انار بۇلت / شينجياڭ گازەتىنىڭ ءتىلشىسى جاڭ شياۋمي

”ەرتەڭگە ورنالاستىرىلعان توقسۇننىڭ گۇل تاماشالاۋ ۇيىرمەسى تولىپ كەتتى، بۇرسىكۇنگە تاعى ورىن بار، قازىر 3 - ايدىڭ 26 - كۇنىنە دەيىن تىزىمدەلىپ بولدى“. شينجياڭ كروران جينجوۋ حالىقارالىق ساياحات كووپەراتيۆى شەكتى سەرىكتەستىگىنىڭ القا باستىعى گاۋ جياڭحۇي بىلاي دەدى: 3 - ايدىڭ 20 - كۇنى بيىل كوكتەمگى گۇل تاماشالاۋ ۇيىرمەسى العاش جىبەرىلگەننەن باستاپ، كووپەراتيۆىمىزدەن كەڭەس سۇراعان تەلەفون ۇزىلمەدى، ”ۇستىرتتەگى ورىك گۇلى 3 كۇندىك ساياحات“، ”ورىك گۇلى ءبىر كۇندىك ساياحات“ سياقتى ساياحات ونىمدەرى ەرەكشە قارسى الۋعا بولەندى.

3 - ايداعى ورىك گۇلى شينجياڭنىڭ كوكتەم ماۋسىمىنداعى ”شينجياڭدىقتاردىڭ شينجياڭدى ساياحاتتاۋى“ ساياحاتىنىڭ شىمىلدىعىن اشتى، جەر - جەردىڭ مادەنيەت - ساياحات تاراۋلارى مەن كورىنىس وڭىرلەرى، كورىنىس تۇيىندەرى قىزمەت وتەۋ جانە قامتاماسىزداندىرۋ قىزمەتىن ويداعىداي ىستەدى ءارى قاتىستى نەگىزگى تاقىرىپتىق مەرەكە قيمىلدارىن ۇسىندى. سونىمەن بىرگە ءارقايسى ءىرى ساياحات كووپەراتيۆتەرى مەن دالا كلۋبتارى جابال گۇل تاماشالاۋ ساياحات لەنياسى ونىمدەرىن ۇسىنىپ، ورىك گۇلىن تاماشالاۋ - سۋرەتكە ءتۇسۋ، ءان - ءبي كونسەرتى سياقتى ۇستەمە قىزمەت وتەۋلەردى كوبەيتىپ، ءوز كولىگىمەن ساياحاتتاۋمەن، ەركىن ساياحاتتاۋمەن، دالاداعى ارنايى ساياحاتپەن قاتارلاسا باسەكە قالىپتاستىرىپ، گۇل تاماشالاۋ ساياحاتىنىڭ ءتۇرىن بايىتۋمەن بىرگە، ساياحاتتىڭ ساپاسىن دا جوعارىلاتتى.

گۇل تاماشالاپ قانا قويعان جوق

شينجياڭ ءوندىرىس - قۇرىلىس بيڭتۋانى جۇڭگو جاستار ساياحات كووپەراتيۆى بيىل ”حانفۋ كيىپ ورىك باقشاسىن سەيىلدەۋ“ توقسۇن ءبىر كۇندىك ساياحات قيمىلىن ۇسىنىپ، ساياحاتشىلاردىڭ اۋىستىرىپ كيىپ سۋرەتكە ءتۇسۋى، باقشا ارالاۋى، گۇل تاماشالاۋى ءۇشىن 20 نەشە پار حانفۋ ازىرلەپ، تىزىمدەلگەن ساياحاتشىلار مەجەدەن ءبىر ەسە كوپ بولدى.

وسى ساياحات كووپەراتيۆىنىڭ ورىنباسار باس ديرەكتورى جي فانحۋا بىلاي دەدى: ”قازىر گۇل تاماشالاۋ ۇيىرمەسىندەگىلەر دەرلىك شينجياڭدىق ساياحاتشىلار، تەك گۇل تاماشالاۋمەن، داعدىلى كورىنىس تۇيىندەرىمەن باۋراۋ جەتكىلىكسىز، ءتۇرىن كوبەيتىپ ادامداردى تارتۋ كەرەك“. ولار گۇل تاماشالاۋ لەنياسىنا شاراپ قوجالىعىن ەكسكۋرسيالاۋ، ءان - ءبي كونسەرتى سياقتىلاردى قوسىپتى.

