ەل ىشىنەن رەت سانى بويىنشا 2 ميلليون 166 مىڭ 700 ساياحاتشى قابىلدانىپ، سايكەس مەزگىلدەگىدەن %111.68 ارتتى؛
ساياحات كىرىسى ءبىر ميلليارد 624 ميلليون يۋانعا جەتىپ، سايكەس مەزگىلدەگىدەن %81.80 ارتتى
ءتىلشىمىز لۋ جۇڭ حابارلايدى. «1 - مامىر» دەمالىسىندا ادامدار سىرتقا شىعىپ، كوركەم تاۋ - وزەندەردەن كوزايىم بولىپ، ۇلتتىق سالت - سانا مادەنيەتىن تاماشالاپ، دەمالىستى ءار الۋان فورمادا كوڭىلدى وتكىزدى. 5 - ايدىڭ 6 - كۇنى ءتىلشى وبلىستىق مادەنيەت - ساياحات مەكەمەسىنەن 5 - ايدىڭ 1 - كۇنىنەن 5 - كۇنىنە دەيىن وبلىسقا توتە قاراستى ورىندار بويىنشا ەل ىشىنەن رەت سانى بويىنشا 2 ميلليون 166 مىڭ 700 ساياحاتشى قابىلدانىپ، سايكەس مەزگىلدەگىدەن %111.68؛ ساياحات كىرىسى ءبىر ميلليارد 624 ميلليون يۋانعا جەتىپ، سايكەس مەزگىلدەگىدەن %81.80 ارتقاندىعىن ۇعىستى.
توراپ ٵنى - «كوكتوعايداعى شوپان جىرىنىڭ» بۇكىل ەلگە كەڭىنەن تارالۋىنا، ونىڭ ۇستىنە ورتالىق تەلەۆيزياسىنىڭ كولەمدى تاريحي فيلم - «داچينفۋ» قويىلىمىنىڭ التىن ۋاقىتىندا بەرىلۋىنە ىلەسە ٵن سوزىندە كوپ قايتالانعان ءتۇيىندى جەر جانە تەلە فيلمنىڭ كورىنىسى تۇسىرىلگەن ورىن رەتىندە، وعان قوسا «ناراتتاعى ومارتاشى بويجەتكەن»، «ومارتاشى بويجەتكەننىڭ مونولوگى» سىندى تۋىندىلاردا سومدالعان وبرازدار «1 - مامىر» دەمالىسىندا ەرەكشە كوزگە تۇسكەن نارات كورىنىس رايونىن قىزۋ تۇيىنگە اينالدىردى.
ساياحاتشىلاردىڭ كورىنىس رايونىندا ساياحاتتان بارىنشا ءلاززاتتانۋىنا مۇمكىندىك جاراتۋ ءۇشىن، نارات كورىنىس رايونى مەرەكەدەن بۇرىن كورىنىس رايونىنىڭ نەگىزدىك قۇرىلعىلارىنىڭ دارەجەسىن جوعارىلاتۋ، جاڭالاۋ تەبىنىن ارتتىرىپ، دەگرەز، ساحارا بويجەتكەنى سياقتى ساياحات كورىنىس تۇيىندەرىن جانە ارنا كورىنىس جولى نەگىزدىك قۇرىلعىلارىنىڭ دارەجەسىن جوعارىلاتىپ، جاڭالاۋدان تىس، كورىنىس رايونىنداعى ساياحاتشىلارعا قىزمەت وتەۋ ورتالىعىنىڭ الەۋمەتتىك قۇرىلعىلارىن جاڭالاپ جانە كولەمىن كەڭەيتۋ ءارى باسقا دا تاۋەلدى قۇرىلعى نىساندارى، كورىنىس رايونىنداعى جولداردىڭ دارەجەسىن جوعارىلاتۋ، نارات قوناق سارايىنىڭ دارەجەسىن جوعارىلاتۋ، جاڭالاۋ نىسانى سياقتىلاردى اتقاردى. مەرەكە كەزىندە نارات كورىنىس رايونى تاعى ساحارا مۋزىكا مەرەكەسى، 3 - كەزەكتى «اناۋ ادامدار، كولىكتەر، تاۋلار» اتىنداعى ۆەلوسيپەدپەن بيىككە شىعۋ جارىسى سياقتى تارتىمدى قيمىلداردى وتكىزىپ، ساياحات بازارىن لەزدە قىزۋ ورلەۋگە كوتەردى.شاڭحايلىق ساياحاتشى دۋ مەيشياڭ ىلگەرىندى - كەيىندى 30 نەشە مەملەكەتكە ساياحاتتاعان بولسا دا، ناراتتىڭ كوركەمدىگىنە تىپتەن ءتانتى بولدى، ول بىلاي دەدى: «ۇشى - قيىرىنا كوز جەتكىسىز ساحارانى، قورا - قورا قويلار مەن تابىن - تابىن سيىرلاردى، تاعى گۇلمەن كومكەرىلگەن كەڭ القاپتى كورىپ كوز مەيىرىن قاندىردىم، ناراتتىڭ كورىنىسى شەتەلدەگى ءارقانداي ءبىر ايگىلى كورىنىس تۇيىنىنەن اسپاسا كەم تۇسپەيدى ەكەن. ەستۋگە قاراعاندا، بۇل جەردىڭ كۇزگى كورىنىسى ءتىپتى دە ادەمى دەلىنەدى، بيىل 10 - ايدا ناراتقا، ءسوزسىز، تاعى ءبىر رەت كەلەمىن».
