شينجياڭدى ساياحات ارقىلى گۇلدەندىرۋ:
جاڭا قوزعاۋشى قۋاتتى جەتىلدىرىپ، ۇلكەن اينالىممەن توعىستى
انار بۇلت / شينجياڭ گازەتىنىڭ ءتىلشىسى رىن جياڭ
8 - ايدىڭ باس شەنىندە اۆتونوميالى رايوندىق مادەنيەت جانە ساياحات مەڭگەرمەسىنەن مىناداي حابار تارادى: 1 - ايدان 7 - ايعا دەيىن شينجياڭ جالپى 120 ميلليون 703 مىڭ 300 ادام - رەت ساياحاتشى قابىلداپ، سالىستىرمالى ولشەم بويىنشا 2020 - جىلعى سايكەس مەزگىلدەگىدەن ％25.90 ارتىپ، 2019 - جىلداعىمەن سالىستىرعاندا ％8.03 ارتىپ، ساياحات كىرىسى 93 ميلليارد 583 ميلليون يۋانعا جەتتى.
شينجياڭ جۇڭگوداعى ساياحات بايلىعى ەڭ مول شوعىرلانعان ولكە، اۆتونوميالى رايونداردىڭ ءبىرى، ساياحات كاسىبىن دامىتۋدا دارا ەرەكشەلىككە يە. 2018 - جىلعى اۆتونوميالى رايوننىڭ ساياحاتتى دامىتۋ جينالىسىندا شينجياڭدى ساياحات ارقىلى گۇلدەندىرۋ ستراتەگياسىن اتقارۋ ايقىن اتاپ كورسەتىلىپ، ساياحات كاسىبى بىرتىندەپ شينجياڭنىڭ ستراتەگيالىق تىرەكتى كاسىپ سالاسىنا جانە ەكونوميكانىڭ جوعارى ساپالى دامۋىنىڭ ماڭىزدى قوزعالتقىشىنا اينالىپ، شينجياڭنىڭ ”10 ءىرى كاسىپ سالاسىنىڭ“ ءبىرى بولۋداي مىعىم قۋاتى مەن پارمەندى قوزعاۋشى كۇشىن ايگىلەدى.
قارقىندى دامۋ سەنىمدى ارتتىردى
8 - ايدىڭ باس شەنىندە مادەنيەت جانە ساياحات مينيسترلىگى «3 - توپتاعى مەملەكەتتىك اۋىل - قىستاق ساياحاتىنىڭ ءتۇيىندى قىستاقتار ءتىزىمىن جانە 1 - توپتاعى مەملەكەتتىك اۋىل - قىستاق ساياحاتىنىڭ ءتۇيىندى قالاشىقتار (اۋىل) ءتىزىمىن جاريالاۋ جونىندە حابارلاندىرۋ» جاريالادى، قابا اۋدانى تەرەكتى اۋىلى اققابا قىستاعى سياقتى 11 قىستاق (ليان)، كۇنەس اۋدانى نارات قالاشىعى سياقتى 6 اۋىل - قالاشىق (تۋان − الاڭ) وسى تىزىمگە ەندى. وسىدان بۇرىن شينجياڭدا 41 جەر مەملەكەتتىك اۋىل - قىستاق ساياحاتىنىڭ ءتۇيىندى قىستاقتار قاتارىنا ەنگىزىلگەن. مەملەكەتتىك اۋىل - قىستاق ساياحاتىنىڭ ءتۇيىندى قىستاقتارى شينجياڭ اۋىل - قىستاق ساياحاتىنىڭ، اۋەلى، تۇتاس ساياحات كاسىبى دامۋىنىڭ ۇلگىسىنە جانە ماڭىزدى تىرەگىنىڭ بىرىنە اينالدى.
شينجياڭ ساياحات كاسىبى بايلىق باسىمدىعىن كاسىپ سالاسى باسىمدىعىنا اينالدىرۋعا قۇلشىنۋدا، ”شينجياڭ جاقسى جەر“ مادەنيەت − ساياحات ماركاسىنىڭ اتاعى بارعان سايىن اسپانداۋدا.
