سۋرەتتە: حالىق ساقشىلارى التىشۋار كوشەسى كورىنىس رايونىندا ۇشقىش اپپاراتپەن الدامكوستىككە قارسى ۇگىت جۇرگىزۋدە.

گو شياۋيان فوتوسى

ٴتىلشىمىز كاميلا حالمۇرات، ەرىكتى ٴتىلشى گو شياۋيان حابارلايدى. «قۇلجا قالالىق قوعام حاۋىپسىزدىگى مەكەمەسى سىزدەرگە مىنانى ەسكەرتەدى:  ايتەۋىر سيلىق اقشاڭىزدى الۋدىڭ قوسىمشا قاراجاتى ٴۇشىن الدىن الا اقشا تاپسىرىڭىز دەگەن ۇقتىرۋدىڭ بارلىعى الدامكوستىك؛ ايتەۋىر تولىمدىلىق تالاپ ەتىلمەگەن ٴارى قارىز اقشا تاراتۋدان بۇرىن الدىن الا اقى تاپسىرۋ كەرەك دەگەن توراپ قارىز اقشا تەكشەلەرىنىڭ بارلىعى الدامكوستىك... تىڭداماۋ، سەنبەۋ، ەسەپ اۋدارماۋ كەرەك. جالپى حالىقتىق الدامكوستىككە قارسى تۇرۋدا بارلىق ادامنىڭ جاۋاپكەرشىلىگى بار؛ تاياۋدا قۇلجا قالاسى التىشۋار كوشەسى كورىنىس ٴوڭىرىنىڭ اسپانىندا ۇشقىش اپپارات ”اۋەدەن جار سالىپ“ ماڭىنداعى كوپتەگەن ساياحاتشىنى، تۇرعىنداردى وسىندا كەلىپ تاماشالاۋعا باۋرادى.

 قۇلجا قالالىق قوعام حاۋىپسىزدىگى مەكەمەسىنىڭ شارلاۋ، بۇلىكتەن ساقتانۋ ۇلكەن اترەتى ۇشقىش اپپاراتتىڭ قارقىنى تەز، قامتۋ اۋماعى كەڭ، يكەمدى بولۋ سياقتى ابزالدىقتارىنان پايدالانىپ، باقشا، كورىنىس رايونى سياقتى ادام كوپ شوعىرلانعان جەرلەردە كوپ رەت، ٴتۇيىندى الدامكوستىككە قارسى تۇرۋ ۇگىتىن جۇرگىزدى. حالىق ساقشىلارىنىڭ مەڭگەرۋىندە ۇشقىش اپپارات كەڭىستىكتە اينالا ۇشىپ، الدامكوستىككە قارسى تۇرۋ جونىندەگى بىلىمدەردى تاراتىپ، قالا تۇرعىندارىنا تەلەگراف جانە توراپ الدامكوستىگىنەن ساقتانۋدى ەسكەرتتى.

”ۇشقىش اپپاراتپەن الدامكوستىككە قارسى تۇرۋ جونىندە ۇگىت جۇرگىزۋدىڭ فورماسى ەڭ جاڭا بولىپ، ادامدارعا تەرەڭ اسەر قالدىراتىنىن العاش رەت كورۋىم“، - دەپ كورىنىس رايونىنىڭ قىزمەتكەرى تۇرسىن ابىلەت مۇنداي الدامكوستىككە قارسى تۇرۋ ۇگىتىنە ٴدان ريزا بولدى.

سونىمەن بىرگە، شارلاۋ، بۇلىكتەن ساقتانۋ ۇلكەن اترەتى كومەكشى ساقشىلاردى ادام ٴجيى شوعىرلانعان وڭىرلەردە ۇگىت قاعازىن تاراتۋ تاسىلىمەن ارى - بەرى وتكەن ساياحاتشىلارعا، تۇرعىندارعا ماڭايىندا تۋىلعان ناقتى مىسالداردى ٴتۇسىندىرىپ، تەلەگراف، توراپ الدامكوستىگىنىڭ اككىلىگىن ەگجەي - تەگجەيلى تانىستىردى ٴارى ولاردىڭ ”مەملەكەتتىك الدامكوستىككە قارسى تۇرۋ ورتالىعى“ APP ىن ٴتۇسىرىپ الۋىنا كومەكتەسىپ، ولاردىڭ الدامكوستىككە قارسى تۇرۋ تانىمىن اناعۇرلىم كۇشەيتتى.