باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
 ءۇرىمجى جىبەك جولى قار - مۇز سالت - سانا مەرەكەسى باستالدى
2021-12-05 17:22:59     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

 قىسقى وليمپيادا سپورت جارىسىندا باس قوسايىق، شينجياڭنىڭ قار − مۇزىنا كەلىڭىزدەر

  ءۇرىمجى جىبەك جولى قار - مۇز سالت - سانا مەرەكەسى باستالدى


انار بۇلت / شينجياڭ گازەتىنىڭ ءتىلشىسى گو چيان 12 - ايدىڭ 3 - كۇنى ۇرىمجىدەن حابارلايدى. ينتەرنەت جەلىسىندە، ينتەرنەت جەلىسىنەن تىسقارى تاسىلمەن جينالدى، 12 - ايدىڭ 3 - كۇنى ءۇرىمجى قالاسىنا ورنالاسقان جىبەك جولى حالىقارالىق دەمالىس وڭىرىندە ءتۇستى جارقىلداقتار اتىلىپ، شاڭعى اۋەسكەرلەرى اق كورپە جامىلعان قار جولدارىندا ەمىن - ەركىن زىمىرادى، اۋەلەگەن مۋزيكا ۇنىنە ىلەسە، ”قىسقى وليمپيادا سپورت جارىسىندا باس قوسايىق. شينجياڭنىڭ قار - مۇزىنا كەلىڭىزدەر“ اتىنداعى 19 - كەزەكتى ءۇرىمجى جىبەك جولى قار - مۇز سالت - سانا مەرەكەسى رەسمي باستالدى، 2021 − 2022 ءۇرىمجى قالاسىنىڭ قىسقى ساياحات قيمىلى دا وسىمەن شىمىلدىعىن اشتى.

دانيۋنيۋ، زىرىلداۋىق، ايدارعار ءبيى، ءتۇرلى ويىن نومىرلەرى باستالۋ سالتىن قىزۋ دۋمانعا بولەدى. ويىن قويۋشىلاردىڭ تارتىمدى ويىنىن كورگەن ساياحاتشىلار دا ولارعا قوسىلا كەتتى. قاراماققا وڭاي كورىنگەنىمەن، مەڭگەرۋ قيىن، ءبىر - ەكى اينالماي - اق ءۇزىلىسسىز زىرىلداپ جاتقان زىرىلداۋىق ساياحاتشىلاردىڭ قولىندا ارى - بەرى بۇلعاقتاپ بارىپ توقتاپ قالعاندا كورەرمەندەر ىشەك - سىلەسى قاتقانشا كۇلدى.

ينتەرنەت جەلىسىندەگى تىكە تاراتۋ بولمەسىندە، ماي بوياۋ سۋرەتشىلەرى تاباندا ”كۇن شۇعىلاسىندا قاردان ءلاززات الۋ − ءۇرىمجى“ نەگىزگى تاقىرىپ بولعان ماي بوياۋلى سۋرەت تۋىندىلارىن جاراتتى ءارى ونى ولەڭدى مانەرلەپ وقۋ مەن مۋزيكا سىندى كوپ نەگىزدى تاسىلمەن قوسا ارلەدى، ولەڭ، مۋزيكا، سۋرەت فاكتورلارى اشىق اسپان، قارلى تاۋمەن توعىستى.

”شىنىمەن كوركەم ەكەن، ولجالى ساپار بولدى، بۇل ارانىڭ قار ساپاسى ەرەكشە جاقسى بولۋمەن بىرگە، شاڭعى الاڭىنىڭ ءتۇرلى قۇرىلعىلارى كاسىبي ەكەن، كورىنىسى دە ەرەكشە كوركەم، ءبىز بۇل ارادا 12 - ايدىڭ سوڭىنا دەيىن تۇرىپ، شينجياڭنىڭ قىسقى سالت - ساناسىن جاقسى سەزىنەتىن بولامىز“، - دەدى حىبەي ولكەسىنىڭ باۋديڭ قالاسىنان كەلگەن شاڭعى اۋەسكەرى چىن پىڭ.

قىسقى ساياحات قيمىلى ساياحاتشىلاردىڭ كەشىرمە سەزىمى مەن ات سالىسۋ دەڭگەيىن كۇشەيتەتىن ماڭىزدى دانەكەر، بيىل ءۇرىمجى قالاسىنىڭ قىسقى ساياحات قيمىلدارى اناعۇرلىم باي مازمۇندى بولدى. بۇگىننەن باستاپ ءۇرىمجى قالاسى قار - مۇز سپورتىن مەكتەپتەرگە جەتكىزۋ، ”قىسقى وليمپيادامەن ساپارلاس بولۋ. قىسقى وليمپيادا مەن اۋەندەس بولۋ“ ەرەكشە بەلگىلەنگەن قار شاڭعى اشىق جارىسىنىڭ شينجياڭداعى باستالۋ جارىسى، جاڭا جىل مۋزيكا كەشى قاتارلى ساياحات + مادەنيەت، كوڭىل اشۋ، دەنە تاربيە سياقتى 3 تۇردەگى جالپى 87 قيمىل ىركەس - تىركەس ءوتىپ، قار - مۇز شاتتىعىن 2022 - جىلدىڭ كوكتەمىنە دەيىن جالعاستىراتىن بولادى.