قازىر شينجياڭدا (بيڭتۋاندى قامتيدى) مەملەكەتتىك 5A دارەجەلى 16 ساياحات كورىنىس ءوڭىرى بار، سانى جاعىنان باتىس بولىكتەگى وڭىرلەر بويىنشا 1 - قاتاردا، مەملەكەت بويىنشا 3 - قاتاردا تۇرادى. مۇنان تىس، بىرلەسكەن مەملەكەتتەر ۇيىمى ادام جانە بيولوگيالىق اۋماق تابيعي قورىعى، دۇنيە جۇزىلىك گەولوگيالىق باقشا، سونداي - اق مەملەكەت دارەجەلى كورىنىسى ايگىلى ءوڭىر، تابيعي قورىق، گەولوگيالىق باقشاسى، ورمان باقشاسى، سازدىق باقشاسى، قۇمدى ءشول باقشاسى، سۋ يگىلىگى كورىنىس ءوڭىرى، كورىنىسى ايگىلى ءوڭىر، تۇتاس وڭىرلىك ساياحاتتان ۇلگى كورسەتۋ اۋماعى سياقتىلار توپ جۇلدىزداي جارقىراپ، شينجياڭ ساياحات كاسىبىنىڭ دامۋىنداعى زاڭعارعا اينالدى.
”ساياحات كاسىبى شينجياڭنىڭ قوعام ورنىقتىلىعى مەن باياندى تىنىشتىعىنا كۇش ۇستەۋ جاعىندا جان - جاقتى، ەرەكشە، ۇستىنەن وڭاۋ مەن تۇبىرىنەن وڭاۋعا بىردەي ءمان بەرۋ رولىن اتقاردى، ساياحات كاسىبى شينجياڭنىڭ حالىق شارۋاشىلىعىنىڭ ستراتەگيالىق تىرەكتى كاسىپ سالاسى بولىپ قانا قالماستان، قوعامنىڭ العا باسۋىنىڭ، مادەنيەتتىڭ گۇلدەنۋىنىڭ، ۇلتتار ىنتىماعىنىڭ، شينجياڭدى ورنىقتىرىپ شەكارانى بەكەمدەۋدىڭ ستراتەگيالىق تىرەكتى كاسىپ سالاسى دا بولدى“. بيىل 8 - ايدا جۇڭگو قوعامدىق عىلىمدار اكادەمياسى ساياحات زەرتتەۋ ورتالىعىنىڭ ورىنباسار مەڭگەرۋشىسى داي شۋەفىڭ، جۇڭگو قوعامدىق عىلىمدار اكادەمياسى ساياحات زەرتتەۋ ورتالىعىنىڭ ەرەكشە ۇسىنىس ەتىلگەن زەرتتەۋشىسى جاڭ جينشان «جۇڭگو ساياحات گازەتىندە» ماقالا جاريالاپ وسىلاي دەگەن. ولاردىڭ قاراۋىنشا، ”14 - بەسجىلدىق“ مەزگىلىندە شينجياڭ بۇكىل مەملەكەتتىڭ ساياحات بازارىنىڭ ۇلكەن اينالمالى ارناسىن پارمەندى كۇشپەن قوزعايتىنداي نەگىزدىك شارت - جاعدايعا يە بولعان.
”13 - بەسجىلدىق“ كەزىندە شينجياڭنىڭ ساياحات ەكونوميكاسىنىڭ نەگىزگى كورسەتكىشى مەجەدەگىدەن الدەقايدا اسىپ تۇسكەن: 2016 - جىلدان 2019 - جىلعا دەيىن بۇكىل شينجياڭنىڭ ساياحاتشى قابىلداۋ مولشەرىنىڭ ورتاشا ارتۋ قارقىنى ％38.08 بولىپ، الدىنداعى مەزگىلدەگىمەن سالىستىرعاندا ارتۋ قارقىنى جەكە - جەكە ％32.89، ％32.38، ％40.09 جانە ％41.96 بولعان. 2017 - جىلى بۇكىل رايون قابىلداعان ساياحاتشى تۇڭعىش رەت 100 ميلليون ادام - رەتتەن اسىپ، 2019 - جىلى 200 ميلليون ادام - رەتتەن اسقان. 2020 - جىلى ىندەتتىڭ ءتيىمسىز ىقپالىن جەڭىپ، شينجياڭ جالپى 158 ميلليون ادام - رەت ساياحاتشى قابىلداعان. ورتالىق راديو - تەلەۆيزيا باس ستانسياسىنىڭ حابارلاۋىنا قاراعاندا، بيىل الدىڭعى جارتى جىلدا جۇڭگونىڭ ساياحاتتاعى كوزەۋلى جەرى قابىلداعان ساياحاتشى ادام - رەتى سايكەس مەزگىلدەگىمەن سالىستىرعاندا ارتۋى ەڭ تەز بولعان الدىڭعى قاتارداعى 30 قالادا شينجياڭنىڭ قالالارى ۇشتەن ءبىرىن ۇستاعان. شينجياڭ ساياحات كاسىبىنىڭ ەكونوميكالىق، قوعامدىق دامۋداعى جەتەكتەۋ رولى ۇزدىكسىز كورنەكتىلەنىپ، شينجياڭنىڭ جۇمىستانۋدى جەبەۋدەگى، حالىق تۇرمىسىنا تيىمدىلىك جاساۋداعى ماڭىزدى كاسىپ سالاسىنا اينالعان.
