汉文 ىلە اقپارات تورابىنا حوش كەلدىڭىزدەر!
تيانشان گۇل تەڭىزى باقشاسى اشىلىپ، ىلە اڭعارىندا تاعى ٴبىر ساياحات ٴتۇيىنى كوبەيدى
2022-06-17 11:59:39     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

微信图片_20220616120542.jpg

سۋرەتتە: ساياحاتشىلار سۋرەتكە ٴتۇسىپ، ەستەلىك قالدىرۋدا.

دۋ لەي فوتوسى


ٴتىلشىمىز دۋ لەي حابارلايدى. 6 - ايدىڭ 14 - كۇنى ىلە تيانشان گۇل تەڭىزى كورىنىس رايونىنداعى جۇپار ٴشوپ سەيىل - سەرۋەن باقشاسى ايرىقشا دۋمانعا بولەندى، ەلىمىزدىڭ جەر - جەرىنەن كەلگەن ساياحاتشىلاردىڭ اياعى ۇزىلمەدى، ولار ەستەلىك قالدىرىپ، كۇلگىن گۇل تەڭىزىنەن ٴلاززاتتاندى، بۇل ىلە تيانشان گۇل تەڭىزى كورىنىس رايونى ساياحاتشى قابىلداعان 1 - كۇنگى دۋماندى كورىنىس.

جىجياڭ ولكەسىنىڭ حاڭجوۋ قالاسىنان كەلگەن ساياحاتشى يە بيڭچۋان وسى جولى ىلەنى ساياحاتتاۋ بارىسىندا ايرىقشا كەرەمەت اسەردە بولعانىن ايتىپ، بىلاي دەدى: «تۇڭعىش رەت ىلەگە كەلۋىم، جۇپار ٴشوپ تەڭىزىن كورىپ تاڭعالدىم، جىجياڭنان مۇنداي گۇل تەڭىزىن كورمەگەنمىن، شينجياڭ كوركەم، جانعا جايلى جەر ەكەن، قايتىپ بارعاننان سوڭ ىلەدەن كورگەن - بىلگەنىمدى دوستارىممەن ورتاقتاسامىن، وراي بولسا ولاردى ىلەگە ساياحاتتاۋعا ٴناسيحاتتايمىن».

ىلە تيانشان گۇل تەڭىزىنىڭ اۋماعى 42 مىڭ مۋ بولىپ، جەر اشۋ جانە قۇنارلىلاندىرۋ، زەردەلى سۋارۋ قۇرىلعىلارىن ورناتۋ، كولەمدى گۇل - ٴشوپ ٴوسىرۋ، ساياحات ۋنيۆەرسالدى نەگىزدىك قۇرىلعى قۇرىلىسى سياقتى جەلىلەس ينجەنەريالاردى ورىنداپ، تيانشان گۇل تەڭىزى كورىنىس رايونى «ٴىرى اۋىل شارۋاشىلىعىن» نەگىز، جۇپار ٴشوپ «گۇل الەمىن» وزەك، «جىنتىكتەي مانەرلەۋدى» كورنەكتى ٴتۇيىن ەتىپ، «اۋىل شارۋاشىلىعى + سەزىنۋ + دەمالۋ + كۇتىنۋ» سىندى بىرەگەي، كوپ ۇيەكتى، اۋىل شارۋاشىلىعى ساياحات نىسانىن جاراتۋعا كۇش سالعان ٴارى ەرەكشە ەگىس داقىلدارىن شوعىرلى ەگۋ، ەگىمشىلىك جۇمىسىن سەزىنۋ، جىنتىكتەي مانەرلەۋ، ەگىنشىلىكتى زەرتتەۋ جانە ۇيرەنۋ، سەيىل - سەرۋەن، كۇتىنۋ، فيزيكالىق ەمدەۋ سياقتى يقۋاتى ٴبىر تۇلعالانعان 1 -، 2 -، 3 - كاسىپتى توعىستىرۋدان ۇلگى كورسەتەتىن نىسان. كەزەكتە تيانشان گۇل تەڭىزى كورىنىس رايونى مەملەكەتتىك وسىزامانعى اۋىل شارۋاشىلىق كاسىپ باقشاسى، دۇنيە جۇزىلىك حوش ٴيىستى گۇل تەڭىزى تەرەزەلىك ورنى، مەملەكەتتىك 4A دارەجەلى كورىنىس رايونى سياقتىلارعا بەلسەنە ٴوتىنىش بەرۋدە.

ىلە تيانشان گۇل تەڭىزى ساياحاتىن اشۋ شەكتى سەرىكتەستىگى پارتيا ياچەيكاسىنىڭ شۋجيى، ورىنباسار باس ديرەكتورى شۇي چيڭرۇڭ بىلاي دەدى: «ٴبىزدىڭ بولاشاقتاعى نىسانامىز − تيانشان گۇل تەڭىزىن ىلە اڭعارىنداعى اۋىل شارۋاشىلىعى ساياحاتىنداعى، سەيىل - سەرۋەندەگى تىڭ ورىن، جاڭا تانىسقىعا اينالدىرىپ جانە اۋىل - قىستاقتى گۇلدەندىرۋ، جۇمىستاندىرۋ ماسەلەسىن شەشۋ سياقتى جاقتارعا ۇزدىكسىز كۇش سالىپ، بۇقارانىڭ كىرىسىن ارتتىرىپ، اۋقاتتانۋعا باستاپ، ىلەنىڭ ەكونوميكاسى مەن قوعامىنىڭ دامۋى ٴۇشىن ۇلەس قوسۋ».

قۇلجا اۋداندىق پارتكومنىڭ تۇراقتى مۇشەسى، ۇگىت ٴبولىمىنىڭ باستىعى جيا حۇڭۋي بىلاي دەدى: «5 جىلدىق قۇلشىنىس ارقىلى بۇل كاسىپورىن يەن دالانى ەكولوگيالىق كاسىپ تىزبەگىنە اينالدىرىپ، قۇلجا اۋدانى ەكونوميكاسىنىڭ دامۋى ٴۇشىن بەلسەنە ۇلەس قوستى. اۋدانىمىز تيانشان گۇل تەڭىزى باقشاسىنىڭ اشىلۋىن وراي ەتىپ، مادەنيەتكە، ساياحاتقا قوسىلىمدى ٴتىپتى دە ارتتىرىپ، قىزمەت ەتۋ ساپاسىن جوعارىلاتىپ، مادەنيەت - ساياحات ورەسىن ارتتىرىپ، مادەنيەت - ساياحات كاسىبىن كۇشەيتەدى ٴارى قۇدىرەتتەندىردى».