− شينجياڭنىڭ نەگىزگى زاڭدى ۇيرەنۋ، ۇگىتتەۋ تاربيەسىن ورىستەتۋ قىزمەتىنە جالپى شولۋ

□ انار بۇلت \ شينجياڭ گازەتىنىڭ ءتىلشىسى سۇي يۇنيان

بيىلعى 12 - ايدىڭ 4 - كۇنى − 10 - رەتكى مەملەكەت نەگىزگى زاڭ كۇنى. ”نەگىزگى زاڭ رۋحىن زور كۇشپەن اسقاقتاتىپ، سوتسياليستىك زاڭمەن باسقارۋ مادەنيەتىن قۇرۋ“ نەگىزگى تاقىرىبىنداعى ”نەگىزگى زاڭ ۇگىت اپتالىعى“ قيمىلى كەزىندە شينجياڭدا نەگىزگى زاڭدى ۇيرەنۋدىڭ، ۇگىتتەۋدىڭ جاڭا ورلەۋى كوتەرىلىپ، نەگىزگى زاڭ رۋحىنىڭ تيانشان الابىندا تامىر تارتۋىن ىلگەرىلەتتى.

قازىرگى نەگىزگى زاڭ جاريالانىپ، اتقارىلعاننان بەرى، اسىرەسە، پارتيا 18 - قۇرىلتايىنان بەرى شينجياڭنىڭ جەر - جەرى، تاراۋلار نەگىزگى زاڭنىڭ، زاڭداردىڭ ورگاندارعا جەتۋىن، نەگىزگى ساتىعا جەتۋىن، وتباسىلارىنا جەتۋىن، ينتەرنەتكە جەتۋىن، ساباقحاناعا جەتۋىن ىلگەرىلەتىپ، نەگىزگى زاڭنىڭ شينجياڭدى زاڭمەن باسقارۋداعى جەتەكتەۋ، قامتاماسىز ەتۋ رولىن اناعۇرلىم ويداعىداي ساۋلەلەندىرىپ، زاڭمەن باسقارىلاتىن شينجياڭ قۇرىلىسىنا ءتۇبىرلى زاڭ قوزعاۋشى كۇشىن ۇستەدى.

بۇقارا اناعۇرلىم كوپ نەگىزگى زاڭ، زاڭ بىلىمدەرىن يگەردى

قارامايلى قالاسى حۇيجيا شىداي زات ساتىپ الۋ ورتالىعىندا ”زاڭ جالپىلاستىرۋ جايماسىنىڭ“ الدىنان كەڭەس سۇراۋشىلاردىڭ اياعى ۇزىلمەدى؛ ۇرىمجىدەن كۇيتۇنگە باراتىن C843 كەزەكشى پويەزدە جولاۋشىلار قولدارىنداعى نەگىزگى زاڭ، زاڭ وقۋلىعىن مۇقيات وقىدى؛ ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) ”كوكتەم جاڭبىرى“ زاڭمەن باسقارۋ شاباندوزدار اترەتى ”زاڭمەن باسقارۋ مول داستارقانىن“ سان مىڭ وتباسىنا جەتكىزدى... ”نەگىزگى زاڭ ۇگىت اپتالىعى“ قيمىلى كەزىندە فورماسى ءار الۋان زاڭ جالپىلاستىرۋ ۇگىت - تاربيە قيمىلى شينجياڭنىڭ جەر - جەرىندە قاۋىرت ورىستەتىلدى.

”مەملەكەت نەگىزگى زاڭ كۇنى“ جالپى حالىقتىڭ نەگىزگى زاڭ ”تاربيە كۇنى، جالپىلاستىرۋ كۇنى، تەرەڭدەتۋ كۇنى“، بۇكىل ەلدە جوعارىدان تومەنگە دەيىن نەگىزگى زاڭعا قۇرمەت ەتۋ، نەگىزگى زاڭدى بارىنەن جوعارى قويۋ، نەگىزگى زاڭنان پايدالانىپ حالىقتىڭ ۇقىق - مۇددەسىن قورعاۋ سىندى قوعامدىق رايدا نەگىزگى زاڭ بىلىمدەرى قوعامدىق ءومىردىڭ سان - سالاسىنا ەندى.

