ٴتىلشىمىز حان شاشا حابارلايدى. 6 - ايدىڭ 26 - كۇنى − 35 - رەتكى حالىقارالىق ەسىرتكىگە تيىم سالۋ كۇنى، بۇكىل وبلىستا ەسىرتكىگە تيىم سالۋ ۇگىت قىزمەتىن ىشكەرىلەي ورىستەتۋدى جەبەپ، قالىڭ بۇقارانىڭ ەسىرتكىگە تيىم سالۋ، ەسىرتكىدەن ساقتانۋ قيمىلىنا ات سالىسۋ بەلسەندىلىگىن تولىق قوزعاۋ ٴۇشىن، اۆتونوميالى وبلىس سول كۇنى «ەسىرتكىگە تيىم سالۋدا ۇلگىلى ورىندى ٴبارىمىز بىرگە قۇرايىق، تاماشا تۇرمىستان جالپى حالىق بىرگە يگىلىكتەنەيىك» نەگىزگى تاقىرىپتىق ۇگىت قيمىلىن ورىستەتتى. 

ىلە لين زىشۇي ەسكەرتكىش سارايىنداعى قيمىل ورنىندا ەسىرتكى بۇيىمدارىن ورتەۋ سالتىن  كەسكىن ارقىلى جالعاپ كورسەتىپ، اۆتونوميالى وبلىستىڭ ەسىرتكى بۇيىمدارىن جونگە سالۋداعى تابىستارىن ايگىلەپ، 2021 - جىلى اۆتونوميالى رايوندىق ەسىرتكىگە تيىم سالۋ كوميتەتى جاعىنان ماداقتالىپ - سيلانعان وبلىسقا توتە قاراستى ورىندارداعى ۇزدىك كوللەكتيۆ ۋاكىلدەرى مەن ۇزدىك جەكەلەر ماداقتالىپ - سيلاندى.

وبلىستىق ەسىرتكىگە تيىم سالۋ كوميتەتىنىڭ مەڭگەرۋشىسى، وبلىستىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى، ۇيىمداستىرۋ ٴبولىمىنىڭ باستىعى ليۋ شينلي، وبلىستىق ەسىرتكىگە تيىم سالۋ كوميتەتىنىڭ ورىنباسار مەڭگەرۋشىسى، وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى جاڭارسىن نۇراش ۇلى، وبلىستىق ەسىرتكىگە تيىم سالۋ كوميتەتىنىڭ ورىنباسار مەڭگەرۋشىسى، وبلىستىڭ ورىنباسار باستىعى، وبلىستىق قوعام حاۋىپسىزدىگى مەكەمەسى پارتكومىنىڭ شۋجيى، مەكەمە باستىعى ما تاۋ قيمىلعا قاتىناستى.

قيمىلعا قاتىناسقان قۇلجا اۋداندىق قوعام حاۋىپسىزدىگى مەكەمەسى پارتكومىنىڭ مۇشەسى، ورىنباسار مەكەمە باستىعى ۋاڭ شۇي مىنالاردى ٴبىلدىردى: ەسىرتكىگە ساياتىن قىلمىستىق ارەكەتتەرگە سوققى بەرۋ − حالىق ساقشىلارىنىڭ قاسيەتتى بورىشى.

ٴبىز بۇدان بىلايعى قىزمەت بارىسىندا قاتىستى تاراۋلارمەن سەلبەسىپ ٴىرى دەلولاردى اشكەرەلەۋ، ەسىرتكى اتاماندارىنا سوققى بەرۋ، ەسىرتكىنى ٴمۇسادىرالاۋ، ۇساق - تۇيەكتەرىنىڭ جازاسىن بەرۋ، ەسىرتكى تۇتىناتىنداردى باسقارۋ سياقتى جاقتاردان بىرگە كۇش سالامىز. ەسىرتكى تولىق الاستالمايىنشا، ەسىرتكىگە قارسى كۇرەس ٴبىر كۇن دە تولاستامايدى.

«ەسىرتكىگە تيىم سالۋ ەرىكتىسى بولۋ تۇرعىسىنان مەن اينالامداعىلاردان، ۇساق ىستەردەن باستاپ كىرىسىپ، ەسىرتكىگە تيىم سالۋ ۇگىت تاربيەسىن قۇلشىنا جالپىلاستىرىپ، ٴار ۇلت بۇقاراسىنا ەسىرتكى بۇيىمدارىنىڭ وتباسىنا كەلتىرەتىن زيانىن ۇعىندىرىپ، كوپشىلىكتىڭ ەسىرتكىنى ٴبىلۋ، ەسىرتكىدەن ساقتانۋ، ەسىرتكىدەن اۋلاق بولۋ تانىمىن جوعارىلاتامىن» دەدى ەسىرتكىگە تيىم سالۋ ەرىكتىسى ۋاڭ چياڭ.

قيمىلعا قاتىناسقاندار ەسىرتكىگە تيىم سالۋ جونىندەگى كوركەم جازۋ - سۋرەت، قابىرعا گازەت تۋىندىلارى كورمەسىن كوردى. قۇلجا قالالىق 6 - باستاۋىش مەكتەپتەن قيمىلعا قاتىناسقان وقۋشى لي لين - ىر بىلاي دەدى: «بۇل رەتكى قيمىل ارقىلى مەن <ٴومىردى قاستەرلەپ، ەسىرتكىدەن اۋلاق بولايىق> دەگەن ٴسوزدىڭ ماڭىزدى ٴمانىن سەزىندىم. ٴبىز جۇڭگونىڭ تاياۋ زامانداعى قورلىقتى تاريحىن ەستەن شىعارماۋىمىز، ەكى رەتكى اپيىن سوعىسىنىڭ جۇڭگو حالقىنا الىپ كەلگەن اۋىر زاردابىن ٴتىپتى دە ەستەن شىعارماۋىمىز كەرەك».

جۋىقتاعى جىلداردان بەرى، اۆتونوميالى وبلىستاعى ٴار دارەجەلى پارتكوم، ۇكىمەت باس شۋجي شي جينپيڭنىڭ ەسىرتكىگە تيىم سالۋ قىزمەتى جونىندەگى جەلىلەس ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ەسىرتكىگە تيىم سالۋ قىزمەتىندە كورنەكتى تابىستارعا قول جەتكىزىپ، ەسىرتكىگە تيىم سالۋ ىستەرىنىڭ ىقپال كۇشى جاڭا دەڭگەيگە كوتەرىلدى. قۇلجا قالاسى 2018 - جىلى بۇكىل مەملەكەت بويىنشا ەسىرتكىگە تيىم سالۋدان ۇلگى كورسەتەتىن قالالار تىزىمدىگىنە ەنگىزۋگە كورسەتۋ تولىمدىلىعىنا يە بولسا، 2021 - جىلى تابىستى تۇردە بۇكىل مەملەكەت بويىنشا ەسىرتكىگە تيىم سالۋدان ۇلگى كورسەتەتىن قالا قاتارىنان ورىن الدى.