5 - ايدىڭ 19 - كۇنى ساياحاتشىلار باركول قازاق اۆتونوميالى اۋدانى گاۋجياحۋ سازدىعى كورىنىس وڭىرىندە ساياحاتتاۋدا. جازدا گاۋجياحۋ سازدىعى كورىنىس ءوڭىرى ءمولدىر سۋىمەن، كوگىلدىر اسپانىمەن، كوكوراي شالعىنىمەن بەينە كوركەم ەكولوگيالىق سۋرەت ىسپەتتى كوپتەگەن ساياحاتشىنى وسىندا كەلىپ ساياحاتتاۋعا باۋرادى.

　　 سۋرەتتى جاڭ جيانگاڭ تۇسىرگەن

انار بۇلت \ شينجياڭ گازەتىنىڭ ءتىلشىسى ياۋ گاڭ

　　5 - ايدىڭ 19 - كۇنى 12 - رەتكى جۇڭگو ساياحات كۇنى. بۇكىل شينجياڭنىڭ جەر - جەرى فورماسى ءار الۋان، مازمۇنى باي نەگىزگى تاقىرىپتىق قيمىلدار وتكىزىپ، كۇن ارقىلى جىلدى جەبەپ، ءتۇيىن ارقىلى اۋماقتى جەتەكتەپ، ”شينجاڭ جاقسى جەر“ ماركاسىن كۇش بىرىكتىرە اسقاقتاتتى.

　　”13 - بەسجىلدىقتان“ بەرى شينجياڭنىڭ ساياحات بازارى جەدەل زورايىپ، سارا ساياحات نىسانالى جەرلەرى جۇيەسى نەگىزىنەن قالىپتاسىپ، ساياحات نەگىزدىك قۇرىلعى ۇسىنىلىمى ۇزدىكسىز زورايىپ، ساياحات ارقىلى حالىقتى بايىتۋ كاسىپ سالاسى جۇيەسى ۇزدىكسىز اقاۋسىزدانىپ، ساياحات كاسىبى قۋاتتى دامۋ ومىرشەڭدىك كۇشىن ايگىلەپ، ەكونوميكالىق، قوعامدىق دامۋداعى جەتەكشىلىك رولى كورنەكتىلەنە ءتۇستى.

　　اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسى ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارۋ كەرەك دەپ باسا دارىپتەدى. قازىر رايونىمىز اۆتونوميالى رايوننىڭ مادەنيەت پەن ساياحاتتى دامىتۋدىڭ ”14 - بەسجىلدىق“ جوباسىن جاساپ، جاريالاپ، ساياحات نەگىزدىك قۇرىلعى قۇرىلىسىن ىشكەرىلەي كەمەلدەندىرىپ، تاڭداۋلى قۇرىلىس ينجەنەريالارىن ۇزدىكسىز تۇلعالاپ، ساياحاتتى دامىتۋداعى ولقىلىقتاردى ۇزدىكسىز تولىقتاپ، ساياحات كاسىبىن جۇمىستاندىرۋ، كىرىستى ارتتىرۋ ارقىلى حالىقتى بايىتاتىن كاسىپ سالاسىنا كۇش سالا اينالدىردى.

دامۋدىڭ ”قاتتى ناقتى قۋاتىن“ بەكەمدەدى

　　5 - ايدىڭ 18 - كۇنى مەملەكەتتىك 5A دارەجەلى ساياحات كورىنىس ءوڭىرى سايرام كولى كورىنىس وڭىرىندە 6 كەلەلى نىساننىڭ جۇمىسى قالپىنا كەلىپ قۇرىلىس باستاپ، سالىنعان جالپى قارجى ءبىر ميلليارد 161 ميلليون يۋان بولىپ، تۇسەلحانا، ساۋدا، جول قۇرىلىسى سياقتىلاردى قامتىدى. ”كورىنىس ءوڭىرىنىڭ سايكەستى قۇرىلعىلارى بارعان سايىن كەمەلدەنىپ، كىرشىكسىز سايرام كولىنىڭ كوك رەڭىمەن سايكەستى“ دەپ لەبىز قالدىردى انار بۇلت كليەنتىندە 5 - ايدىڭ 19 - كۇنى وتكىزىلگەن شينجياڭ ساياحاتى باياۋ تىكە تاراتۋىندا ءبىر ينتەرنەت قولدانۋشى.