”ءبىز نەگىزگى زاڭدى ۇيرەنۋدى، ۇگىتتەۋدى، اتقارۋدى كۇشەيتىپ، نەگىزگى زاڭ رۋحىن اسقاقتاتىپ، شينجياڭدى زاڭمەن باسقارۋدى، زاڭمەن باسقارىلاتىن شينجياڭ قۇرۋدى ىلگەرىلەتۋدىڭ زاڭمەن باسقارۋ نەگىزىن بەكەمدەۋىمىز كەرەك“. اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتى كەڭسەسىنىڭ ورىنباسار مەڭگەرۋشىسى، اۆتونوميالى رايوندىق ءادىليا مەڭگەرمەسى پارتكومىنىڭ شۋجيى ليۋ جيانشىڭ مىنانى ءبىلدىردى: شينجياڭ زاڭ جالپىلاستىرۋ جانە زاڭمەن باسقارۋ قىزمەتتەرىن ىشكەرىلەي ىلگەرىلەتتى، نەگىزگى زاڭ، زاڭدار ۇگىت - تاربيەسىنىڭ ۇستانىمى، ءادىسى جانە ونىمدىلىگى تىڭنان ءوسىپ، ازاماتتاردىڭ زاڭمەن باسقارۋ كوزقاراسى كورنەكتى كۇشەيىپ، قوعام ورنىقتىلىعى مەن باياندى تىنىشتىقتىڭ نەگىزى ونان ارى بەكەمدەلە ءتۇستى.

اۆتونوميالى رايوندىق سالىق ىستەرى مەكەمەسى ”نەگىزگى زاڭدى تاماشا ايگىلەۋ، سالىق ىستەرى ارەكەتتە“ تاقىرىبىنداعى ينتەرنەتتىك تىكە تاراتۋ ارقىلى زاڭ جالپىلاستىرۋ قيمىلىن وتكىزدى، قورعاس قالاسىندا حالىقتىق كاسىپورىنداردىڭ ”زاڭمەن باسقارۋ جاعىندا ءوزىن تارازىلاۋ“ قيمىلى باستالدى؛ ماكىت اۋدانى دولان شارۋالار سۋرەتىنىڭ زاڭمەن باسقارۋ ارناۋلى تاقىرىبىنداعى كورمە، كورمەلىك قويىلىم قيمىلىن ورىستەتتى...

”نەگىزگى زاڭ ۇگىت اپتالىعى“ قيمىلى كەزىندە نەگىزگى تاقىرىبى كورنەكتى، ەرەكشەلىگى ايقىن، بۇقارا كوپ قاتىساتىن نەگىزگى زاڭدى ۇگىتتەۋ قيمىلى قىزۋ قارسى الىنىپ، ”زاڭمەن باسقارۋ“ قالادا جانە اۋىل - قىستاقتاردا اۋىزدان تۇسپەيتىن سوزگە اينالىپ، قوعامدى زاڭمەن باسقارۋ رايى بارعان سايىن كۇشەيىپ، زاڭمەن باسقارۋ رۋحى زور كۇشپەن اسقاقتاتىلدى.

