انار بۇلت / شينجياڭ گازەتىنىڭ تىلشىلەرى رىن جياڭ، ياۋ گاڭ 5 - ايدىڭ 19 - كۇنى اقسۋدان حابارلايدى. 5 - ايدىڭ 19 - كۇنى تۇستەن بۇرىن، 2021 - جىلعى ”جۇڭگو ساياحات كۇنىنىڭ“ شينجياڭ بولىمشە جينالىس ورنى قيمىلى اقسۋ قالاسىندا باستالدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز سالتقا قاتىناستى.
قيمىل وتكىزىلگەن جەردە كوشپەلى مۇراجاي، بەيزاتتىق مادەنيەت مۇرالار كورمەسى، ساياحات تاراۋلار كورمەسى، ەرەكشە ءدامدى تاعامدار كورمەسى، شارۋالار سۋرەتى كورمەسى، ءان - ءبي كونسەرتى سياقتى باي مازمۇندار قالىڭ ساياحاتشىلاردى باۋرادى.
جۋىقتاعى جىلداردان بەرى اقسۋ ايماعى شينجياڭدى ساياحات ارقىلى گۇلدەندىرۋ ستراتەگياسىن مىقتاپ ارقاۋ ەتىپ، وڭىرلىك مادەنيەت، ساياحات ورتالىعىن سومداپ، ساياحاتتىڭ مادەنيەت، دەنە تاربيە، اۋىل شارۋاشىلىعى، قاتىناس، ەكولوگيا سياقتى سالالارمەن ىشكەرىلەي توعىسۋىن ىلگەرىلەتكەندىكتەن، ساياحات كاسىبى اقسۋ ايماعىنىڭ ەكونوميكاسىنىڭ، قوعامىنىڭ جوعارى ساپالى دامۋىنداعى ستراتەگيالىق كاسىپ سالاسىنا اينالدى.
باستالۋ سالتىندا تاعى سارالانعان 17 بەس جۇلدىز دارەجەلى شارۋالار شاتتىعى ساياجايى مەن اۆتونوميالى رايوندىق ساياحات - دەمالىس رايونىنا (التاي قالالىق ساياحات - دەمالىس رايونى)، 5S قار شاڭعى الاڭىنا (كوكتوعاي اۋدانى التاي تاۋى كوكتوعاي حالىقارالىق قار شاڭعى الاڭى) ماڭدايشالىق تاراتىلدى، «كورىكتى جۇڭگو(3)» ادەتتەگى ماركاسىن باستاپ تاراتتى.
5 - ايدىڭ 19 - كۇنى اقسۋ قالاسىندا نەگىزگى جينالىس ورنىن قۇرۋدان سىرت، شينجياڭ تاعى باسقا ايماق، وبلىس، قالالاردا 13 بولىمشە جينالىس ورنىن قۇرىپ، 238 ءتۇرلى مادەنيەت جانە ساياحات قيمىلىن، 150 ءتۇرلى ساياحات ارقىلى حالىققا تيىمدىلىك جەتكىزۋ شاراسىن العا قويىپ، ءار ۇلت بۇقاراسى مەن ساياحاتشىلاردىڭ مادەنيەتتىڭ جانە ساياحاتتىڭ دامۋ جەتىستىكتەرىنەن ورتاق يگىلىكتەنۋىنە مۇمكىندىك جاراتتى. مىسالى، حوتان ايماعى كەريادا روزا گۇلى قۇلپىرا اشىلعان ورايدان پايدالانىپ كەريا اۋدانىنىڭ 4 - كەزەكتى روزا گۇلى سالت - سانا، مادەنيەت - ساياحات مەرەكەسىن وتكىزسە، قارامايلى قالاسى ىشكى وڭىرلەردەن جۇزدەگەن ۇيىرمە، قوعام جانە مەديالاردى ۇسىنىس ەتىپ، قارامايلى. شينجياڭ ساياحات بايلىعىن تانىستىرۋ جينالىسىن جانە ”قارامايلىدان اتتانۋ“ سولتۇستىك شينجياڭ ءوڭىرى جەلىسىندەگى ونىمدەردى جاريالاۋ قيمىلى سياقتىلاردى وتكىزدى.