ٴتىلشىمىز ۋاڭ ليلي حابارلايدى. 3 - ايدىڭ 25 - كۇنى تۇستەن كەيىن اۆتونوميالى وبلىستىق ساياسي كەڭەس زاڭمەن باسقارۋ لەكسياسىن وتكىزدى.

وسى رەتكى لەكسيانى ىلە وبلىستىق ساياسي كەڭەستىڭ قوعامدى زاڭمەن باسقارۋ كوميتەتى باس بولىپ ۇيىمداستىرىپ، باستىسى، ”زاڭمەن باسقارىلاتىن قوعام قۇرىلىسىن ىلگەرىلەتىپ، ىلەنى زاڭمەن باسقارۋ نەگىزىن بەكەمدەۋدى“، «ىلە قازاق اۆتونوميالى وبلىسىنىڭ ۇلتتاردىڭ ارالاسۋىن، ىشتەسۋىن، توعىسۋىن جەبەۋ ەرەجەسىن» توڭىرەكتەي ساباق ٴوتتى، ساباق مازمۇنى تەرەڭ، قاراپايىم دا ۇعىنىقتى بولدى. لەكسيادا مىنالار العا قويىلدى: جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، پارتيانىڭ جاسامپاز نازارياسىمەن وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتىپ، مۇشەلەردىڭ مىندەت اتقارىپ، جاۋاپكەرشىلىكتى ادا ەتۋدەگى جاۋاپكەرشىلىك سەزىمى مەن بورىشتىلىق سەزىمىن قۇلشىنا جوعارىلاتىپ، زاڭمەن باسقارۋ وي جەلىسىن ۇزدىكسىز كۇشەيتىپ، ىلە وبلىسىنىڭ زاڭمەن باسقارۋ قۇرىلىسىندا ۇلگىلىك رولىن ساۋلەلەندىرىپ، ”ۇيرەنۋگە ىنتالى ورگان“ قۇرۋدا ونەگەلىك رولىن ساۋلەلەندىرىپ، كورىكتى ىلە امالياتىن ىلگەرىلەتۋگە تىڭ دا اناعۇرلىم زور ۇلەس قوسۋ كەرەك.

وبلىستىق ساياسي كەڭەستىڭ مۇشەسى، قۇلجا اۋداندىق حالىق شيپاحاناسى ٴۇشون حۇيزۋ ۇلتتىق اۋىلدىق بولىمشەسىنىڭ ورىنباسار باستىعى قابيبوللا ٴسالي ۇلى بىلاي دەدى: ”وسى رەتكى لەكسيانىڭ ماعان پايداسى كوپ بولدى. زاڭنىڭ ومىرشەڭدىگى − اتقارۋدا، زاڭمەن باسقارۋدى قاتاڭ اتقارۋ − زاڭدى جالپىلاستىرۋدىڭ ەڭ جاقسى ٴتاسىلى. حالىقتىڭ ۇقىق - مۇددەسىن زاڭمەن قامتاماسىزداندىرۋ، زاڭنىڭ بەدەلىن حالىق قورعاۋ كەرەك. ساياسي كەڭەس مۇشەسى رەتىندە بۇدان كەيىن مەن ۇسىنىستىق جوبا جازعاندا، قوعام جاعدايىن، حالىق رايىن اڭىس ەتكەندە، تۇرمىسقا، ٴىس جۇزىندىككە اناعۇرلىم جاناسىپ، ۇسىنىستىڭ دالمە ـ ٴدال تياناقتانۋىنا مۇمكىندىك جاساپ، ناقتى ماسەلەلەردىڭ شەشىلۋى مەن تياناقتانۋىن ىلگەرىلەتەمىن“.

قۇلجا قالالىق ساياسي كەڭەستىڭ مۇشەسى، وبلىستىق قورەكتىك ماماندارى قوعامىنىڭ باستىعى لياڭ سۇيشياڭ بىلاي دەدى: ”ساياسي كەڭەس مۇشەسى رەتىندە جاۋاپكەرشىلىگىمنىڭ اۋىر ەكەنىن تەرەڭ سەزىندىم. «ىلە قازاق اۆتونوميالى وبلىسىنىڭ ۇلتتاردىڭ ارالاسۋىن، ىشتەسۋىن، توعىسۋىن جەبەۋ ەرەجەسىن» ۇيرەنۋ بارىسىندا،  بۇل ەرەجەنىڭ ىلە وبلىسىنداعى ۇلتتاردىڭ ىنتىماقتاسا العا باسۋىنىڭ ارەكەت باعدارناماسى عانا ەمەس، ٴتىپتى، ۇلتتاردىڭ ارالاسۋىن، ىشتەسۋىن، توعىسۋىن، بىرگە گۇلدەنىپ - كوركەيۋىن، دامۋىن ىلگەرىلەتۋدىڭ پارمەندى كەپىلى ەكەنىن دە ٴتۇسىندىم. مەن اناعۇرلىم تاسقىنداعان ىنتامەن، اناعۇرلىم تىڭعىلىقتى قىزمەت ستيلىمەن ۇلتتاردىڭ ارالاسۋىن، ىشتەسۋىن، توعىسۋىن ىلگەرىلەتۋ قىزمەتتەرىنە بەلسەنە ات سالىسىپ، ىلە وبلىسىنىڭ گۇلدەنۋىن، ورنىقتىلىعىن ىلگەرىلەتۋگە كۇش - قۋاتىمدى ارنايمىن“.

وبلىستىق ساياسي كەڭەس پارتيا باسشىلىق گرۋپپاسىنىڭ مۇشەسى، ورىنباسار ٴتوراعاسى جياۋ شياۋفان لەكسياعا قاتىناستى.

وبلىستىق ساياسي كەڭەستىڭ جانە قۇلجا قالالىق ساياسي كەڭەستىڭ ٴىشىنارا مۇشەلەرى، ىلە وبلىستىق ساياسي كەڭەستىڭ، عىلىم - تەحنيكا قوعامىنىڭ، وداق كوميتەتىنىڭ، ايەلدەر بىرلەستىگىنىڭ ورگان كادرلارى، سونداي - اق قۇلجا قالالىق ساياسي كەڭەستىڭ بارلىق كادرى لەكسيانى تىڭدادى.