汉文 ىلە اقپارات تورابىنا حوش كەلدىڭىزدەر!
بۇكىل ەلدەگى قار شاڭعى الاڭدارى بازارىندا شينجياڭنىڭ ۇلەس سالىستىرماسى بارىنشا ارتتى
2022-03-24 15:58:09     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

12%تەن %21كە دەيىن

بۇكىل ەلدەگى قار شاڭعى الاڭدارى بازارىندا شينجياڭنىڭ ۇلەس سالىستىرماسى بارىنشا ارتتى


انار بۇلت / شينجياڭ گازەتىنىڭ ءتىلشىسى ياۋ گاڭ 3 - ايدىڭ 22 - كۇنى ۇرىمجىدەن حابارلايدى. قازىر رايونىمىزدان 8 قار شاڭعى الاڭى بۇكىل مەملەكەتتەگى 100 مىقتىنىڭ قاتارىنان ورىن الىپ، 2021 − 2022 - جىلعى قار ماۋسىمىنداعى شاڭعى تەبۋ قاشىقتىعى 2 ميلليون 820 مىڭ كيلومەتردەن اسىپ، بۇكىل ەل بازارىندا ۇستايتىن ۇلەس سالىستىرماسى الدىڭعى قار ماۋسىمىنداعى %12تەن %21كە جوعارىلاعان. بۇل اۆتونوميالى رايوندىق مادەنيەت جانە ساياحات مەڭگەرمەسىنىڭ بۇكىل شينجياڭداعى قار شاڭعى الاڭدارىنىڭ ساياحاتشىلاردى قابىلداۋ مولشەرىنە جانە سىرعاناۋ جولدارىنىڭ ۇزىندىعىنا تالداۋ جاساپ ءارى بۇكىل ەلدەگى ءارقايسى ۇلكەن شاڭعى الاڭدارىمەن قاتارلاستىرا سالىستىرعاننان كەيىن شىعارعان ساندى مالىمەتى.

2021 − 2022 - جىلعى قارلى ماۋسىمدا ءۇرىمجى نانشان شاڭعى تەبۋ، ساياحاتتاۋ دەمالىس ورنى مەن التاي شاڭعى تەبۋ، ساياحاتتاۋ دەمالىس ورنىنداعى شاڭعى تەبۋشىلەردىڭ سانى مەن شاڭعى تەبۋ قاشىقتىعىنىڭ ارتۋ مولشەرى الدىڭعى قاتاردان ورىن الدى. 3 - ايدىڭ ورتا شەنىنە دەيىن ءۇرىمجى نانشان شاڭعى تەبۋ، ساياحاتتاۋ دەمالىس ورنى جالپى 658 مىڭ ساياحاتشى قابىلداپ، 73 ميلليون يۋان كىرىس كىرگىزگەن. حۋابەي APP جۇمساق بولشەگى ەستەلىككە العان ساندى مالىمەت تالداۋىنا نەگىزدەلگەندە، ءۇرىمجى نانشان شاڭعى تەبۋ، ساياحاتتاۋ دەمالىس ورنىندا وسى قارلى ماۋسىمداعى شاڭعى تەبۋ قاشىقتىعى 850 مىڭ كيلومەتردەن اسىپ، بۇكىل ەلدەگى جالپى قاشىقتىقتىڭ %6.4ىن ۇستاپ، بۇكىل ەلدەگى شاڭعى الاڭدارىنىڭ اراسىندا 4 - ورىندى يەلەگەن. التاي شاڭعى تەبۋ، ساياحاتتاۋ دەمالىس ورنى جالپى 480 مىڭ ساياحاتشى قابىلداپ، 29 ميلليون 310 مىڭ يۋان كىرىس كىرگىزگەن. حۋابەي APP جۇمساق بولشەگى ەستەلىككە العان ساندى مالىمەت تالداۋىنا نەگىزدەلگەندە، التاي شاڭعى تەبۋ، ساياحاتتاۋ دەمالىس ورنىندا وسى قارلى ماۋسىمداعى شاڭعى تەبۋ قاشىقتىعى ءبىر ميلليون كيلومەتردەن اسىپ، بۇكىل ەلدەگى جالپى قاشىقتىقتىڭ %7.5ىن يەلەپ، بۇكىل ەلدەگى شاڭعى الاڭدارىنىڭ اراسىندا 3 - ورىندى يەلەگەن.

