ازاماتتىق زاڭناما بارشا وتباسىنا جەتكىزىلىپ، تاماشا تۇرمىسقا دەم بەردى
ىلە وبلىسى ”ىلەنى زاڭمەن نارلەندىرۋ . زاڭنامانى بارشا وتباسىنا جەتكىزۋ“ زاڭمەن باسقارۋ ۇگىت تاربيەسىن جانە 100 مايداندىق زاڭمەن باسقارۋ مادەنيەتىن نەگىزگى ساتىعا جەتكىزۋ قيمىلىن باستادى
ٴتىلشىمىز ۋاڭ ليپيڭ حابارلايدى. بيىلعى 5 ـ اي − 3 ـ رەتكى ازاماتتىق زاڭنامانى ۇگىتتەۋ ايى. پارتيا 20 - قۇرىلتايىنىڭ رۋحى مەن شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنۋ، دايەكتىلەندىرۋ ٴۇشىن، 5 - ايدىڭ 10 - كۇنى تۇستەن كەيىن ىلە وبلىسىنىڭ وبلىستى زاڭمەن باسقارۋ كەڭسەسى، ىلە وبلىستىق ٴادىليا مەكەمەسى جاۋاپتى بولىپ وتكىزگەن ”ىلەنى زاڭمەن نارلەندىرۋ . زاڭنامانى بارشا وتباسىنا جەتكىزۋ“ ىلە وبلىسىنىڭ زاڭمەن باسقارۋ ۇگىت تاربيەسى جانە 100 مايداندىق زاڭمەن باسقارۋ مادەنيەتىن نەگىزگى ساتىعا جەتكىزۋ قيمىلىنىڭ باستالۋ سالتى چاپچال سىبە اۆتونوميالى اۋدانىندا وتكىزىلىپ، ىلە وبلىسىنىڭ ازاماتتىق زاڭنامانى ۇگىتتەۋ ايى قيمىلىنىڭ شىمىلدىعىن اشتى.
ىلە وبلىستىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى ياڭ شينپيڭ، ىلە وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى اقجول انەش ۇلى، ىلە وبلىستىق ساياسي كەڭەستىڭ ورىنباسار ٴتوراعاسى نۇراحىمەت زۇنۇن قاتارلى باسشىلار وسى رەتكى قيمىلعا قاتىناستى.
باستالۋ سالتىندا ياڭ شينپيڭ مىنالاردى تالاپ ەتتى: قاتىستى ورىندار وسى رەتكى قيمىلدى وراي ەتىپ، ”حالىقتىق كاسىپورىنداردىڭ ’زاڭمەن باسقارۋىن تەكسەرۋ‘ “، ”سۋديالار حالىق باسقارۋىنداعى كاسىپورىندارعا بارۋ“، ”پروكۋرورلار حالىق باسقارۋىنداعى كاسىپورىندارعا بارۋ“ سياقتى ازاماتتىق زاڭنامانى كاسىپورىندارعا جەتكىزۋ ۇگىت قيمىلىن جوسپارلى، ساتىلى، ۇيىمدى ورىستەتىپ، نەگىزگى ساتىنىڭ ٴىس جۇزىندىك جاعدايىن تياناق ەتىپ، ازاماتتىق زاڭناما ۇگىتىن بۇقارا ۇناتاتىن ادىستەرمەن قىستاقتارعا، وتباسىلارىنا، جەكەلەرگە دەيىن ورىستەتىپ، تۇتاس قوعامدا زاڭعا قۇرمەت ەتەتىن، زاڭدى ۇيرەنەتىن، زاڭعا بويسۇناتىن، زاڭدى قولداناتىن تاماشا زاڭمەن باسقارۋ ورتاسىن كۇش سالا قالىپتاستىرۋ كەرەك.