”نەگىزگى زاڭ بىلىمدەرى كۇندەلىكتى تۇرمىستا اناعۇرلىم كوپ كەزدەسەدى. ەڭبەك ۇقىعى، دەمالىس ۇقىعى، قوعامدىق قامتاماسىزداندىرۋ ۇقىعى... كەڭەس بەرۋشىلەر مەن كەڭەس الۋشىلاردىڭ اۋزىنان وسىنداي سوزدەردى ۇنەمى ەستيمىز“. ينتەرنەتتىك تىكە تاراتۋ بولمەسىندە الەۋمەتتىك يگىلىك بويىنشا زاڭ جالپىلاستىرۋدى تاباندىلىقپەن ىستەپ جۇرگەن انار بۇلت زاڭدىق كومەك ۇجىمىنىڭ مۇشەسى، بەيجيڭ داچىڭ (ءۇرىمجى) ادۆوكاتتىق ىستەر ورنىنىڭ ادۆوكاتى پان زىڭياۋ مىنانى ءبىلدىردى: زاڭدىق سۇراۋلارعا جاۋاپ بەرۋ ارقىلى بۇقارانىڭ نەگىزگى زاڭ، زاڭ ءبىلىمى دەڭگەيىنىڭ ۇزدىكسىز وسكەندىگىن، ءىس بىتىرۋدە زاڭعا نەگىزدەلۋ، ىسكە جولىققاندا زاڭدى ىزدەۋ، ماسەلەنى شەشۋدە زاڭنان پايدالانۋ، قايشىلىقتاردى جويۋدا زاڭعا سۇيەنۋ تانىمىنىڭ دا ءوسىپ كەلە جاتقاندىعىن سەزىنۋگە بولادى.

”ءبىز ’زاڭدى حالىققا تاپسىرۋ‘ سىندى زاڭ جالپىلاستىرۋ تۇرعىسىن ۇستانىپ، نەگىزگى زاڭ سىندى ءتۇبىرلى ءىرى زاڭنىڭ قالا مەن اۋىلداعى حالىقتىڭ تۇرمىسىنا ەنۋىنە، حالىق بۇقاراسىنىڭ ەڭ بەلسەندى ات سالىسۋشى، ۇگىتتەۋشى جانە يگىلىكتەنۋشى بولۋىنا مۇمكىندىك جاساۋىمىز كەرەك“، - دەدى اۆتونوميالى رايوندىق ءادىليا مەڭگەرمەسى زاڭ جالپىلاستىرۋ جانە زاڭمەن باسقارۋ باسقارماسىنىڭ باستىعى جاڭ ۋيپيڭ.

باسشى كادرلار زاڭدى ۇيرەنۋ، زاڭنان پايدالانۋ ”باستاماشىسى“ بولۋعا قۇلشىندى

مەملەكەت نەگىزگى زاڭ كۇنى − ازاماتتاردىڭ ”زاڭمەن باسقارۋدى جالپىلاستىرۋ كۇنى“، ونان دا ماڭىزدىسى، مەملەكەت قىزمەتكەرلەرىنىڭ ”ۇقىعىن ارناعا ءتۇسىرۋ كۇنى“.

12 - ايدىڭ 1 - كۇنى اۆتونوميالى رايوننىڭ نەگىزگى زاڭ، زاڭدار بويىنشا بىلۋگە ءتيىس بىلىمدەر ارناۋلى تاقىرىبىنداعى قاعازسىز جاۋاپ بەرۋ قيمىلى رەسمي باستالدى، ەمتيحاندا شي جينپيڭ زاڭمەن باسقارۋ يدەياسى، پارتيانىڭ ىشكى زاڭ ەرەجەسى جانە مەملەكەتتىڭ زاڭدارى، باسشىلىق مىندەتى قىزمەت جاۋاپكەرشىلىگىن اتقارۋدا يگەرۋگە ءتيىس باسقا دا پارتيا ءتارتىبى ەرەجەلەرى جانە زاڭ، زاڭ ەرەجە سياقتىلار نەگىزگى مازمۇن ەتىلدى، شينجياڭدا 879 مىڭ مەملەكەت قىزمەتكەرى ەمتيحانعا قاتىناستى.