　　سايرام كولى حالىقارالىق شاڭعى الاڭى قۇرىلىس نىسانى، نارات كەڭىستىك ساحارا الەۋمەتتىك نەگىزىنىڭ دارەجەسىن جوعارىلاتىپ وزگەرتىپ سالۋ نىسانى، شينجياڭ تيانشان ءتومۇر كورىنىس ءوڭىرى نەگىزدىك قۇرىلعى قۇرىلىسى نىسانى، سونداي - اق مەملەكەتتىك 5A دارەجەلى ساياحات كورىنىس ءوڭىرىن قۇرۋ نەگىزدىك قۇرىلىس نىسانى... كەزەكتە ساياحاتتىڭ جوعارى ساپالى دامۋىنا قىزمەت وتەۋمەن، رايونىمىزدا زور توپتاعى ساياحات نەگىزدىك قۇرىلعىلارى جاپپاي ورنالاستىرىلىپ، جەدەل قۇرىلىس جۇرگىزىلىپ، ەكونوميكالىق ونىمدىلىك پەن قوعامدىق ونىمدىلىكتى بىردەي ويلاستىرىپ، ساياحاتتىڭ دامۋىنا پارمەندى تىرەك ازىرلەدى.

　　نەگىز بەرىك، ورنىقتى، دامۋ بەتالىسى كۇشتى بولعان ساياحات كاسىبى قارجى قوسۋدى باۋراۋ بيىگىنە كۇن سايىن اينالۋدا. جۇڭگو ساياحات توبى، حۋاچياۋچىڭ توبى، جۇڭچيڭلۇي جارنا مەڭگەرۋ جارنا شەكتى سەرىكتەستىگى، جيڭدۇڭ توبى، تۇڭچىڭ توبى، الاديڭ توبى قاتارلى ەل ىشىندەگى ايگىلى كاسىپورىندار ىركەس - تىركەس رايونىمىزبەن قول ۇستاسا سەلبەسىپ، ەلەۋلى نىسانداردى ۇزدىكسىز تياناقتاندىردى. سونىمەن بىرگە، شينجياڭ مادەنيەت، ساياحات قارجى قوسۋ توبى شەكتى سەرىكتەستىگى، سونداي - اق ايماق، وبلىس، قالالاردا مادەنيەت، ساياحات قارجى قوسۋ توپتارى ىركەس - تىركەس قۇرىلىپ، شينجياڭنىڭ ساياحات كاپيتالى بازارىنىڭ گۇلدەنۋىنە، مادەنيەت، ساياحات كاسىبىنىڭ قارىشتاپ دامۋىنا قوزعاۋشى كۇش ۇستەدى.

　　نەگىزدىك قۇرىلعى قۇرىلىستارىنىڭ دەمەۋىندە بيىل جىل باسىنان بەرى شينجياڭنىڭ ساياحات ماركاسى قۇرىلىسىندا جارقىن تۇيىندەر ءجيى كورىندى: قۇلجا − موڭعۇلكۇرە، مايتاۋ − كۇشار تاسى جولى ”ەل ىشىندەگى قىزۋ قارسى الۋعا بولەنگەن ءوز اۆتوكولىگىمەن ساياحاتتاۋ جول جەلىسىنىڭ الدىڭعى TOP10“ بويىنشا قىزعىن ىزدەۋ تىزىمدىگىنە شىقتى، ءۇيسىن بايىرعى جولى قاتارلى شينجياڭنىڭ 10 بايىرعى جولى ساياحات جەلىسى جولى تانىستىرىلىپ، كۇنەس اۋدانى نارات شاڭعى ساياحات تىنىعۋ ورنى، كوكتوعاي اۋدانى كوكتوعاي شاڭعى ساياحات تىنىعۋ ورنى اۆتونوميالى رايون دارەجەلى شاڭعى ساياحات تىنىعۋ ورنى بولىپ ءساتتى قۇرىلدى... شينجياڭ ساياحاتى دامۋدىڭ ”قاتتى ناقتى قۋاتىن“ ۇزدىكسىز بەكەمدەپ، ءتىپتى دە كوپ ساياحاتشىنى وزىنە باۋرادى.

