ورقى كينو - تەلەۆيزيا ءشارى:
كورىنىس فيلمگە ءسىڭىرىلدى، فيلم ءشارىنى ايگىلەدى
انار بۇلت / شينجياڭ گازەتىنىڭ تىلشىلەرى ياۋ گاڭ، رىن جياڭ، ۋاڭ جيڭجيڭ
6- ايدىڭ 4 - كۇنى ساياحاتشىلار قارامايلى قالاسى ورقى كينو - تەلەۆيزيا ءشارىن ەكسكۋرسيالاۋدا.
سۋرەتتى انار بۇلت / شينجياڭ گازەتىنىڭ ءتىلشىسى ساي زىڭلى تۇسىرگەن
”كەشكى قوناعاسى باستالدى!“. 6 - ايدىڭ 4 - كۇنى جىجياڭدىق ساياحاتشى ۋ ميڭشۋان جانگو داۋىرىندەگى چين بەكتىگىنىڭ كيىمىن كيىپ، قارامايلى قالاسى ورقى كينو - تەلەۆيزيا شارىندە چين بەكتىگىنىڭ ۋازىرلەرگە كەشكى قوناعاسى بەرگەندەگى باس رول ويىنىن وينادى. توپىراقتان سوعىلعان وردا تامى، سەستى دە ايبىندى قارۋلار مەن ساۋىت - دۋلىعالار... ۋ ميڭشۋانعا ”وزگەشە اۋىسپالى سەزىم“ باعىشتادى.
6 - ايدا ورقى كينو - تەلەۆيزيا ءشارى دۇركىن - دۇركىن كەلگەن ساياحاتشىلاردى قارسى الدى. كوپشىلىك وزدەرى ۇناتقان بۇرىنعى زامان كيىمدەرىن كيىپ، كورىنىس وڭىرىندەگى قىزمەتكەرلەردەن بۇرىنعى زامان سالت - ءداستۇرىن ۇيرەنىپ، وزدەرى جاقسى كورگەن رولداردى تاڭداپ قىسقا كەسكىن ءتۇسىردى، قىزىققا تولعان مادەنيەت - ساياحات سەزىنۋى بارىسىندا ءداستۇرلى مادەنيەتتىڭ تارتىمدىلىعىن سەزىنىپ، كينو - تەلەۆيزيا مادەنيەتىنىڭ سان الۋان كوركەمدىگىن ۇعىندى.
ورقى رايوندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ ورىنباسار باستىعى شۇي ۋيدي بىلاي دەپ تانىستىردى: 2018 - جىلى جاڭ لۋ - ي، دۋان يحۇڭ قاتارلىلار باس رول العان ۇلاسپالى فيلم «ۇلى چين حيكايالارى» ورقىدا كەسكىنگە ءتۇسىرىلدى، ورقى رايونى مەن كاسىپورىندار سەلبەسىپ، كەسكىنگە الۋعا پايدالانىلاتىن بايىرعى قالانىڭ قۇرىلىسى مەن قوسىمشا سايكەستى قۇرىلعى كورىنىس ورنىنان 10نان استامىن 3 ايعا جۋىق ۋاقىتتا جاساپ شىقتى، جالپى يەلەگەن جەر اۋدانى 12 مىڭ شارشى مەترگە جەتتى. وسى نەگىزدە وسى رايون كينو - تەلەۆيزيا ساياحات سەرىكتەستىگىن ەنگىزىپ، ورقى كينو - تەلەۆيزيا ءشارى ەتىپ كەڭەيتىپ قۇردى.
ورقى رايونىندا كوركەم يارداڭ جەر ءتۇزىلىسى، قۇلاما قۇزدى بايياڭحى قىساڭى، سۋلى - نۋلى ايرىقكول كولى، الۋان بوياۋلى قۇمدى ءشول كورىنىسى، اق قارداي ورقى تۇزدى كولى، الۋان بەينەلى توراڭعى ورمانى سياقتى تابيعي كورىنستەر بار. ”تۇتاس فيلمنىڭ ％70تەن استام دالا كورىنىسى ورقى رايونىندا ءتۇسىرىلدى، ويتكەنى بۇل ارانىڭ الۋان ءتۇرلى تابيعي كورىنىستەرى فيلمنىڭ تۇسىرىلىمىنە قاجەتتى ورتاعا ەرەكشە ساي كەلەدى“، - دەدى «ۇلى چين حيكايالارىنىڭ» كوركەمدىك باس تەكسەرۋشىسى حو يانشياۋ.
