باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
دۋان - ۋ دەمالىسىندا شينجياڭ رەت - سانى بويىنشا 3 ميلليون 795 مىڭ 100 ساياحاتشى قابىلدادى
2021-06-19 15:41:12كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

  

    شينجياڭ گازەتىنىڭ حابارى (ٴتىلشى ياۋ گاڭ). اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، 6 - ايدىڭ 12 - كۇنىنەن 14 - كۇنىنە دەيىن دۋان - ۋ دەمالىسىندا شينجياڭدا جالپى رەت - سانى بويىنشا 3 ميلليون 795 مىڭ 100 ساياحاتشى قابىلدانىپ، سايكەس مەزگىلدەگىدەن %8.22 ارتقان؛ ساياحات كىرىسى جالپى 2 ميلليارد 378 ميلليون يۋانعا جەتىپ، سايكەس مەزگىلدەگىدەن %36.87 ارتقان.

    دۋان - ۋ دەمالىسىندا شينجياڭنىڭ جەر - جەرى بايلىق ابزالدىعىن تولىق ساۋلەلەندىرىپ، ەرەكشەلىكتى كورنەكتىلەندىرىپ، ساياحات ونىمدەرىمەن قامداۋ اياسىن كەڭەيتىپ، باي مازمۇندى، ەرەكشەلىگى ايقىن مادەنيەت - ساياحات قيمىلدارىن ورىستەتتى.

    6 - ايدىڭ 12 - كۇنى سانجى قالاسىنداعى حۋاشيڭيۋو ساياحات اڭعارى «حانزۋ كيىم - كەشەكتەرى دۋان - ۋ مەرەكەسىنىڭ مەرەيىن اسىردى» باستى تاقىرىبىندا حانزۋ كيىم - كەشەك مادەنيەتى كورمەسى، ەجەلگى سالت ٴبيى كونسەرتى، قياق كۇرىش ٴتۇيۋ كەشىرمەلەرى سياقتى دۋان - ۋ قيمىلدارىن ورىستەتتى؛ 6 - ايدىڭ 12 - كۇنى تۇستەن بۇرىن قارامايلى قالاسى مايتاۋ رايونى مايتاۋ - كۇشار دابىنيڭ ساياحاتشىلارعا قىزمەت وتەۋ ورتالىعى الاڭىندا ٴتۇستى جالاۋلار جەلبىرەپ «مايتاۋ - كۇشار جولىمەن قايتا ٴجۇرۋ، ساقا جاۋىنگەرلەر قايتا اتتانۋ» اتىنداعى اۆتوكولىك جونەلتۋ سالتى باستالدى، سونىمەن ٴبىر ۋاقىتتا، 2021 - جىلعى «يەن دالا ساياحاتى مايتاۋ - كۇشار جولى» (شينجياڭ) ۆەلوسيپەتپەن ۇسىنىس ەتىلگەن جارىسى دا باستالدى؛ 6 - ايدىڭ 12 - كۇنىنەن 14 - كۇنىنە دەيىن تيانشان تاۋى بوعدا كولى كورىنىس رايونى ۇسىنىس ەتكەن حاتكەرلىك، سۋرەت سىزۋ اۋەسكەرلەرى، ناق مايداندا قىل قالام تەربەپ، ٴداستۇرلى مادەنيەتتىڭ تارتىمدىلىعىن ايگىلەدى؛ حوتان ايماعى بەيزاتتىق مادەني مۇرالاردى ۇگىتتەۋ كورسەتۋ قيمىلىن وتكىزدى، قاراقاش اۋداندىق ٴان - ٴبي ۇيىرمەسىندەگى ارتيستەر ماي شام ٴبيى مەن قابىق قاعاز جاساۋ ٴبيىن بيلەدى.

    دۋان - ۋ دەمالىسىندا شينجياڭنىڭ جەر جەرىندە 144 ٴتۇرلى مادەنيەت - ساياحات قيمىلدارى وتكىزىلىپ، جۇڭحۋانىڭ تاڭداۋلى ٴداستۇرلى مادەنيەتىن اسقاقتاتقان ٴتۇرلى دۋان - ۋ ۇلتتىق سالت - سانا قيمىلدارى قىزۋ قارسى الۋعا يە بولىپ، جەكە اۆتوكولىكپەن ساياحاتتاۋ، جەمىس ٴۇزۋ ساياحاتى، اۋىل - قىستاق ساياحاتى سياقتىلار مارەسىنە جەتتى.