汉文 ىلە اقپارات تورابىنا حوش كەلدىڭىزدەر!
ىلە وبلىسىنىڭ 16 - رەتكى «قارعا ماحاببات» اتىنداعى قار - مۇز مادەنيەت، ساياحات مەرەكەسى باستالدى
2021-12-27 12:34:04     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

قىسقى ساياحات ماركاسىن قالىپتاستىرىپ، ەكونوميكانىڭ جوعارى ساپالى دامۋىن جەبەدى

20211224000326_901df2c9e1ad9d2fd6f9e71dce729568028521b2.jpgسۋرەتتە: ناراتتاعى كوڭىلدى ساياحاتشىلار. حان شاشا فوتوسى

ٴتىلشىمىز حان شاشا حابارلايدى. قالىڭ حالىق بۇقاراسىنىڭ قار - مۇز ساياحاتى قاجەتىن ٴتىپتى دە ويداعىداي قاناعاتتاندىرىپ، قىسقى ساياحاتتىڭ دامۋىن اناعۇرلىم جەدەلدەتۋ ٴۇشىن، 12 - ايدىڭ 23 - كۇنى ىلە وبلىسىنىڭ 16 - رەتكى «قارعا ماحاببات» اتىنداعى قار - مۇز مادەنيەت، ساياحات مەرەكەسى نارات اقوزەن ساحاراسىندا دابىرالى باستالدى.

سول كۇنى تۇستەن بۇرىن ساعات 12 دەن 40 مينۋتتا ىلە وبلىسىنىڭ جەر - جەرىنەن كەلگەن ساياحاتشىلار كورىكتى نارات كورىنىس رايونىندا باس قوسىپ، مادەنيەت جانە ساياحات، قار - مۇز بايلىعىنىڭ كوركەم كورىنىسىنە كۋا بولدى. اشىلۋ سالتىنىڭ ناق مايدانىنا بارعان ٴتىلشى بيىلعى اشىلۋ سالتىنىڭ بۇرىنعى جىلدارداعىدان وزگەشە بولىپ، «ناراتتاعى قارعا ماحاببات» نەگىزگى تاقىرىبىمەن قار ٴمۇسىن كورمەسى، ادەبيەت - كوركەمونەر كونسەرتى، ۇلت اسپاپتارى كونسەرتى، ەرەكشە اۋىل شارۋاشىلىق ونىمدەرى كورمەسى، «مۇز بەن الاۋ جىرى» اتىنداعى قاردى تاماشالاپ، وتتىقتى قازان تاعامنان ٴدام تاتۋ، قارلى دالا شاتتىعى مۋزىكا كەشى، قارلى تۇندە تيانشان قۇشاعىنا بولەنۋ، قار ٴۇستى كۇرەسى، ساياحات اۋەسكەرلەرىنىڭ دالالىق قيمىلى سياقتى نىساندار اتقارىلىپ، قىرۋار ساياحاتشى مەن جەرگىلىكتى ورىنداعى شارۋالاردى باۋراعانىن كوردى.

ناق مايداندا «كۇنەس اۋدانىنىڭ ەرەكشە اۋىل شارۋاشىلىق ونىمدەرى جارمەنكەسى» تۇيىنىندە ٴار الۋان زاتتار ەرەكشە كوز تارتىپ، جۇرتتى وزىنە باۋرادى. جارمەنكە ورتالىعىنىڭ ىشىندە سورعىتىلعان قوي، سيىر ەتى، سيىر ەتى سىرنەسى، سيىر ەتى توسابى، كۇرىش، بال، شۇبات پاراشوگى سياقتى ەرەكشە اۋىل شارۋاشىلىق ونىمدەرى كوزدىڭ جاۋىن الىپ، قىرۋار تۇتىنۋشىلار ناق مايدانعا كەلىپ، ٴدامىن تاتىپ كوردى جانە ساتىپ الدى.

«وسى رەتكى قار - مۇز ساياحاتى ورايىنان ۇتىمدى پايدالانعان كۇنەس اۋدانىنداعى جالپى 19 كاسىپورىن 59 ٴتۇرلى اۋىل شارۋاشىلىق ٴونىمىن جارمەنكەگە قاتىناستىردى. جارمەنكە ٴۇشىن ازىرلەنگەن پىكىر اۋىستىرۋ تەكشەسى ساياحاتشىلاردىڭ كۇنەس اۋدانىنىڭ ەرەكشە اۋىل شارۋاشىلىق ونىمدەرىن ٴتىپتى دە تىكە ٴارى ويداعىداي تۇسىنۋىنە قولايلىلىق جاراتىپ قالماستان، جەلىدە، جەلى سىرتىندا ۇناتقان زاتىن ساتىپ الۋ ورايىنا دا يە ەتتى. 