زاڭمەن باسقارىلاتىن ۇكىمەت قۇرىلىسى − مەملەكەتتى جاپپاي زاڭمەن باسقارۋدىڭ ءتۇيىندى مىندەتى جانە تۇلعالىق ينجەنەرياسى، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدىڭ ماڭىزدى تىرەگى. ”ءبىز باسشى كادرلار سىندى وسى ’شەشۋشى ازشىلىقتى‘ مىقتى ۇستاپ، مەملەكەت قىزمەتكەرلەرىنىڭ نەگىزگى زاڭ بويىنشا مىندەت اتقارۋ قابىلەتى مەن ورەسىن جوعارىلاتىپ، نەگىزگى زاڭ جۇكتەگەن بورىشتى ەستە بەرىك ساقتاۋىمىز كەرەك“، - دەدى ليۋ جيانشىڭ تىلشىگە.

”مەن سەرت بەرەمىن: جۇڭحۋا حالىق رەسپۋبليكاسىنىڭ نەگىزگى زاڭىنا ادال بولامىن، نەگىزگى زاڭنىڭ بەدەلىن قورعايمىن، زاڭدا بەلگىلەنگەن قىزمەت مىندەتىمدى اتقارامىن...“ ”نەگىزگى زاڭ ۇگىت اپتالىعى“ قيمىلى كەزىندە شينجياڭنىڭ جەر - جەرى، تاراۋلار نەگىزگى زاڭ الدىندا سەرت بەرۋ قيمىلىن كەڭ كولەمدە ورىستەتىپ، ەكپىندى داۋىستار نەگىزگى زاڭنىڭ بەدەلىن قورعاۋ، نەگىزگى زاڭنىڭ ابىرويىن قورعاۋ بەكىمى مەن جاۋاپكەرشىلىگىن ايگىلەدى.

شينجياڭ ”4·12“ مەملەكەت نەگىزگى زاڭ كۇنى جانە ”نەگىزگى زاڭ ۇگىت اپتالىعى“ ۇگىت قيمىلىن ىشكەرىلەي ورىستەتىپ، اۆتونوميالى رايوننىڭ ”نەگىزگى زاڭدى، زاڭداردى ۇگىتتەۋ ايى“ قيمىلىن ۇزدىكسىز تەرەڭدەتتى، ”8 - بەسجىلدىق“ زاڭ جالپىلاستىرۋدان بەرى جيىنى ءبىر ميلليون رەتتەن استام ۇگىت قيمىلىن، 10 مىڭ رەتتەن استام نەگىزگى زاڭ الدىندا سەرت بەرۋ قيمىلىن ۇيىمداستىردى.

نەگىزگى زاڭ ۇيرەنۋ، ۇگىتتەۋ، تاربيەسى قيمىلى ءار جىلعا باستان - اياق ءسىڭىرىلدى. سوڭعى جىلدارى شينجياڭ ”زاڭمەن باسقارۋ ساباقحاناسى · ءار ايدىڭ 9 -، 19 -، 29 - كۇندەرى ءسوزسىز ساباق سويلەۋ“ زاڭمەن باسقارۋ بويىنشا باۋلۋ تۇعىرىن قۇرىپ، ءار دارەجەلى باسشى كادرلاردى، مەملەكەت قىزمەتكەرلەرىن، زاڭدىق قىزمەت كورسەتۋشىلەردى، ”زاڭدا اڭعارلى ادامداردى“ بىرگە زاڭمەن باسقارۋ ساباعىن وقۋعا ۇيىمداستىردى.

