ٴوز ٴتىلشىمىز ياڭ جيڭ - ي  حابارلايدى. «سۋرەتشى مەنىڭ سۋرەتىمدى سالىپ بەردى، شىنىندا توتەنشە اسەرلەندىم!» دەدى 75 جاستاعى ماريام ابدىرەيىم قۋانىشتى بەينەدە.

جۋىردا ىلە وبلىستىق مادەنيەت سارايىنىڭ (اسەمونەر سارايى) «جاڭا داۋىرگە قادام تاستايىق» تاقىرىبىنداعى چاپچال سىبە اۆتونوميالى اۋدانىنىڭ ٴومىردى اسەمونەرمەن ايشىقتاۋ قيمىلى وسى اۋداننىڭ گورمين شىعىس كوشەسى الەۋمەتتىك اۋماعىندا وتكىزىلدى. 40 قا تاياۋ جەرگىلىكتى سۋرەتشى الەۋمەتتىك اۋماق تۇرعىندارىنىڭ تەز سىزبا سۋرەتىن سالىپ ناق مايداندا تۋىندىلارىن تارتۋ ەتتى.

بۇل حاباردى ەستىپ ٴبىر ديقاننىڭ اۋلاسىنا جينالعان تۇرعىندار كىشكەنتاي ورىندىققا وتىرىپ كۇلىمسىرەگەن نەمەسە ۇياڭداۋ بەينەمەن قارسى الدىلارىنداعى ٴبىر توپ سۋرەتشىنىڭ تۋىندى جاراتۋىن كۇتۋدە. سۋرەتشى قالامىن الىپ الدىمەن نوبايىن سالىپ، ٴالسىن - ٴالسىن كەيىپكەرىن باقىلاۋدا، بىرنەشە مارتە قالام تەربەگەن سوڭ، 20 مينۋتقا جەتپەگەن ۋاقىتتا كەيىپكەردىڭ تەز سىزبا سۋرەتى دايىن بولدى. ٴاربىر پارشا سۋرەتتىڭ سىزىقتارى شيراقى، جاندى ەدى.

سۋرەتشىلەر تاعى دا چاپچال اۋدانى جاڭا ٴداۋىر وركەنيەتى اماليات ورتالىعىنا، جالعىزتاي قالاشىعىنىڭ اقجار قىستاعى مەن نۇراقىنبۇلاق قىستاعىنا بارىپ، شىعارماشىلىقتارىنا ماتەريال جيناپ، سۋرەت قالامدارىمەن چاپچال اۋدانىن ٴار قىرىنان سۋرەتتەپ، سۋرەت تۋىندىلارى ارقىلى ٴتىپتى دە كوپ ادامدارعا چاپچال اۋدانى مادەنيەتىنىڭ تارتىمدىلىعىن سەزىندىردى.

وبلىستىق مادەنيەت سارايىنىڭ (اسەمونەر سارايى) اسەمونەر ارناۋلى كادرى يارمامەت نياز بىلاي دەپ تانىستىردى: 2023 - جىلعى ارالاپ ٴجۇرىپ كورمەلەۋ تۇرمىستى بەينەلەۋ قيمىلى تەك الەۋمەتتىك اۋماقتارعا عانا ەمەس، كورىنىس وڭىرلەرىنە دە بارادى، سۋرەت تۋىندىلارىندا كەيىپكەر پورترەتى دە، تابيعات كورىنىسى دە بار بولىپ، ٴبار - ٴبارى اسەمونەر تۋىندىلارى مەن ساياحاتتى تەرەڭ توعىستىرىپ، ىلەنىڭ وزىندىك دارا ۇلتتىق سالت - ساناسىن ايگىلەپ، ىلەنىڭ تاماشا تابيعات كورىنىسىن تانىستىرىپ، مادەنيەت پەن ساياحات توعىسقان جاڭا كاسىپ كۇيىن قالىپتاستىردى. سۋرەتشىلەر ارت - ارتىنان «حالىقتى وزەك ەتۋ» شىعارماشىلىق بەتالىسىنان اۋىتقىماي، ومىرگە ۇزدىكسىز تەرەڭ ارالاسىپ، جاڭا ٴداۋىردى جىرلاپ، وڭ ەنەرگيانى اسقاقتاتىپ، ايقىن ٴداۋىر تىنىسىنا يە ٴتىپتى دە مول ادەبيەت - كوركەمونەر تۋىندىلارىن جاراتاتىندىقتارىن ٴبىلدىرىستى.

سۋرەتتە: ماريام ٴوزىنىڭ سۋرەتىن كورسەتۋدە.

ياڭ جيڭ - ي فوتوسى