انار بۇلت \ شينجياڭ گازەتىنىڭ ءتىلشىسى ياۋ گاڭ 5 - ايدىڭ 5 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، 3 - جاق سەرىكتەستىكتىڭ ساناعىنا نەگىزدەلگەندە ”1 - مامىر“ جانە ورازا ايت دەمالىسى مەزگىلىندە (4 - ايدىڭ 30 - كۇنىنەن 5 - ايدىڭ 5 - كۇنىنە دەيىن) تۇتاس رايونىمىز جالپى 4 ميلليون 26 مىڭ 400 ادام - رەت ساياحاتشى قابىلداپ، ساياحات كىرىسى 2 ميلليارد 484 ميلليون يۋانعا جەتىپ، سايكەس مەزگىلدەگىدەن ءسال تومەندەگەن. ءوز اۆتوكولىگىمەن ساياحاتتاۋ، قالا ماڭىندا ساياحاتتاۋ نەگىزگى بەتالىسقا اينالىپ، مادەنيەتتى سەزىنۋ ساياحاتى، اۋىل - قىستاق ساياحاتىنىڭ دەسى ورلەگەن.
دەمالىس كەزىندە ءارقايسى كورىنىس تۇيىندەرى، كورىنىس وڭىرلەر مولشەر شەگىن باسقارۋدى قاتاڭ اتقارىپ، ۋاقىتقا ءبولىپ الدىن الا كەلىسۋدى كۇشەيتىپ، جاناسپاي بەلەت ساتىپ الۋدى جولعا قويىپ، قاۋىرت مەزگىلگە شوعىرلاندىرماي قىزمەت وتەپ، ساياحات بازارىنىڭ حاۋىپسىز، ءتارتىپتى بولۋىنا شىنايى كەپىلدىك ەتتى. جەر - جەر ىندەتتەن ساقتانۋ - تىزگىندەۋ شارالارىنىڭ تالاپتارىن قاتاڭ تياناقتاندىرىپ، كىرۋ وتكەلىن قاتاڭ يگەردى. كورىنىس ءوڭىرىنىڭ كىرىپ - شىعۋ ەسىگى، الەۋمەتتىك تازالىق بولمەسى، بەلەت ساتۋ زالى سياقتى جابىق ورىندار زارارسىزداندىرۋ تەبىنىن ارتتىرىپ، اۋا الماستىرۋ، ەلەكتروندىق ەكران سياقتى تاسىلدەردەن پايدالانىپ ىندەتتەن ساقتانۋ - تىزگىندەۋ بىلىمدەرىن جانە بارىسىن عىلمي جالپىلاستىرىپ، ساياحاتشىلارعا ىندەتتەن ساقتانۋ بەلگىلەمەلەرىنە سانالى بويسۇنۋدى ەسكەرتتى.
مادەنيەت پەن ساياحاتتىڭ ءار الۋان تۇتىنۋ قاجەتىنە توتەپ بەرۋ ءۇشىن، دەمالىستىڭ الدىندا اۆتونوميالى رايوندىق مادەنيەت جانە ساياحات مەڭگەرمەسى قوعامعا 20 ءتۇرلى ساياحات گۇل تاماشالاۋ جەلىسىن جانە ”1 - مامىر“ دەمالىسىنداعى 50 قىسقا ارالىقتى ساياحات جەلىسىن اشتى، جەر - جەر، كورىنىس وڭىرلەرى قىزمەت وتەۋدى قامتاماسىز ەتۋ قابىلەتىن شىن مانىندە كۇشەيتىپ، وڭىرلىك جانە حالىقتىق سالت - سانا ەرەكشەلىگىنە يە ءبىر توپ مادەنيەت جانە ساياحات ونىمدەرىن شىعاردى. شينجياڭنىڭ جەرگىلىكتى ساياحاتشىلارى ساياحات بازارىنىڭ نەگىزگى تۇلعالىق قاۋىمىنا اينالدى، باسىم كوپ ساندىسى وتباسىن بىرلىك ەتىپ، ءوز اۆتوكولىگىمەن ساياحاتتاۋ، جاقىن ماڭدا ساياحاتتاۋ، قىسقا ارالىقتى ساياحات، اۋىل - قىستاق ساياحاتى سياقتى تاسىلدەرمەن جاقىن ماڭدا ساياحاتتادى.
قۇمتاق ءشولى كورىنىس ءوڭىرى بەيزاتتىق مادەنيەت مۇرالارى كورمەسى، قۇمدى شولدە دالالىق تولقىن قۋۋ، قۇمدى شولدە ۆەلوسيپەد ءمىنۋ سياقتى قيمىلداردى جولعا قويدى. مايتاۋ ۇلكەن اڭعارى كورىنىس ءوڭىرى كەشكى ساياحاتتىڭ تاماشا مەزگىلى قيمىلىن وتكىزدى، قورعاس قالاسى «شۇعىلالى جىلدار قىزىل قورعاس»، «ءدامدى تاعامدار ءيىسى اڭقىعان قورعاس» سياقتى قيمىلدار وتكىزدى. تيانشان تەمىر كورىنىس ءوڭىرى تاعلاق كورىنىس ءوڭىرى ماڭىنداعى اۋدان، قالالارداعى تۇرعىندار تاۋعا شىعىپ كورىنىس تاماشالاپ، باتپىراۋىق ۇشىرىپ، اتقا ءمىنىپ، دەمالىس كەزىندە كوڭىل كۇيىن جادىراتىپ، كوركەم كورىنىستەن ءلاززات الدى. جەمسارى اۋدانى ”تياندي باقشاسىساۋلە اسەم الاڭى“ قىزىعىنا شومۋ ۇلگىسىندەگى كولەمدى دالالىق تولىق كەسكىندى كورىنىستى سەزىنۋ ءتۇرىن ۇسىنىپ، ءتۇن شىمىلدىعىن ارتقى كورىنىس ەتىپ، كوزدىڭ جاۋىن الاتىن شىراقتار ارقىلى تۇرلىشە ءپىشىن قالىپتاستىرىپ، ساياحاتشىلارعا بەيتيڭ بايىرعى قالاسىنىڭ كەلبەتىن تاماشالاتتى.
بۇكىل شينجياڭداعى ءتۇرلى الەۋمەتتىك مادەنيەت الاڭدارى مەن سارايلارى اسەمونەر، مۋزيكا، وقۋ جانە ولەڭ وقۋ سياقتى جەلىدە كونسەرت قويۋ، كورمەگە قويۋ جەلىلەس قيمىلدارىن دەن قويا جوبالاپ، ۇيىمداستىردى. دەمالىس كەزىندە، شينجياڭ كوركەمونەر تەاترحاناسى جەلىدە كولەمدى ءان - ءبي ويىنى «شينجياڭ جاقسى جەر»، ءبي تەاترى «جاڭ چيان»، كولەمدى سەرىك ويىنى «اسەم تابيعات»، تەاتر «التىن توراڭعى»، «لين جيلۋ»، مۋزيكالى تەاتر «شەكارا كۇزەتشىلەر» سياقتىلاردى قويىپ، بۇقارانى بۇلتتان كونسەرت كورۋگە باۋرادى.