سۋرەتتە: ۇگىت قيمىلىنان كورىنىس. جاڭ جينفىڭ فوتوسى
ٴتىلشىمىز جاڭ جينفىڭ، ەرىكتى ٴتىلشى ٴساليما حابارلايدى. 12 - ايدىڭ 1 - كۇنى تەكەس اۋدانىنىڭ 2023 - جىلعى ”4 - جەلتوقسان“ مەملەكەتتىك نەگىزگى زاڭ كۇنى جانە ”نەگىزگى زاڭ ۇگىت اپتالىعى“ قيمىلىنىڭ باستالۋ سالتى تايجي الاڭىندا وتكىزىلدى، ”نەگىزگى زاڭ رۋحىن بارىنشا ساۋلەلەندىرىپ، زاڭمەن باسقارىلاتىن سوتسياليستىك مادەنيەت ورناتۋدى“ نەگىزگى تاقىرىپ ەتكەن بۇل قيمىل ٴبىر اپتاعا جالعاسادى.
ۇگىت ناق مايدانىندا زاڭ جالپىلاستىرۋ جاۋاپكەرشىلىك ٴتۇزىمى بويىنشا مۇشە ورىنداردىڭ قىزمەتكەرلەرى كورمە تاقتاسىن قويۋ، ۇگىت ماتەريالدارىن تاراتۋ، اقىل ـ كەڭەس بەرۋ تەكشەسىن قۇرۋ سياقتى فورمالارمەن نەگىزگى زاڭدى ۇگىتتەۋ قيمىلىن شوعىرلى ورىستەتىپ، بۇقاراعا وزدەرىنە تىعىز قاتىستى زاڭ ـ ەرەجەلەردى ٴتۇرلى فورمامەن ۇگىتتەپ، ٴار ۇلت بۇقاراسىن زاڭ بىلىمدەرىن تۇسىنۋگە، ۇيرەنۋگە باۋرادى.
”وسى رەتكى قيمىل كۇندەلىكتى تۇرمىستا ٴوز ۇقىق ـ مۇددەمىزدى قالاي قورعاۋىمىز كەرەك دەگەندەر جونىندە اناعۇرلىم ايقىن تانىمعا يە ەتىپ، زاڭمەن باسقارۋ جونىندەگى كوزقاراسىمدى اناعۇرلىم جوعارىلاتىپ، قايشىلىق پەن داۋ ـ شاردى زاڭ ارقىلى شەشۋ تانىمىمدى كۇشەيتتى“ دەدى تەكەس اۋدان قالاشىعىنىڭ تۇرعىنى مارعابىل ٴادىلجان ۇلى.
”ٴبىز ٴتۇرلى فورماداعى ۇگىت قيمىلدارىن ۇزدىكسىز ۇيىمداستىرىپ، نەگىزگى زاڭ تانىمى جونىندەگى تاربيەلەنۋ مەن زاڭ بىلىمدەرىنىڭ جالپىلاستىرىلۋىن كۇشەيتەمىز. سونىمەن بىرگە، نەگىزگى زاڭنىڭ اتقارىلۋىن باقىلاۋ جانە قامتاماسىزداندىرۋدى كۇشەيتىپ، نەگىزگى زاڭنىڭ بەدەلى مەن ونىمدىلىگىنە شىنايى كەپىلدىك ەتەمىز“ دەدى تەكەس اۋداندىق ٴادىليا مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى تاڭ شييۇڭ.