باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
الدىڭعى 7 ايدا شينجياڭ 120 ميلليون ادام - رەتتەن استام ساياحاتشى قابىلدادى
2021-08-16 13:21:51     كورىلىم:رەت كەلۋ قاينارى:تيانشان تورى  جاۋاپتى رەداكتور:بەرىك وقاباي ۇلى


انار بۇلت / شينجياڭ گازەتىنىڭ ءتىلشىسى ياۋ گاڭ 8 - ايدىڭ 14 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، بيىل الدىڭعى 7 ايدا تۇتاس رايون بويىنشا قابىلداعان ساياحاتشى سانى 120 ميلليون 703 مىڭ 300 ادام - رەتكە جەتىپ، 2019 - جىلعى سايكەس مەزگىلدەگىدەن %8.03 ارتىپ، ساياحات كىرىسى 93 ميلليارد 583 ميلليون يۋان بولعان.

بيىل جىل باسىنان بەرى شينجياڭ ساياحات نەگىزدىك قۇرىلعىلارى قۇرىلىسى تەبىنىن ارتتىرىپ، ”ءۇش قيىن، ءبىر ىركىلىسسىز بولماۋ“ ماسەلەسىن كۇش سالا شەشىپ، ساياحاتشىلاردىڭ رازىلىق دەڭگەيىن جوعارىلاتتى. الدىڭعى جارتى جىلدا اۆتونوميالى رايون قازىنادان جالپى 7 ميلليارد 815 ميلليون يۋان قارجى شىعارىپ، ساياحاتقا قاتىستى كاسىپ سالالارىنىڭ دامۋىن قولدادى.

”شينجياڭ جاقسى جەر“ ساياحات ماركاسىن ۇزدىكسىز تۇلعالاپ، جالپى وڭىرلىك ساياحاتتان ۇلگى كورسەتۋ اۋماعىن قۇرۋدى ىلگەرىلەتتى. مەملەكەت دارەجەلى ساياحات، دەمالىس قالاسىن جانە ءمالىسىن بەلسەنە قۇرىپ، شينجياڭ حالىقارالىق ۇلكەن بازار، ليۋشيڭ كوشەسى، قاشقار بايىرعى قالاسى سياقتىلاردىڭ اتاعى ءتىپتى دە ارتا ءتۇستى؛ ءبىر توپ قىزىل ساياحات كورىنىس ءوڭىرى مەن جەلىسى قارا ءۇزىپ شىعىپ، الدىڭعى جارتى جىلداعى ساياحات جارقىن تۇيىنىنە اينالدى؛ ساياحات سارا جەلىلەرى ۇزدىكسىز جاڭالانىپ، ساياحاتشىلاردى كوپتەپ باۋرادى.

”ساياحات ارقىلى شينجياڭدى گۇلدەندىرۋ“ ستراتەگياسى توڭىرەگىندە كاسىپ سالالارىنىڭ توعىسۋىن جەدەلدەتتى. مادەنيەت پەن ساياحاتتىڭ توعىسۋىن ىلگەرىلەتىپ، ۇلى قورعان مەملەكەتتىك مادەنيەت باقشاسى، مەملەكەتتىك ارحەولوگيالىق ەسكى جۇرت باقشاسى، تاس بۇتحانا، قىزىل كورىنىس ءوڭىرى سياقتى مادەنيەت مايەگى قالىڭ سارا كورىنىس وڭىرلەرىن قۇرۋدى جەدەلدەتىپ، ”مادەنيەت + ساياحاتتى“ دامىتتى. G575، G219 سياقتىلاردى تىڭنان وزگەرتىپ سالىپ، ءوز كولىگىمەن ساياحاتتاۋ سارا جەلىلەرىن قالىپتاستىرىپ، ”قاتىناس + ساياحاتتىڭ“ دامۋىن ىلگەرىلەتتى. ”زەرتتەۋ - ۇيرەنۋ + ساياحات“، ”اۋا رايى + ساياحات“، ”اۋىل - قىستاق + ساياحات“، ”دەنە تاربيە + ساياحات“ سياقتى كاسىپ سالالارىن توعىستىرۋ جاعىندا تىڭ تابىسقا قول جەتىپ، ساياحاتتىڭ جاڭا كاسىپ كۇيى ۇزدىكسىز جارىققا شىعىپ، تاپسىرىستى ساياحات، زەرتتەۋ - ۇيرەنۋ ساياحاتى سياقتى ساياحات ونىمدەرى ساياحات بازارىن ونىممەن قامداۋدى مولايتتى.

ساياحاتتىق قىزمەت وتەۋ جۇمساق كۇشى نىعايىپ، ساياحاتشىلاردىڭ رازىلىعى ارتتى. ”كۇلىمدەگەن شينجياڭ“ قىزمەت وتەۋ ساپاسىن جوعارىلاتۋ ارناۋلى قيمىلىن ۇزدىكسىز ورىستەتىپ، ”3 ناشار، ءبىر بىلىقپالىق“ ماسەلەسىن ارناۋلى وڭاۋدى مىقتى يگەرىپ، ساياحات ورتاسىن كىرشىكسىزدەندىردى. زەردەلى ساياحات قۇرىلىسىن كۇشەيتىپ، ساياحاتشىلاردىڭ باستان كەشىرىپ سەزىنۋىن جوعارىلاتتى.