اۆتونوميالى رايوندىق ءادىليا مەڭگەرمەسى ءۇرتىس 10 جىل بويى ”زاڭمەن بىرگە ىلگەرىلەۋ 10 مىڭ ادامدىق ۇگىت لەكسيا“ قيمىلىن ۇيىمداستىرىپ ورىستەتىپ، بۇكىل شينجياڭدا 21 مىڭ ءار دارەجەلى ”ءبىرىنشى باسشى“ ءبىر مەزگىلدە مىنبەرگە شىعىپ، زاڭ ساباعىن سويلەدى. حوتان ايماعى زاڭ ۇيرەنۋ سىناۋىنىڭ ناتيجەسىن كادرلاردىڭ جىلدىق باعالاۋىمەن جانە وزاتتاردى باعالاۋمەن بايلانىستىردى. سانجى حۇيزۋ اۆتونوميالى وبلىسى وبلىستىق پارتكومنىڭ باسقارۋىنداعى كادرلاردىڭ زاڭمەن باسقارۋ ساپاسىن، زاڭمەن باسقارۋ بويىنشا مىندەت اتقارۋ احۋالىن ناقتى ۋاقىتتا قاداعالاپ، جيناق ءنومىرى بويىنشا قاتارعا تۇرعىزىپ، يكەمدى ساقتاندىرىپ، سويلەسىپ ەسكەرتۋ جاسادى.

”شەشۋشى ازشىلىقتى“ زاڭمەن باسقارۋ بويىنشا باۋلۋ مەحانيزمى اناعۇرلىم اقاۋسىزداندى، زاڭ بويىنشا اكىمشىلىك جۇرگىزۋ ءتۇزىم جۇيەسى كۇن سايىن كەمەلدەندى، كەلەلى اكىمشىلىك شەشىم جاساۋ ءتارتىبى ءونىمدى جۇيەلىلەندى، نەگىزگى ساتىنىڭ باسقارۋ قابىلەتى، ورەسى ۇزدىكسىز ءوستى، زاڭمەن باسقارىلاتىن شارۋاشىلىق - ساۋدا ورتاسى ۇزدىكسىز ساپالىلاندى... نەگىزگى زاڭ رۋحى شينجياڭنىڭ زاڭمەن باسقارىلاتىن ۇكىمەت قۇرىلىسىنىڭ ۇردىسىنە باستان - اياق جەتەكشىلىك ەتىپ كەلەدى.

«شينجياڭ ۇيعۇر اۆتونوميالى رايونىنىڭ اكىمشىلىك زاڭ اتقارۋدى باقىلاۋ ەرەجەسى» كەلەر جىلى 1 - ايدىڭ 1 - كۇنىنەن باستاپ اتقارىلادى. ليۋ جيانشىڭ مىنانى ءبىلدىردى: ”شەشۋشى ازشىلىق“ پەن زاڭ اتقارۋ قوسىنىن مىقتى ۇستاپ، سونىمەن قاتار باقىلاۋ ارناسىن ىركىلىسسىزدەندىرىپ، قوعام جۇرتشىلىعىن زاڭ اتقارۋ باقىلاۋىنا ات سالىسۋعا جەتەكتەپ، ءار دارەجەلى ۇكىمەتتەر مەن قاتىستى تاراۋلاردى قاتاڭ تۇردە زاڭ بويىنشا مىندەت اتقارۋعا، زاڭ بويىنشا اكىمشىلىك جۇرگىزۋگە قۋزاپ، زاڭدى قاتاڭ، جۇيەلى، ءادىل، وركەنيەتتى تۇردە اتقارۋدى ىلگەرىلەتەمىز.

