汉文 ىلە اقپارات تورابىنا حوش كەلدىڭىزدەر!
«قار - مۇزدىڭ كوركى شينجياڭدا − شينجياڭ جاقسى جەر» اتتى دەرەكتى فيلمى بۇگىن العاش تاراتىلادى
2022-04-13 17:54:58     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

انار بۇلت / شينجياڭ گازەتىنىڭ ءتىلشىسى لي لي 4 - ايدىڭ 11 - كۇنى ۇرىمجىدەن حابارلايدى. شىرقاۋ شىڭعا جەتكەن حيكايا مەن كورىنىس ارقىلى كورەرمەندەرگە كورىنىسى ايرىقشا ادەمى قار - مۇزدى شينجياڭدى ايگىلەدى. شينجياڭ راديو - تەلەۆيزيا ستانسياسى شينجياڭ ياسى مادەنيەت دامىتۋ شەكتى سەرىكتەستىگىمەن بىرلەسىپ جاساعان «قار - مۇزدىڭ كوركى شينجياڭدا − شينجياڭ جاقسى جەر» اتتى دەرەكتى فيلم 4 - ايدىڭ 12 - كۇنى ساعات 22دەن 35 مينۋت وتكەندە شينجياڭ جاساندى سەرىك تەلەۆيزياسىندا العاش تاراتىلادى، انار بۇلت كيلەنتىندە ءبىر ۋاقىتتا تاراتىلادى.

دەرەكتى فيلمنىڭ ۋاقىتى 41 مينۋت، ”تابيعات كوركى“، ”گۋمانيتارلىق اسەمدىك“، ”ومىرشەڭدىك كەلبەتى“ سىندى 3 تاراۋعا ءبولىنىپ، كوپ تۇرعىلى، پارىقتى، حيكايالىق كەسكىن تىلىمەن شينجياڭنىڭ وزگەشە قار - مۇز حيكىمەتىن ايگىلەيدى.

شينجياڭ دۇنيە ءجۇزى قار - مۇزىنىڭ التىن ەندىك بەلدەۋىنە ورنالاسقان، وزگەشە قار - مۇز بايلىعى بار. سوڭعى جىلدارى اۆتونوميالى رايون ”قارلى دالا، مۇزدى القاپ تا باعالى بايلىق“ ۇستانىمىن مۇقيات دايەكتىلەندىرىپ، تياناقتاندىرىپ، قار - مۇز ەكونوميكاسىنىڭ دامۋىن بار كۇشپەن ىلگەرىلەتىپ، دۇنيە ءجۇزى قار - مۇز سپورتىنىڭ جانە قار - مۇز ساياحاتىنىڭ كوزەۋلى جەرىن بەلسەنە تۇلعالاپ، ”شينجياڭ جاقسى جەر“ ساياحات ماركاسىن ۇزدىكسىز اسقاقتاتتى.

”دەرەكتى فيلم حالىقارالىق تۇرعىنى تياناق ەتىپ، ءتۇيىندى تۇردە 24 امالدىڭ ىشىندەگى 8 امال ارقىلى تۇتاس فيلمدەگى 20عا تاياۋ حيكايانى قابىستىرىپ، تاماشا كورىنىس پەن كلاسسيك كونە ولەڭ ماتىندەرىن سايكەستىرىپ، كورەرمەندەردى جۇڭحۋانىڭ تاڭداۋلى ءداستۇرلى مادەنيەتىندەگى مەزگىل كوركەمدىگىن سەزىنۋگە باستاپ، شينجياڭنىڭ وزگەشە قار - مۇز حيكىمەتىن جاندى بەينەلەدى“، - دەدى وسى فيلمدى نەگىزگى جاساۋشى ۇجىمنىڭ جاۋاپتىسى تانىستىرىپ.

”تابيعات كوركى“ تاراۋىندا كورەرمەندەر جۇڭگوداعى ەڭ ۇلكەن مۇزارت − يىڭسۇگەت مۇزارتىن جانە بوعدا شىڭى، سايرام كولى، تيانشان بارىسى، موڭعۇلكۇرە تۇلپارى، برجەۆالسكي جىلقىسى سياقتىلاردى كورە الادى؛ ”گۋمانيتارلىق اسەمدىك“ تاراۋىندا بايىرعى تەرى شاڭعى، بۋرىلتوعاي اۋدانىنداعى قىسقى بالىق اۋلاۋ، تەكەس اۋدانىنداعى كوش، قوم قىستاعىنداعى كوكتەم مەرەكەسىنە قاراعان ءتۇن سياقتى شينجياڭنىڭ ەرەكشە گۋمانيتارلىق كورىنىستەرى ايگىلەنەدى؛ ”ومىرشەڭدىك كەلبەتى“ تاراۋىنان شينجياڭنىڭ مول قار - مۇز ساياحاتى، قار - مۇز سپورت بايلىعى، سونداي - اق حالىقتىق تۇسەلحانا، مادەنيەت جاسامپازدىعى، قىستاعى جاس ءونىم ”ي - ۋاڭشياڭ“ گاۋبايگۇي بالىعى سياقتىلار كورسەتىلەدى.

سونىمەن بىرگە بۇل فيلمنىڭ ۇيعۇر تىلىندەگى نۇسقاسى، قازاق تىلىندەگى نۇسقاسى اۋدارىلىپ جاسالدى، 4 - ايدىڭ 12 - كۇنى ساعات 22دەن 45 مينۋت وتكەندە شينجياڭ راديو - تەلەۆيزيا ستانسياسىنىڭ ۇيعۇرشا حابار - امبەباب ارناسىندا، قازاقشا حابار - امبەباپ ارناسىندا تاراتىلادى.