قىزىل ءتۇستى ساياحات جاساپ، جاقىن ماڭدا ساياحاتتاپ، توراڭعى تاماشالاپ، العاشقى قاردا شاڭعى تەپتى

　　مەملەكەت مەرەكەسى دەمالىسىندا بۇكىل شينجياڭ 7 ميلليون 600 مىڭ ادام - رەت ساياحاتشى قابىلدادى

　　انار بۇلت / شينجياڭ گازەتىنىڭ ءتىلشىسى ياۋ گاڭ

10 - ايدىڭ 3 - كۇنى ساياحاتشىلار شاعانتوعاي اۋدانىنىڭ بارلىق تاۋى كورىنىس وڭىرىندە تۇزدە تۇنەۋدە. العاشقى قاردان كەيىنگى بارلىق تاۋى كورىنىس وڭىرىندە قالىڭ ورمان الۋان بوياۋلى تۇسكە ەنىپ، كوركى كوز ءسۇرىندىردى. □ سۋرەتتى ياڭ حۋاگۋاڭ تۇسىرگەن

10 - ايدىڭ 7 - كۇنى كەشتە اۆتونوميالى رايوندىق مادەنيەت جانە ساياحات مەڭگەرمەسى مەملەكەت مەرەكەسى دەمالىسى كەزىندەگى ساياحات ساناعى ساندى مالىمەتىن جاريالادى. 3 - جاق سەرىكتەستىكتىڭ تەكسەرۋ ساناعى بويىنشا، 10 - ايدىڭ 1 - كۇنىنەن 7 - كۇنىنە دەيىن بۇكىل شينجياڭ ەل ىشىنەن كەلگەن جالپى 7 ميلليون 604 مىڭ 200 ادام - رەت ساياحاتشىنى قابىلداپ، ساياحات كىرىسى 4 ميلليارد 737 ميلليون يۋان بولدى.

　　”جۇڭگو قىزىلى“ ەڭ كوركەم كورىنىسكە اينالدى

مەملەكەت مەرەكەسى دەمالىسى كەزىندە جۇڭگو جۇمىسشى - ديقان قىزىل ارمياسى باتىس باعىت ارمياسى باس تارماق اترەتى ەسكەرتكىش سارايى كوپتەگەن ساياحاتشىنى قارسى الدى. ”دەمالىس كەزىندەگى ەكسكۋرسيالاۋشىلاردىڭ باسىم كوبى جاستار مەن وسپىرىمدەر بولدى، تاعى ءبىرسىپىراسى وتباسىنداعىلارمەن بىرگە كەلىپتى“، - دەدى ەسكەرتكىش سارايىنىڭ جاۋاپتىسى ۋ ۋىنحۋا.

”1 - قازان“ دەمالىسى كەزىندە ءبىر قىدىرۋ ساياحاتشىلار قىزىل ساياحات تۇيىندەرىن بارۋعا ءتيىستى جەر دەپ سانادى. جۇڭگو جۇمىسشى - ديقان قىزىل ارمياسى باتىس باعىت ارمياسى باس تارماق اترەتى ەسكەرتكىش سارايى، 8 - ارميانىڭ شينجياڭدا تۇراتىن ءىس باسقارماسى ەسكەرتكىش سارايى، جۇڭگو جۇمىسشى - ديقان قىزىل ارمياسى باتىس باعىت ارمياسىنىڭ شينجياڭعا كىرۋ ەسكەرتكىش باقشاسى سياقتى جەر - جەردەگى قىزىل ساياحات تۇيىندەرى ىزدەۋ، الدىن الا تاپسىرىس بەرۋ ءبىرشاما كوپ بولعان كورىنىس وڭىرلەرىنە اينالدى.