كەلەسى ساتىدا كۇنەس اۋدانى ٴتۇرلى تەكشەگە سۇيەنىپ، ىقپال كۇشىن بەلسەنە كەڭەيتىپ، تانىمالدىعىن جوعارىلاتىپ، جەرگىلىكتى ورىننىڭ ايگىلى، ساپالى، ەرەكشە ونىمدەرىن شينجياڭنان شىعارىپ، مەملەكەتكە بەت الىپ، ىلە وبلىسىنىڭ ەكونوميكالىق، قوعامدىق دامۋى ٴۇشىن ۇلەس قوسادى» دەدى كۇنەس اۋداندىق مادەنيەت جانە ساياحات مەكەمەسى پارتيا باسشىلىق گرۋپپاسىنىڭ مۇشەسى دۋ حۇڭيان.

ارمانعا قانات قاعۋ، قار - مۇزعا ماحاببات، وركەستردىڭ اسەم اۋەنى... ىلە - شالا ورىستەتىلگەن قارلى دالادا موتوتسيكلمەن ونەر كورسەتۋ جارىسىندا ونەر كورسەتۋشىلەردىڭ قىزىقتى دا تارتىمدى بەينەسى، جاعىمدى ميميكاسى ساياحاتشىلاردىڭ قىزۋ القاۋىنا بولەنىپ، دۋ قول شاپالاق ٴۇنى تولاستامادى، باي مازمۇندى، الۋان ٴتۇرلى مادەنيەت، ساياحات كونسەرتتەرى ناق مايداندى قىزۋ دۋمانعا بولەپ، قيمىلدىڭ مەرەيىن اسىردى.

ساياحات اۋەسكەرى سۇن ي - ران بىلاي دەدى: «وسىدان بۇرىن ناراتقا تالاي رەت كەلگەنمىن، دەسە دە قىستا تۇڭعىش رەت كەلىپ وتىرمىن. بۇل رەت كەلگەنىمدە ناراتتىڭ قىسقى كورىنىسىنىڭ ٴتىپتى دە كوركەم ەكەندىگىن، تابيعات كورىنىسىنىڭ ەرەكشە كوز تارتارلىقتاي بولىپ قالماستان، قار - مۇز كوڭىل اشۋ قيمىلدارىنىڭ وتە كوپ ەكەندىگىن، اسىرەسە، قار موتوتسيكلىمەن ساياحاتتاۋ، اتقا ٴمىنۋ، قاردا سىرعاناۋ سياقتى جاستار ەرەكشە ۇناتاتىن قيمىلداردىڭ قار - مۇز ساياحاتىنىڭ مەرەيىن اسىرعانىن بايقادىم».

بۇل جەردە كوركەم تابيعاتتىڭ ەرەكشە قار - مۇز كورىنىسىنە تاڭداي قاعىپ، قارلى دالادا موتوتسيكلمەن سەيىلدەگەن سوڭ بۋى بۇرقىراعان وتتىقتى قازان تاعامىنان ٴدام تاتقاندا ىستىق اس - سۋ مەن سۋىق قار - مۇز ، مۇز بەن الاۋ لەبى توعىسىپ، ساياحاتشىلارعا قىسقى ساياحاتتىڭ وزىندىك ەرەكشەلىگىن ٴتىپتى دە تەرەڭ سەزىندىرىپ، ەستەن كەتپەس تەرەڭ اسەر قالدىرادى. 

قۇلجا قالاسىنان كەلگەن مۇباراك ابدىرازاق ساياحات اۋەسكەرى، ول ناراتقا ارنايى كەلىپ، وسى قيمىلعا قاتىناسىپتى. ەكى ساعاتقا جالعاسقان وسى رەتكى  اشىلۋ سالتىنان مۇباراك ەستە قالارلىقتاي اسەر الىپتى. ول بىلاي دەدى: «تۇڭعىش رەت قارلى القاپتا وتتىقتى قازان تاعامىنان ٴدام تاتىپ، قۇزىرلاندىم، اسىرەسە، قىسقى نارات اقوزەن ساحاراسىنداعى قار موتوتسيكلىن ٴمىندىم، بۇل ناعىز قارقىن جانە اسەرلى سەزىم».

