238 ءتۇرلى مادەنيەت، ساياحات قيمىلى 150 ءتۇرلى ساياحات ارقىلى حالىققا تيىمدىلىك جاساۋ شاراسى

    ”جۇڭگو ساياحات كۇنىنە“ شينجياڭ نەگىزگى تاقىرىپتىق قيمىلدارى سالتانات قوسادى

    انار بۇلت / شينجياڭ گازەتىنىڭ ءتىلشىسى ياۋ گاڭ 5 - ايدىڭ 18 - كۇنى ۇرىمجىدەن حابارلايدى. 5 - ايدىڭ 17 - كۇنى وتكىزىلگەن 2021 - جىلعى ”جۇڭگو ساياحات كۇنى“ شينجياڭ بولىمشە ءماجىلىس الاڭى اقپار جاريالاۋ ماجىلىسىنەن ۇعىسۋىمىزشا، 5 - ايدىڭ 19 - كۇنگى ”جۇڭگو ساياحات كۇنىنىڭ“ كەلۋى بايلانىسىمەن رايونىمىزدىڭ جەر - جەرى 2021 - جىلعى ”جۇڭگو ساياحات كۇنى“ قيمىلىنىڭ نەگىزگى تاقىرىبى ”جاسىل دامۋ، تاماشا تۇرمىستى“ ارقاۋ ەتىپ، 238 ءتۇرلى مادەنيەت جانە ساياحات قيمىلىن، 150 ءتۇرلى ساياحات ارقىلى حالىققا تيىمدىلىك جاساۋ شاراسىن شىعارىپ، قالىڭ بۇقارانى مادەنيەت جانە ساياحات دامۋ جەتىستىگىنەن بىرگە يگىلىكتەندىرەدى ەكەن.

    238 ءتۇرلى مادەنيەت، ساياحات قيمىلى قىزىل ساياحات، سەيىل - سەرۋەن ساياحاتى، ەرەكشە ساياحات، زەرتتەۋ - وقىتۋ ساياحاتى، نەگىزگى تاقىرىپتىق قيمىل، ساياحات كونسەرتى سياقتىلاردى قامتيدى. 150 ءتۇرلى ساياحات ارقىلى حالىققا تيىمدىلىك جاساۋ شاراسى ءىشىنارا كورىنىس وڭىرلەرىنىڭ ەسىك بەلەتىن ارزانداتۋ، تەگىن بولۋ، ىندەتكە قارسى اتتانعان قىزمەتكەرلەر، ەڭبەك ەرلەرى سياقتى وزاتتارعا ساياحات سيلىعىن بەرۋ، الەۋمەتتىك يگىلىك سيپاتتى ادەبيەت - كوركەمونەر كونسەرتىن قويۋ، الەۋمەتتىك مادەنيەت الاڭدارىن اشىق ۇستاۋ سياقتىلاردى قامتيدى.

    5 - ايدىڭ 19 - كۇنى شينجياڭ اقسۋ قالاسىندا نەگىزگى ءماجىلىس الاڭىن قۇرادى، مۇنان سىرت 13 بولىمشە ءماجىلىس الاڭىن قۇرادى. اقسۋ قالاسى ەرەكشە ءدامدى تاعامدار كورمەسى، مادەنيەت، ساياحات ونىمدەرى كورمەسى، ەگىنشىلەر سۋرەت كورمەسى، قىزىل ساياحات، ءوز كولىگىمەن ساياحاتتاۋ، ۆەلوسيپەد جارىسى، ءشولدى جاياۋ كەسىپ ءوتۋ جارىسى، قولونەر مۋزيكا اسپاپتارى ساۋدا كورمەسى سياقتى جەلىلەس مادەنيەت، ساياحات قيمىلدارىن ۇسىنادى.

    ”’جۇڭگو ساياحات كۇنى‘ شينجياڭ نەگىزگى تاقىرىپتىق قيمىلى ارقىلى باي مازمۇندى مادەنيەت، ساياحات بايلىعىمىزدى ايگىلەپ، اناعۇرلىم كوپ ساياحاتشىنى ساياحاتتاي كەلۋگە باۋراپ، ’شينجياڭ جاقسى جەر‘ ساياحات ايگىلى ماركاسىن ونان ارى شارىقتاتامىز“، - دەدى اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ مۇشەسى، مەڭگەرمەنىڭ ورىنباسار باستىعى گۇلي ابىلەم.