انار بۇلت / شينجياڭ گازەتىنىڭ ءتىلشىسى رىن جياڭ

11 - ايدىڭ باسىنداعى شينجياڭدا سولتۇستىك شينجياڭنىڭ باسىم كوپ ءوڭىرىن اپپاق قار قىمتاپ، ەڭ تومەنگى تەمپەراتۋرا ءنول سەلتسي گرادۋستان ءتۇسىپ كەتتى. الايدا شينجياڭنىڭ قىس، كوكتەم ماۋسىمىنداعى ساياحاتىنىڭ قىزا ءتۇسۋى سۋىق اۋا رايىمەن ايقىن سالىستىرما قالىپتاستىردى − 11 - ايداعى ءبىرىنشى اپتانىڭ اياعىندا شينجياڭ جىبەك جولى حالىقارالىق دەمالىس رايونى، التاي قالاسى گەنەرال تاۋى حالىقارالىق شاڭعى تەبۋ دەمالىس رايونى سياقتى كوپتەگەن شاڭعى الاڭدارى جۇمىس باستاپ، بۇكىل مەملەكەتتىڭ جەر - جەرىنەن ساياحاتشىلار جابال كەلىپ، شينجياڭنىڭ ساياحات ىستەرى ”قار - مۇز ۇلگىسىنە“ ەندى.

قۇرىلعىلاردى جاقسارتۋ، قىزمەت وتەۋدى جاقسارتۋ، دارەتحانانى جاقسارتۋ، قاتىناستى جاقسارتۋ سىندى ”ءتورتتى جاقسارتۋ“ شينجياڭنىڭ ساياحات كاسىبى دامۋىنىڭ نەگىزىن بەكەمدەدى؛ قىزمەت وتەۋ ساپاسىن جوعارىلاتىپ، ساتۋدى بەلسەنە ۇگىتتەپ، الۋان ءتۇرلى مادەنيەت - ساياحات قيمىلدارىن ورىستەتىپ، شينجياڭنىڭ ساياحاتىنىڭ داڭقىن ۇزدىكسىز جوعارىلاتىپ، ”شينجياڭ جاقسى جەر“ ماركاسىن اسقاقتاتتى... ىندەتتەن ساقتانۋ - تىزگىندەۋدى ۇدايىلاندىرۋ شارالارىن قاتاڭ تياناقتاندىرۋ العى شارتىندا، شينجياڭنىڭ ساياحات كاسىبى سالاسى ىرىقتىلىقپەن ىسكەرلىك كورسەتىپ، ساياحات كاسىبىنىڭ جوعارى ساپالى دامۋىن عىلمي، ءتارتىپتى ىلگەرىلەتتى.

　　جۇمساق، قاتتى بولشەكتەردىڭ دارەجەسىن ءوسىرىپ، دامۋ نەگىزىن بەكەمدەدى

جەڭىل مۋزيكا قويىپ، قابىرعاعا فوتو سۋرەت تۋىندىلارىن ءىلىپتى، قول جۋۋ ناۋاسىنىڭ جانىنا جاسىل وسىمدىكتەردى ءتىزىپ، ەلەكترمەن جىلىتۋ قۇرىلعىلارىنان پايدالانىپ يندۋكسيالىق جۇيە كوبەيتىلىپتى... بۇرىنعىمەن سالىستىرعاندا، قاناس كورىنىس وڭىرىندەگى ساياحات دارەتحانالارىنىڭ وزگەرىسى وتە ۇلكەن ەكەن. بيىل قاناس كورىنىس ءوڭىرى 30 ميلليون يۋاننان استام قارجى قوسىپ، ساياحات دارەتحانالارىنىڭ دارەجەسىن ءوسىرىپ، وزگەرتىپ سالدى. دارەجەسىن ءوسىرىپ، وزگەرتىپ سالعاننان كەيىن، بۇل كورىنىس وڭىرىندەگى دارەتحانالار ”مونتازداي تازا بولۋ، جىل بويى سۋ بولۋ، تازالىق قاعازى دايىن تۇرۋ، جىلى سۋمەن قول جۋۋ“ ولشەمىنە جەتتى.

