ٴتىلشىمىز ۋاڭ جىحۋا، ەرىكتى تىلشىلەر لاي شۋەتيڭ، شۋان چىڭ حابارلايدى.  12- ايدىڭ 20 - كۇنى ىلە وبلىستىق لاڭكەستىككە قارسى تۇرۋ كەڭسەسى مەن قۇلجا قالالىق لاڭكەستىككە قارسى تۇرۋ كەڭسەسى بىرلەسىپ ۇيىمداستىرعان 2023 - جىلعى ىلە وبلىسىنىڭ ”جالپى حالىق لاڭكەستىككە قارسى تۇرۋ، تىنىشتىقتى بىرگە قۇرۋ“، «جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭى» جاريالانعاندىعىنىڭ 8 جىلدىعى جانە ىلە وبلىسىنىڭ لاڭكەستىككە قارسى تۇرۋ ۇگىت - تاربيە قيمىلىنىڭ باستالۋ سالتى ىلە تەاترحاناسىندا وتكىزىلدى، مۇنداعى ماقسات تۇتاس قوعامداعىلاردىڭ ”لاڭكەستىكتى ٴبىلۋ، لاڭكەستىكتى تانۋ، لاڭكەستىكتەن ساقتانۋ، لاڭكەستىككە قارسى تۇرۋ“ تانىمى مەن قابىلەتىن جاپپاي جوعارىلاتىپ، بۇكىل وبلىستىڭ جاڭا جاعدايداعى لاڭكەستىككە قارسى تۇرۋ ۇگىت - تاربيە قىزمەتىن ونان ارى جاقسى ىستەپ، جالپى حالىقتىق لاڭكەستىككە قارسى تۇرۋدىڭ تاماشا اۋانىن قالىپتاستىرۋدى ىلگەرىلەتۋ.

ىلە وبلىستىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى، لاڭكەستىككە قارسى تۇرۋ قىزمەتىنە باسشىلىق ەتۋ گرۋپپاسىنىڭ باستىعى ياڭ شينپيڭ باستالۋ سالتىنا قاتىناستى ٴارى ٴسوز سويلەدى، وبلىستىڭ ورىنباسار باستىعى، لاڭكەستىككە قارسى تۇرۋ قىزمەتىنە باسشىلىق ەتۋ گرۋپپاسىنىڭ ورىنباسار باستىعى، وبلىستىق قوعام حاۋىپسىزدىگى مەكەمەسى پارتكومىنىڭ شۋجيى،  مەكەمە باستىعى ما تاۋ قيمىل بارىسىندا بۇكىل وبلىستاعى قالىڭ كادرلار مەن جۇمىسشى - قىزمەتكەرلەرگە جانە حالىق بۇقاراسىنا ۇندەۋ تاستادى. ىلە وبلىستىق لاڭكەستىككە قارسى تۇرۋ قىزمەتىنە باسشىلىق ەتۋ گرۋپپاسىنىڭ جاۋاپتىلارىنان، كادر - ساقشىلاردان جانە مۇشە ورىنداردان، قىزمەتتىك بايلانىس ورناتقان ورىنداردان 700 دەن استام ادام قيمىلدىڭ باستالۋ سالتىنا قاتىناستى ٴارى لاڭكەستىككە قارسى تۇرۋ ۇگىت قابىرعا تاقتاسىنا قولتاڭبا قالدىردى.

قيمىلدا مىنالار اتاپ كورسەتىلدى: لاڭكەستىككە قارسى تۇرۋ كۇرەسى وتان تۇتاستىعىن، قوعامنىڭ تىنىشتىعىن، حالىقتىڭ باقىتىن قورعاۋ كۇرەسى ٴارى ۇزاق ۋاقىتتىق، قيان - كەسكى، كۇردەلى كۇرەس، بيىل «جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭى» جاريالانعاندىعىنىڭ 8 جىلدىعى، بۇكىل وبلىستا جوعارىدان تومەنگە دەيىن جاڭا جاعدايداعى لاڭكەستىككە قارسى تۇرۋ كۇرەسىنىڭ جاڭا ەرەكشەلىگىن دالمە - ٴدال يگەرىپ، لاڭكەستىككە قارسى تۇرۋ قىزمەتىندە بايقاۋ تەبىنىن، ساقتانۋ تەبىنىن، ٴبىر جاقتى ەتۋ تەبىنىن شىنايى ارتتىرىپ، تەڭ يگەرىپ، بىرگە باسقارۋدىڭ قۋاتتى بىرىككەن كۇشىن قالىپتاستىرۋدى ىلگەرىلەتىپ، لاڭكەستىككە قارسى تۇرۋ كۇرەسىن ۇزدىكسىز ىشكەرىلەي ىلگەرىلەتۋ كەرەك.

وسى رەتكى ۇگىت قيمىلى ”ينتەرنەت جەلىسىندە + ينتەرنەت جەلىسىنەن تىس“، ”ٴوزارا ىقپالداسۋ + بىرلەسىپ ارەكەت جاساۋ“ فورماسىندا ”جالپى حالىق لاڭكەستىككە قارسى تۇرۋ، تىنىشتىقتى بىرگە قۇرۋ“ نەگىزگى تاقىرىبىن ارقاۋ ەتىپ، قالىڭ بۇقارانىڭ لاڭكەستىككە قارسى تۇرۋ قىزمەتىن ٴبىلۋ جانە وعان ات سالىسۋ دارەجەسىن كۇش سالا جوعارىلاتىپ، لاڭكەستىككە قارسى تۇرۋدىڭ، لاڭكەستىكتەن ساقتانۋدىڭ حالىقتىق قورعانىس شەبىن باتىل بەكەمدەدى.