”كوكياردا العاش ورمان وتىرعىزعان كەزدە، كۇرەكپەن قازىپ قالعان جەر اقتاڭداقتانىپ شىعا كەلەتىن، توپىراق كۇرەگىش ماشينا كۇرەپ وتكەن جەردە اق جولاق ءىز قالاتىن، ەڭ اقىرىندا، الدىمەن تەك قوپارعىش دارىدەن پايدالانىپ توپىراق قاباتىن بوساتىپ العان سوڭ عانا بىرتىندەپ ىلگەرىلەدىك...“. اقسۋ قالاسىنىڭ تۇرعىنى ابدۇللا امەت كوكيار ەسكەرتكىش سارايىندا ءتۇسىندىرۋشىنىڭ ءسوزىن ەستىگەندە كوزىنە جاس الدى. ”قازىرگى باقىتتى تۇرمىسىمىز كۇرەسپەن قولعا كەلگەن، ءبىز قۇرىلىسشىلاردىڭ قات - قابات قيىنشىلىقتاردى جەڭگەن رۋحىنان ۇيرەنۋىمىز، تاماشا كەلەشەك ءۇشىن كۇرەس جۇرگىزۋىمىز كەرەك“، - دەدى ابدۇللا.

بۇدان سىرت، شينجياڭ كوركەمونەر تەاترحاناسىندا مۇقام كوركەمونەر ۇيىرمەسى «كۇن شۇعىلاسى تيانشاندى نۇرلاندىردىنى» ءۇرتىس 6 مايدان قويىپ، ءار ۇلت بۇقاراسىنا تاماشا كوركەمونەر سالتاناتىن سيلادى؛ شينجياڭ كوركەمونەر تەاترىنىڭ حالىق تەاترحاناسى «مەن جانە مەنىڭ اكەم تۇستاستار»، «چاڭجينحۋ» سياقتى قىزىل كينولاردى ارت - ارتىنان قويىپ، كورەرمەندەردىڭ جاقسى باعاسى جاڭبىرشا جاۋدى؛ شينجياڭ كىتاپحاناسى ”جۇڭحۋا حالىق رەسپۋبليكاسى قۇرىلعاندىعىنىڭ 72 جىلدىعىن قۇتتىقتاۋ − مەن سەنى سۇيەمىن جۇڭگو اتىنداعى كىتاپ وقۋ كۋايشان“ قيمىلىن وتكىزىپ، وتانعا دەگەن قىزۋ سۇيىسپەنشىلىگى مەن تىلەگىن بەينەلەدى.

ەرەكشە قيمىلدار دەمالىستىڭ مەرەيىن اسىردى

10 - ايدىڭ 1 - كۇنى ”قىزىل ءتۇستى اراتۇرىككە ساپار، التىن كۇزدە توراڭعى تاماشالاۋ“ نەگىزگى تاقىرىبىنداعى 13 - كەزەكتى اراتۇرىك توراڭعى مادەنيەت - ساياحات مەرەكەسى اراتۇرىك توراڭعى ورمانى ەكولوگيالىق كورىنىس وڭىرىندە باستالدى. «وتانىمىز جاساسىن»، «شىراق نۇرى ىشىندەگى جۇڭگو» سياقتى ءان - ءبي ويىندارىنا ىلەسە، ساياحاتشىلار قولدارىنداعى مەملەكەت تۋىن بۇلعاپ، وتانعا دەگەن تىلەگىن ءبىلدىردى. ”وتانىمىزدىڭ بارلىق جەرى كوركەم كورىنىسكە تولى، وتانىمىزدىڭ بارعان سايىن كوركەيۋىن تىلەيمىن“. گانسۋلىق ساياحاتشى ۋاڭ ياپيڭ شينجياڭعا 1 - رەت كەلىپتى، ءپىشىنى الۋان ءتۇرلى، التىن جاپىراقتى توراڭعىنى كورىپ، ساياحات جەتەكشىسىنىڭ تۇسىندىرمەسىن ەستىگەن ول توراڭعى رۋحىن ءتۇسىندى. پوسكامنىڭ التىن توراڭعى كورىنىس ءوڭىرى دە قىرۋار ساياحاتشى قابىلداپ، 7 كۇندە جيىنى 55 مىڭ 200 ادام - رەت ساياحاتشى قابىلدادى.