قامداۋ قابىلەتى ورەسىن جوعارىلاتتى

　　5 - ايدىڭ 10 - كۇنى تۇرپان قالاسى وت الابى كوركى اۋىل - قىستاق ساياحاتى سياقتى شينجياڭنىڭ 4 جەلى جولى بۇكىل ەلدەگى اۋىل - قىستاق ساياحاتىنداعى تاڭداۋلى جەلى جولى قاتارىنا تاڭدالدى. بۇل 4 جەلى جولدىڭ ىشىندە كەيبىرەۋىنەن كونە جولدىڭ كوركىن سەزىنىپ، ۇلتتىق سالت، ۇلتتىق سانانى باستان كەشىرۋگە بولادى؛ كەيبىرەۋىنەن شۇعىلاعا تولى گۇل تەڭىزىنەن، جاسىل لەپ اڭقىعان تاۋ - سۋدان تاڭعالارلىق ءتىلسىمدى، جانعا جايلى تىنىستى سەزىنۋگە بولادى؛ كەيبىرەۋىنەن مول ولجامەن ورالاتىن جەمىس سەبەتىن الىپ، جانعا جايلى اۋىل تۇرمىسىنان ءلاززات الۋعا بولادى... ارالاپ جۇرگەن ساياحاتشى شينجياڭنىڭ بايتاق دالاسىنىڭ كوز سۇرىندىرەرلىك كوركىنەن كوزايىم بولىپ قانا قالماستان، ”كوركەم ەكونوميكانىڭ“ ومىرشەڭدىك كۇشىن دە ىشكەرىلەي قاۋلاتۋعا بولادى.

　　ساياحات كاسىبىنىڭ دامۋىنداعى ”بار ما، جوق پا“ دەگەن ماسەلە نەگىزىنەن شەشىلگەننەن كەيىن، ”جاقسى ما، ەمەس پە“ دەگەن اناعۇرلىم ماڭىزدى بولىپ، كوكەي تەستى تولعانىسقا اينالدى. رايونىمىز تۇرلىشە شوعىردىڭ، تۇرلىشە ساتىنىڭ قاجەتىنە قاراتا، قامداۋ جاعى مەن قاجەتتىلىك جاعىنا ءبىر ۋاقىتتا كۇش قوسۋعا تاباندى بولىپ، ساياحات ءونىمى جۇيەسىندە جاڭالىق اشىپ، ساياحات ءونىمى قۇرىلىمىن ساپالىلاندىرىپ، قامداۋ قابىلەتى مەن ورەسىن جوعارىلاتىپ، ساياحاتتىق تۇتىنۋدىڭ ومىرشەڭدىك كۇشىن ىشكەرىلەي جانداندىرىپ، ەكونوميكانىڭ جاڭا ارتۋ ءتۇيىنىن ۇلعايتتى.

　　مادەنيەتتى نەگىز ەتىپ، مادەنيەت پەن ساياحاتتىڭ توعىسۋىن ىلگەرىلەتتى. 5A دارەجەلى ساياحات كورىنىس وڭىرلەرىنىڭ كەڭىستىك ورنالاسۋىن ساپالىلاندىرىپ، جاڭا كاسىپ كۇيىن، جاڭا ءونىمدى جەتىلدىرىپ، مادەنيەتتى باستان كەشىرۋ مازمۇندارىن مولايتتى؛ وڭىرلىك مادەنيەت ەرەكشەلىگىن ىشكەرىلەي كادەگە جاراتىپ، دۇنيە جۇزىلىك مادەنيەت مۇرالارى، تاريحي مادەنيەت ايگىلى قالاسى (قالاشىعى)، تاريحي مادەنيەت كوشە رايونى سياقتىلاردى تياناق ەتىپ، ءبىر توپ مادەنيەت تاڭداۋلى كورىنىس ءوڭىرىن قۇردى.