قاشقار قالاسى شينجياڭ شينچۋانجيڭ حالىقارالىق ساياحات كووپەراتيۆى شەكتى سەرىكتەستىگى قاشقار بولىمشە سەرىكتەستىگى دالالىق اۆتوكولىكپەن ۇستىرتتەگى ورىك گۇلىن تاماشالاۋ 3 كۇندىك ساياحاتىن ۇسىندى، وسى كووپەراتيۆتىڭ باس ديرەكتورى ليۋ ۋىنشيڭ بىلاي دەدى: ”قازىر قاشقار قالاسىندا كوكتەم لەبى ەسىپ تۇر، ءبىز وسى ونىمگە قاشقار قالا رايونىن ساياحاتتاۋدى قوسىپ، ساپار مازمۇنىن بايىتتىق“.

گۇل تاماشالاۋ ساياحاتىنىڭ مازمۇنى باي بولىپ قالماستان، ساياحات تاسىلىندە دە الۋان تۇرلىلەنۋ بەتالىسى جارىققا شىقتى، ۇشاققا، موتورلى ۆاگوندار قۇراماسىنا، ساياحات اۆتوبۋزدارىنا وتىرۋعا، دالالىق اۆتوكولىككە، اۋىر موتوتسيكلگە وتىرۋعا دا، تاعى جاياۋ جۇرۋگە دە بولادى.

ءۇرىمجى تيەداۋ حالىقارالىق ساياحات كووپەراتيۆى 3 - ايدىڭ 19 - كۇنى جوعارى جىلدامدىقتى پويەزعا وتىرىپ ورىك گۇلىن تاماشالاۋ ساياحات ءونىمىن ۇسىندى، قازىر تۇرگەن ورىك گۇلىن قوس توسەكتى پويەزبەن 3 ءتۇن، 2 كۇن ساياحاتتاۋ ءتۇرى ساياحاتشى قابىلداۋدا، العاشقى ۇيىرمە مەجەمەن 4 - ايدىڭ 2 - كۇنى جولعا شىعادى.

3 - ايدىڭ 23 - كۇنى سانجى قالاسى چۋليۋشياڭ دالالىق باستان كەشىرۋ شەكتى سەرىكتەستىگى 50 دالا اۋەسكەرىن توقسۇنداعى ورىك گۇلى قىستاعىندا گۇل تاماشالاپ، جاياۋ جۇرۋگە ۇيىمداستىردى. 3 - ايدىڭ 16 - كۇنىنەن باستاپ ولار ءار كۇنى تۇرپان نەمەسە توقسۇنعا گۇل تاماشالاۋ ۇيىرمەسىن جىبەرىپ تۇر ەكەن. وسى سەرىكتەستىكتىڭ جاۋاپتىسى بىلاي دەدى: ”ءبىر كۇندىك گۇل تاماشالاۋ ۇيىرمەسى تىنىعۋدى نەگىز ەتەدى، كوپشىلىك گۇل اراسىندا كوكتەمنىڭ جايلى شۋاعىن سەزىنىپ، جاقىن ارالىقتا جاياۋ جۇرۋمەن بىرگە، دالالىق كوڭىل اشۋ قيمىلدارىن وتكىزەدى“.

شينجياڭ جيايۇي حالىقارالىق ساياحات كووپەراتيۆى شەكتى سەرىكتەستىگى اۋىر موتوتسيكلمەن گۇل تاماشالايتىن 2 لەنيا ۇسىنىپ، موتوتسيكل اۋەسكەرلەرىن موتوتسيكلمەن شينجياڭنىڭ گۇل تەڭىزىن تاماشالاۋعا باستادى.

قىزمەت وتەۋگە اناعۇرلىم دەن قويدى

3 - ايدىڭ 23 - كۇنى شينجياڭ ءوندىرىس - قۇرىلىس بيڭتۋانى 12 - شىسى 221 - تۋانىنىڭ مادەنيەت - دەنە تاربيە، راديو - تەلەۆيزيا قىزمەت وتەۋ ورتالىعىنىڭ ورىنباسار مەڭگەرۋشىسى جۇڭ شيۋليڭ ينتەرنەت تۇعىرىندا ورىك گۇلى حابارىن جاريالادى، سول كۇنى ورىك گۇلىنىڭ ％80ى اشىلىپ، ورىك گۇلى اۋماعى قۇلپىرۋ مەزگىلىنە ءوتتى. بيىل 221 - تۋان تاعى گۇل تاماشالاۋدىڭ قولمەن سىزىلعان قاريتاسىن تۇڭعىش رەت ۇسىنىپ، ءارقايسى گۇل تاماشالاۋ تۇيىندەرىنىڭ ناقتى ورنى، اس - سۋ اۋماعى جانە قاتىناس لەنياسى، گۇل تاماشالاۋدا كوڭىل بولۋگە ءتيىستى تۇيىندەر سياقتىلاردى ەگجەي - تەگجەيلى بەلگىلەپ كورسەتىپ، ساياحاتشىلارعا ەگجەي - تەگجەيلى ساياحات جوباسىن ازىرلەدى.