”وڭتۇستىكتە توراڭعى تاماشالاپ، سولتۇستىكتە شاڭعى تەپتى“، ۇلى تابيعاتتىڭ بوياۋشىسى سيلاعان ءار جەردىڭ ۇقسامايتىن كورىنىسى ساياحاتشىلارعا شينجياڭنىڭ التىن كۇزدەگى كوركىن سەزىندىردى.

10 - ايدىڭ 1 - كۇنى تۇستەن بۇرىن كوكتوعاي اۋدانى كوكتوعاي حالىقارالىق شاڭعى تەبۋ، سەيىل - سەرۋەن وڭىرىندە قار قاپالاقتاپ جاۋىپ، ”قىسقى وليمپيادانى قارسى الۋ. 1 - قازاندى قارسى الۋ“ ساۋدا باستاۋ مەرەكەسى جانە 2022 −2021 قارلى ماۋسىمىندا تۇڭعىش شاڭعى تەبۋ سالتى باستالدى، بۇكىل ەلدەن كەلگەن شاڭعى سپورتشىلارى مەن اۋەسكەرلەرى اسقار تاۋدا شاڭعى تەبۋدىڭ كەرەمەتىن سەزىندى. شاندۇڭدىق شاڭعى اۋەسكەرى دۇڭ چيڭ مەن جولداستارى ۇشاقپەن الدىن الا كوكتوعايعا كەلىپ، تۇڭعىش شاڭعى تەبۋ سالتىنا قاتىناستى، ”بۇل ارانىڭ قارى كەرەمەت، شاڭعى جولىنىڭ ءتۇسۋ پارقى زور ەكەن، ءبىز ارنايى كەلدىك“، - دەدى دۇڭ چيڭ.

مەملەكەت مەرەكەسى دەمالىسى كەزى قۇمدى ءشول ساياحاتىنىڭ دا تاماشا مەزگىلى. ”قازىر كورىنىس ءوڭىرىنىڭ تەمپەراتۋراسى ۇيلەسىمدى، جاياۋ ءجۇرۋ نەمەسە قۇمتاۋلارعا شىعۋ بولسىن، بارىنە ۇيلەسەدى، دەمالىس كەزىندە جاياۋ جۇرگەن جانە تاماشالاعان ساياحاتشىلاردىڭ يەلەگەن سالىستىرماسى جەكە - جەكە ％50كە جۋىق بولدى“، - دەيدى قۇمتاع قۇمدى ءشول ايگىلى كورىنىس ءوڭىرى بازار جوسپارلاۋ - ساتۋ ءبولىمىنىڭ باستىعى حى حايشيا.

10 - ايدىڭ 1 - كۇنىنەن 7 - كۇنىنە دەيىن بۇكىل رايوندا ۇيىمداستىرىلعان شينجياڭنىڭ ىشىندە ساياحاتتاۋ ۇيىرمەسى جيىنى 2311گە، قابىلداعان ساياحاتشى جالپى سانى 31 مىڭ 151 ادامعا جەتىپ، ساياحاتشىلار نەگىزىنەن ءۇرىمجى قالاسى، قاشقار ايماعى، التاي ايماعى، بايىنعولين موڭعۇل اۆتونوميالى وبلىسى سياقتى جەرلەردى نىسانا ەتتى.

　　قىسقا ارالىقتا جاقىن ماڭدا ساياحاتتاۋ ايرىقشا قارسى الىندى

10 - ايدىڭ 2 - كۇنى ءۇرىمجى قالاسى شۇيموگوۋ باقشاسىندا ساياحاتتاۋشىلار شيڭچىڭمالارىن كورسەتىپ تارتىپپەن باقشاعا كىرىپ جاتىر. باقشا ىشىندە بالالار ءبىرىن - ءبىرى قۋالاپ ويناسا، قارتتار جاياۋلار جولىندا باياۋ سەيىلدەپ، سىلدىراي اققان بۇلاقتاردى، سارالا تارتقان كۇز كورىنىسىن تاماشالاپ ءجۇر.