بيىل شينجياڭنىڭ جەر - جەرى مەن مادەنيەت - ساياحات تاراۋلارى ىرىقتىلىقپەن ىسكەرلىك كورسەتىپ، الدىڭعى لەكتە قىزمەت وتەپ، ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي ىستەۋمەن بىرگە، ساياحاتتى دامىتۋدا ”ءتورتتى جاقسارتۋدى“ بەلسەنە ىلگەرىلەتىپ، جول - قاتىناس كورسەتكىش تاقتالارى، كورىنىس وڭىرىندە ساياحاتتاۋعا جەتەكشىلىك ەتۋ جۇيەسى، اۆتوكولىك توقتاتۋ الاڭى سياقتى ساياحات نەگىزدىك قۇرىلعىلارىنىڭ دارەجەسىن ءوسىرىپ، وزگەرتىپ سالىپ، قورشاعان ورتا تازالىعى سياقتى قىزمەت وتەۋ جاعىندا ورىن تەپكەن ماسەلەلەردى ۇزدىكسىز ارقاۋ ەتە وتىرىپ رەتتەۋ - تۇزەتۋ، باقىلاۋ جۇرگىزىپ، قىزمەت وتەۋ ساپاسىن كورنەكتى جوعارىلاتتى.

9 - ايدىڭ اياعىنا دەيىن، بۇكىل شينجياڭدا جاڭادان 96 ساياحات دارەتحاناسى، 80نەن استام جىلجىمالى دارەتحانا جانە ۋاقىتشا دارەتحانا كوبەيتىلىپ، ساياحاتشىلاردىڭ دارەتحاناعا قاجەتىن نەگىزىنەن قاناعاتتاندىردى؛ جولدا قاتىناۋ شارت - جاعدايىن ۇزدىكسىز جاقسارتىپ، ساياحات جەلىسىن بويلاعان جول جاعدايىنىڭ ناشار بولۋى، كورىنىس وڭىرلەرىندەگى، كورىنىس تۇيىندەرىندەگى بەلگى، تاقتالاردىڭ بىلىعىپ كەتۋى سياقتى قاتىستى ماسەلەلەردى كۇش سالا شەشتى. شينجياڭنىڭ كورىنىس وڭىرلەرىندەگى، كورىنىس تۇيىندەرىندەگى جۇمساق، قاتتى بولشەكتەردىڭ دارەجەسىن ۇزدىكسىز ءوسىرىپ، ساياحاتشىلاردىڭ ريزالىقپەن كەلىپ، ريزالىقپەن ساياحاتتاپ، رازى - قوش بولىپ قايتۋىنا جاعداي جاسادى.

　مادەنيەت - ساياحات قيمىلدارى كوبەيىپ، دۋمانىن اسىرىپ، ومىرشەڭدىگىن كۇشەيتتى

بۇل كۇندەرى كوكتوعاي اۋداندىق كوركەمونەر ۇيىرمەسىنىڭ ارتيستەرى قاربالاس جاتتىعۋ جاساۋدا. 11 - ايدىڭ 27 - كۇنى 15 - كەزەكتى شينجياڭ قىسقى ساياحات كاسىپ سالاسى ساۋدا كورمەسى جانە 2021 - جىلعى جۇڭگو باتىس سولتۇستىك ساياحاتتىق ساتۋ جينالىسى كوكتوعاي اۋدانىندا وتكىزىلەدى، بۇل كوركەمونەر ۇيىرمەسى جەر - جەردەن كەلەتىن سيلى قوناقتارعا ”الاۋ سالتاناتىن“ تارتۋ ەتپەكشى.

”قوناقتار ەرەكشە ءدامدى تاعامداردان ءدام تاتۋدان سىرت، تاعى لاۋلاعان الاۋدى اينالا ءان ايتىپ، ءبي بيلەپ، ۇلتتىق سالت - سانا مادەنيەتىنىڭ باۋراۋ قۋاتىن سەزىنەتىن بولادى“، - دەيدى وسى كوركەمونەر ۇيىرمەسىنىڭ ارتيسى دۇيسەنبەك بولات.

بۇگىنگى كۇندە قىسقى ساياحات كورمەسى شينجياڭنىڭ ماڭىزدى ساياحات ايگىلى ماركاسىنىڭ بىرىنە اينالدى، ول شينجياڭ قۇرعان قىسقى ساياحات، قار - مۇز سپورتى سياقتى ونىمدەر مەن نىسانداردىڭ ساۋدا تۇعىرى.

