شينجياڭ گازەتىنىڭ حابارى (ءتىلشى ۋاڭ جيڭجيڭ). اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، بازاردى باقىلاۋ ساندى مالىمەتىندە كورسەتىلۋىنشە، «1 - مامىر» دەمالىسى كەزىندە تۇتاس رايون بويىنشا جيىنى ەل ءىشى ساياحاتشىلارىنان 5 ميلليون ءبىر مىڭ 100 ادام - رەت قابىلداپ، سايكەس مەزگىلدەگىدەن %13.61 ارتقان؛ ساياحات كىرىسى 4 ميلليارد 311 ميلليون يۋانعا جەتىپ، سايكەس مەزگىلدەگىدەن %142.46 ارتقان. مۇنىڭ ىشىندە شينجياڭ ءىشى ساياحاتشىلارىنان جيىنى 4 ميلليون 364 مىڭ 300 ادام - رەت قابىلداپ، ساياحات كىرىسى ءبىر ميلليارد 521 ميلليون يۋان بولعان؛ شينجياڭ سىرتىنداعى ساياحاتشىلاردان جيىنى 636 مىڭ 800 ادام - رەت قابىلداپ، ساياحات كىرىسى 2 ميلليارد 790 ميلليون يۋان بولعان.

    وسى دەمالىستا تۇتاس شينجياڭداعى 449 كورىنىس ءوڭىرى قايتادان اشىلىپ، جۇمىس باستاۋ مولشەرى %87.18 كە جەتتى. شينجياڭ سىرتىنان كەلگەن ساياحاتشىلاردىڭ سانى قاۋىرت مولايدى، كورىنىس وڭىرلەرى ەسىك بەلەتىن الۋدى، اۋماق ارالىق اۆتوكولىك اقىسىن الۋدى قالپىنا كەلتىرىپ، ساياحات تۇتىنۋ كىرىسىنىڭ ارتۋىن جەبەدى.

    قىزىل ساياحاتقا قاتىناساتىن ساياحاتشىلار ەسەلەپ ارتتى. تەمىر جول تاراۋلارى شينجياڭ ىشىنەن 7 بەتالىستاعى 7 قىزىل ساياحات ارناۋلى جول جەلىسىن تانىستىرىپ، ساياحاتشىلاردىڭ ەرەكشە قارسى الۋىنا يە بولدى. ءارقايسى ساياحات سەرىكتەستىكتەرى دە زەرتتەپ - ۇيرەنەتىن قىزىل ساياحات ونىمدەرىن ىركەس - تىركەس جارىققا شىعاردى. قىزىل ساياحات شينجياڭداعى «1 - مامىر» ساياحات بازارىنىڭ ەڭ كورنەكتى ەرەكشەلىگىنە اينالدى.

    توڭىرەككە سەيىل - سەرۋەن قۇرۋ جانە جەكەلىك اۆتوكولىكپەن ساياحاتتاۋ «شينجياڭدىقتار شينجياڭدى ساياحاتتاۋىنىڭ» باستى تاسىلىنە اينالدى. مۇنىڭ ىشىندە سايرام كولى، تاشقورعان - ياركەن بايىرعى جولى، پانلۇڭ بايىرعى جولى، G219 شەكارا ءوڭىر ساياحات جەلىسى جەكە اۆتوكولىكپەن ساياحاتتاۋداعى توراپتا، ءسوزسىز، بارۋعا ءتيىستى قىزۋ تۇيىنگە اينالدى. مەرەكە كەزىندە تەك تاشقورعان تاجىك اۆتونوميالى اۋدانىنداعى پانلۇڭ بايىرعى جولى جەكە اۆتوكولىكپەن ساياحاتتاعان 5 مىڭنان استام ساياحاتشىنى قارسى الدى.

    دەمالىس كەزىندە شينجياڭعا كومەكتەسكەن 19 ولكە - قالا ارناۋلى پويەز، ۇشاق جالداۋ، جەكە اۆتوكولىكپەن ساياحاتتاۋ سياقتى فورمالار ارقىلى شينجياڭعا ساياحاتشىلاردى جىبەرىپ، «ساياحاتشىلاردى شينجياڭعا جونەلتىپ» ساياحات بازارىن جانداندىردى. مۇنان سىرت، دەمالىس كەزىندە جۇزدەگەن مادەنيەت قيمىلدارىن وتكىزىپ، جەر - جەردەگى بۇقارانىڭ رۋحاني مادەنيەت تۇرمىسىن اناعۇرلىم بايىتتى.

    ۇعىسۋعا قاراعاندا، ءارقايسى كورىنىس تۇيىندەرى، اۋماقتارى مولشەرىن شەكتەپ باسقارۋدى قاتاڭ اتقارۋ، ۋاقىتقا ءبولىپ، كۇن ىلگەرى كەلىسۋدى كۇشەيتۋ، جاناسپاي بەلەت ساتىپ الۋدى جالپىلاستىرۋ، قاۋىرت ۋاقىتقا شوعىرلاندىرماۋ قىزمەت وتەۋى ارقىلى رايونىمىز ساياحات بازارىنىڭ حاۋىپسىز، ءتارتىپتى بولۋىنا شىنايى كەپىلدىك ەتكەن.

    «1 - مامىر» وتكەننەن كەيىن شينجياڭ ساياحاتى جاز ماۋسىمىنداعى قاۋىرت مەزگىلگە وتەدى، جەر - جەر كۇن ىلگەرى كەلىسۋ سالىستىرماسىن جوعارىلاتۋ، ەرەكشە ساياحات جولدارىن جاقسارتۋ جانە كوبەيتۋ، ساياحاتقا قىزمەت وتەۋ ساپاسىن جوعارىلاتۋ سياقتى جاقتاردا كۇش سالىپ، ساياحاتتىڭ جوعارى ساپالى دامۋىن جەدەلدەتەدى.