”ۇيدەگى قارتتارىمىز الىسقا ۇزاپ شىققىسى كەلمەيدى، سونىمەن ولاردى جاقىن ماڭداعى باقشالارعا ەرتىپ كەلىپ ارالاتىپ، تازا اۋادا سەيىلدەتىپ ءجۇرمىز. وسى ارادا دەمالىس كۇندەرىنەن ءلاززات الۋدىڭ ءوزى دە بولىپ تۇر ەكەن“. ءۇرىمجى قالاسىنىڭ تۇرعىنى شى حانىم اكە - شەشەسىمەن بىرگە باقشانى ارالاپ شىققاننان كەيىن، تاعى ءدامدى تاعامدار قاريتاسى بويىنشا جۋىق ماڭداعى توراپ جۇلدىزىنا اينالعان تاعامجايعا بارىپ ەرەكشە ءدامدى تاعامداردان اۋىز ءتيدى.

باقشا ارالاپ، كورمەلەردى تاماشالاپ، ءدامدى تاعامداردان اۋىز تيگەن ساياحاتشىلار جاقىن ماڭنان دەمالىس كەزىندەگى تۇرمىستىڭ قىزىعىنا باتتى.

7 كۇندىك دەمالىس كەزىندە بۇكىل رايونىمىزدا ءتۇرلى كوركەمونەر كونسەرتىنەن جالپى 267 مايدان - رەت ۇيىمداستىرىلىپ، يگىلىككە كەنەلگەن كورەرمەن 99 مىڭ ادام - رەتكە جەتتى؛ ءارقايسى مۇراجايلار، ەسكەرتكىش سارايلارى قابىلداعان جۇرتشىلىق 200 مىڭ ادام - رەتكە، ءارقايسى كىتاپحانالار قابىلداعان وقىرمان 53 مىڭ ادام - رەتكە، ءارقايسى مادەنيەت سارايلارىنا بارعان ادام سانى 26 مىڭ ادام - رەتكە، ءارقايسى نەگىزگى ساتى مادەنيەت پۋنكتتەرى قابىلداعان ادام سانى 76 مىڭ ادام - رەتكە، ءارقايسى اسەمونەر سارايلارىنىڭ ينتەرنەت جەلىسىندە جانە ينتەرنەت جەلىسىنەن تىس قابىلداعان ەكسكۋرسيالاۋشىلارى 50 مىڭ ادام - رەتكە جەتتى.

بۇكىل شينجياڭنىڭ جەر - جەرى ۇيلەرىنە جاقىن ماڭدا ساياحاتتاۋمەن بىرلەستىرىپ، ”شينجياڭدىقتار شينجياڭدا ساياحاتتاۋ“ قيمىلىن كەڭ كولەمدە ورىستەتىپ، شينجياڭنىڭ ىشىندە ساياحاتتاۋ كومەسكى كۇشىن اشتى. بۇكىل شينجياڭ شينجياڭنىڭ ىشىنەن جالپى 7 ميلليون 225 مىڭ 900 ادام - رەت ساياحاتشى قابىلداپ، ناقتى ساياحات كىرىسى 2 ميلليارد 796 ميلليون يۋان بولدى. مۇنىڭ ىشىندە شينجياڭ حالىقارالىق ۇلكەن بازار كورىنىس ءوڭىرى جالپى 269 مىڭ 600 ادام - رەت ساياحاتشى قابىلداپ، سايكەس مەزگىلدەگىدەن％ 9.38 ارتتى؛ قاشقار كونە قالا كورىنىس ءوڭىرى جالپى 143 مىڭ 800 ادام - رەت ساياحاتشى قابىلداپ، ناقتى ساياحات كىرىسى 7 ميلليون 187 مىڭ 700 يۋانعا جەتىپ، سايكەس مەزگىلدەگىدەن ％208.39 ارتتى؛ قارامايلى قالاسى دۇنيە جۇزىلىك سايتان كەرىش كورىنىس ءوڭىرى جالپى 36 مىڭ 200 ادام - رەت ساياحاتشى قابىلداپ، ناقتى ساياحات كىرىسى ءبىر ميلليون 192 مىڭ 700 يۋانعا جەتىپ، سايكەس مەزگىلدەگىدەن ％98.15 ارتتى.