بيىل شينجياڭنىڭ جەر - جەرى ىندەتتەن ساقتانۋ - تىزگىندەۋدى ۇدايىلاندىرۋ شارالارىن قاتاڭ تياناقتاندىرۋ العى شارتىندا، ماڭىزدى مەرەكە - مەيرامداردان تولىق پايدالانىپ، باي مازمۇندى نەگىزگى تاقىرىپتىق قيمىلدار وتكىزىپ، ساياحاتتىڭ دۋمانىن اسىرىپ، ومىرشەڭدىگىن كۇشەيتتى.

بايىنعولين موڭعۇل اۆتونوميالى وبلىسى بيىل ءتۇرلى مادەنيەت - ساياحات قيمىلدارىنان 300 تۇرلىدەن استامىن وتكىزدى. مەرەكە، دەمالىس، مەرەيتوي سياقتى ورايلاردان پايدالانىپ، اۋدان مەن قالا بىرلەسىپ ارەكەتتەنۋ، بيڭتۋان مەن جەرگىلىكتى ورىن ءوزارا ىقپالداسۋ سياقتى تاسىلدەردى قولدانىپ، كوكتەمدە گۇل تاماشالاۋ، جازدا سايالاۋ، كۇزدە جەمىس - جيدەك ءۇزۋ، قىستا قار قىزىعىنا شومۋ سىندى كوڭىل اشۋ قيمىلدارىن ىلگەرىلەتىپ، المۇرت گۇلى مەرەكەسى، بالىق اۋلاۋ مەرەكەسى، ءدامدى تاعامدار مەرەكەسى، مادەنيەت مەرەكەسى سياقتى ماركالىق قيمىلداردى ۇيىمداستىرىپ وتكىزىپ، ساياحاتتىڭ مادەنيەتپەن، دەنە تاربيەمەن توعىسا دامۋىن ىلگەرىلەتىپ، بايىنعولين وبلىسىنىڭ ساياحاتتا تانىمالدىعىن جوعارىلاتتى.

اقسۋ ايماعى بيىل ”دولان · كۇسان“ مادەنيەت - ساياحات مەرەكەسى، تۇڭعىش كەزەكتى حالىقارالىق شىرعاناق مادەنيەت - ساياحات مەرەكەسى، تۇڭعىش كەزەكتى تۇيە مەرەكەسى، شايار توراڭعى مەرەكەسى سياقتى نەگىزگى تاقىرىپتىق قيمىلدان 200 تۇرلىدەن استامىن وتكىزدى. ءتۇرلى تارتىمدى قيمىلدارمەن بىرلەستىرىپ، ادەبيەت - كوركەمونەر كونسەرتىن قويۋ، ءدامدى تاعامدار كورمەسى، بەيزاتتىق مادەنيەت ونىمدەرى كورمەسى سياقتىلاردى ورىستەتىپ، اقسۋ ساياحاتىنىڭ باۋراۋ قۋاتىن كۇشەيتتى.

　　جان - جاقتى ۇگىتتەپ، ”شينجياڭ جاقسى جەر“ اتاعىن ايگىلەدى

11 - ايدىڭ 1 - كۇنى شينجياڭ جىنرىنشيۋ مادەنيەت - ساياحات ميكرو الۋان ونەرى «ساپارعا اتتان، شينجياڭ» 3 - بەكەت · حوتان ارنايى ەكسپەدەتسيا ساياحاتى حوتان قالاسىندا فيلمگە تۇسىرىلە باستادى، شينجياڭنىڭ ءىشى - سىرتىنا ايگىلى 6 ينتەرنەت جۇلدىزى دارىنى نەشە كۇن حوتاننىڭ تۋانچىڭىن ارالاپ، حوتاننىڭ كەشكى بازارلارىنداعى ءدامدى تاعامداردان اۋىز ءتيىپ، ءوز اۆتوكولىكتەرىمەن كۇنلۇن اسپان جولىمەن ءجۇردى... كوپتەگەن ينتەرنەت پايدالانۋشىلارعا كوركەم شينجياڭنىڭ شەكسىز تارتىمدىلىعىن ايگىلەدى.