2019 - جىلى «قارامايلى قالاسى ورقى رايونى كينو - تەلەۆيزيا كاسىپ سالاسىنىڭ دامۋىن جەبەۋدىڭ ءبىرقانشا شارا - پىكىرىن» شىعارىپ، ساياساتتىق جەتەكشىلىك ىستەۋ ارقىلى ءتىپتى دە كوپ كينو - تەلەۆيزيا گرۋپپالارىن ورقىعا كەلىپ فيلم تۇسىرۋگە باۋرادى. جۋىق جىلداردان بەرى ىلگەرىندى - كەيىندى «سىرلى اق تۇيەنىڭ قاتەرلى كەشۋى»، «جاستىق كوكتەمدەگى مازاسىزدىق»، «ەرجەتۋ» سياقتى 10 كينو - تەلەۆيزيا تۋىندىسى ورقى رايونىنان كورىنىس الدى.
ءارقايسى فيلم الۋ گرۋپپالارى ورقى رايونىنا كوپ مولشەردەگى كينو - تەلەۆيزيا كەسكىن الۋ بازالارىن قالدىرىپ كەتتى. ورقى رايونى بۇل فيلم الۋ گرۋپپالارى جاساعان كورىنىس الۋ جەرلەرىن توڭىرەكتەي وتىرىپ، ىلگەرىندى - كەيىندى جيشى بۋلو كينو - تەلەۆيزيا بازاسى، حۋجۋ فۋرىن كينو - تەلەۆيزيا بازاسى، سىلۋ باۋزاڭ كينو - تەلەۆيزيا بازاسى سياقتىلاردى جالعاستى قۇردى. باي تابيعي بايلىق قاينارى مەن كينو - تەلەۆيزيا بايلىق قاينارى ءبىر - بىرىمەن سايكەسىم تاۋىپ، جەرگىلىكتى ورىننىڭ مادەنيەت - ساياحاتىنىڭ ەرەكشە تانىسقىسىنا اينالىپ، كوپتەگەن ساياحاتشىلاردى كەلىپ سەزىنۋگە باۋرادى.
بۇل تانىسقى كينو - تەلەۆيزيا كاسىبى سالاسىنداعى قىزمەتكەرلەردى ورقى رايونىنا كەلىپ قارجى قوسۋعا باۋرادى، جان شينلياڭ سولاردىڭ ءبىرى. ءاسىلى جىجياڭداعى حىڭديان كينو - تەلەۆيزيا ورتالىعىندا قۇلشىنىس جاساپ جۇرگەن ول بيىل كوكتەم مەرەكەسى وتە سالىسىمەن قىزمەتتەستەرىمەن بىرگە ورقى كينو - تەلەۆيزيا شارىنە كەلىپ، كينو - تەلەۆيزيانى سەزىنۋ قىزمەت وتەۋىن ورىستەتتى − ساياحاتشىلار بۇرىنعى زاماننىڭ سۇلۋ ايىمدارى، جەر - الەمنىڭ باتىرلارى سياقتى بولىپ جاسانىپ الىپ، ارناۋلى ميكرو كينو ءتۇسىرىپ، وزدەرىنىڭ ارتيست بولۋ ارمانىن جۇزەگە اسىرا الادى. ”مەن ورقىنىڭ بولاشاق دامۋىنا ءۇمىت ارتىپ وتىرمىن“، - دەدى جان شينلياڭ.
وسى كۇنى ۋ ميڭشۋان ورقى كينو - تەلەۆيزيا شارىنە كىرۋ سالتىن تاماشالادى، شاڭياڭ سارايىن، چىڭيۇي سارايىن ەكسكۋرسيالاپ، ۋاقىت پەن كەڭىستىك تۋنەلىن بارىنشا قىزىعا سەزىنىپ، ساداق اتۋدى سەزىنۋ اۋماعىندا ادرنا تارتىپ ساداق اتقاننان كەيىن، بۇرىنعى زامان كيىمدەرىن اۋىستىرىپ كيىپ، ءبىر ميكرو فيلم ءتۇسىردى. ”بۇرىن تەاتر كورگەندە قىزىق ءۇشىن كورەتىنمىن، قازىر ءوزىم دە ءبىر تەاتر ويناپ شىقتىم، ەرەكشە ماعىنالى بولدى“، - دەدى ۋ ميڭشۋان.
