ەرىكتى تىلشىلەر ديڭ لەي، تايىر حابارلايدى. دۋان - ۋ مەرەكەسىنىڭ شاعىن دەمالىسىندا تەكەس اۋدانىنىڭ ساياحات بازارى جەدەل جاندانىپ، مەملەكەتتىك 5A دارەجەلى ساياحات كورىنىس رايونى بولعان قاراجوندا بيىل تۇڭعىش رەت ساياحاتشىلار مولايدى. كورىنىس ٴتۇيىنى ىندەتتەن ساقتانۋ - تىزگىندەۋدى ۇدايىلاندىرۋدا تاباندى بولىپ، ساياحاتشى سانىن شەكتەپ، توپقا ٴبولىپ تاماشالاۋدى العا قويىپ، ساياحاتشىلاردىڭ كوڭىلدى دە الاڭسىز ساياحاتتاۋىن جۇزەگە اسىردى.
قاراجون كورىنىس رايونى ىندەتتەن ساقتانۋ - تىزگىندەۋدى ۇدايىلاندىرۋ تالابىنا ساي توراپتا الدىن الا كەلىسۋ مەن قاۋىرت مەزگىلدەن تىس ۋاقىتتا تاماشالاۋدى سايكەستىرۋ ارقىلى ساياحاتشىلاردىڭ كورىنىس رايوندارىندا الاڭسىز ساياحاتتاۋىن قامتاماسىز ەتتى. 6 - ايدىڭ 6 - كۇنى تۇستەن بۇرىن ٴتىلشى ساياحات رايونىنداعى قىزمەتكەرلەردىڭ كىرەر اۋىزدا ساياحاتشىلاردى ارالىق ساقتاۋعا جەتەكشىلىك ەتىپ جاتقانىن، دۋان - ۋ دەمالىسى ٴوتىپ كەتسە دە ساياحاتشىلاردىڭ قىزعىندىلىعى تيتتەي دە باسىلماعاندىعىن كورگەن.
شينجياڭ قاراجون قارجى قوسۋ، جارنالىق سەرىكتەستىگىنىڭ باس مەڭگەرۋشىسى ۋي جيانحۇڭ بىلاي دەدى: قازىر ساياحات رايونىمىز كۇنىنە رەت سانى بويىنشا 2 مىڭنان استام ساياحاتشى قابىلدايدى، ساياحاتشىلاردىڭ ويداعىداي ساياحاتتاۋى ٴۇشىن ساياحات رايونىمىز ساياحات كاسىبىمەن شۇعىلدانۋشىلاردى جان - جاقتى تاربيەلەۋ، ساياحات قۇرىلعىلارىنىڭ دارەجەسىن دەر كەزىندە جوعارىلاتۋ، ساياحات قۇرىلعىلارىن مۇقيات تەكسەرىپ جوندەۋ سىندى ٴتۇرلى دايىندىق جۇمىستارىن مۇقيات ىستەدى.
«قاراجون» - قازاقشا تاۋ جوتاسىنداعى جاسىل القاپ دەگەن ماعىنادا. مۇندا بارلىعى تابيعي، ٴشوبى شۇيگىن، مال سەمىز، تۇتاس جايلاۋ تەڭىز دەڭگەيىنەن 2000 - 3600 مەتر بيىكتىككە ورنالاسقان، تاۋلى ٴشوبى شۇيگىن جايىلىمعا جاتادى. 5 - ايدىڭ ورتا شەنىنەن 6 - ايدىڭ سوڭىنا دەيىن قاراجون جايلاۋىنداعى گۇلدەر قۇلپىرا اشىلادى، ٴار جىلى وسى مەزگىلدە بۇل ٴوڭىر كوپتەگەن جاياۋ ساياحاتشىلاردىڭ ساياحاتتايتىن تاماشا جەرىنە اينالادى.
