مەديتسينالىق قورعانۋ بۇيىمدارىن الباتى تاستاۋ

ىندەتتەن ساقتانۋ - تىزگىندەۋ بەلگىلەمەسىنە قايشىلىق جاساپ، ماسكا، قورعانۋ كيىمى سياقتى مەديتسينالىق قورعانۋ بۇيىمدارىن الباتى تاستاسا «قىلمىستىق ىستەر زاڭىنىڭ» 338 - تارماعى بويىنشا جۇقپالى اۋرۋلاردان ساقتانۋ، ەمدەۋ زاڭى سياقتى ىندەتتەن ساقتانۋ - تىزگىندەۋ بەلگىلەمەسىنە قايشىلىق جاساعان بولادى، جاڭا تيپتى ايدارشا ۆيرۋسىنىڭ اۋرۋ قوزدىرعىشى بار مەديتسينالىق قورعانۋ بۇيىمدارىن، اسپاپتاردى، مەديتسينالىق، تۇرمىستىق قوقسىقتاردى جانە باسقا ۆيرۋس بار زياندى زاتتاردى ٴوز بىلگەنىنشە ٴبىر جاقتى ەتىپ، ورتانى اۋىر دارەجەدە لاستاسا ورتانى لاستاۋ قىلمىسىن قالىپتاستىرۋى مۇمكىن.

جاڭا تيپتى ايدارشا ۆيرۋس وكپە قابىنۋ ىندەتىنىڭ اۋرۋ قوزدىرعىشىن قاساقانا تاستاپ نەمەسە قويىپ، الەۋمەتتىك حاۋىپسىزدىككە اۋىر حاۋىپ ٴتوندىرىپ، ادامداردىڭ ناۋقاستانۋىنا، ولۋىنە جانە كوللەكتيۆتىڭ، جەكەنىڭ مال - مۇلكىنە اۋىر زيان جەتكىزۋگە سەبەپشى بولۋشىلار «قىلمىستىق ىستەر زاڭىنىڭ» 114 -، 115 - تارماقتارىنا قايشىلىق جاساعان دەپ قارالىپ، الەۋمەتتىك حاۋىپسزدىككە حاۋىپتى تاسىلدەرىمەن زيان جەتكىزۋ قىلمىسىن قالىپتاستىرۋى مۇمكىن.

اۋاشالاپ ەمدەۋدەن ٴوز بەتىمەن قول ٴۇزۋ

اۋاشالاپ ەمدەۋدەن باس تارتقان نەمەسە ٴوز بەتىمەن اۋاشالاپ ەمدەۋ ورنىنان قول ۇزگەن ناۋقاستار مەن اۋرۋ كۇمانى بار ناۋقاستار قالاي ٴبىر جاقتى ەتىلەدى؟ «جۇڭحۋا حالىق رەسپۋبليكاسى جۇقپالى اۋرۋلاردان ساقتانۋ - تىزگىندەۋ زاڭىنىڭ» 39 - تارماعى 1 - تارماقشاسىنداعى بەلگىلەمەگە نەگىزدەلگەندە، اۋاشالاپ ەمدەۋدەن باس تارتقان نەمەسە اۋاشالاۋ ۋاقىتى تولماي تۇرىپ ٴوز بەتىمەن اۋاشالاپ ەمدەۋ ورنىنان قول ۇزگەندەرگە قوعام حاۋىپسىزدىگى ورگاندارى ەمدەۋ قۇرىلىمدارىنا سايكەسىپ، زورلىقتى اۋاشالاپ ەمدەۋ شاراسىن قولدانادى.

جاڭا تيپتى ايدارشا ۆيرۋس وكپە قابىنۋ ىندەتىنىڭ اۋرۋ قوزدىرعىشىن قاساقانا تاراتۋ

ىندەت كەزىندە جاڭا تيپتى ايدارشا ۆيرۋس وكپە قابىنۋ ىندەتىنىڭ اۋرۋ قوزدىرعىشىن قاساقانا تاراتىپ، الەۋمەتتىك حاۋىپسىزدىككە زيان جەتكىزگەندەر «قىلمىستىق ىستەر زاڭىنىڭ» 114 -، 115 - تارماقتارىنا قايشىلىق جاساعان دەپ قارالىپ، الەۋمەتتىك حاۋىپسىزدىككە حاۋىپتى تاسىلدەرمەن زيان جەتكىزۋ قىلمىسى قالىپتاسادى، اۋىر زارداپ تۋدىرماعاندار 3 جىلدان جوعارى، 10 جىلدان تومەن مەرزىمدى قاماق جازاسىنا، اۋىر زارداپ تۋدىرعاندار 10 جىلدان جوعارى مەرزىمدى قاماق جازاسىنا، مەرزىمسىز قاماق جازاسىنا نەمەسە ٴولىم جازاسىنا ۇكىم ەتىلەدى.

