باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
ىلە وبلىسى مەن بيڭتۋان 4 - ديۆيزياسى مادەنيەت - ساياحاتتى توعىستىرا دامىتۋ جونىندە اڭگىمە ٴماجىلىس اشتى
2021-09-26 17:19:51     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

بيڭتۋان مەن جەرگىلىكتى ورىن مادەنيەت - ساياحات ىستەرىن كوپ تۇرعىدا،تەرەڭ قاتپارلى، جان - جاقتى توعىستىرا دامىتۋدى جەدەلدەتپەكشى


ٴتىلشىمىز ٴپاتيما حابارلايدى. 9 - ايدىڭ 17 - كۇنى ىلە وبلىسى مەن بيڭتۋان 4 - ديۆيزياسى مادەنيەت - ساياحاتتى توعىستىرا دامىتۋ جونىندە اڭگىمە ٴماجىلىس اشىپ، تاراپتار ورتاق دامۋ تۋرالى تەرەڭ پىكىر اۋىستىردى.

اۆتونوميالى وبلىستىڭ ورىنباسار باستىعى دالەلبەك كەنجەقان ۇلى اڭگىمە ماجىلىسىندە مىنانى ٴبىلدىردى: بيڭتۋان مەن جەرگىلىكتى ورىننىڭ مادەنيەت پەن ساياحاتتى توعىستىرا دامىتۋدى جەدەلدەتۋى − 3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحى مەن جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتى تياناقتاندىرىپ، «شينجياڭدى مادەنيەتپەن نارلەندىرۋ» ستراتەگيالىق ورنالاستىرۋىن تىڭعىلىقتى جەبەۋدەگى ماڭىزدى شارا. بيڭتۋان مەن جەرگىلىكتى ورىن يدەيانى اناعۇرلىم بىرلىككە كەلتىرىپ، ورتاق تانىمعا كەلىپ، سەنىمدى بەكەمدەپ، ٴبىر بايلامعا كەلىپ، قولايلى جاعدايدان ۇتىمدى پايدالانىپ، جاعدايعا قاراي ٴىس ىستەپ، بيڭتۋان مەن جەرگىلىكتى ورىننىڭ مادەنيەت - ساياحات ىستەرىنىڭ كوپ تۇرعىدا، تەرەڭ قاتپارلى، جان - جاقتى توعىسا دامۋىن جەبەپ، اۆتونوميالى رايوندىق پارتكوم، بيڭتۋان پارتكومى جانە ىلەدەگى ٴار ۇلت جۇرتشىلىعى اتىنان قاناعاتتانارلىق جاۋاپ تاپسىردى. 

ماجىلىستە مىناۋ باسا دارىپتەلدى: بيڭتۋان مەن جەرگىلىكتى ورىندى توعىستىرا دامىتۋ ٴداۋىردىڭ قاجەتى. بيڭتۋان مەن جەرگىلىكتى ورىن ٴوزارا توعىسا دامۋ جاۋاپكەرلىك سەزىمى مەن كوكەيتەستىلىك سەزىمىن اناعۇرلىم كۇشەيتىپ، «بيڭتۋان مەن جەرگىلىكتى ورىن - ٴبىر تۇتاس جۇيە، بيڭتۋان مەن جەرگىلىكتى ورىن بەرەكەلى شاڭىراق» يدەياسىن ۇزدىكسىز بەكەمدەپ، مادەنيەت - ساياحات امالياتتىق قىزمەتىندە بيڭتۋان مەن جەرگىلىكتى ورىن بايلىقتان بىرگە يگىلىكتەنەتىن، ابزالدىقتاردى ٴوزارا تولىقتايتىن، قۇرىلعىلاردى بىرگە قۇراتىن، كاسىپتەردى توعىستىرا دامىتاتىن، حالىق تۇرمىسى جاعىندا بىرگە يگىلىكتەنەتىن، سۇيىسپەنشىلىك توعىستىرۋدى كۇشەيتىپ، ٴتىپتى دە زور كولەمدە، ٴتىپتى دە كەڭ سالادا، ٴتىپتى دە تەرەڭ تۇرعىدا  بيڭتۋان مەن جەرگىلىكتى ورىن مادەنيەت - ساياحاتىنىڭ توعىسپالى دامۋىن جۇيەلى جوبالايدى. 