”مادەنيەت پەن ساياحاتتىڭ تەرەڭدەي توعىسۋىنا ىلەسە، ساياحاتشىلاردىڭ قاجەتىندە دە وراسان زور وزگەرىستەر تۋىلدى، ياعني كورىنىس كورىپ، سەيىل - سەرۋەن قۇرۋدان مادەنيەتتى سەزىنۋگە قاراي وزگەردى“. شۇي ۋيدي بىلاي دەدى: كەلەسى قادامدا ورقى رايونى 3000 شارشى مەترلىك جانە 5000 شارشى مەترلىك كينو - تەلەۆيزيا فيلمدەرىن كەسكىنگە الۋ ورنىنىڭ يقۋاتىن اناعۇرلىم كەمەلدەندىرىپ، شياڭشان كينو - تەلەۆيزيا ءشارى جانە حىڭديان كينو - تەلەۆيزيا شارىمەن بولعان سەلبەستىكتى كۇشەيتىپ، كينو - تەلەۆيزيا ءشارىنىڭ ساياحات يقۋاتىن كۇشەيتۋمەن بىرگە، كينو - تەلەۆيزيا بايلىق قاينارىنىڭ تۇتاسۋىن جۇزەگە اسىرادى.
ساپار ەستەلىگى
”باتىس بولىكتەگى حىڭديان“ ساۋلە شاشتى
6 - ايدىڭ 4 - كۇنى جۇما، كۇن اشىق
6 - ايدىڭ 4 - كۇنى ”جوعارى جىلدامدىقتى تاس جولدى بويلاپ شينجياڭعا نازار سالۋ“ انار بۇلت /شينجياڭ گازەتى جالپىلىق اقپارات قۇرالدارى حابارلاۋ توبى قارامايلى قالاسى ورقى رايونىنا باردى.
يارداڭ، قىساڭ، كول، قۇمدى - ءشول، توراڭعى ورمانى سياقتى كوپ ءتۇرلى تابيعي كورىنىس «تاساداعى باتىرلار»، «قاھارمان»، «جەتى سەمسەردىڭ تيانشاننان ءتۇسۋى» سياقتى 50گە جۋىق كينو - تەلەۆيزيا فيلمىنىڭ فيلم ءتۇسىرۋ گرۋپپاسى وسى جەرگە كەلىپ كورىنىس ءتۇسىردى، كەيبىرەۋلەر بۇل جەردى ”باتىس بولىكتەگى حىڭديان“ دەپ اتادى.
ءار جەردىڭ وزىنە ءتان ەرەكشەلىگى بولادى، ءار قالانىڭ وزىنە ءتان جاراتىلىسى بولادى، تەك مادەنيەتتى قورىتقاندا عانا وزىنە ءتان جارقىن ءتۇيىنىن ايگىلەي الادى. وسى بىرنەشە جىلدا ورقى رايونى مادەنيەت پەن ساياحاتتى توعىستىرۋدى ىلگەرىلەتىپ، مادەنيەت ارقىلى ساياحاتتى سومداپ، ”كينو - تەلەۆيزيا + ساياحات“ مادەنيەت ايگىلى ماركاسىن جاساپ، جەرگىلىكتى ورىننىڭ ساياحات بايلىق قاينارىنىڭ تانىمالدىلىعىن ارتتىردى.
كينو - تەلەۆيزيا تۋىندىلارى ماڭىزدى مادەنيەت تاراتۋ مەدياسى، كينو - تەلەۆيزيا ساياحاتى مادەنيەت - ساياحات كاسىپ سالاسىن دامىتۋدىڭ اسقىن موتورىنا اينالىپ، مادەنيەت - ساياحات كاسىپ سالاسىنىڭ كوپ نەگىزدى دامۋىن جەبەپ، مادەنيەت - ساياحات بازارىنىڭ جاڭا ومىرشەڭدىك كۇشىن قوزعاۋدا كەلەلى رول اتقارۋدا. ورقى رايونى ساياسات شىعارىپ، ۇيلەسىمدى جوسپارلاپ، جوعارى - تومەن بۋىنداعى ساياحات كاسىپ سالاسىن جالعاپ، تابيعي بايلىق قاينارىن ارقاۋ ەتىپ، بازار قاجەتىمەن بىرلەستىرىپ، كينو - تەلەۆيزيا تۋىندىلارى قامتىعان مادەنيەت پەن جەرگىلىكتى ورىننىڭ ەرەكشەلىگىن جاندى ۇشتاستىرىپ، دارا دا ەرەكشە ساياحات مادەنيەتىن قالىپتاستىرىپ، ساياحات ورنىنىڭ ومىرشەڭدىك كۇشى مەن باياندىلىعىن ءتىپتى دە اسىردى. (ياۋ گاڭ)