وراسان زور كومەسكى كۇش قارجى باۋرادى
8 - ايدىڭ 6 - كۇنى جۇڭگو ساياحات توبى شەكتى سەرىكتەستىگى حوشۇت اۋدانىمەن كەلىسىم جاساسىپ، حوشۇت اۋدانىنىڭ التىن قۇم قايراڭى ساياحات دەمالىس ءوڭىرىن بىرلەسىپ جۇرگىزىپ، باسقارادى. ”ءبىز التىن قۇم قايراڭى ساياحات دەمالىس ءوڭىرىن ايگىلى ماركالىق بەدەلگە، بازار ىقپالىنا يە ونەگەلىك نىسان ەتىپ قۇرۋعا قۇلشىنامىز“، - دەدى جۇڭگو ساياحات توبى شەكتى سەرىكتەستىگى شينجياڭ ساياحات جۇرگىزۋ، باسقارۋ شەكتى جاۋاپكەرشىلىك سەرىكتەستىگىنىڭ باس ديرەكتورى جين حۋالين.
بۇل نىسان جۇڭگو ساياحات توبى سەرىكتەستىگىنىڭ شينجياڭدا قارجى قوسقان نىسانىنىڭ ءبىرى. اۆتونوميالى رايوندىق حالىق ۇكىمەتى مەن جۇڭگو ساياحات توبى شەكتى سەرىكتەستىگى قول قويىسقان «كاسىپ سالاسى ارقىلى شينجياڭعا كومەكتەسىپ، شينجياڭنىڭ ساياحات كاسىبىنىڭ جوعارى ساپالى دامۋىنا دەم بەرۋ ستراتەگيالىق سەلبەستىك كەلىسىمىنە» ساي، بۇل توپ تاعى ىلە، ءۇرىمجى سياقتى جەرلەردە كوپتەگەن مادەنيەت − ساياحات كاسىپ سالاسى نىساندارىنا قارجى قوسقان، قازىر تۇگەلدەي قاۋىرت ىلگەرىلەتىلۋدە.
قازىر شينجياڭنىڭ ساياحات كاسىبى بارعان سايىن قارجى باۋراۋ بيىگىنە اينالۋدا. ”ءبىز ءىرى كاسىپورىندارمەن، ءىرى توپتارمەن سەلبەستىكتى، اۋىس - كۇيىستى اناعۇرلىم كۇشەيتىپ، جۇڭگو ساياحات توبىمەن، حۋاچياۋچىڭ توبىمەن، جۇڭگو جاستار ساياحاتى جارناسى تىزگىندەلەتىن شەكتى جارنا سەرىكتەستىگىمەن نىسان سەلبەستىگىن جانە قارجى قوسۋ كەلىسىمىن تياناقتاندىرۋدى ىلگەرىلەتىپ، جيڭدۇڭ توبى، تۇڭچىڭ توبى، الاديڭ توبى سياقتى ءىرى كاسىپورىندارمەن ستراتەگيالىق سەلبەستىك كەلىسىمىنە قول قويدىق“، - دەدى اۆتونوميالى رايوندىق مادەنيەت جانە ساياحات مەڭگەرمەسىنىڭ كاسىپ سالاسىن دامىتۋ باسقارماسىنىڭ ورىنباسار باستىعى تاڭ ۋىن تانىستىرىپ. بۇدان تىس، شينجياڭنىڭ ساياحات كاسىبى كاپيتال بازارىنداعى كەدەرگىلەردى بۇزىپ ءوتتى − شينجياڭ شييۇي ساياحاتتى دامىتۋ شەكتى جارنا سەرىكتەستىگىنىڭ ءساتتى بازارعا شىعۋى، شينجياڭ مادەنيەت - ساياحات قارجى قوسۋ توبى شەكتى سەرىكتەستىگى جانە ءارقايسى ايماقتاعى، وبلىستاعى، قالاداعى مادەنيەت جانە ساياحات قارجى قوسۋ توپتارىنىڭ ارت - ارتىنان قۇرىلۋى قاتارلىلاردىڭ ءبارى شينجياڭنىڭ ساياحات كاسىبى سالاسىنىڭ دامۋىنا، قارجى قوسۋدىڭ ارتۋىنا بەرىك نەگىز قالادى.