ىندەتتەن ساقتانۋ - تىزگىندەۋ تالابى بويىنشا دەر كەزىندە ەمدەلمەۋ

قىزۋ، قۇرعاق جوتەلۋ، قالجىراۋ، ٴيىستى، ٴدامدى سەزىنە الماۋ، مۇرىن ٴبىتۋ، ماڭقا اعۋ، جۇتقىنشاق اۋرۋ، كوز دانەكەر قابىعى قابىنۋ، بۇلشىق ەت اۋرۋ جانە ٴىش ٴوتۋ سياقتى اۋرۋ بەلگىلەرى بار ادامدار ىندەتتەن ساقتانۋ - تىزگىندەۋ تالابى بويىنشا قىزۋ امبولاتورياسىنا بارىپ ەمدەلمەسە، ٴناسيحاتتاسا دا كونبەسە «اماندىق باسقارۋعا قاتىستى جازالاۋ زاڭىنىڭ» 50 - تارماعىنا قايشىلىق جاساعان دەپ قارالىپ، ەسكەرتۋ بەرىلەدى نەمەسە 200 يۋاننان تومەن اقشالاي ايىپ سالىنادى.

ٴىسى اۋىرلارىنا 5 كۇننەن جوعارى، 10 كۇننەن تومەن قاماي تۇرۋ جازاسى بەرىلەدى، وعان قوسا 500 يۋاننان تومەن اقشالاي ايىپ سالىنادى.

جاڭا تيپتى ايدارشا ۆيرۋستىڭ تارالۋىنا سەبەپشى بولسا نەمەسە تاراتۋ قاتەرى اۋىر بولسا «قىلمىستىق ىستەر زاڭىنىڭ» 330 - تارماعىنا قايشىلىق جاساعان دەپ قارالىپ، جۇقپالى اۋرۋلاردان ساقتانۋ - تىزگىندەۋگە كەسىر تيگىزۋ قىلمىسىن قالىپتاستىرۋى مۇمكىن.

ىندەتتەن ساقتانۋ - تىزگىندەۋ شاراسىنا قارسىلىق كورسەتۋ

جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالۋشىلار ىندەتتەن ساقتانۋ - تىزگىندەۋ شاراسىنا قارسىلىق كورسەتىپ، جاڭا تيپتى ايدارشا ۆيرۋس وكپە قابىنۋ ىندەتىنىڭ اۋرۋ قوزدىرعىشىن قاساقانا تاراتىپ، الەۋمەتتىك حاۋىپسىزدىككە حاۋىپ توندىرسە نەمەسە تومەندەگى جاعدايلاردىڭ ٴبىرىن تۋدىرسا:

(1) جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالدى دەپ تۇراقتانعان ناۋقاستار، اۋرۋ قوزدىرعىشىن الا جۇرۋشىلەر اۋاشالاپ ەمدەۋدەن باس تارتسا نەمەسە اۋاشالاپ ەمدەۋ ۋاقىتى تولماستان ٴوز بەتىمەن اۋاشالاپ ەمدەۋ ورنىنان قول ۇزسە ٴارى الەۋمەتتىك ورىندارعا بارسا نەمەسە الەۋمەتتىك قاتىناس كولىكتەرىنە وتىرسا.

(2) جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالۋ اۋرۋ كۇمانى بار ناۋقاستار اۋاشالاپ ەمدەۋدەن باس تارتسا نەمەسە اۋاشالاپ ەمدەۋ ۋاقىتى تولماي تۇرىپ ٴوز بەتىمەن اۋاشالاپ ەمدەۋ ورنىنان قول ۇزسە ٴارى الەۋمەتتىك ورىندارعا بارسا نەمەسە الەۋمەتتىك قاتىناس كولىكتەرىنە وتىرىپ جاڭا تيپتى ايدارشا ۆيرۋسىن تاراتسا.

جوعارىداعى ارەكەتتەر الەۋمەتتىك حاۋىپسىزدىككە حاۋىپتى تاسىلدەرمەن قاتەر ٴتوندىرۋ قىلمىسىن قالىپتاستىردى دەپ قارالىپ، «قىلمىستىق ىستەر زاڭىنىڭ» 114 - تارماعىنىڭ، 115 - تارماعى 1 - تارماقشاسىنداعى بەلگىلەمە بويىنشا قىلمىسى تۇراقتاندىرىلىپ، جازالانۋى مۇمكىن.