ساياحاتشىلاردىڭ گۇل تاماشالاۋىنا قىزمەت وتەۋ جاعىندا، جەر - جەر تولىق كۇش سالىپ، گۇل تاماشالاۋدىڭ اناعۇرلىم قولايلى بولۋىنا مۇمكىندىك جاسادى. ىلە قازاق اۆتونوميالى وبلىسى ورىك گۇلى تۋرالى الدىن الا مالىمەت بەرىپ، ساياحاتشىلاردىڭ پايدالانۋىنا ۇسىندى. فوتو اۋەسكەرى لين في بىلاي دەدى: ”بۇرىن ىلعي تاجىريبەمىزگە عانا سۇيەنىپ، سول جەردەگى دوستاردان سۇراستىراتىنبىز، قازىر ورىك گۇلىنىڭ اشىلعان كەزى مەن قۇلپىرعان كەزى ءبىر كورگەندە - اق تۇسىنىكتى بولاتىن بولدى“.

ىلە وبلىستىق مادەنيەت جانە ساياحات مەكەمەسى ۇگىتتەۋ - جالپىلاستىرۋ جانە جەبەۋ باسقارماسىنىڭ جاۋاپتىسى چيان بين بىلاي دەدى: ”ساياحات + اۋا رايى گۇل اشۋ مەزگىلىنىڭ ينفورماتسياسىن دالمە - ءدال ازىرلەپ، ساياحاتشىلاردىڭ گۇل تاماشالاۋىنا قولايلىلىق جاسادى“. بىلتىردان باستاپ ىلە وبلىسىنىڭ اۋا رايى تاراۋلارى لالاگۇل، لاۆاندا سياقتى ىلە وزەنى اڭعارىنداعى گۇلدەردىڭ گۇل اشۋ مەزگىلى جونىندە الدىن الا مالىمەت بەرىپ وتىردى.

كۇنەس اۋداندىق مادەنيەت - دەنە تاربيە، راديو - تەلەۆيزيا جانە ساياحات مەكەمەسى دەنساۋلىق ساقتاۋدى باقىلاۋ، ءورت ءسوندىرۋ، ورتتەن ساقتانۋ سياقتى تاراۋلارمەن بىرلەسىپ بۇكىل اۋداننىڭ قوناق ءۇي، حالىقتىق تۇسەلحانا، اس - سۋ سياقتى ورىندارىنا قاراتا ساياحات قىزمەت وتەۋى ساپاسى باسەكەلىك قيمىلىن بىرلەسىپ ورىستەتتى. وسى مەكەمەنىڭ باستىعى لي فۋرۇڭ بىلاي دەدى: ”جالپىلىق قىزمەت وتەۋ ساپاسىن قۇلشىنا جوعارىلاتىپ، اناعۇرلىم ويداعىداي قورشاعان ورتا جانە اناعۇرلىم ساپالى قىزمەت وتەۋ ارقىلى ساياحاتشىلارعا جوعارى ساپالى ساياحات سەزىنۋىن جانە سەزىمىن سيلادىق“.

”ورىك گۇلى ەلشىسى“ كەسىپ ءوتۋ، قامال بۇزۋ، سايىس جاريالاۋ قيمىلدارى، حانفۋ سانگەرلىگى، سەنەريا بويىنشا ساياحاتتاۋ، كۋايشان، ”ورىك“ باقىت كۇلكىسى قابىرعاسى، باقىت تىلەۋ قابىرعاسىنا بارۋ، ينتەرنەت جەلىسىندە تىكە تاراتۋ ... بيىلعى ورىك گۇلى مەرەكەسى مەن نەگىزگى تاقىرىپتىق قيمىلداردا ءداستۇرلى اشەكەيلى اۆتوكولىكپەن سەيىلدەۋ، ءان - ءبي كونسەرتى، بەيزاتتىق مادەني مۇرا كورگىزبەسىنەن تىس، تاعى كوپتەگەن زاماناۋي فاكتورلار مەن جاڭاشا ويىن تۇرلەرى قوسىلدى.

3 - ايدىڭ 26 - كۇنى ”بولاشاققا بىرگە اتتانايىق، باقىتقا تولى گۇل تاماشالاۋ ماۋسىمى“ نەگىزگى تاقىرىبىنداعى بيڭتۋاننىڭ العاشقى كوكتەمى − 221 - تۋان ورىك گۇلى مادەنيەت، ساياحات مەرەكەسى قيمىلى باستالىپ، ءبىر اپتا جالعاسادى. بۇرىنعى جىلدارداعى بەيزاتتىق مادەني مۇرا كورگىزبەسى سياقتى قيمىلداردان تىس، تاعى دالالىق موتوتسيكلمەن ەرەكشە ونەر كورسەتۋ ويىنى، ۇشاق مودەلىن ەرەكشە شەبەرلىكپەن ۇشىرۋ، الىپ باتپىراۋىق ۇشىرۋ، بايگە سياقتىلار قوسىلدى. جۇڭ شيۋليڭ بىلاي دەدى: ”بيىلعى ورىك گۇلى مەرەكەسى اناعۇرلىم ادەمى، تاعامدار اناعۇرلىم ءدامدى، ويىندار اناعۇرلىم قىزىقتى“.