”زاڭدا اڭعارلى ادامدار“ زاڭ جالپىلاستىرۋدىڭ ارقالىعىن كوتەردى

نەگىزگى زاڭدى تاڭەرتەڭ وقىپ، جۇرت جۇرەگىنە ۇيالاتتى. ”نەگىزگى زاڭ ۇگىت اپتالىعى“ كەزىندە قۇلجا قالالىق 24 - باستاۋىش مەكتەپتىڭ 6 - جىلدىعىنداعى بارلىق وقىتۋشى - وقۋشىلار نەگىزگى زاڭدى تاڭەرتەڭ وقۋ قيمىلىن ورىستەتتى، وقۋشىلار نەگىزگى زاڭنىڭ ءبىر ءبولىم تارماقتارىن بىرگە ىلەسىپ وقىپ، «نەگىزگى زاڭ ەسەيۋىمىزگە سەرىك بولدى» دەگەن ءاندى ايتۋدى ۇيرەندى، 8 - كەزەكتى مەملەكەتتىك وقۋشىلاردىڭ ”نەگىزگى زاڭدى ۇيرەنۋ، نەگىزگى زاڭدى دارىپتەۋ“ قيمىلى مەملەكەتتىك جالپى شەشۋشى جارىسىنىڭ دەكلاماتسيا جارىسىنداعى تاڭداۋلى شەبەردىڭ كورمەلىك قويىلىمىن تاماشالادى، تىڭدادى.

وقۋشىلار قيمىل ارقىلى نەگىزگى زاڭ تۋرالى ءتىپتى كوپ بىلىمدەردى ءبىلدى. ”نەگىزگى زاڭ ءبىزدىڭ ارەكەتىمىزدى ارناعا ءتۇسىرىپ، ءبىزدىڭ ۇقىق - مۇددەمىزدى قورعايدى. ءبىز قۇلشىنا ۇيرەنىپ، ەسەيگەندە وتاننىڭ ءۇمىتىن اقتايمىز“، - دەدى قۇلجا قالالىق 24 - باستاۋىش مەكتەپ 6 - جىلدىعىنىڭ وقۋشىسى چى شين - ي.

”نەگىزگى زاڭنىڭ كىشكەنتاي قورعاۋشىسى“ بولدى، كورىنىستى تەاتر ارقىلى زاڭ جالپىلاستىردى، قىزىقتى سۋرەت ارقىلى زاڭ جالپىلاستىردى، نەگىزگى زاڭ تاقىرىبىندا كلاس جيىنىن اشتى... ”نەگىزگى زاڭ ۇگىت اپتالىعى ”قيمىلى كەزىندە، جاس وسپىرىمدەرگە لايىقتاپ دايىندالعان نەگىزگى زاڭ نەگىزگى تاقىرىپتىق تاربيەسى قيمىلى شينجياڭنىڭ ورتا، باستاۋىش مەكتەپتەرىندە شوعىرلى ورىستەتىلىپ، جاس ءوسپىرىم وقۋشىلاردىڭ نەگىزگى زاڭ ۇيرەنۋ ىنتاسىن قاۋلاتتى.

باسشى كادرلار سىندى ”شەشۋشى ازشىلىقپەن“ بىردەي ماڭىزدى سانالاتىن جاس وسپىرىمدەر سىندى وسى ”بولاشاقتاعى كوپشىلىك“ تە نەگىزگى زاڭ ۇگىت - تاربيەسىنىڭ ءتۇيىنى بولىپ تابىلادى. شينجياڭداعى 5032 مەكتەپ 5 ميلليون 500 مىڭنان استام وقۋشىنى ”نەگىزگى زاڭدى ۇيرەنۋ، نەگىزگى زاڭدى دارىپتەۋ“، ”نەگىزگى زاڭدى تاڭەرتەڭ وقۋ“، جاس وسپىرىمدەردىڭ ينتەرنەتتە زاڭ ۇيرەنۋى، زاڭنان پايدالانۋى سياقتى قيمىلداردى ورىستەتۋگە ۇدايى ۇيىمداستىرىپ، نەگىزگى زاڭ رۋحىن بالالاردىڭ جۇرەگىنە تەرەڭ تامىر تارتتىردى.