قۇلجا قالاسى چوڭكورىك ٴمالى باسقارماسى ساياسي - زاڭ كوميتەتىنىڭ ورىنباسار شۋجيى ٴماردان وسمان باستالۋ سالتىنا قاتىناسقاننان كەيىن بىلاي دەدى: ”قازىرگى شينجياڭنىڭ قوعامى ورنىقتى، حالىقتىڭ تۇرمىسى باقىتتى. نەگىزگى ساتى كادرى رەتىندە ٴبىز كۇندەلىكتى قىزمەت بارىسىندا ٴتۇرلى قيمىلدار ارقىلى، مىسالى، ’ىلەلىكتەردىڭ داستارقان كەڭەسى‘، وتباسىلارىن ارالاپ جاعداي ۇعىسۋ سياقتى تاسىلدەر ارقىلى قالىڭ بۇقارانىڭ ساقتىق تانىمىن، زاڭ تانىمىن جوعارىلاتىپ، شينجياڭنىڭ باياندى تىنىشتىعى مەن بۇقارانىڭ الاڭسىزدىعى ٴۇشىن ٴوز ۇلەسىمىزدى قوسامىز“.

ىلە كاسىپتىك - تەحنيكالىق شۋەيۋانىنىڭ وقىتۋشىسى تالين بىلاي دەدى: ”قيمىل ماعان مەملەكەت حاۋىپسىز بولعاندا عانا تۇتاس قوعام ورنىقتى بولاتىندىعىن، بۇقارانىڭ باقىتتى تۇرمىس كەشىرە الاتىندىعىن تەرەڭ ۇعىندىردى. مەملەكەت حاۋىپسىزدىگىن قورعاۋ − ٴاربىر ازاماتتىڭ جاۋاپكەرشىلىگى جانە بورىشى، ٴبىز قىراعىلىقتى ارتتىرىپ، قاتىستى دەرەكتەردى بەلسەنە اشكەرەلەپ، مەملەكەت حاۋىپسىزدىگىن بىرگە قورعاۋىمىز كەرەك. بۇدان كەيىنگى قىزمەتتە، تۇرمىستا مەن لاڭكەستىككە قارسى تۇرۋ بىلىمدەرىن كلاسقا، ساباقحاناعا ەنگىزىپ، وقۋشىلارمەن بىرگە جۇڭحۋا ۇلتى ورتاق تۇلعا تانىمىن بەرىك ورناتامىن“.

ىلە وبلىستىق قوعام حاۋىپسىزدىگى مەكەمەسى لاڭكەستىككە قارسى تۇرۋ تارماق اترەتىنىڭ ساياسي كوميسسارى قايرات بەكباتىر ۇلى بىلاي دەپ تانىستىردى: ىلە وبلىسىنىڭ لاڭكەستىككە قارسى تۇرۋ قىزمەتىنە باسشىلىق ەتۋ گرۋپپاسىنىڭ وسى رەتكى قيمىلدى وتكىزۋى لاڭكەستىككە قارسى تۇرۋ بىلىمدەرىن، لاڭكەستىككە قارسى تۇرۋ تانىمىن، لاڭكەستىكتى تانۋ ونەرىن بارلىق جۇرتشىلىققا ۇعىندىرىپ، كوكەيلەرىنە تەرەڭ ۇيالاتىپ، تۇتاس قوعامداعىلاردىڭ لاڭكەستىك يدەياسىنىڭ زالالىن سانالىلىقپەن تەجەپ، لاڭكەستىككە جاپپاي قارسى تۇرۋ قىزمەتىنە سايكەسۋىنە جانە ات سالىسۋىنا مۇمكىندىك جاساپ، مەملەكەت حاۋىپسىزدىگىن بارلىق ادام قورعايتىن، لاڭكەستىككە قارسى تۇرۋعا جانە ودان ساقتانۋعا بارلىق ادام ات سالىساتىن تاماشا اۋاندى جاپپاي قالىپتاستىرۋ ٴۇشىن بولىپ وتىر. ”بۇدان كەيىن ٴبىز لاڭكەستىككە قارسى تۇرۋدى ’التىعا ەنگىزۋ‘ قيمىلىن ۇزدىكسىز ىشكەرىلەي ىلگەرىلەتىپ، لاڭكەستىككە قارسى تۇرۋ نەگىزگى تاقىرىپتىق ۇگىتى اۋانىن قالىپتاستىرۋ، «لاڭكەستىككە قارسى تۇرۋ زاڭى» جونىندە جەلىدە سيلىقتى زەيىن سىناۋ جارىسىن وتكىزۋ، لاڭكەستىككە قارسى تۇرۋ نەگىزگى تاقىرىبىنداعى ۇگىت كەلتە حاتتارىن كەڭ كولەمدە تاراتۋ، اقپارات مەديالارىندا لاڭكەستىككە قارسى تۇرۋ نەگىزگى تاقىرىبى جونىندە ۇگىتتەۋ، حابارلاۋ سياقتى قيمىلدار ارقىلى جالپى حالىقتىڭ لاڭكەستىككە قارسى تۇرۋ قويۋ رايىن قالىپتاستىرىپ، لاڭكەستىككە قارسى تۇرۋ تانىمىن ٴاربىر بۇقارانىڭ كوكەيىنە تەرەڭ ۇيالاتامىز“.