ٴتىلشىمىز جاڭ جينفىڭ حابارلايدى. 6 - ايدىڭ 13 - كۇنى اۆتونوميالى وبلىستىق ۇكىمەت 2022 - جىلعى ىلە وبلىسىنىڭ ساياحات كاسىبىنىڭ جاندانۋىن جەدەل ىلگەرىلەتۋدىڭ توعىز ٴتۇرلى شاراسى جونىندە اقپار جاريالاۋ ٴماجىلىسىن اشىپ، «ىلە وبلىسىنىڭ ساياحات كاسىبىنىڭ جاندانۋىن جەدەل ىلگەرىلەتۋدىڭ توعىز ٴتۇرلى شاراسىن» جانە «2022 - جىلعى ىلە وبلىسىنىڭ ساياحاتشىلاردى ىلەگە كەلۋگە باۋراۋدىڭ، سيلاۋ، قوسىمشا قاراجات بەرۋ ٴادىسىن» جاريالادى.

جاريالانعان توعىز ٴتۇرلى شارا مىنالار: ىندەتتەن ساقتانۋ - تىزگىندەۋدى عىلمي، دالمە - ٴدال ويداعىداي ىستەۋ؛ ٴارقايسى اۋدان - قالالاردى كورىنىس رايوندارىن ساياحاتتاۋ، تاماقتانۋ، قونالقى، ساياحات تاۋارلارىن ساتىپ الۋ سياقتىلارعا پايدالاناتىن تۇتىنۋ بەلەتىن تاراتۋعا شابىتتاندىرۋ؛ قيىنشىلىعى بار كاسىپورىندارعا كومەكتەسۋ قيمىلىن تىڭعىلىقتى ورىستەتۋ؛ «شينجياڭدىقتار شينجياڭدى ساياحاتتاۋ» قيمىلىن كەڭىنەن ورىستەتۋ؛ ساياحاتشىلاردى ىلەگە كەلۋگە باۋراۋ قيمىلىن بار كۇشپەن ۇيىمداستىرۋ؛ مادەنيەت - ساياحات ۇگىتىن كەڭ كولەمدە ورىستەتۋ؛ نىسان قۇرىلىسى مەن ساۋداگەر شاقىرىپ، قارجى ەنگىزۋدى ىلگەرىلەتۋ؛ ساياحاتقا قىزمەت ەتۋدىڭ ساپاسىن، ونىمدىلىگىن جوعارىلاتۋ؛ ساياحات ٴوندىرىس حاۋىپسىزدىگىن  كۇشەيتۋ سياقتىلار ارقىلى ساياحات كاسىبىن جانداندىرۋ مەن ەكونوميكانى ورنىقتى ارتتىرۋدى جەبەيدى.

مەملەكەت يەلىگىندەگى قورا - جايدى مايعا العان شاعىن، ۇساق ساياحات كاسىپورىندارى مەن جەكە تيجاراتشىلاردىڭ 2022 - جىلى «ىلە وبلىسىنىڭ ەكونوميكانى ورنىقتى ارتتىرۋ جونىندەگى ٴبىر قاتار ساياساتتىق شاراسىنىڭ» بەلگىلەمەسىنە ساي، 3 ايلىق نەمەسە 6 ايلىق ماياقىسى كەشىرىم ەتىلەدى؛ سىرت جەرلەردىڭ ساياحاتشىلارىن ىلەگە كەلۋگە ۇيىمداستىرعان ساياحات ۇيىرمەلەرىنە اۆياتسيا، تەمىر جول، اۆتوكولىك ۇجىمىن ۇيىمداستىرۋ، ٴوز اۆتوكولىگىمەن ساياحاتتاۋعا ۇيىمداستىرۋ، زەرتتەۋ - ۇيرەنۋ ساياحاتى سياقتى تۇرلەر بويىنشا قوسىمشا قاراجات، سيلىق اقشا بەرۋ؛ ورتا - باستاۋىش مەكتەپ وقۋشىلارىن زەرتتەۋ - ۇيرەنۋ ساياحاتى، جازعى دەمالىس لاگەر سياقتى قوعامدىق اماليات قيمىلدارىنا قاتىناسۋعا شابىتتاندىرۋ؛ «شينجياڭدىقتار ىلەنى ساياحاتتاۋ» قيمىلىن زور كۇشپەن ورىستەتىپ، مايتاۋ - كورلا تاس جولى بويىنداعى بەس جەر بىرلەستىگى، بيڭتۋان مەن جەرگىلىكتى ورىندى توعىستىرا دامىتۋ سياقتى مەحانيزمىنىڭ رولىن تولىق ساۋلەلەندىرىپ، بايلىق قاينارىنان ورتاق يگىلىكتەنۋدى جەبەپ، ٴوزارا ساياحاتشى باستاۋ سىندى ساياساتتىق شارالار كوپشىلىكتىڭ نازارىن اۋدارۋدى.