اۆتونوميالى رايوندىق مادەنيەت جانە ساياحات مەڭگەرمەسى بايلىق اشۋ باسقارماسىنىڭ باستىعى جاڭ چۇنميڭنىڭ تانىستىرۋىنشا، بۇكىل ەلدە قارلى ماۋسىم اياقتاۋعا جاقىن بولعانىمەن، الايدا كوكتوعاي اۋدانىنداعى كوكتوعاي حالىقارالىق شاڭعى تەبۋ دەمالىس ءوڭىرى ءالى دە قىرۋار شاڭعى تەبۋ اۋەسكەرلەرىن قابىلداۋدا، بۇل شاڭعى الاڭى 5 - ايدىڭ 1 - كۇنىنە دەيىن اشىلىپ، وسى قارلى ماۋسىمداعى شاڭعى تەبۋ قاشىقتىعى مەجەمەن ءبىر ميلليون 300 مىڭ كيلومەتردەن اسادى ەكەن.

بيىل 1 - ايدا ءۇرىمجى نانشان شاڭعى تەبۋ، ساياحاتتاۋ دەمالىس ورنى، التاي شاڭعى تەبۋ، ساياحاتتاۋ دەمالىس ورنى تۇڭعىش توپتاعى مەملەكەت دارەجەلى شاڭعى تەبۋ، ساياحاتتاۋ دەمالىس ورنى بولىپ تانىلعان. ءۇرىمجى نانشان شاڭعى تەبۋ، ساياحاتتاۋ دەمالىس ورنى شينجياڭ جىبەك جولى حالىقارالىق دەمالىس ءوڭىرىن وزەك ەتىپ، شينجياڭ باييۇن حالىقارالىق شاڭعى الاڭى، ياڭگۋاڭ شاڭعى الاڭى، ۋكىسۇڭ شاڭعى الاڭى، سونداي - اق شۇيشيگوۋ قالاشىعى پيڭشيلياڭ قىستاعى، مياۋىرگوۋ قىستاعى سياقتىلاردى ءوز ىشىنە قامتيدى. بيىل شينجياڭ جىبەك جولى حالىقارالىق دەمالىس اۋماعى مەن شينجياڭ باييۇن حالىقارالىق شاڭعى الاڭىنىڭ كۇنىنە قابىلداعان شاڭعى تەبۋشىلەر سانى 5000نان اسىپ، بىلتىرعى سايكەس مەزگىلدەگىدەن %20تىڭ ۇستىندە ارتقان.

التاي شاڭعى تەبۋ، ساياحاتتاۋ دەمالىس ورنى گەنەرال تاۋى شاڭعى الاڭىن وزەك ەتىپ، ەكى اشا دالالىق شاڭعى باقشاسى، التاي تاۋى دالالىق شاڭعى باقشاسى، سارقوبى دالادا شاڭعى تەبۋ الاڭى، حۋالين باقشاسى، ۋبايلي سالت - سانا كوشەسى سياقتى شاڭعى الاڭدارىن، كورىنىس اۋماقتارىن جانە ەرەكشەلىككە يە كوشە اۋماقتارىن ءوز ىشىنە الادى. بيىل التاي شاڭعى تەبۋ، ساياحاتتاۋ دەمالىس ورنى بيىكتىك ايىرماسى 100 مەتر كەلەتىن شاڭعى جولى، موگۋل جولى، تۇعىردان سەكىرۋ شاڭعى جولى بار جاساندى شاڭعى تەبۋ الاڭىن جاڭادان كوبەيتىپ، 4 ماۋسىمدا دا شاڭعى تەبۋدى جۇزەگە اسىردى. كوكتەم مەرەكەسىنىڭ الدى - ارتىندا بەيجيڭ، چىڭدۋ، گۋاڭجوۋ قاتارلى جەرلەر شاڭعى تەبۋ ءۇشىن 20 نەشە رەت ۇشاق جالداپ وسىندا كەلۋدى ۇيىمداستىرىپ، التايدىڭ قىس ماۋسىمىنداعى قار - مۇز ساياحاتىنىڭ جازعى سەرۋەن، دەمالىس ساياحاتىنان دا دۋماندى بولۋىنا مۇمكىندىك جاسادى.