مۇنىڭ ىشىندە ”ساياحات + مادەنيەت“ تورىندەگى قيمىلدار ”8 - ارميانىڭ شينجياڭدا تۇراتىن ءىس باسقارماسىنىڭ ەسكەرتكىش سارايى ۋاقىتتىق كورمەسى“، ”جۇڭگو جۇمىسشى - شارۋا قىزىل ارمياسى باتىس باعىت ارمياسى باس تارماق اترەتى ەسكەرتكىش سارايىنىڭ نەگىزگى كورمەسى“ جانە ”ماۋ زىمين قۇرباننىڭ ومىرىنەن مالىمەت ارناۋلى تاقىرىپتىق كورمەسى“، تاعى دا بۇقارا ەرەكشە ۇناتاتىن قار - مۇز شىراق سالتاناتى، مۇز ويما كوركەمونەرى، سونداي - اق مادەنيەت جاسامپازدىعى تۋىندىلار كورمەسى سياقتى كوپ ءتۇرلى قيمىلدار قامتىلادى.

”ساياحات + كوڭىل اشۋ“ تۇرىندەگى قيمىلدار 5 - كەزەكتى ”حوش ءيىس اڭقىعان تيانشان“ شينجياڭ ەرەكشە ءدامدى - قۇجىرلار، ءدامدى تاعامدار جارىسى، ”فۋرۇن شۇيمو“ سالت - سانا، مادەنيەت، ساياحات مەرەكەسى، سونداي - اق ”شىحوجيە“، ”نيانحوجيە“ سياقتى قيمىلداردى قامتيدى.

”ساياحات + دەنە تاربيە“ تۇرىندەگى قيمىلدار ”قىسقى وليمپيادا سپورت جارىسىندا باس قوسايىق، قار - مۇزعا ماحاببات“ 2021 − 2022 قار ماۋسىمى ساۋىق - سايرانى، جىبەك جولى جاس وسپىرىمدەردىڭ مۇزدا سىرعاناۋ قىزىقتى جارىسى، ”كوشپەندىلەر ەرەكشەلىگىندەگى شاعىن قالاشىق“ قار شەڭبەرى، ات بايگەسى سياقتى قيمىلداردى قامتىپ، قاتىناسقانداردى قىس قىزىعىنا شومدىرادى.

2017 - جىلدان بەرى ءۇرىمجى قالاسى ”جۇڭگوداعى 10 تاڭداۋلى قار - مۇز ساياحات قالاسى“ اتاعىن ۇزبەي الىپ كەلەدى، ءۇرىمجى جىبەك جولى قار - مۇز سالت - سانا مەرەكەسى ”مەملەكەتتىك 10 تاڭداۋلى قار - مۇز ساياحات مەرەكەسى قيمىلى“ اتاعىن الىپ، ”كۇن شۇعىلاسىندا قاردان ءلاززات الۋ − ءۇرىمجى“ قار - مۇز ساياحات ماركاسىنا يە بولدى.

”ءبىرسىپىرا قىسقى ساياحات قيمىلدارى ارقىلى قار - مۇز سالت - سانا مەرەكەمىزدىڭ ايتۋلى ماركا ونىمدىلىگىن جارىققا شىعارىپ، شينجياڭنىڭ ءىشى - سىرتىنداعى مۇنان دا كوپ ساياحاتشىلاردى قار - مۇز ساياحاتىمىزدىڭ قىزىعىن سەزىنۋگە باۋرايمىز“. ءۇرىمجى قالالىق مادەنيەت جانە ساياحات مەكەمەسى (قالالىق مادەني ەسكەرتكىشتەر مەكەمەسى) پارتيا باسشىلىق گرۋپپاسىنىڭ مۇشەسى، مەكەمەنىڭ ورىنباسار باستىعى فىڭ شيا بىلاي دەدى: ”ءبىز تاعى ايازدى جەر ەكونوميكاسىنىڭ جاسىل دامۋ ۇلگىسى مەن جولى جونىندە دە بەلسەنە ىزدەنىس جاساپ، مول قار - مۇز بايلىعىنا سۇيەنىپ، قار - مۇز ساياحاتىن بار كۇشپەن دامىتىپ، ’مادەنيەت + ساياحاتتىڭ‘، ’بەيزاتتىق مادەنيەت مۇرالارى + ساياحاتتىڭ‘ توعىسپالى دامۋىن ىلگەرىلەتۋدەمىز“.

سول كۇنى ءۇرىمجى قالالىق مادەنيەت جانە ساياحات مەكەمەسى (قالالىق مادەني ەسكەرتكىشتەر مەكەمەسى) سىرتقا 10 قىسقى ساياحات جەلىسىن دە جاريالادى. بۇل جولى جاريالاعان ءبىر كۇندىك ساياحات، 2 كۇندىك ساياحات ساياحات جەلىلەرى ارقىلى ءۇرىمجى قالاسىنىڭ تۇرعىندارى مەن ساياحاتشىلار قار - مۇزدىڭ قىزىعىنا شومۋمەن بىرگە، شاڭعى تەبۋ قىزىعىنان جانە ءدامدى تاعامداردان ءلاززاتتانادى، تاعى تارتىمدى ويىن نومىرلەرىن تاماشالاي الادى.