تىلشىلەرىمىز ما چىڭلۋ، لۋ جۇڭ، سۇن ي - نان، پراكتيكانت ٴتىلشى جاڭ جيايۋان حابارلايدى. 3 - ايدىڭ 5 - كۇنى تۇستەن بۇرىن ىلە وبلىسى 2023 ـ جىلعى ارناۋلى تاقىرىپتا زاڭنان ەسەپ بەرۋ قىزمەت ٴماجىلىسىن اشىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جانە پارتيانىڭ 20 ـ قۇرىلتايىنىڭ رۋحىن جاپپاي داي−ەكتى−لەندىرىپ، شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اۆتونوميالى رايوندىق پارتكومنىڭ شينجياڭدى زاڭمەن باسقارۋ قىزمەت تالابىن مۇقيات تياناقتاندىرىپ، ولقىلىقتاردى ىشكەرىلەي تاۋىپ، قىزمەتتى جاقسارتىپ، جاۋاپكەرشىلىكتى ناقتىلاندىرىپ، وبلىستى زاڭمەن باسقارۋ ورەسىن جاپپاي جوعارىلاتىپ، ىلەنىڭ رەفورما، دامۋ، ورنىقتىلىق ىستەرىن زاڭمەن باسقارۋ جاعىنان پارمەندى قامتاماسىز ەتتى. وبلىستىق پارتكومنىڭ شۋجيى ياڭ شيۋلي ٴماجىلىستى باسقاردى ٴارى ٴسوز سويلەدى.

ماجىلىستە 9 اۋداندىق، قالالىق پارتكومنىڭ، 2 اۋداندىق، قالالىق ۇكىمەتتىڭ جانە وبلىسقا توتە قاراستى 4 ورىننىڭ نەگىزگى جاۋاپتىلارى جەكە - جەكە ارناۋلى تاقىرىپتا زاڭنان ەسەپ بەردى. 9 اۋداندىق، قالالىق ۇكىمەتتىڭ جانە وبلىسقا توتە قاراستى ورىنداردىڭ نەگىزگى جاۋاپتىلارى جازباشا زاڭنان ەسەپ بەردى.

ياڭ شيۋلي مىنالاردى اتاپ كورسەتتى: شي جينپيڭنىڭ زاڭمەن باسقارۋ  يدەياسى − جاڭا ٴداۋىردىڭ 10 نەشە جىلىنان بەرگى زاڭمەن باسقارۋ قۇرىلىسىنداعى ەڭ ماڭىزدى بەلگى سيپاتتى تابىس، مەملەكەتتى جاپپاي زاڭمەن باسقارۋدىڭ ٴتۇبىرلى ولشەمى جانە ارەكەت باعدارناماسى. بۇكىل وبلىستاعى ٴار دارەجەلى پارتيا، ۇكىمەت ورىندارى باستان - اياق ”ەكىنى تۇراقتاندىرۋدى“ باتىل قورعاۋ، ”ەكىنى قورعاۋدىڭ“ ساياسي تۇرعىسىنان شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، جەتە ٴتۇسىنىپ، شىنايى اتقارىپ، وبلىستى زاڭمەن باسقارۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى بىرگە ىلگەرىلەتۋگە تاباندى بولىپ، زاڭمەن باسقارىلاتىن ىلەنى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ٴبىر تۇلعالاندىرىپ قۇرىپ، زاڭمەن باسقارۋ ارقىلى نەگىزدى بەكەمدەۋ، مەجەنى ورنىقتىرۋ، ۇزاق بولاشاققا تيىمدىلىك جاساۋ سىندى قامتاماسىزداندىرۋ رولىن اناعۇرلىم ويداعىداي ساۋلەلەندىرۋ كەرەك. 