12 - ايدىڭ 1 - كۇنى حوتان ايماقتىق توعىسپالى مەديا ورتالىعى نەگىزگى زاڭدى نەگىزگى تاقىرىپ ەتكەن تىكە تاراتۋ ارقىلى زاڭ سويلەۋ باعدارلاماسىن قويىپ، ينتەرنەت قولدانۋشىلاردىڭ ”قاراپايىم، تۇسىنىكتى، حالىققا جاناسىمدى“ دەگەن جاقسى باعاسىنا يە بولدى. بۇكىل شينجياڭداعى ءار دارەجەلى ءار ءتۇرلى مەديالار اپپارات كوزىن نەگىزگى ساتىعا، قاراپايىم قاۋىمعا تۋرالاپ، زاڭمەن باسقارۋدىڭ جاندى امالياتى جانە تيپتىك دەلو مىسالدارى ارقىلى حالىق بۇقاراسىنا نەگىزگى زاڭ رۋحىن جانە زاڭمەن باسقارۋدىڭ كۇش - قۋاتىن سەزىندىردى.

شايار اۋدانى نۇرباق اۋىلىنىڭ ياداڭ قىستاعىنداعى ”زاڭدا اڭعارلى ادام“ ءزىنناتحان زايدىن ءوز ءۇيىنىڭ اۋلاسىن ”زاڭمەن باسقارۋ اۋلاسى“ ەتىپ جاساپ، ماڭايىنداعى كورشىلەردى اۋلاسىندا بىرگە زاڭ ۇيرەنۋگە، زاڭ دارىپتەۋگە شاقىردى، ”نەگىزگى زاڭ ۇگىت اپتالىعى“ قيمىلى كەزىندە شاعىن اۋلا ءتىپتى دە دۋمانعا شومدى. ”مەن ويداعىداي ساياسات، زاڭ ۇگىتشىسى بولىپ، اۋىل - قىستاقتا ’زاڭمەن باسقارۋدىڭ تۇقىمىن‘ سەبەمىن“، - دەدى ءزىنناتحان.

شينجياڭ ”زاڭدا اڭعارلى ادامداردى“ باۋلۋ ينجەنەرياسىن زور كۇشپەن ىلگەرىلەتىپ، 8861 اكىمشىلىك قىستاقتا 50 مىڭنان استام ”زاڭدا اڭعارلى ادام“ تاڭداپ تاربيەلەدى. ”كىم زاڭ اتقارسا، سول زاڭ جالپىلاستىرۋ“ قالىپتى كۇيگە اينالعاننان كەيىن، ”زاڭدا اڭعارلى ادامدار“ جاڭا كۇش رەتىندە نەگىزگى زاڭدى، زاڭداردى ۇگىتتەۋ قوسىنىنا قوسىلىپ، زاڭ اتقارۋ تاراۋلارىمەن، مەديالارمەن بىرگە رولدارىن ساۋلەلەندىردى.

”شايار اۋدانى ’زاڭدا اڭعارلى ادامداردىڭ‘ رولىن ساۋلەلەندىرۋ قىزمەتىندەگى مەملەكەتتىك سىناق ءتۇيىنى بولىپ تاڭدالدى“. جاڭ ۋيپيڭ مىنانى ءبىلدىردى: سىناق ءتۇيىنى نەگىزىندە شينجياڭنىڭ امالياتىنا ۇيلەسەتىن ”زاڭدا اڭعارلى ادامداردى“ باۋلۋ، ىستەتۋ قىزمەتى مەحانيزمىن قالىپتاستىرۋ جونىندە ىزدەنىس جاساپ، بۇقارانىڭ قاراپايىم ءتىلى ارقىلى زاڭ جالپىلاستىرۋدىڭ ناقتى ونىمدىلىگىن جوعارىلاتامىز، سونداي - اق اناعۇرلىم كوپ كوركەمونەرلىك توپتاردى، حالىق ونەرپازدارىن بۇقارا قۋانا قابىلدايتىن زاڭ جالپىلاستىرۋ تۋىندىلارىن شىعارۋعا جۇمىلدىرىپ، زاڭ بىلىمدەرىن بۇقاراعا جاقىنداتا تۇسەمىز.