汉文 ىلە اقپارات تورابىنا حوش كەلدىڭىزدەر!
كوركەم كورىنىس ساياحاتشىلاردى باۋرادى
2022-06-30 12:48:23     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

- ىلەنىڭ سۋرەتتەي كوركەم كورىنىسى (8)

ماقالاسىن جازىپ، سۋرەتىن تۇسىرگەن تىلشىلەرىمىز لاي يۇينيڭ، جاڭ چيڭحۋا


جاز ماۋسىمى − ىلە وزەنى اڭعارىنىڭ ەڭ كوركەم ماۋسىمدارىنىڭ ٴبىرى، وسى ماۋسىمدا ىلە اڭعارى گۇلمەن كومكەرىلىپ، جاسىل جەلەك جامىلىپ، جاندى دا جالىندى كورىنىسكە ەنەدى. مۇندا جايلاۋدىڭ كوركەم كورىنىسى ۋاكىلدىك سيپاتقا يە، شەتسىز دە شەكسىز ساحارا ٴتوسى الۋان رەڭدە قۇلپىرا اشىلعان تاۋ گۇلىمەن كومكەرىلىپ، ٴتورت تۇلىك ماڭ - ماڭ باسىپ جايىلىپ جۇرەدى. تيانشان تاۋىنىڭ اقشا بۇلتى، جىلعادان جىلجىپ اققان ٴمۇلدىر بۇلاعى، الىستان مۇنارتا كورىنەتىن اقباس شىڭى، جىنىس ورمانى، جايقالعان گۇلدەرى، كوك مايساسى ... ادامدار بۇل جەردە تازا اۋامەن تىنىستاپ، ٴدامدى تاعامداردان عۇزىرلانىپ، تاماشا كورىنىستەن ٴلاززاتتانىپ، ٴبىر جاساپ قالادى. 

بيىل ىلە اڭعارىنداعى اۋدان - قالالار، ٴارقايسى ٴىرى كورىنىس رايوندارى مەن تۇيىندەرى ساياحات ۇگىت تەبىنىن ۇزدىكسىز ارتتىرۋمەن بىرگە، ساياحات نەگىزدىك قۇرىلعىلار قۇرىلىسى، قىزمەت ەتۋ ساپاسىن جوعارىلاتۋ، ساياحات ونىمدەرىندە جاڭالىق اشۋ جانە بايىتۋ سياقتى شارالار ارقىلى شينجياڭنىڭ ٴىشى - سىرتىنان كەلگەن ساياحاتشىلاردى وسىندا كەلىپ ساياحاتتاۋعا باۋراعاندىقتان ٴارقايسى ٴىرى كورىنىس رايوندارىندا، كورىنىس تۇيىندەرىندە اۆتوكولىك قايشالىسىپ، ساياحاتشىلار سانى كۇرت مولايىپ، ساياحاتتىڭ تاعى ٴبىر قاۋىرت مەزگىلىن قارسى الدى. 

جاقىنعى جىلداردان بەرى ىلە وبلىستىق پارتكوم، ۇكىمەت «وبلىستى ساياحات ارقىلى گۇلدەندىرۋ» ستراتەگياسىن ىشكەرىلەي ىلگەرىلەتىپ، ساياحات كاسىبىن ەكولوگيا ارقىلى حالىقتى اۋقاتتاندىرۋداعى تىرەكتى كاسىپ ەتۋگە كۇش سالۋدا. اۋدان - قالالار دامۋ ورايىن مىقتى يگەرىپ، جەرگىلىكتى ورىننىڭ ساياحات قاينارىن تياناق ەتىپ، كاسىپ ورنالاستىرۋدى جەدەلدەتىپ، نەگىزدىك قۇرىلعىلار قۇرىلىسى مەن كورىنىس رايوندارى، كورىنىس تۇيىندەرى قۇرىلىسىن پارمەندى ىلگەرىلەتىپ، ساياحات جەلىسىن، ساياحات ونىمدەرىن بەلسەنە اشىپ، دارالىققا يە، جالپى جۇرت تۇگەل ات سالىسقان، باسەكەلەسە دامىعان تۇتاس وڭىرلىك ساياحاتتىڭ جاڭا جاعدايىن قالىپتاستىردى.

دالا ٴجۇرىسى 

 بايىرعى جولمەن ساپارلاۋ

 ادامعا ٴۇيىر كوگارشىندار

 كونە قالا رايونىنا ساياحات 

كوڭىلدى ساپار

 جىبەك جاعا داڭعىلىندا سۋرەتكە ٴتۇسۋ

 ايگىلى قىستاققا ات باسىن بۇرۋ

 كوركەم كورىنىستى ەستەلىككە الۋ

قۇلپىرعان قىزعالداق  

 اسەم ٴان، ويناقى ٴبي