وبلىستىق مادەنيەت - ساياحات مەكەمەسى «2022 - جىلعى ىلە وبلىسىنىڭ ساياحاتشىلاردى ىلەگە كەلۋگە باۋراۋدىڭ، سيلاۋ، قوسىمشا قاراجات بەرۋ ٴادىسىن» جاريالادى. بيىل 6 - ايدىڭ 1 - كۇنىنەن 12 - ايدىڭ 31 - كۇنىنە دەيىن اۆياتسيا، تەمىر جول، اۆتوكولىك ۇيىرمەسى ساياحاتى، ٴوز اۆتوكولىگىمەن ساياحاتتاۋ، ۇيرەنۋ - زەرتتەۋ ساياحاتى جاعىندا ۇيىرمە ۇيىمداستىرعان ساياحات سەرىكتىكتەرىنە، ساياحاتشىلارعا سيلىق نەمەسە قوسىمشا قاراجات بەرىلەدى. سونىمەن بىرگە، وبلىس سىرت جەردىڭ ساياحاتشىلارىن ىلەگە ساياحاتتاۋعا ۇيىمداستىرعان الدىڭعى بەس ساياحات سەرىكتىككە جەكە - جەكە 150 مىڭ، 120 مىڭ، 90 مىڭ، 60 مىڭ جانە 30 مىڭ يۋانمەن سيلايدى.

ساياحاتتى جەبەپ، ەكونوميكانىڭ ارتۋىنا دەم بەرۋ ٴۇشىن نارات كورىنىس رايونى مەن قاراجون كورىنىس رايونى ستۋدەنتتەردەن، بيىل ورتا، ورتالاۋ مەكتەپ تاۋىسقان وقۋشىلاردان، موڭعۇلكۇرە تۇلپار اۋەجايى ارقىلى ىلە وزەنى اڭعارىن ساياحاتتاۋعا كەلگەندەردەن، مادەنيەت - ساياحات ۇگىتشىلەرىنەن، تانىمال توراپ جۇلدىزدارىنان كورىنىس رايونى ەسىك بەلەتىن الماۋ قيمىلىن ورىستەتتى.

ماجىلىستە قاتىستى جاۋاپتىلار ىندەتتەن ساقتانۋ - تىزگىندەۋدىڭ باسقارۋ تالابى بويىنشا قوسىمشا قاراجات بەرۋ كولەمى، نارات كورىنىس رايونىنىڭ تىڭ قيمىلدارى، جاڭا كاسىپ جاعدايى، قاراجون كورىنىس رايونىنىڭ ۇيىرمە ۇيىمداستىرۋ جانە اقپارات دانەكەرلەرىنە جاسالعان ٴتيىمدى ساياساتتارى جونىندە ورتالىق، اۆتونوميالى رايون، اۆتونوميالى وبلىس، قالا دارەجەلى مەديا ورىندارىنىڭ تىلشىلەرىنىڭ سۇراعىنا جاۋاپ قايتاردى.