ياڭ شيۋلي مىنالاردى باسا دارىپتەدى: زاڭمەن باسقارۋ وي جەلىسىن ۇزدىكسىز كۇشەيتۋگە كۇش سالىپ، باسشى كادرلار سىندى ”شەشۋشى ازشىلىقتى“ كورنەكتىلەندىرىپ، ماسەلەنى باعدار ەتۋدى باستاماشىلدىقپەن كۇشەيتىپ، زاڭمەن باسقارۋعا قۇرمەت ەتىپ، زاڭنان يمەنىپ، قاعيدالى وي جۇگىرتۋدى، جۇيەلى وي جۇگىرتۋدى، ادىلدىكپەن وي جۇگىرتۋدى كۇشەيتىپ، زاڭمەن باسقارۋ نەگىزىندە ماسەلەگە وي جۇگىرتۋدى، شەشىم جاساۋدى، جۇمىس ٴبىتىرۋدى سانالى ورىنداۋ كەرەك. عىلمي زاڭ شىعارۋدى ىشكەرىلەي ىلگەرىلەتۋگە كۇش سالىپ، ىلەنىڭ ٴىس جۇزىندىك جاعدايى مەن جوعارى ساپالى دامۋ قاجەتىن ارقاۋ ەتىپ، قوعامدى باسقارۋعا شۇعىل قاجەتتى، ادامداردىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋعا قاجەتتى زاڭ ـ تۇزىمدەردى ۇزدىكسىز اقاۋسىزداندىرىپ، ”شاعىن كىرىسۋ ٴتۇيىنى“، ”شاعىن بولەگىن يكەمدى ىستەۋ“ جونىندە زاڭ شىعارۋدى بەلسەنە ورىستەتىپ، تاماشا زاڭ ارقىلى دامۋدى جەبەپ، شەبەرلىكپەن جونگە سالۋعا كەپىلدىك ەتۋ كەرەك. زاڭمەن باسقارىلاتىن ۇكىمەت قۇرىلىسىن جەدەلدەتۋگە كۇش سالىپ، ۇكىمەتتىڭ ۇقىق ـ جاۋاپكەرشىلىك ٴتىزىمى مەن كەلەلى شەشىمدەرىنىڭ زاڭعا ۇيلەسىمدىلىگىن تەكسەرۋ ٴتۇزىمىن جاپپاي اتقارىپ، «تومەنگە بەرۋ، باسقارۋ، قىزمەت وتەۋ» رەفورماسىن ىشكەرىلەي ىلگەرىلەتىپ، اكىمشىلىك زاڭ اتقارۋدى باقىلاۋدى تىڭعىلىقتى ورىستەتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن كۇش سالا قالىپتاستىرۋ كەرەك. ٴادىليانىڭ ادىلدىگىن جاپپاي جەبەۋگە كۇش سالىپ، ٴادىليا جاۋاپكەرشىلىك ٴتۇزىمىن جاپپاي تياناقتاندىرىپ، ٴادىليا ورگاندارىنىڭ مەملەكەت ورگاندارىنا جانە ونداعى قىزمەتكەرلەرگە زاڭ بويىنشا باقىلاۋ جۇرگىزۋىن، قىزمەت ۇقىعىن زاڭ بويىنشا دەربەس، ٴادىل جۇرگىزۋىن قولداپ جانە وعان كەپىلدىك ەتىپ، جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، ٴادىليانىڭ الەۋمەتتىك سەنىمدىلىگىن ۇزدىكسىز جوعارىلاتىپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ كەرەك. زاڭدىق قىزمەت وتەۋمەن قامداۋدى جوعارىلاتۋعا كۇش سالىپ، زاڭدىق قىزمەت وتەۋشىلەردىڭ كاسىپتىك ٴمورال تاربيەسى مەن كاسىپتىك ٴتارتىپ باقىلاۋىن كۇشەيتىپ، الەۋمەتتىك زاڭدىق قىزمەت وتەۋدىڭ بازارعا قاراي كەڭەيۋىن، نەگىزگى ساتىعا قاراي كەڭەيۋىن ىلگەرىلەتىپ، شەتەلگە ساياتىن زاڭمەن باسقارۋ قىزمەت وتەۋىن كۇشەيتىپ، زاڭدىق قىزمەت وتەۋدىڭ كوپ نەگىزدى قاجەتىن قاناعاتتاندىرۋ كەرەك. زاڭمەن باسقارىلاتىن قوعام قۇرىلىسىن كۇشەيتۋگە كۇش سالىپ، ”8 - بەسجىلدىق“ زاڭ جالپىلاستىرۋ جوباسىن ىشكەرىلەي اتقارىپ، اۋىل - قىستاقتاردى (الەۋمەتتىك اۋماق) زاڭ بويىنشا باسقارۋدى كۇشەيتىپ، زاڭمەن باسقارۋ مادەنيەت قۇرىلىسىن كۇش سالا ىلگەرىلەتىپ، تۇتاس قوعامدا ٴىستى زاڭ بويىنشا ىستەيتىن، ماسەلەگە تاپ بولعاندا زاڭدى ىزدەيتىن، ماسەلەنى شەشۋدە زاڭنان پايدالاناتىن، قايشىلىقتى شەشۋدە زاڭعا سۇيەنەتىن زاڭمەن باسقارۋ ورتاسىن جەتىلدىرۋ جانە قالىپتاستىرۋ كەرەك.

