汉文 ىلە اقپارات تورابىنا حوش كەلدىڭىزدەر!
شينجياڭنىڭ قار - مۇز ساياحاتى دامۋدىڭ تاماشا ورايىن قارسى الدى
2022-02-25 12:39:57     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

شينجياڭ گازەتىنىڭ حابارى (ٴتىلشى جاڭ يۇنمەي). بەيجيڭ قىسقى وليمپيادا سپورت جارىسى ٴار ۇلت بۇقاراسىنىڭ قار - مۇز سپورتىنا ات سالىسۋ ىنتاسىن قوزعادى، بۇل شينجياڭدا تۇراتىن مەملەكەتتىك ساياسي كەڭەستىڭ مۇشەسى جياڭ پيڭاننىڭ دا شينجياڭنىڭ قار - مۇز ساياحاتىنىڭ دامۋ دەڭگەيىن كوتەرۋگە دەگەن سەنىمى مەن جىگەرىن ونان ارى ۇشتادى.

جياڭ پيڭان بىلاي دەدى: مەملەكەتتىك ساياسي كەڭەس 13 - كەزەكتى كوميتەتىنىڭ 4 - ماجىلىسىندە جۇڭگو گومينداڭ توڭكەرىستىك كوميتەتىنىڭ شينجياڭ رايوندىق كوميتەتى «شينجياڭنىڭ قار - مۇز ساياحاتىنىڭ دامۋىنا قولداۋ كورسەتۋ جونىندەگى ۇسىنىس جوباسىن» العا قويىپ، مەملەكەت جاعىنان حالىقارا، ەل ىشىندەگى ەلەۋلى قار - مۇز دەنە تاربيە جارىستارى مەن قار - مۇز سپورتىنا جاتتىعۋ بازاسىن شينجياڭدا ىرگە تەپتىرىپ، قار - مۇز سپورتى ارقىلى قار - مۇز ساياحاتىنىڭ دامۋىن جەبەۋدى؛ شينجياڭنىڭ قىس ماۋسىمىنداعى ساياحات كاسىپ سالاسى ساۋدا كورمەسى، ٴۇرىمجى جىبەك جولى قار - مۇز، سالت - سانا مەرەكەسى سياقتىلاردى مەملەكەتتىڭ قار - مۇز ساياحاتى تاقىرىپتىق مەرەكەلىك قۇتتىقتاۋ قيمىلدارىنا اينالدىرۋدى قولداۋدى ٴۇمىت ەتتى.

«مادەنيەت جانە ساياحات مينيسترلىگى بۇل ۇسىنىس جوباعا ايرىقشا ٴمان بەردى، جۇڭگو گومينداڭ توڭكەرىستىك كوميتەتى ورتالىق كوميتەتى دە وسى ٴۇشىن ارنايى شينجياڭعا كەلىپ تەكسەرۋ - زەرتتەۋ جۇرگىزدى» دەدى جياڭ پيڭان.

مادەنيەت جانە ساياحات مينيسترلىگىنىڭ جاۋابىندا بىلاي دەلىندى: شينجياڭنىڭ قار - مۇز ساياحاتىنىڭ دامۋىنا قولداۋ كورسەتۋ − «تۇنىق سۋ، جاسىل تاۋ − باعالى بايلىق، مۇزدى القاپ، قارلى دالا دا باعالى بايلىق» ۇستانىمىن ىشكەرىلەي امالياتتا ايگىلەگەندىك، «300 ميلليون ادامدى قار - مۇز سپورتىنا قاتىناسۋعا باستاۋ» نىساناسىن جۇزەگە اسىرۋدىڭ ماڭىزدى جولى.

قازىر التاي قالاسى مەن جيلين قالاسى قار - مۇز ساياحاتىنداعى دوس قالا سەلبەستىك قارىم - قاتىناسىن ورناتتى، الداعى جەردە شينجياڭعا كومەكتەسۋدەي ٴتۇزىم ابزالدىعىنا سۇيەنىپ، التاي ايماعى، ٴۇرىمجى قالاسى سياقتى قار - مۇز ساياحات قالالارى مەن حاربين، چاڭچۇن، بايشان، حيحى، مۋدانجياڭ سياقتى قالالار اراسىندا دوستىق سەلبەستىك قارىم - قاتىناس ورناتۋدى ىلگەرىلەتىپ، قار - مۇز جارىسى، قار - مۇز مەرەكەسى، قار - مۇز دارىندىلارىن باۋلۋ سياقتى قىزمەتتەردى بىرلەسىپ ورىستەتەدى.

سونىمەن بىرگە، شينجياڭنىڭ قار - مۇزدى تاقىرىپ ەتكەن ادەبيەت - كوركەمونەر كونسەرت، كورمە تۋىندىلارىن جاراتىپ، مۇز ويما، قار ويما، بۇقارالىق فوتو سۋرەت سياقتى قيمىلداردى ورىستەتۋىن، سونداي - اق مەرەكە - دەمالىس كۇندەرىندەگى باي مازمۇندى قار - مۇز قيمىلدارىنا سۇيەنىپ، قار - مۇز ساياحاتىن نەگىزگى جەلى، قار - مۇز ساياحات مەرەكەسى، قار - مۇز مادەنيەت مەرەكەسى، قار - مۇز سالتاناتى مەزگىلى، كوڭىلدى قار - مۇز ماۋسىمى سياقتى قىس ماۋسىمىنداعى ساياحات مەرەكەسىن قۇتتىقتاۋ قيمىلدارىن تىرەك ەتكەن قار - مۇز مادەنيەت - ساياحات ماۋسىمىن قالىپتاستىرۋدى ۇزدىكسىز قولدايدى.

كەلەسى قادامدا مادەنيەت جانە ساياحات مينيسترلىگى مەملەكەتتىك دەنە تاربيە باس مەكەمەسىمەن، شينجياڭ ۇيعۇر اۆتونوميالى رايوندىق حالىق ۇكىمەتىمەن جانە قاتىستى ورىندارمەن بىرگە قاتىستى تاراۋلار ارالىق قىزمەتتەردى كەڭەسۋ مەحانيزمى ارقىلى «قار - مۇز ساياحاتىن دامىتۋ ارەكەتى جوباسىن (2021 - جىلدان 2023 - جىلعا دەيىن)» تۇتقا ەتىپ، شينجياڭنىڭ قار - مۇز ساياحاتىن دامىتۋىنا ونان ارى قولداۋ كورسەتەدى. ەل ٴىشى - سىرتىنداعى ەلەۋلى قار - مۇز دەنە تاربيە جارىس ىستەرىندەگى قار - مۇز سپورت تۇرلەرىنىڭ شينجياڭدا وتكىزىلۋىن بەلسەنە كەڭەسىپ، شارت - جاعدايعا ۇيلەسەتىن قار - مۇز الاڭ - سارايلارىنا قاعيدا مەن ٴتارتىپ بويىنشا مەملەكەتتىك دەنە تاربيە جاتتىعۋ بازاسى دەپ ات بەرىپ، شينجياڭنىڭ قار - مۇز ساياحات مەرەكەسىن قۇتتىقتاۋ قيمىلدارىن جوعارى دەڭگەيگە كوتەرۋ جانە ونى بىرلەسىپ ۇگىتتەۋ قىزمەتىن ويداعىداي ىستەپ، قاتىستى ولشەم بويىنشا شينجياڭنىڭ قار - مۇز ماركاسىن جاراتۋىن، دەڭگەيىن كوتەرۋىن ونان ارى قولدايدى.