”13 - بەسجىلدىق“ كەزىندە شينجياڭ ساياحات نەگىزدىك قۇرىلعىلارىنا قارجى قوسۋدى ۇزدىكسىز كۇشەيتىپ، ساياحات نەگىزدىك قۇرىلعىلارى مەن الەۋمەتتىك قىزمەت وتەۋ قۇرىلعىلارى نىسانىنان جيىنى 115ىن اتقارىپ، ءتۇيىندى ساياحات كوزەۋلى ورنىنداعى نەگىزدىك قۇرىلعىلار قۇرىلىسى مەن الەۋمەتتىك قىزمەت وتەۋ جۇيەسىن ىشكەرىلەي اقاۋسىزداندىرىپ، جاراتىلىستىق ەكولوگيالىق ورتاسى تاماشا، ءبىرشاما كۇشتى باۋراۋ قۋاتىنا يە سارا كورىنىس وڭىرلەرىن ۇزدىكسىز مولايتىپ، شينجياڭ ساياحات كاسىبىنىڭ دامۋ ساپاسى مەن ونىمدىلىگى كورنەكتى جوعارىلادى.
”كەزەكتە ءبىز ساياحاتقا قارجى قوسۋ، قارجى توپتاۋ مەحانيزمىندە اناعۇرلىم جاڭالىق اشىپ، شارۋاشىلىق - ساۋدا ورتاسىن ساپالىلاندىرۋدامىز“، - دەدى تاڭ ۋىن. شينجياڭ «شينجياڭ ۇيعۇر اۆتونوميالى رايونىنىڭ ساياحات نىساندارىنا ساۋداگەر شاقىرۋدى، قارجى ەنگىزۋدى باسقارۋدىڭ ۋاقىتشا اتقارۋ ءادىسىن» بەلگىلەپ اتقارىپ، 2019 - جىلى ساياحاتقا ساۋداگەر شاقىرۋ، قارجى ەنگىزۋ سوماسى 26 ميلليارد 480 ميلليون يۋانعا جەتتى. بيىل اۆتونوميالى رايوندىق مادەنيەت جانە ساياحات مەڭگەرمەسى ساۋداگەر شاقىرۋ، قارجى ەنگىزۋ تەبىنىن كۇشەيتىپ، ”شينجياڭعا قارجى قوسۋ“ تۇعىرىندا 2021 - جىلعى كەلەلى مادەنيەت − ساياحات كاسىپ سالاسىنا ساۋداگەر شاقىرۋ، قارجى ەنگىزۋ نىسانىنان 300ىن ىركەس - تىركەس جاريالاپ، جالپى قوسىلعان قارجى سوماسى 104 ميلليارد 208 ميلليون يۋانعا جەتتى. ءارقايسى ايماق، وبلىس تا ءبىر توپ ەرەكشەلىككە جانە قارجى قوسۋ بولاشاعىنا يە ساپالى نىسانداردى العا قويدى. اناعۇرلىم كوپ قوعامدىق كاپيتال مادەنيەت − ساياحات كاسىبى سالاسىنا ويىسىپ، شينجياڭ ساياحات كاسىبىنىڭ قارىشتاپ دامۋىنداعى سارقىلماس ”بۇلاققا“ اينالدى.
جاڭادان گۇلدەنگەن كاسىپ كۇيى قوزعاۋشى كۇش قوستى
8 - ايدىڭ باس شەنىندە مەملەكەتتىك 5A دارەجەلى ساياحات كورىنىس ءوڭىرى قاراجون كورىنىس ءوڭىرىنىڭ فيلادا جارتاسقا شىعۋ نىسانى سىناق رەتىندە جۇرگىزىلدى. بۇل نىسان شينجياڭداعى تۇڭعىش فيلادا دالادا جارتاسقا شىعۋ نىسانى. ”قاراجون كورىنىس ءوڭىرى’ ساياحات + سپورتتى‘ زور كۇشپەن دامىتىپ، شينجياڭ سپورتتىق ساياحاتىنىڭ سارا جەلىسىن قالىپتاستىرىپ، سپورتتىق ساياحات سارا كورىنىس ءوڭىرىنىڭ كوزەۋلى ورنىنا اينالادى“، - دەدى تەكەس اۋدانى قاراجون حالىقارالىق دالا باقشاسىنداعى فيلادا جارتاسقا شىعۋ نىسانىنىڭ جاۋاپتىسى ما گوشياڭ.