سانشيدەن كەلگەن جاياۋ ساياحاتشى ۋاڭ ۋىنشان بىرنەشە ساپارلاسىمەن 3 كۇندىك ۋاقىتپەن قاراجوننىڭ تاماشا كورىنىسىن تاماشالاۋعا كەلىسكەن. ۋاڭ ۋىنشان بىلاي دەدى: «قاراجون جايلاۋىنا باراتىن جول - تيپتىك جاياۋلار جولى سانالادى، سونداي - اق، 6 - ايدا ٴبىر كورۋگە تاتيتىن كورىنىس ٴتۇيىنى، مەن جاياۋ ٴجۇرىپ وسىناۋ كوركەمدىكتەن ٴلاززات الامىن».
گۇل تەكشەسى كورىنىس تۇيىنىندە قۇلپىرا گۇل اشقان الۋان ٴتۇرلى شوپتەر، ٴتۇرلى گۇل شوقتارى، جاسىل جايلاۋدا بىتىراي جايىلىپ جۇرگەن قوي تابىنى، كوك جيەكپەن تۇتاسقان كوك اسپان، اقشا بۇلت پەن قارلى شوقىلار كوركەم كارتينا كەستەلەپ، كوپتەگەن ساياحاتشىنى سۋرەتكە ٴتۇسىرىپ، وسىناۋ تاماشا ساتتەن ەستەلىك قالتىرۋعا باۋرادى. گۋاڭدۇڭنان كەلگەن ساياحاتشى چىن جينكۇن قاراجوندى بۇرىن ەستىگەن، ول دەمالىس مەزگىلىنەن پايدالانىپ، ساياحات ۇيىرمەسىنە تىزىمدەلىپ، قاراجوننىڭ كورىنىسىن تاماشالاۋعا ارنايى كەلگەن. چىن جينكۇن بىلاي دەدى: «بۇگىن قاراجون ساحاراسىنا كەلدىم، جايلاۋى جاسىل، اسپانى اشىق، قارلى تاۋلار ىرگەدە ەكەن، تانىستىرۋعا تاتيدى».
بۇركىت تەكشەسىندە جىجياڭنان كەلگەن ساياحاتشى فاڭ شۋفاڭ اشىق اسپان استىندا بۇرالا بيگە باستى، ول قالانىڭ بيىك عيماراتىنان گورى ساحاراداعى ەركىندىكتى ٴتىپتى دە ۇناتادى. ول بىلاي دەدى: «ٴبىر توپ اپەكەلى - سىڭىلەر وسى ارادا باس قوسىپ، كەڭ ساحارانى تاماشالاۋعا كەلىسكەمىز، بۇل ارادا ٴان ايتىپ، ٴبي بيلەپ، وتە كوڭىلدى بولدىق».
ساياحات بازارىنىڭ كۇن سايىن جاندانۋىنا ىلەسىپ، قاراجون كورىنىس رايونى بيىل العاشقى توپتا مول ساياحاتشى قابىلداعان. ۇعىسۋعا قاراعاندا، 6 - ايدىڭ 3 - كۇنىنەن 5 - كۇنىنە دەيىن كورىنىس رايونى رەت سانى بويىنشا 6 مىڭ 618 ساياحاتشى قابىلداپ، ساياحات كىرىسى 918 مىڭ 400 يۋانعا جەتىپ، تۇتاس اۋداننىڭ مادەنيەت - ساياحات كاسىبىندە گۇلدەنۋگە بەتالعان دامۋ اۋقىمى جارىققا شىققان.
«بۇدان كەيىن ويداعىداي قىزمەت وتەپ، ساياحاتشىلارعا تاماشا ساياحاتتاۋ شارت - جاعدايىن جاراتامىز. ەلىمىزدىڭ جەر - جەرىندەگى ساياحاتشىلاردىڭ قاراجون كورىنىس رايونىنا كەلىپ ساياحاتتاۋىن قارسى الامىز» دەدى ۋي جيانحۇڭ.