڭا اقپارات قۇرالدارىنان پايدالانىپ ۇگىت جۇرگىزىپ، زاڭ جالپىلاستىرۋ ۇگىتىنىڭ قويۋ رايىن قالىپتاستىردى. ساناققا قاراعاندا، قيمىلدا جالپى 3200 دەن استام ۇگىت ۇرانى، كەرمە تۋ، 1500 دەن استام قابىرعا سۋرەت ٴىلىنىپ، 822 ۇگىت تاقتاسى جاسالىپ، 11 مىڭ 579 ۇگىت ماتەريالى تاراتىلعان. 

«قيمىل ارقىلى قاراستى رايونداعى بۇقارانىڭ قاتىستى زاڭ - ەرەجەلەردى ٴبىلۋ مولشەرىن جوعارىلاتتىق، بۇل ٴارى قاراستى رايونداعى بۇقارانىڭ زاڭعا قۇرمەت ەتۋ، زاڭدى ۇيرەنۋ، زاڭعا بويسۇنۋ، زاڭدى قولدانۋ، مەملەكەتتىڭ حاۋىپسىزدىگىن قورعاۋ سانالىلىعىن كۇشەيتىپ، زاڭ ۇگىت - تاربيەسىنىڭ ۇدايىلانۋىنا، ۇزاق ۋاقىت ٴونىمدى بولۋىنا ٴتيىمدى بولدى، وس ارقىلى كورىكتى ىلە قۇرۋعا تاماشا زاڭمەن جونگە سالۋ ورتاسىن ازىرلەدىك» دەدى وبلىستىق ٴادىليا مەكەمەسى زاڭ جالپىلاستىرۋ جانە زاڭ بويىنشا جونگە سالۋ باسقارماسىنىڭ كادرى گۇلبيا ابىليكىم. 

نەگىزگى ساتىدا ۇگىت - لەكسيا جاساۋ − زاڭدى سان مىڭداعان وتباسىنا جەتكىزۋدىڭ «ەڭ سوڭعى ٴبىر شاقىرىمىن» جالعاۋدىڭ ماڭىزدى ارناسى. 4 - ايدىڭ 18 - كۇنى قۇلجا قالاسى ٴدوڭمالى ٴمالى باسقارماسى مالبازار الەۋمەتتىك اۋماعىندا وبلىستىق ٴادىليا مەكەمەسىنىڭ قىزمەتكەرلەرى الەۋمەتتىك اۋماق تۇرعىندارىنا كوپتەگەن زاڭ ۇگىت قولدانباسىن تاراتتى، سونداي - اق كوپشىلىككە «جۇڭحۋا حالىق رەسپۋبليكاسىنىڭ نەگىزگى زاڭى» مەن «جۇڭحۋا حالىق رەسپۋبليكاسىنىڭ ازاماتتىق زاڭناماسىنىڭ» ۇقىققا قول سۇعۋ جاۋاپكەرلىگى تاراۋى، ۇيلەنۋ، وتباسى تاراۋى سياقتى بۇقارانىڭ تۇرمىسىمەن تىعىز قاتىستى زاڭ بىلىمدەرىن ٴتۇسىندىرىپ، بۇقارانى سانالى تۇردە زاڭعا قۇرمەت ەتۋگە، زاڭدى ۇيرەنۋگە، زاڭعا بويسۇنۋعا، زاڭدى قولدانۋعا جەتەكتەدى. 

«زاڭمەن جونگە سالىناتىن قوعام قۇرۋدا، ٴبىز بۇقارا دا زاڭ بىلىمدەرىن جاقسى ۇيرەنۋىمىز، تارتىپكە، زاڭعا بويسۇنۋمەن بىرگە، زاڭ قارۋىنان پايدالانىپ، ٴوزىمىزدىڭ زاڭدى ۇقىق - مۇددەمىزدى قورعاۋىمىز كەرەك» دەدى الەۋمەتتىك اۋماقتىڭ تۇرعىنى ۋاڭ پيڭ.