ياڭ شيۋلي مىنالاردى باسا دارىپتەدى: ٴار دارەجەلى پارتكومدار، ۇكىمەتتەر تۇلعالىق جاۋاپكەرشىلىگىن شىنايى اتقارۋ كەرەك، پارتيا، ۇكىمەت ورىندارىنداعى نەگىزگى جاۋاپتى جولداستار ٴبىرىنشى جاۋاپتى ادام بولۋ مىندەتىن سانالى اتقارىپ، ٴار دارەجەلى كادرلاردى باتىلدىقپەن جاۋاپكەرشىلىك ارقالاۋعا، باتىلدىقپەن كۇرەس جۇرگىزۋگە تاربيەلەپ جانە جەتەكتەپ، زاڭمەن باسقارۋ قۇرىلىسىن جۇيەلى وي جەلىسى ارقىلى جوسپارلاۋ جانە ىلگەرىلەتۋ كەرەك. ٴار دارەجەلى زاڭمەن باسقارۋ قۇرىلىسىن كەڭەسۋ، سايكەستىرۋ قۇرىلىمدارى باستاماشىلدىقپەن جالپى جاقتان يگەرۋ، ٴبىر تۇتاس جوسپارلاپ سايكەستىرۋ، تياناقتاندىرۋدى قۋزاۋ سياقتى فۋنكتسيالاردى تياناقتاندىرىپ، ىلەنى زاڭمەن باسقارۋ قۇرىلىسىنىڭ ٴتۇرلى قىزمەتتەرىنىڭ تياناقتانۋىن، ناقتىلانۋىن ىلگەرىلەتۋ كەرەك. ٴارقايسى تاراۋلار، ورىندار زاڭمەن باسقارۋ قۇرىلىسى مەن كاسىپتىك قىزمەتتىڭ توعىسۋىن ىلگەرىلەتىپ، جاۋاپكەرشىلىكتىڭ تياناقتانۋىنا، قىزمەتتىڭ ناقتى ونىمدىلىككە قول جەتكىزۋىنە كەپىلدىك ەتۋى كەرەك.

ماجىلىستە زاڭنان ەسەپ بەرگەن جولداستارعا دەموكراتيالىق باعالاۋ جۇرگىزىلدى.

جياۋ ي - مين، سەرجان ۇعىباي ۇلى، جاۋ سۇيفاڭ، جاۋ چيڭحۇڭ، مامەتجان داۋىت، ۋاڭ شينجۇن، ياڭ شينپيڭ، لي ۋي قاتارلى وبلىس باسشىلارى ماجىلىسكە قاتىناستى. ٴماجىلىس بەينە ەكران فورماسىندا اۋدان - قالالارعا دەيىن (شەكارا وتكەلى) اشىلدى.