باۋراۋ قۋاتىن ارتتىردى

شينجياڭ كروران جينجوۋ حالىقارالىق ساياحات كووپەراتيۆىنىڭ وسى 2 جىلداعى ۇيىرمە جىبەرۋ ساندى مالىمەتتەرىندە كورسەتىلۋىنشە، شينجياڭنىڭ جەرگىلىكتى ساياحاتشىلارى ％60تەن استام سالىستىرمانى يەلەگەن. ساياحات كووپەراتيۆى جەرگىلىكتى ساياحاتشىلاردىڭ اۋەسى بويىنشا 5 گۇل تاماشالاۋ ساياحاتى، 20 نەشە ”شينجياڭدىقتاردىڭ شينجياڭدى ساياحاتتاۋى“ جەلىسى ونىمدەرىن ۇسىنعان.

گاۋ جياڭحۇي بىلاي دەدى: ساياحات كووپەراتيۆىندە مول تاجىريبەگە يە جانە ماماندانعان ساياحات جەتەكشىلەرى ۇجىمى بار، وسى نەگىزدە قىزمەت وتەۋ مازمۇنىن كوبەيتىپ، جايلى بولۋ، ءتيىمدى بولۋ باسىمدىعىن كورنەكتىلەندىرۋ ارقىلى ساياحاتشىلاردى باۋراۋمەن بىرگە نەگىزگى تاقىرىپتىق قيمىلدار ارقىلى ساياحات ونىمدەرىنىڭ قاتىناسۋ جانە قىزىقتىرۋ سيپاتىن كۇشەيتتىك.

”بيىل سولتۇستىك شينجياڭ ساياحاتشىلارىنىڭ وڭتۇستىك شينجياڭدى ساياحاتتاۋى، وڭتۇستىك شينجياڭ ساياحاتشىلارىنىڭ سولتۇستىك شينجياڭدى ساياحاتتاۋى سياقتى قيمىلداردى ۇيىمداستىرىپ، ءۇي ىرگەسىندەگى ساياحاتتى جانداندىرا تۇسەمىز“، - دەدى گاۋ جياڭحۇي.

جي فانحۋا بىلاي دەدى: ”3 - ايدان 12 - ايدىڭ سوڭىنا دەيىن مەجەمەن شينجياڭدىقتاردىڭ شينجياڭدى ساياحاتتاۋى ماقساتىنداعى 128 ساياحات ءونىمىن ۇسىناتىن بولامىز“. لەنيا ونىمدەرىن جوبالاۋ جاعىندا، تابيعي كورىنىستەر بولۋمەن بىرگە، تاعى تاريحي مادەنيەت ءمانى مەن ەرەكشە وزگەشەلىك ايگىلەنەدى.

ءۇرىمجى تيەداۋ حالىقارالىق ساياحات كووپەراتيۆى 2016 - جىلدان باستاپ پويەزبەن تۇرگەننىڭ ورىك گۇلىن تاماشالاۋ ءونىمىن ۇسىنعان، بيىل 4 گۇل تاماشالاۋ ءونىمىن ۇسىنۋدى جوسپارلاپ وتىر، ورىك گۇلىن تاماشالاۋدان تىس، تاعى كوپشىلىكتى تارباعاتايدىڭ تاۋ گۇلى مەن ىلەنىڭ لاۆانداسىن تاماشالاۋعا اپارادى.

شينجياڭ تەمىر جول ساياحاتتى دامىتۋ توبى شەكتى سەرىكتەستىگىنىڭ ورىنباسار باس ديرەكتورى حۋاڭ تيڭفىن بىلاي دەدى: ”وسى ونىمدەر شينجياڭنىڭ جەرگىلىكتى ساياحاتشىلارىنا ۇيلەسەدى، اسىرەسە، قىزمەتشىلەردىڭ اپتا سوڭىندا ساياحاتتاۋىنا ساي كەلەدى. پويەزبەن تۇندە ءجۇرىپ، كۇندىز ساياحاتتاۋعا بولادى، تاڭەرتەڭ جولعا شىقسا، كەشتە جەتىپ بارادى، جۇرە ءجۇرىپ ساياحاتتاپ، جولداعى ۋاقىتتى ۇنەمدەپ قالۋعا بولادى“.