汉文 ىلە اقپارات تورابىنا حوش كەلدىڭىزدەر!
شينجياڭ بيىل 250 ميلليون ادام - رەت ساياحاتشى قابىلداۋعا كۇش سالادى
2022-02-21 16:11:13     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

انار بۇلت / شينجياڭ گازەتىنىڭ ءتىلشىسى ياۋ گاڭ 2 - ايدىڭ 19 - كۇنى ۇرىمجىدەن حابارلايدى. 2 - ايدىڭ 19 - كۇنى وتكىزىلگەن اۆتونوميالى رايوننىڭ مادەنيەت جانە ساياحات قىزمەتى ماجىلىسىنەن ۇعىسۋعا قاراعاندا، بيىل شينجياڭ ساياحات ارقىلى شينجياڭدى گۇلدەندىرۋ ستراتەگياسىن بار كۇشپەن اتقارىپ، ساياحات ماركا قۇرىلىسىن ىلگەرىلەتىپ، مادەنيەت، ساياحات كاسىپ كۇيى ونىمدەرىن مولايتىپ، مادەنيەت پەن ساياحاتتىڭ تەرەڭدەي توعىسۋىن ىلگەرىلەتىپ، تۇتاس جىلدا 250 ميلليون ادام - رەت ساياحاتشى قابىلداۋعا كۇش سالادى ەكەن.

ساياحات كوزەۋلى جەرى جۇيەسىن كەمەلدەندىرۋ جاعىندا رايونىمىز مادەنيەت، ساياحات ماركا قۇرىلىسىن كۇشەيتىپ، ماركا جاراتۋدى سۇيەنىش ەتىپ، مادەنيەت پەن ساياحاتتىڭ توعىسپالى، جوعارى ساپالى دامۋىن ىلگەرىلەتەدى. 5A دارەجەلى ساياحات كورىنىس ءوڭىرىن، مەملەكەت دارەجەلى قار شاڭعى ساياحات دەمالىس ورنىن، مەملەكەت بويىنشا مادەنيەت جانە ساياحاتتىق تۇتىنۋدان ۇلگى كورسەتەتىن قالانى، مەملەكەت دارەجەلى كەشكى مادەنيەت جانە ساياحاتتىق تۇتىنۋ شوعىرلانعان رايونىن، مەملەكەت بويىنشا مادەنيەت كاسىپ سالاسى مەن ساياحات كاسىپ سالاسى توعىسپالى دامۋدان ۇلگى كورسەتەتىن رايوندى، مەملەكەت بويىنشا مادەنيەت كاسىپ سالاسىنان ۇلگى كورسەتەتىن بازانى، بۇكىل ەل بويىنشا اۋىل - قىستاق ساياحاتىنداعى ءتۇيىندى (قىستاق) قالاشىقتى قۇرۋدى ۇزدىكسىز ىلگەرىلەتەدى ءارى 4A دارەجەلى ساياحات كورىنىس وڭىرىنەن، اۆتونوميالى رايون بويىنشا كەشكى مادەنيەت جانە ساياحاتتىق تۇتىنۋ شوعىرلانعان رايوننان ءبىر توبىن باعالايدى.

سونىمەن بىرگە رايونىمىز مادەنيەت پەن ساياحاتتىڭ توعىسپالى دامۋىن جەدەل ىلگەرىلەتىپ، اۆتونوميالى رايون دارەجەلى ”بەيزاتتىق مادەنيەت مۇرالارى بازارىنان“ بەسەۋىن تۇلعالاپ، ونەركاسىپ ساياحاتىنان ۇلگى كورسەتەتىن بازالاردى باعالاپ، ءجۇزىم شارابى مادەنيەت، ساياحات سارا جول جەلىسىن تۇلعالاماقشى؛ جەر - جەر بەيزاتتىق مادەنيەت مۇرالارى، مادەنيەتتىك بۇيىمدار، ۇلتتىق سالت - سانا سياقتى بايلىقتاردى تولىق كادەگە جاراتىپ، مادەنيەت جاسامپازدىعى ونىمدەرى مەن ساياحات تاۋارلارىن اشپاقشى.

مۇنان سىرت، رايونىمىز قىزىل ساياحات، اۋىل - قىستاق ساياحاتى، ءوز كولىگىمەن ساياحاتتاۋ، مادەني ەسكەرتكىش، مادەنيەت مۇراجاي ساياحاتى، ۇلتتىق سالت - سانا ساياحاتى سياقتى نەگىزگى تاقىرىپتىق جول جەلىلەرى مەن ونىمدەردى اشۋ جاعىنا كۇش سالىپ، التاي − قوم تاس جولى، G219 مەملەكەت تاس جولى، S101 تيانشان جاعراپيالىق ناقىشتى ءدالىزى سياقتى ءوز كولىگىمەن ساياحاتتاۋ سارا جول جەلىسىن تۇلعالاماقشى.

بەيجيڭ قىسقى وليمپيادا سپورت جارىسى شينجياڭنىڭ قار - مۇز كاسىپ سالاسىنىڭ دامۋىن ىلگەرىلەتتى، رايونىمىز التاي تاۋىنىڭ، تيانشاننىڭ سولتۇستىك بوكتەرىنىڭ قار - مۇز كاسىپ سالاسىنىڭ دەڭگەيىن ءوسىرىپ، دارەجەسىن جوعارىلاتۋ مەن كولەمىن شوعىرلاندىرۋدى ءتۇيىندى ىلگەرىلەتىپ، ونىمدەردى ۇزدىكسىز جاڭالاپ، كاسىپ كۇيىن بايىتپاقشى.

رايونىمىز ساياحاتقا قىزمەت وتەۋ ساپاسىن ونان ارى جوعارىلاتىپ، ۇگىتتەۋدى، تانىستىرۋدى كۇشەيتىپ، شينجياڭ مادەنيەت پەن ساياحاتتى ۇگىتتەۋ ستەرەولدى تورىن قۇرۋ ارقىلى ينتەرنەت جەلىسىندە، ينتەرنەت جەلىسىنەن تىس مادەنيەت پەن ساياحاتتى تانىستىرىپ، ”شينجياڭ جاقسى جەر“ ساياحات ماركاسى اتاعىن ونان ارى اسقاقتاتپاقشى.