قيمىل الاڭىندا ياڭ شينپيڭ ىلە وبلىستىق سوت مەكەمەسىنە، ىلە وبلىستىق پروكۋراتۋراعا، ىلە وبلىستىق ادۆوكاتتار قوعامىنا، قۇلجا قالالىق بايياڭ الەۋمەتتىك كۋالاندىرۋ ورنىنا «زاڭمەن باسقارۋ جاعىندا حالىق باسقارۋىنداعى كاسىپورىندارعا كومەكتەسكەن قىزمەت وتەۋ ۇجىمى» دەگەن ماداق تاقتاسىن بەردى. اقجول انەش ۇلى، نۇراحىمەت زۇنۇن ىلە شىفان داشۋەنىڭ زاڭ جالپىلاستىرۋ ەرىكتىلەر توبىنا، ىلىما تاماق جەتكىزۋ توبى زاڭ جالپىلاستىرۋ ەرىكتىلەرىنىڭ ۋاكىلدەرىنە، چاپچال اۋدانىنىڭ تاكسيشى توبى زاڭ جالپىلاستىرۋ ەرىكتىلەرىنىڭ ۋاكىلدەرىنە ماداق تاقتاسىن بەردى.
ىلە وبلىستىق ادۆوكاتتار قوعامىنىڭ ورىنباسار باستىعى يۋان يۇيشين بىلاي دەدى: ىلە وبلىسىنا توتە قاراستى 52 ادۆوكاتتىق ىستەر باسقارماسى ”زاڭ كەڭەسشىسى“ مىندەتىن مۇقيات اتقارىپ، ازاماتتىق زاڭنامانى كاسىپورىندارعا، قىستاقتارعا (الەۋمەتتىك اۋماق) جەتكىزىپ، ٴار ۇلت بۇقاراسىنىڭ زاڭدى ۇيرەنۋىنە، زاڭنان پايدالانۋىنا كومەكتەسەدى.
چاپچال اۋدانى جەتىسۇمىن اۋىلىنىڭ تۇرعىنى لۇي شياڭيۇن بىلاي دەدى: ”ازاماتتىق زاڭناماعا بايلانىستى زاڭمەن باسقارۋ ۇگىت قيمىلى ٴىس جۇزىندىككە جاناسىمدى بولىپ، دۋماندى مادەنيەت كونسەرتى قيمىلىنان زاڭمەن باسقارۋ جونىندە تاربيە الدىم“.
ىلە وبلىستىق ٴادىليا مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى باقىتبەك ٴادىلقان ۇلى بىلاي دەدى: ازاماتتىق زاڭنامانى ۇگىتتەۋ قيمىلىندا ستۋدەنتتەر، جەدەل جەتكىزۋشىلەر، تاكسي شوفەرلەرى سياقتى زاڭ جالپىلاستىرۋ ەرىكتىلەر قوسىنى رولىن تولىق ساۋلەلەندىرىپ، ازاماتتىق زاڭنامانىڭ بۇقارانىڭ قاسىنان تابىلىپ، بۇقارانىڭ كوڭىلىنە ۇيالاۋىن ىلگەرىلەتتى.
ازاماتتىق زاڭنامانى ۇگىتتەۋ ايىندا، ىلە وبلىسىنا توتە قاراستى ٴارقايسى ٴادىليا تاراۋلارى ”كىم زاڭ اتقارسا، سول زاڭ جالپىلاستىرۋ، كىم جاۋاپتى بولسا، سول زاڭ جالپىلاستىرۋ، كىم قىزمەت وتەسە، سول زاڭ جالپىلاستىرۋ“ دەيتىن زاڭ جالپىلاستىرۋ جاۋاپكەرشىلىك ٴتۇزىمىن تياناقتاندىرۋمەن ۇشتاستىرىپ، ازاماتتىق زاڭنامانى ورگاندارعا، الەۋمەتتىك اۋماقتارعا، مەكتەپتەرگە، كاسىپورىندارعا، ورىندارعا، اسكەري كازارمالارعا، ينتەرنەتكە جەتكىزۋدى زور كۇشپەن ىلگەرىلەتەدى.
باستالۋ سالتىندا تاعى ”تاماشا تۇرمىس ازاماتتىق زاڭنامانى سەرىك ەتەدى“ نەگىزگى تاقىرىبىنداعى ادەبيەت - كوركەمونەر كونسەرتى وتكىزىلدى.