　　كاسىپ سالاسىن وزەك ەتىپ، كاسىپ سالاسى تىزبەگىن كەڭەيتتى. كاسىپ سالاسىن دامىتۋ ارقىلى ءجۇزىم شارابى، سالاماتتىق كۇتىنۋ، زەرتتەپ ۇيرەنۋ، بەيزاتتىق مادەنيەت مۇرالارىن تاماشالاۋ سياقتى مادەنيەت ، ساياحات جەلى جولدارىن جوبالاپ، ەلىتە تاماشالاۋدى كۇشەيتۋمەن بىرگە، تۇرلىشە ساياحاتشىلاردىڭ ۇقساماعان قاجەتىن قاناعاتتاندىرىپ، ساياحاتتىڭ جالپىلىق ەكونوميكالىق ونىمدىلىگىن جوعارىلاتتى.

　　جوعارى ساپالى دامۋدى بەتالىس ەتىپ، كاسىپ سالاسى شوعىرىن قۇردى. ساياحات تىنىعۋ ءوڭىرى، تۇتاس وڭىرلىك ساياحاتتان ۇلگى كورسەتۋ اۋماعىن، ەكولوگيالىق ساياحاتتان ۇلگى كورسەتۋ ءوڭىرىن، قار - مۇز ەكونوميكاسىن جوعارى ساپالى دامىتۋ سىناق ءوڭىرىن جانە ساياحات دەمالىس قالاسىن، كوشە رايونىن ءتۇيىندى تۇردە تۇلعالادى.

　　اۋىل - قىستاقتى گۇلدەندىرۋدى نىسانا ەتىپ، اۋىل - قىستاق ساياحاتىن ىلگەرىلەتتى. اۋىل - قىستاقتىڭ اۋىل كورىنىسى، تۇنىق سۋ، جاسىل تاۋ، قىستاق قۇرىلىسى، سالت - سانا، ادەت - عۇرىپ سياقتىلارمەن بايلانىستىرىپ، وزىندىك ەرەكشەلىككە يە اۋىل - قىستاق ساياحاتى جەلى جولىن اشىپ، اۋىل - قىستاق ساياحاتىنىڭ نەگىزدىك قۇرىلعى قۇرىلىسىنىڭ دەڭگەيىن جوعارىلاتىپ، اۋىل - قىستاق دەمالىس ساياحاتى نىسانالى جەرىن تۇلعالادى.

حالىقتى بايىتۋ كاسىپ سالاسى ەتىپ جەتىلدىرەمىز

　　تاۋدىڭ باسىنا بۇلت ءۇيىرىلىپ، بەينە سيا سۋرەتتەن اۋمايدى. اۆتوبۋزداردىڭ كەلۋى تاۋ تىنىشتىعىن بۇزدى. تۇرلىشە ديالەكتتە سويلەيتىن ادامدار وزەن جاعاسىندا، ورمان - توعاي اراسىندا، قىستاق ۇيلەرىنىڭ اراسىندا سەيىلدەپ ءجۇر...

　　اسقار تاۋدىڭ تەرەڭ قويناۋىنا ورنالاسقان قابا اۋدانى جايىلما اۋىلى كولدەنەڭ قىستاعىن بۇرىن قاتىناس شارت - جاعدايىنىڭ مەشەۋلىگى سەبەپتى كوپ ادام بىلمەيتىن. ”اينالاڭىزدىڭ ءبارىن كەڭ كوسىلگەن اسقار تاۋ قورشاپ تۇر، بۇل جاعدايدى قالاي وزگەرتۋدى بىلمەدىك“. قىستاق تۇرعىنى جەڭىس ماقسۇت ەجەلدەن مەكەنىندە مال باعىپ، ەگىن ەگىپ تىرشىلىك ەتىپ كەلگەن. ايتسەدە، اينالانى تاۋ قورشاعان، جازىق جەر از، ونىڭ ۇستىنە قاتىناس بوگەلىپ قالاتىندىقتان، قانشا جانتالاسىپ جۇمىس ىستەگەنمەن ماردىمدى تابىس تابا المايتىن.