ماجىلىستە مىناۋ تالاپ ەتىلدى: بيڭتۋان مەن جەرگىلىكتى ورىن تاراپتاردىڭ توعىسپالى دامۋىنداعى جاڭا جاعداي مەن تىڭ مىندەتتى جىعا تانىپ جانە يگەرىپ، ساياسي دەڭگەيدى جوعارىلاتىپ، ۇيىمدىق باسشىلىقتى كۇشەيتۋى كەرەك؛ ٴبىر - ٴبىرىنىڭ قورداسىن قانىق ۇعىنىپ، ەرەكشەلىگىن وزىنە قابىلداپ، بيڭتۋان مەن جەرگىلىكتى ورىن توعىسپالى دامۋىنىڭ نەگىزىن بەكەمدەۋ كەرەك؛ الەۋمەتتىك مادەنيەت سالاسىندا سەلبەستىكتى كۇشەيتىپ، مادەني مۇرالاردى قورعاۋ، پايدالانۋ جاعىنداعى سەلبەستىكتى ىلگەرىلەتىپ، بىرلەسىپ زاڭ اتقارۋدى كۇشەيتۋ، ونىممەن ۇتىمدى قامداۋدى ساپالىلاندىرۋ، بىرلەسىپ سىرتقا ۇگىتتەۋ، تانىستىرۋ سياقتى جاقتارداعى قىزمەت شارالارىن ۇزدىكسىز كەمەلدەندىرىپ، بيڭتۋان مەن جەرگىلىكتى ورىن مادەنيەت - ساياحاتىنىڭ ٴوزارا ۇشتاسا دامىعان جاعدايىن جەدەل قالىپتاستىرۋ كەرەك؛ «جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىكتەنەتىن دامۋ» سىندى جاڭا دامۋ ۇستانىمىن مۇقياتتىلىقپەن امالياتتا ايگىلەپ، يقۋاتتى كوپ نەگىزدەندىرۋ، ىقپالدى ەڭ جوعارى شەككە جەتكىزۋ، جولدى پارىقتاندىرۋ، ٴوڭىردى ٴبىر تۇلعالاندىرۋ جاعىنا بىرلەسە كۇش سالىپ، بيڭتۋان مەن جەرگىلىكتى ورىنداعى ٴار ۇلت بۇقاراسىنا باقىت جاراتىپ، بيڭتۋان مەن جەرگىلىكتى ورىننىڭ جان - جاقتى توعىسۋىن تىڭ ساتىعا كوتەرۋدى جەبەۋ كەرەك.

بيڭتۋان 4 - ديۆيزياسى  كوكدالا قالالىق پارتكومنىڭ تۇراقتى مۇشەسى، 4 - ديۆيزيانىڭ ورىنباسار كوميسسارى، ۇگىت ٴبولىمىنىڭ باستىعى جاڭ شۋشيا مىنانى ٴبىلدىردى: بيڭتۋان مەن جەرگىلىكتى ورىن بۇدان بىلاي  كوبىرەك بارىس - كەلىس ورناتىپ،  كوبىرەك اۋىس - كۇيىس جاساسىپ، كوبىرەك تىلدەسىپ، توعىسۋ ٴتۇيىنىن كورنەكتىلەندىرىپ، توعىسۋ قامتاماسىزدىعىن كۇشەيتىپ، ٴار سالانىڭ اۋىس - كۇيىسى مەن سەلبەستىگىن جەبەپ، بىرگە داميدى. توعىسپالى دامۋ ٴتۇزىلىس مەحانيزمىن اناعۇرلىم اقاۋسىزداندىرىپ، وڭىرلىك سەلبەسە دامۋ تەكشەسىن ورناتىپ، بيڭتۋان مەن جەرگىلىكتى ورىن مادەنيەت - ساياحاتىنىڭ توعىسپالى دامۋىن اناعۇرلىم تەرەڭدەتىپ جانە ناقتىلاندىرىپ، كورىكتى ىلە كەلبەتىن بىرگە ايگىلەپ، شينجياڭنىڭ مادەنيەت - ساياحاتىنىڭ جوعارى ساپالى دامۋىن جەبەيدى. 

اڭگىمە ماجىلىسىندە وبلىستىق مادەنيەت جانە ساياحات مەكەمەسى، 4 - ديۆيزيا كوكدالا قالالىق مادەنيەت، دەنەتاربيە، راديو - تەلەۆيزيا جانە ساياحات مەكەمەسى وزدەرىنىڭ مادەنيەت - ساياحات بايلىعى جاعدايىن جانە بيڭتۋان مەن جەرگىلىكتى ورىن مادەنيەت - ساياحاتىنىڭ توعىسا دامۋ جاعدايىن تانىستىردى.