تىرەكتى كاسىپ سالاسى ومىرشەڭدىك كۇشى شەكسىز كاسىپ سالاسى، ال كاسىپ سالاسىنىڭ ومىرشەڭدىك كۇشكە تولى بولۋىنىڭ ءبىر بەينەسى جاڭا كاسىپ كۇيلەرىنىڭ ۇزدىكسىز تۋىنداۋى بولماق. قازىر ەكولوگيالىق ساياحات، تاريح - مادەنيەت ساياحاتى، قىزىل ساياحات، كۇتىمدەلۋ ساياحاتى، جەكە كولىكپەن ساياحاتتاۋ، زەرتتەۋ - ۇيرەنۋ ساياحاتى، حالىقتىق سالت − سانا مادەنيەت ساياحاتى، تومەن كەڭىستىك ساياحاتى سىندى شاعىن كولەمدى، مازمۇنى تەرەڭ نىساندارى ارت - ارتىنان جارىققا شىقتى. اۆتونوميالى رايوندىق مادەنيەت جانە ساياحات مەڭگەرمەسى بايلىق قاينارىن اشۋ باسقارماسىنىڭ باستىعى جاڭ چۇنميڭ وسىنداي وزگەرىستى اڭگىمەلەگەندە، ءسوز لامىنەن جەلپىنىپ تۇرعانى ءبىلىنىپ تۇردى، ”بازار جىكتەلگەننەن كەيىن قالىپتاسقان شاعىن كولەمدى، مازمۇنى تەرەڭ ساياحات جانە جوعارى دەڭگەيدە بەلگىلەۋ سياقتى ەرەكشەلىكتەر ساياحات كاسىبىنىڭ قامداۋ جاعىنداعى قۇرىلىمدىق رەفورماسىنىڭ جەمىسى، سونىمەن بىرگە شينجياڭ ساياحاتىنىڭ جوعارى ساپالى دامۋىنىڭ بەينەسى“.
”ساياحات+ مادەنيەت،“ ”ساياحات + قاتىناس“، ”ساياحات + زەرتتەۋ - ۇيرەنۋ“، ”ساياحات + سپورت“، ”ساياحات + “اۋا رايى، ”ساياحات + فينانس“، ”ساياحات + اۋىل - قىستاق“، ”ساياحات + ساۋدا ىستەرى“... ءاربىر ءتۇرلى توعىسۋدان جاڭا ءبىر كاسىپ كۇيى تۋىنداپ، بۇدان بارلىق كاسىپ سالاسى ات سالىساتىن، بارلىق تاراۋ قولداۋ كورسەتەتىن ساياحاتتى توعىستىرا دامىتۋدىڭ اسا تاماشا جاعدايى قالىپتاسىپ، شينجياڭ ساياحات كاسىپ سالاسىنىڭ دامۋىنداعى كومەسكى كۇشتى ىشكەرىلەي تاراتىپ، وزگە كاسىپ سالاسىنا تىڭ قوزعاۋشى كۇش ۇستەپ قانا قالماستان، ونان دا ماڭىزدىسى، ساياحات كاسىبىنىڭ دامۋىنا كەڭ دامۋ ءورىسىن اشتى.
«شينجياڭ ۇيعۇر اۆتونوميالى رايونىنىڭ حالىق شارۋاشىلىعى جانە قوعامدىق دامۋىنىڭ 14 - بەسجىلدىق جوباسى جانە 2035 - جىلعا دەيىنگى بولاشاق نىساناسى باعدارلاماسىندا» بىلاي دەپ ورتاعا قويىلعان: شينجياڭدى ساياحات ارقىلى گۇلدەندىرۋ ستراتەگياسىن زور كۇشپەن اتقارىپ، شينجياڭدى ساياحات ارقىلى گۇلدەندىرۋ جوباسىن (2021 - جىلدان 2030 - جىلعا دەيىنگى) جاساپ اتقارىپ، ساياحات كاسىبىنىڭ ورنالاسۋىن ساپالىلاندىرىپ، ”شينجياڭ جاقسى جەر“ مادەنيەت − ساياحاتىنىڭ توعىسقان ايگىلى ماركاسىن قالىپتاستىرىپ، ساياحات كاسىبىنىڭ جوعارى ساپالى دامۋىن ىلگەرىلەتۋ كەرەك. ”14 - بەسجىلدىقتىڭ“ سوڭىندا قابىلدانعان ەل ءىشى - سىرتى ساياحاتشى سانىن 400 ميلليون ادام - رەتكە جەتكىزۋگە قۇلشىنۋ كەرەك. ”بۇكىل ەل ساياحاتى دامۋىنىڭ ارتۋ ۇيەگى، جەتەكشى رايونى بىرتىندەپ شينجياڭعا ويىسۋدا“، - دەپ قارادى داي شۋەفىڭ، جاڭ جينشان.