توڭىرەكتىڭ ءتورت بۇرىشىنان كەلگەن ساياحاتشىلاردىڭ ناراتتا باس قوسۋى جەرگىلىكتى ورىننىڭ دا ساياحات بازارىن جانداندىردى. نارات كورىنىس رايونى اراسان ات اترەتى سەلبەستىك كووپەراتيۆىنىڭ جاۋاپتىسى تابىس ىدىرىس ۇلى تىلشىگە بىلاي دەدى: «نارات كورىنىس رايونىنىڭ اراسان ات اترەتى سەلبەستىك كووپەراتيۆى 2016 - جىلى قۇرىلعاننان بەرى ءدال بيىل ەڭ دۋماندى جىل بولدى. وتە - موتە، 5 - ايدىڭ 2 - كۇنى 800 دەن استام ساياحاتشى قابىلدادىق، سەلبەستىك كووپەراتيۆىمىزدە 100 ات بار بولسا دا جەتپەدى. ەندىگى ساياحاتتىڭ قاۋىرت كەزەڭىندە كووپەراتيۆىمىز ات سانىن 300 گە ارتتىرماقشى».
«1 - مامىر» دەمالىسى كەزىندە سىرتقا شىعىپ، تابيعاتقا جاناسىپ، كوركەم كورىنىستى تاماشالاپ، كوڭىل كوتەرۋ كوپ ادامنىڭ ەڭ باستى تالعامىنا اينالدى، نىلقى اۋدانىنىڭ ساياحات بازارى دا ءۇرتىس ورلەۋگە كوتەرىلدى.
بايىرعى اعاشتار كوككە بوي سوزعان، اۋاسى تاپ - تازا نىلقى اۋدانىنىڭ شۇرات بايىرعى تەرەكتەر كورىنىس رايونى كوپتەگەن ساياحاتشىنى باۋرادى، ولاردىڭ كەيبىرەۋى وتباسىمەن، كەيبىرەۋى دوستارىمەن جاياۋ ارالاپ، جول بويىنداعى كوركەم كورىنىستەردى تاماشالاپ، دەمالىستان ءلاززاتتاندى.
نىلقى اۋدانى شۇرات بايىرعى تەرەكتەر كورىنىس رايونىنىڭ ديرەكتورى حى حايبين بىلاي دەدى: «ساياحاتتاۋشىلاردىڭ جوعارى ورلەۋگە كوتەرىلۋىنە سايكەسۋ ءۇشىن، كورىنىس رايونى ارتقى ساپتان قامتاماسىزداندىرۋ قىزمەتكەرلەرىنىڭ سانىن كوبەيتىپ، كورىنىس تاماشالاۋ رايوندارىنا اۆتوكولىك ورنالاستىرۋ تەبىنىن ارتتىرىپ، ساياحاتشىلاردىڭ باقشانى سەرۋەندەۋىنە كەپىلدىك ەتتى».
5 - ايدىڭ 1 - كۇنى موڭعۇلكۇرە اۋدانى تۇتاس وڭىرلىك ساياحاتتى تىكە تاراتۋ، تانىستىرۋ جانە 2021 - جىلعى جۇڭحۋا ۇلتىنىڭ ات بايگە جارىسى . شينجياڭ ات بايگە قوعامىنىڭ (موڭعۇلكۇرە بەكەتى) ساپا تەكسەرۋ جەلىلەس جارىسى موڭعۇلكۇرە اۋدانىنىڭ تۇلپار ساياحات - مادەنيەت باقشاسىندا باستالدى، قىزىقتى ات بايگە جارىسى بۇكىل ەلدىڭ جەر - جەرىندەگى ساياحاتشىلاردى وسى اراعا كەلىپ ساياحاتتاۋعا باۋرادى.
شانشيلىك ساياحاتشى حى شين كەڭ - بايتاق ساحارانى تاماشالاۋدى ۇناتاتىن، «1 - مامىر» دەمالىسى كەزىندە دوستارىمەن بىرگە موڭعۇلكۇرەگە ساياحاتتاپ كەلگەندە شاباندوزداردىڭ جارىس جولىندا ات قۇلاعىمەن ويناپ ءارى اسەرلى سەزىمگە بولەنىپ قۇيعىتقانىن كورىپ تەبىرەنە بىلاي دەدى: «ات بايگەسىن تۇڭعىش رەت وسىنداي جاقىن ارالىقتا كورىپ، توتەنشە اسەرلەندىم، ناق مايداننىڭ اۋانى دا جاقسى بولدى، موڭعۇلكۇرە كوركەم جەر ەكەن، موڭعۇلكۇرەنىڭ تۇلپارلارى كەرەمەت ەكەن».