باتىس تيانشان مەملەكەت مەنشىگىندەگى ورمان باسقارۋ مەكەمەسىنىڭ چاپچال بولىمشەسى:

ورماندى ورتتەن ساقتاۋدا جاتتىعۋدى شايقاس رەتىندە قاراپ ناقتى قۋاتتى جوعارىلاتتى

سۋرەتتە: شۇعىل جاعدايعا توتەپ بەرۋگە جاتتىعۋ الاڭى.      ليۋ چۇنشيڭ فوتوسى

ٴتىلشىمىز ليۋ چۇنشيڭ حابارلايدى. جاتتىعۋدى شايقاس رەتىندە قاراپ ناقتى قۋاتتى جوعارىلاتتى. 8 .ـ ايدىڭ 16 ـ كۇنى تۇستەن كەيىن چاپچال سىبە اۆتونوميالى اۋدانىنىڭ ۇلكەنبۋرا ورمان باقشاسىندا شينجياڭ ۇيعۇر اۆتونوميالى رايونى باتىس تيانشان مەملەكەت مەنشىگىندەگى ورمان باسقارۋ مەكەمەسى چاپچال بولىمشەسىنىڭ ورماندى ورتتەن ساقتاۋ، شۇعىل جاعدايعا توتەپ بەرۋ بولىمشە اترەتى ورماندى ورتتەن ساقتاۋ، ورمان ٴورتىن ٴوشىرۋ، شۇعىل جاعدايعا توتەپ بەرۋ جاتتىعۋىن وتكىزدى. 

وسى رەتكى ورماندى ورتتەن ساقتاۋ، ورمان ٴورتىن ٴوشىرۋ، شۇعىل جاعدايعا توتەپ بەرۋ جاتتىعۋىندا ەلىكتەمەلى ورمان ٴورتى اپاتى ارتقى كورىنىس ەتىلىپ، شۇعىل جاعدايعا توتەپ بەرۋ بولىمشە اترەتى باقىلاۋشىنىڭ ٴورت اپاتى جونىندەگى مالىمەتىن قابىلداعاننان كەيىن، دەرەۋ ماي ارا، سۋ ناسوسى، جەل كۇشىمەن ٴورت وشىرگىش، جوعارى كەرنەۋلى ەلەكترلى سۋ مىلتىعى سياقتى جابدىقتاردى الىپ جاتتىعۋ ورنىنا اتتاندى. ۇلكەنبۋرا ورمان باقشاسى تەڭىز دەڭگەيىنەن ٴبىرشاما بيىك، كەڭ كولەمدى ورمان تاۋ بەتكەيلەرىندە بولعاندىقتان، جاتتىعۋعا قيىندىق تۋدىردى. ”ٴورت تۋىلعان“ تۇيىنگە جەتكەن سوڭ جۇمىس باسىنداعى جاۋاپتى جولداس دەرەۋ بىرنەشە اترەت مۇشەسىن سۋ ناسوسىن، قۇبىر بەلدەۋىن توسەپ - جالعاۋعا ورنالاستىردى، ولار قىزمەتىن دەرەۋ ورىنداپ، ىشتەن جاناتىن دۆيگاتەل ارقىلى قىسىممەن سۋ جەتكىزىپ، ٴورتتى ٴوشىردى. ەندى ٴبىر جاعىنان، ورماننىڭ ىشكى جاعىنان بىرنەشە اترەت مۇشەسى جەل كۇشىمەن ٴورت وشىرگىش، كوتەرمەلى جەل ۇرلەگىش، جوعارى كەرنەۋلى ەلەكترلى سۋ مىلتىعىمەن ٴورت وشىرۋگە سەلبەستى.

وسى رەتكى جاتتىعۋ تۇتاس بارىستا  شۇعىل ٴارى ٴتارتىپتى، ايرىقشا سايكەسىمدى وتكىزىلدى، باتىس تيانشان مەملەكەت مەنشىگىندەگى ورمان باسقارۋ مەكەمەسى چاپچال بولىمشەسىنىڭ ٴورت ٴوشىرۋ قوسىنىنىڭ شۇعىل ورمان ٴورتى اپاتىنا توتەپ بەرۋدەگى اڭىس قايتارۋىنىڭ تەزدىگىن، جينالۋ، بىرلەسىپ قيمىلداۋ سەلبەستىك قابىلەتىن سىننان وتكىزىپ، قوسىننىڭ ورمان ٴورت اپاتىنا شۇعىل توتەپ بەرۋ، ٴبىر جاقتى ەتۋگە ۇيىمداستىرۋ، ات سالىسۋ دەڭگەيىن ايگىلەپ، جاتتىعۋعا قاتىناسۋشىلاردىڭ جابدىقتاردى پايدالانۋعا توسەلۋ دەڭگەيىن جوعارىلاتىپ، ٴتۇرلى ٴورت ٴوشىرۋ اسپاپتارىنان يكەمدى پايدالانىپ ٴورت ٴوشىرۋ شايقاسىن جۇرگىزۋ جانە شۇعىل جاعدايعا توتەپ بەرۋ قابىلەتىن جوعارىلاتتى.

باتىس تيانشان مەملەكەت مەنشىگىندەگى ورمان باسقارۋ مەكەمەسى چاپچال بولىمشەسى پارتكومىنىڭ مۇشەسى، ٴتارتىپ تەكسەرۋ كوميتەتىنىڭ شۋجيى ديڭ گۋاڭشين بىلاي دەپ تانىستىردى:  مەكەمەمىزدىڭ قاراستىلىعىندا ٴبىر ميلليون 734 مىڭ 600 مۋ تاۋلى ٴوڭىر ورماندى القابى بار، ورمان ـ توعايدى ورتتەن ساقتاۋدىڭ قيىندىعى زور، مىندەتى اۋىر، ناجاعايلى اۋا رايىندا جاي تۇسۋدەن وڭاي ٴورت كەتەدى. ٴار جىلى ورمان ورتىنەن ساقتانۋ مەزگىلىندە (4 - ايدىڭ 1 - كۇنىنەن 10 - ايدىڭ 31 - كۇنىنە دەيىن) ٴبىز اۋا رايى وزگەرىسىنە قاداعالاي نازار اۋدارىپ، ساقتاندىرۋدى، باقىلاۋ - تەكسەرۋدى، كۇزەتۋدى كۇشەيتىپ، ىشكەرىلەي تالداۋ جۇرگىزىپ، تۇجىرىم جاساپ، ساقتانۋ ورنالاستىرۋىن كۇشەيتىپ، ٴتۇرلى ٴورت ٴوشىرۋ دايىندىعىن جاقسى ىستەپ، ٴورت اپاتىنىڭ كومەسكى قاتەرىن ەرتە بايقاپ، ەرتە ٴبىر جاقتى ەتىپ، چاپچال اۋدانىنىڭ ورماندى وڭىرىندەگى ٴوندىرىس، تۇرمىس حاۋىپسىزدىگىنە كەپىلدىك ەتتىك.