اۆتونوميالى رايوننىڭ ساياحات كاسىپ سالاسىن دامىتۋ باسشىلىق گرۋپپاسى 2021 - جىلعى ەكىنشى رەتكى جالپى ءماجىلىسىن اشتى

قىزمەتتىڭ بىرىككەن كۇشىن قالىپتاستىرىپ، ساياحات كاسىبىنىڭ جوعارى ساپالى دامۋىن ىلگەرىلەتۋ كەرەك

انار بۇلت / شينجياڭ گازەتىنىڭ ءتىلشىسى جاڭ يۇنمەي 7 - ايدىڭ 13 - كۇنى ۇرىمجىدەن حابارلايدى.7 - ايدىڭ 12 - كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، اۆتونوميالى رايوننىڭ ساياحات كاسىپ سالاسىن دامىتۋ باسشىلىق گرۋپپاسىنىڭ باستىعى شوكىرات زاكىر اۆتونوميالى رايوننىڭ ساياحات كاسىپ سالاسىن دامىتۋ باسشىلىق گرۋپپاسىنىڭ 2021 - جىلعى 2 - رەتكى جالپى ءماجىلىسىن باسقارىپ اشىپ، 2021 - جىلدىڭ الدىڭعى جارتىسىنداعى اۆتونوميالى رايوننىڭ ساياحات كاسىبىن دامىتۋ قىزمەت قورىتىندىسىن جانە سوڭعى جارتىسىنداعى ساياحات قىزمەتىنىڭ باستى تۇيىندەرىن، جۇڭگو (چاڭبايشان تاۋ سىلەمى − التاي تاۋ سىلەمى) قار - مۇز ەكونوميكاسىنىڭ جوعارى ساپالى دامۋ سىناق رايونى ستراتەگيالىق سەلبەستىك جۇلگەسى كەلىسىمىنىڭ تياناقتاندىرىلۋ اياق الىسى جاعدايى جونىندەگى مالىمەتتى تىڭداپ، 2021 - جىلدىڭ الدىڭعى جارتىسىنداعى ”ءۇشتىڭ قيىن بولۋى، ءبىردىڭ ىركىلىسسىز بولماۋى“، ساياحات حالىقتىق تۇسەلحانا قۇرىلىسى اياق الىسى جاعدايى جونىندەگى مالىمەت سياقتىلاردى قارادى، رايونىمىز ساياحات كاسىبىنىڭ جوعارى ساپالى دامۋ قىزمەتىن ىلگەرىلەتۋ جونىندە ورنالاستىرۋ جاسادى.

ءماجىلىس مىنالاردى اتاپ كورسەتتى: بيىل الدىڭعى جارتى جىلدا رايونىمىز ساياحات كاسىبىنىڭ دامۋى ءبىرشاما ويداعىداي ناتيجەگە قول جەتكىزدى، ساياحاتشى قابىلداۋ، ساياحاتشىلار قۇرىلىمى، ايگىلى ماركا جاراتۋ، كاسىپ سالاسىن دامىتۋ، بيڭتۋان مەن جەرگىلىكتى ورىندى توعىستىرۋ سياقتى جاقتاردا تىڭ سەرپىلىسكە قول جەتكىزىپ، تۇتاس جىلدىق قىزمەتتە جاڭا جاعداي اشتى. سوڭعى جارتى جىلدا ۇزدىكسىز قۇلشىنىپ، بۇكىل شينجياڭنىڭ ساياحات كاسىبىنىڭ تاماشا ارىنىن ساقتاۋعا، جاڭا جاعداي اشۋعا شىنايى كەپىلدىك ەتۋ كەرەك. جەر - جەر، تاراۋلار، ورىندار ساياسي دەڭگەيدى شىنايى جوعارىلاتىپ، جاڭا دامۋ ۇستانىمىن دايەكتىلەندىرۋ، ساياحات ارقىلى شينجياڭدى گۇلدەندىرۋ ستراتەگياسىن ويداعىداي اتقارۋ سەنىمىن، بەكىمىن نىعايتىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا ءارقايسى جاقتىڭ كۇش - قۋاتىن ۇيىستىرىپ، وسكەلەڭ جاۋاپكەرشىلىك سەزىمىمەن، بورىشتىلىق سەزىمىمەن، كوكەي تەستىلىك سەزىمىمەن زەيىن - زەردەنى، كۇش - قۋاتتى شوعىرلاندىرىپ، قايراتتانا ءىس تىندىرىپ، ساياحات كاسىبىنىڭ جوعارى ساپالى دامۋىن بار كۇشپەن ىلگەرىلەتىپ، رايونىمىزدى دۇنيە جۇزىنە ايگىلى ساياحاتتىڭ كوزەۋلى جەرىنە اينالدىرۋ جولىندا بىرگە قۇلشىنۋى كەرەك.

