汉文 ىلە اقپارات تورابىنا حوش كەلدىڭىزدەر!
وبلىسقا توتە قاراستى ورىندارداعى «انار گۇلى» جەلەكتى ەرىكتىلەرى زاڭدى سان مىڭداعان وتباسىنا جەتكىزدى
2023-01-30 10:48:32     كورىلىم:رەت كەلۋ قاينارى:ىلە گازەتى  جاۋاپتى رەداكتور:جاڭىلقان قوجا قىزى

ٴتىلشىمىز مىڭ شيا حابارلايدى. كوكتەم مەرەكەسى كەزىندە وبلىستىق ايەلدەر بىرلەستىگى وبلىسقا توتە قاراستى ورىندارداعى «انار گۇلى» جەلەكتى ەرىكتىلەر قىزمەت وتەۋ اترەتىندەگى ايەلدەردى ۇيىمداستىرىپ، كوڭىلدى دە جاراسىمدى مەرەكە ساتىندە ٴار ۇلت بۇقاراسىنىڭ وتباسىنا بارىپ، كوكتەم مەرەكەسىنە قۇتتى بولسىن ايتتى ٴارى  ايەلدەر قاۋىمىنا «جۇڭحۋا حالىق رەسپۋبليكاسىنىڭ وتباسى تاربيەسىن جەبەۋ زاڭىن» جانە جاڭادان وزگەرىس ەنگىزىلگەن «جۇڭحۋا حالىق رەسپۋبليكاسىنىڭ ايەلدەردىڭ ۇقىق ـ مۇددەسىن قامتاماسىزداندىرۋ زاڭىن» ۇگىتتەدى.

كوكتەم مەرەكەسىنىڭ 3 - كۇنى چاپچال سىبە اۆتونوميالى اۋداندىق ايەلدەر بىرلەستىگى ەرىكتىلەردى وسى اۋداننىڭ قىستاقتارىنا، الەۋمەتتىك اۋماقتارىنا بارىپ، «كوكتەم مەرەكەسىندە نەگىزگى ساتىنى ارالاۋ، زاڭدى سان مىڭداعان وتباسىنا جەتكىزۋ» قيمىلىن ورىستەتۋگە ۇيىمداستىرىپ، بۇقاراعا زاڭمەن باسقارۋ  ۇگىت كىتاپشاسىن تاراتىپ، ٴار ۇلت ايەلدەرىنە زاڭ بىلىمدەرىن جالپىلاستىردى. وتباسىلارىن ارالاۋ بارىسىندا ەرىكتىلەر ايەلدەر قاۋىمى نازار اۋدارىپ وتىرعان ماسەلەلەردى باعىتتامالى تۇردە ٴتۇسىندىرىپ، ولاردىڭ كوڭىلىندەگى كۇدىكتى سۇراۋلارىنا جاۋاپ بەرىپ، قالىڭ ايەل قاۋىمىن «زاڭ بويىنشا ٴىس ٴبىتىرۋ، ماسەلەگە جولىققاندا زاڭدى ىزدەۋ، ماسەلەنى شەشۋدە زاڭنان پايدالانۋ، قايشىلىقتاردى شەشۋدە زاڭعا سۇيەنۋ» سىندى زاڭمەن باسقارۋ تانىمىن ورناتۋعا جەتەكتەپ، زاڭمەن باسقارۋدىڭ قويۋ اۋانىن قالىپتاستىردى.

تەكەس اۋداندىق ايەلدەر بىرلەستىگى «انار گۇلى» جەلەكتى ەرىكتىلەر قىزمەت وتەۋ اترەتىنىڭ رولىن تولىق ساۋلەلەندىرىپ، ەرىكتىلەردى مەرەكەنى قۇتتىقتاۋ، بەتپە - بەت اڭگىمەلەسۋ سياقتى تاسىلدەرمەن بالانى عىلمي تاربيەلەۋ ٴادىسىن اتا - انالارعا انىق ٴتۇسىندىرىپ، ۇعىندىرىپ، قالىڭ اتا - انالاردىڭ وتباسى تاربيەسىنىڭ ماڭىزدى ٴمانىن جەتە تانۋىنا مۇمكىندىك جاساپ، اتا - انالاردىڭ «بالانى زاڭ بويىنشا باۋلۋ» تانىمىن جوعارىلاتىپ، دۇرىس وتباسى تاربيەسى ۇستانىمىن ورناتۋى، بالالاردىڭ اقاۋسىز ٴوسىپ جەتىلۋى ٴۇشىن تاماشا وتباسى ورتاسىمەن قامداۋعا كۇش سالدى.

كۇيتۇن قالاسىندا «انار گۇلى» جەلەكتى ەرىكتىلەرى كوشەگە شىعىپ، ادامدار شوعىرلانعان الاڭداردا جۇرگىنشىلەرگە ۇگىت قاعازىن، ۇگىت قولدانباسىن تاراتىپ، ۇگىت ساۋعاسىن ۇسىندى ٴارى «انار گۇلى» جەلەكتى ەرىكتىلەرىن مەرەكەنى قۇتتىقتاۋ ارقىلى قالىڭ ايەلدەر مەن بالالارعا تاماشا وتباسى سالتى اڭگىمەلەرىن بايانداۋعا ۇيىمداستىرىپ، اتا - انالاردىڭ وتباسى تاربيەسىنە ٴمان بەرۋ دەڭگەيىن جانە وتباسى تاربيەسى ورەسىن جوعارىلاتتى.

كوكتەم مەرەكەسى كەزىندە وبلىسقا توتە قاراستى ورىندارداعى «انار گۇلى» جەلەكتى ەرىكتىلەرى زاڭدى سان مىڭداعان وتباسىنا جەتكىزىپ، ٴار ۇلت ايەلدەرى مەن بالالارىنا قويۋ مەرەكەلىك لەپ پەن مەيىرلى سۇيىسپەنشىلىكتى جەتكىزىپ، «ۇگىت - لەكسيا + قىزمەت وتەۋدى» شىنايى تياناقتاندىردى.