3 - ايدىڭ 23 - كۇنى ىلە گازەتى مەكەمەسى بارلىق كادرلار مەن جۇمىسشى - قىزمەتكەرلەردى ۇيىمداستىرىپ، «ٴورت ٴوشىرۋ، ورتتەن ساقتانۋ حاۋىپسىزدىگى بىلىمدەرىن يگەرىپ، جوعارى ساپالى دامۋعا كەپىلدىك ەتۋ» باستى تاقىرىبىنداعى ٴورت ٴوشىرۋ، ورتتەن ساقتانۋ حاۋىپسىزدىگى بىلىمدەرىمەن باۋلۋدى ورىستەتىپ، كادرلاردىڭ، جۇمىسشى - قىزمەتكەرلەردىڭ ٴورت ٴوشىرۋ، ورتتەن ساقتانۋ حاۋىپسىزدىگى تانىمىن كۇشەيتىپ، ٴوندىرىس حاۋىپسىزدىگىندە كىشى - گىرىم ٴىس بولمايدى دەيتىن جاۋاپكەرشىلىك سەزىمدەرىن جوعارىلاتتى.

 وسى رەتكى ٴورت ٴوشىرۋ، ورتتەن ساقتانۋ حاۋىپسىزدىگى بىلىمدەرىنە باۋلۋدى ىلە جىڭ ـ ان ٴورت ٴوشىرۋ، ورتتەن ساقتانۋ بىلىمدەرىن ۇگىتتەۋ، باۋلۋ ورتالىعىنىڭ تاربيەشىسى جۇرگىزدى. باۋلۋ مازمۇنى باسپانا، كەڭسە جانە عيماراتتا تۋىلاتىن ٴتۇرلى ٴورت اپاتى جانە ودان ساقتانۋ شارالارىن، ٴورت الاڭىندا جان ساۋعالاۋ، ٴوزىن قۇتقارۋ، سىلكىنىستەن ساقتانۋ، سىلكىنىستە جان ساۋعالاۋ، قاتىناس، ٴوندىرىس حاۋىپسىزدىگى زاڭى بىلىمدەرى؛ ورتتەن ساقتانۋ جابدىقتارىن دۇرىس ىستەتۋ، تەكسەرۋ ٴتاسىلى، قورعاۋ ٴادىسى، ساتىپ الۋ جانە ورنالاستىرۋعا قاتىستى ساۋاتتىق بىلىمدەر سياقتىلاردى قامتىدى. باۋلۋ اياقتاعاننان كەيىن ورتتەن ساقتانۋ ماشىعى جاسالدى جانە كەڭسەدە ەلەكتردەن دۇرىس پايدالانۋعا جەتەكشىلىك ەتىلدى.

تىلشىلەرىمىز سۇن ي - نان، ۋي شانچىڭ، نۇركەلدى نۇراقىن ۇلى فوتوسى