وسى رەتكى قيمىلدىڭ ماقساتى - جەرگىلىكتى ورىننىڭ قويۋ مادەنيەت، ساياحات بايلىعىنان تولىق پايدالانىپ، قىسقى ساياحات بازارىن ۇزدىكسىز كەڭەيتىپ، قىسقى بۇقارالىق دەنە تاربيە قيمىلىنىڭ قارىشتاپ دامۋىن ىلگەرىلەتىپ، قالىڭ ساياحاتشىلار مەن جەرگىلىكتى ورىنداعى بۇقارانى قار - مۇز سپورتىنىڭ اسەرلى سەزىمىنە بولەپ، شار تاراپتان كەلگەن قوناقتاردىڭ قار - مۇز سپورتىنىڭ قىزىعىنا باتۋىنا مۇمكىندىك جاساۋ بولىپ تابىلادى. 

جەكە مەديا يەسى ۋاڭ ايشۋان بىلاي دەدى: «ناراتتىڭ قىسى وزگەشە كوركەم، فوتو اپپاراتى كوزىمەن كورىكتى ناراتتىڭ كورىنىستەرىن ٴتىپتى دە كوپ ادامعا ايگىلەگىم كەلەدى».

نارات كورىنىس رايونى پارتكومىنىڭ مۇشەسى، ساياحات باسقارۋ مەكەمەسىنىڭ باستىعى ۋاڭ سۋۋىن بىلاي دەدى: «نارات كورىنىس رايونىنىڭ قار - مۇز بايلىعى مول، قىسقى ساياحات بايلىعىنان ويداعىداي، جاندى پايدالانۋ ٴۇشىن، اناعۇرلىم كوپ ساياحات نىساندارىن اتقارىپ، ساياحاتشىلاردىڭ قار - مۇزدىڭ كوركەمدىگىن تولىق سەزىنۋىنە، قار - مۇز سپورتىنا قاتىناسۋىنا مۇمكىندىك جاسادىق. كورىنىس رايونىندا قاردا سىرعاناۋ، سىرلى وڭىردەن ەندەي ٴوتۋ، قارلى دالادا موتوتسيكل ٴمىنۋ سياقتى قىس ماۋسىمىنداعى كوڭىل اشۋ نىساندارىن، سونىمەن بىرگە، ساياحات اۋەسكەرلەرىنىڭ حالىقتىق جاسامپازدىعى سياقتى جەلىلەس قيمىلداردى ورىستەتىپ، قىسقى ساياحاتتىڭ ٴتىپتى دە باي مازمۇندى، تارتىمدى بولۋىنا مۇمكىندىك جاسادىق». 

قازىر ىلە وبلىسى ىلە اڭعارىنداعى مول قار - مۇز ساياحاتى بايلىعىن سۇيەنىش ەتە وتىرىپ، بايلىق، قورشاعان ورتا جانە جاعراپيالىق ورىن سياقتى ابزالدىقتاردى ساۋلەلەندىرىپ، قار - مۇز كاسىبىن عىلمي ورنالاستىرىپ، قىسقى ساياحات ەكونوميكاسىنىڭ ارتۋ ٴتۇيىنىن كۇش سالا قالىپتاستىرىپ، بايلىق ابزالدىعىن كاسىپ ابزالدىعىنا بەلسەنە اينالدىرىپ، قار - مۇز بايلىعى تەكشەسىن ازىرلەپ، ىلەنىڭ قىسقى ساياحاتىنىڭ ٴتىپتى دە كوپ ونىمدىلىك جاراتۋىن جەبەدى. ىلە وبلىسىنىڭ مادەنيەت، ساياحات تاراۋلارى بيىل قىس پەن كەلەر جىلعى كوكتەمدەگى قارا - مۇز مادەنيەت - ساياحات مەرەكەسى، قىسقى فوتو سۋرەت جارىسى سياقتى جەلىلەس قىسقى، كوكتەمگى ساياحات مەرەكەسى  قيمىلدارىنا بەلسەنە ازىرلىك كوردى، سونىمەن بىرگە ات بايگەسى، كوكپار، قىز قۋار، ۇلتتىق ٴداستۇرلى ٴدامدى تاعامدار جانە ٴداستۇرلى قولونەر بۇيىمدارى كورمەسى سياقتى سالت - سانا قيىمىلدارىنا بەلسەنە دايىندالىپ، ىلەنىڭ قىسقى ساياحات ماركاسىن شىنايى قالىپتاستىرىپ، ساياحات كاسىبىنىڭ جوعارى ساپالى دامۋىن جەبەدى.