　  سوڭعى جىلدارى بۇل ارا جاراتىلىستىق بايلىعىنا سۇيەنىپ، ساياحاتتى دامىتتى، قىستاقتىڭ سۇيەمەلدەۋىندە وزىندىك ەرەكشەلىككە يە شارۋالار شاتتىعى ساياجايلارى، حالىقتىق تۇسەلحانالار اشىلدى. قىستاق تۇرعىندارىنىڭ بەلسەنە ات سالىسۋى، ىرىقتىلىقپەن كىرىسۋى، تاماشا اۋىل سالتى مەن كوركەم كورىنىسى وسى تاۋلى قىستاقتىڭ ومىرشەڭدىك كۇشىن قاۋلاتتى. قىستاق تۇرعىندارى ەككەن كارتوپ، اتباس بۇرشاق سياقتى ەگىس داقىلدارىن، جاساعان قۇرت، سارى ماي، ىرىمشىك، قىمىز سياقتى ءسۇت ونىمدەرىن ساياحاتشىلار قىزۋ قارسى الدى، بۇلار ءاپ - ساتتە ساتىلىپ، باعاسى دا بۇرىنعىدان قىمبات بولدى.

　　مۇنداي بايۋ مىسالدارى شينجياڭنىڭ جەر - جەرىندە ەرەكشە كوپ. قازىر بۇكىل شينجياڭدا 10 مىڭعا تارتا شارۋالار شاتتىعى ساياجايى بار، مۇندا جۇلدىز دارەجەلى 2000 شارۋالار شاتتىعى ساياجايى بار، ەرەكشە حالىقتىق تۇسەلحانا جاڭبىردان كەيىنگى جاۋقازىنداي قاۋلاپ، تيانشان الابىندا ءبىر توپ مەملەكەتتىك اۋىل - قىستاق ساياحاتى ءتۇيىندى اۋىل - قالاشىعى، ءتۇيىندى قىستاعى، مەملەكەتتىك دەمالىس اۋىل شارۋاشىلىعى جانە اۋىل - قىستاق ساياحاتىنان ۇلگى كورسەتۋ ءتۇيىنى سياقتىلار قۇرىلدى. ”ساياحات اسىنان ءدام تاتىپ، جاقسى تۇرمىسقا قول جەتكىزۋ“ قالىڭ ەگىنشى - مالشىنىڭ ورتاق تانىمىنا اينالدى، اۋىل - قىستاق ساياحاتى شينجياڭنىڭ اۋىل - قىستاقتى گۇلدەندىرۋىن دەمەيتىن قۋاتتى قوزعالتقىشقا اينالدى.

　　اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى، مەڭگەرمەنىڭ ورىنباسار باستىعى حوۋ حانمين بىلاي دەدى: اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسى شينجياڭدى ساياحاتپەن گۇلدەندىرۋ ستراتەگياسىن ىشكەرىلەي اتقارۋعا ايقىن بەتالىس كورسەتىپ، وي جەلىسىن قاراستىردى. ”14 - بەسجىلدىق“ كەزىندە، ”ءبىز وزەك، ءبىر جەر، ءۇش بەلدەۋ، N رايون“ كەڭىستىك جۇيەسىن اناعۇرلىم ساپالىلاندىرىپ، ساياحات قىزمەت وتەۋ ماڭىزدى فاكتورلارى جۇيەسىن اقاۋسىزداندىرىپ، قىزمەت وتەۋ ساپاسى مەن ونىمدىلىگىن ۇزدىكسىز جوعارىلاتىپ، ساياحات كاسىبىنىڭ ”ءبىر كاسىپ سالاسى گۇلدەنسە، جۇزدەگەن كاسىپ سالاسى كوركەيەتىن“ جالپىلىق جەتەكتەۋ رولىن تولىق ساۋلەلەندىرىپ، مۇنى جۇمىستانىپ، كىرىستى ارتتىراتىن حالىقتى بايىتۋ كاسىپ سالاسى ەتىپ جەتىلدىرەمىز.