«ساپارعا اتتان، شينجياڭ» − اۆتونوميالى رايوندىق مادەنيەت جانە ساياحات مەڭگەرمەسى بيىل ۇسىنعان ساياحاتتىق ۇگىت - تانىستىرۋ قيمىلى، قويىلعانىنا ءبىر اي بولماي جاتىپ جالپى ينتەرنەتتە 50 ميلليون رەت قويىلدى. ”ينتەرنەت دارىندارى سۋرەت - ءماتىن، بەينەجازبا سياقتى فورمالار ارقىلى شينجياڭدى ۇگىتتەدى. سونىمەن بىرگە، ءبىز تۇتاس قيمىلدى ينتەرنەتتەگى ميكرو الۋان ونەر باعدارلاماسى ەتىپ ءتۇسىرىپ، ەستەلىككە الىپ، مۇنتاجداپ، قالىڭ ساياحاتشىلاردىڭ شينجياڭعا كەلىپ ساياحاتتاۋىنا ’اس - سۋ، جاتىن ورىن، ءجۇرىس - تۇرىس، ساياحات، زات ساتىپ الۋ، كوڭىل اشۋ‘ تانىستىرۋىن ازىرلەدىك“، - دەيدى اۆتونوميالى رايوندىق مادەنيەت - ساياحات مەڭگەرمەسى ساياحاتتىق ۇگىت - تانىستىرۋ ورتالىعىنىڭ كادرى سى يۋانشۇن.

”ءان اۋەنىمەن بىرگە شينجياڭدى ساياحاتتاۋ“، ”ءجۇز اۋداننان ون مىڭ ميكرو بەينەجازبا“، ”ءجۇز اۋداننان مىڭ ءتۇرلى ءدام“... بيىل اۆتونوميالى رايوندىق مادەنيەت - ساياحات مەڭگەرمەسى كوپتەگەن مادەنيەت - ساياحات ۇگىتتەۋ - تانىستىرۋ قيمىلىن ۇيىمداستىرىپ، شينجياڭدى تىڭداۋ، شينجياڭدى كورۋ، شينجياڭنان ءدام تاتۋ، شينجياڭدى ساياحاتتاۋ... ارقىلى شينجياڭنىڭ تارتىمدىلىعىن جان - جاقتى، ءار قىرىنان ايگىلەپ، ”شينجياڭ جاقسى جەر“ ماركاسىن ۇزدىكسىز ايگىلەدى.

رايونىمىزدىڭ جەر - جەرى بەلسەندى تۇردە كوپتەگەن تاسىلدەر ارقىلى ساياحاتتىق تانىستىرۋ وتكىزدى. اقسۋ ايماعى ينتەرنەت جەلىسىندە تانىمالى ساياحات وبراز ەلشىلەرى جارىسىن وتكىزىپ، 3 ميلليوننان استام ينتەرنەت پايدالانۋشىسىن قاتىناسۋعا باۋراپ، ”بۇلتتىق فورمامەن اقسۋدى ساياحاتتاۋ“ ورلەۋىن كوتەردى؛ 10 - ايدىڭ ورتا شەنىندە التاي ايماعى قىس، كوكتەم ماۋسىمىنداعى ساياحات بويىنشا ”بۇكىل ەلدەگى ءجۇز قالاعا“ تانىستىرۋ قيمىلىن ىسكە قوسىپ، ىلگەرىندى - كەيىندى حاينان، گۋاڭدۇڭ، حۋبەي، جياڭسۋ، شانشي، چۇڭچيڭ سياقتى ولكە، قالالاردىڭ راديو ستانسيالارىنا بارىپ، سول جەردىڭ وزىندە تىكەلەي بايلانىسقا شىعۋ ارقىلى التاي ايماعىنىڭ دۇنيە جۇزىلىك دەڭگەيدەگى قار - مۇز ساياحات بايلىعىن تانىستىردى، ۇگىتتەدى.

شينجياڭنىڭ ساياحات سالاسى ”بەلسەندى دە ىرىقتى، باستان - اياق ۇمىتكەر بولۋ“ كۇيىن ساقتاپ كەلەدى. 11 - ايدىڭ 10 - كۇنى ءمالىم بىرەۋ شينجياڭ ساياحات سالاسى قايراتكەرلەرىنىڭ ۋيچات توبىندا مىناداي ءبىر ءسوز ايتتى: ومىردە ءتورت ماۋسىم جوق، ەكى - اق ماۋسىم بار − قۇلشىنساڭ قاۋىرت ماۋسىم، قۇلشىنباساڭ سايابىر ماۋسىم. كوپتەگەن ادامدار بۇعان القاۋ ءبىلدىردى.