ءماجىلىس مىنالاردى باسا دارىپتەدى: ماسەلەنى باعدار ەتۋگە تاباندى بولىپ، قىزمەت ءتۇيىنىن كورنەكتىلەندىرىپ، ساياحات كاسىپ سالاسى دامۋىنىڭ تەرەڭدىك، كەڭدىك ءورىسىن ۇزدىكسىز كەڭەيتىپ، رايونىمىز ساياحات كاسىبى دامۋىنىڭ ساپاسىن جانە دەڭگەيىن شىنايى جوعارىلاتۋ كەرەك. باستان - اياق الدىمەن جاساۋعا تاباندى بولىپ، رايونىمىز ساياحات كاسىبىنىڭ ولشەمدەنۋ، سارالانۋ، ماركالانۋ بەتالىسىنا قاراي دامۋىن ىلگەرىلەتۋ كەرەك. نەگىزدىك قۇرىلعىلاردى ۇزدىكسىز كەمەلدەندىرىپ، زەردەلى كورىنىس ءوڭىرىن قۇرىپ، زەردەلى ساياحاتتى ىلگەرىلەتىپ، ساياحات مازمۇنىن ۇزدىكسىز بايىتىپ، جالپى وڭىرلىك ساياحاتتى زور كۇشپەن دامىتىپ، شينجياڭنىڭ جالپى وڭىرىندە ”تەز جەتىپ، اسىقپاي سەرۋەندەۋ“ ساياحات ءتاسىلىن جۇزەگە اسىرۋ كەرەك. ۇگىتتەۋدى، جوسپارلاۋ - ساتۋدى ۇزدىكسىز كۇشەيتىپ، ”ءبىر ورىندا ءبىر شارا“، ”ءبىر ماۋسىمدا ءبىر شارا“ اتقارۋعا تاباندى بولىپ، ساياحاتتى ۇگىتتەۋدىڭ، جوسپارلاۋ - ساتۋدىڭ جوباسىن باعىتتامالى تۇردە جاساۋ كەرەك. قار - مۇز ەكونوميكالىق سەلبەستىگىن تەرەڭدەتىپ، نازاردى قار - مۇز كاسىپ سالاسىنا شوعىرلاندىرىپ، بايلىق باسىمدىعىن ساۋلەلەندىرىپ، نىسان قۇرىلىسىن ويداعىداي يگەرىپ، ونىمدىلىگىن ەرتە كورۋ كەرەك. قىزمەت وتەۋ ساپاسىن بار كۇشپەن جوعارىلاتىپ، ”شادىمان شينجياڭ“ ارەكەتىن ۇزدىكسىز ورىستەتىپ، ساياحات كاسىبى بازار تۇلعالارىن تارتىپشەڭدىكتى كۇشەيتۋگە بەلسەنە جەتەكتەپ، شينجياڭ ساياحاتىنىڭ شارۋاشىلىق - ساۋدا ورتاسىن جالپى بەتتىك ساپالىلاندىرىپ، ساياحات كاسىپورىندارىنىڭ دامۋىن قولداۋ كەرەك. ساياحات حاۋىپسىزدىگىنە بار كۇشپەن شىنايى كەپىلدىك ەتىپ، ىندەتتەن ساقتانۋ - تىزگىندەۋدى ۇدايىلاندىرۋدى جانە ساياحات كاسىبىن دامىتۋدىڭ ءتۇرلى قىزمەتتەرىن ويداعىداي يگەرۋدى ءبىر تۇتاس جوسپارلاۋ كەرەك.

ءماجىلىس مىنالاردى تالاپ ەتتى: باسشىلىقتى شىنايى كۇشەيتىپ، جاۋاپكەرشىلىكتى ايقىنداپ، رايونىمىز ساياحات كاسىبىنىڭ جوعارى ساپالى دامۋىن ىلگەرىلەتۋدىڭ بىرىككەن كۇشىن قالىپتاستىرۋعا شىنايى كەپىلدىك ەتۋ كەرەك. ءار دارەجەلى پارتكومدار جانە ۇكىمەتتەر ساياحات كاسىبىن دامىتۋعا باسشىلىقتى كۇشەيتىپ، ساياحات كاسىبىن دامىتۋدىڭ تۇلعالىق جاۋاپكەرشىلىگىن شىن مانىندە ارقالاۋ كەرەك. اۆتونوميالى رايوندىق ساياحات كاسىپ سالاسىن دامىتۋ باسشىلىق گرۋپپاسى كەڭسەسى ءبىر تۇتاس جوسپارلاۋ، سايكەستىرۋ رولىن تولىق ساۋلەلەندىرىپ، ورىن تەپكەن قيىن ماسەلەلەردى دەر كەزىندە سايكەستىرىپ شەشۋى كەرەك. اۆتونوميالى رايوندىق مادەنيەت جانە ساياحات مەڭگەرمەسى جاڭا وي جەلىسىن، جاڭا نىسانانى، جاڭا مىندەتتەردى، جاڭا شارالاردى دەر كەزىندە ورتاعا قويۋى كەرەك. قاتىستى مۇشە ورىندار ءوز مىندەتتەرىن وتەپ، ءوز جاۋاپكەرشىلىكتەرىن ۇستىنە الىپ، تىعىز سايكەسىپ، ساياحات كاسىبىنىڭ جوعارى ساپالى دامۋىن بار كۇشپەن قولداۋى كەرەك.

اۆتونوميالى رايون باسشىلارىنان ەركىن تۇنياز، تيان ۋىن، جاۋ چيڭ، چىن ميڭگو ماجىلىسكە قاتىناستى.