«كورىنىس رايونى + تولقىن ويىنى» ىلە ساياحاتىنىڭ قىزىعىن اسىردى

بۇل كورىنىس رايوندارى ٴسىزدى ويىن قىزىعىنا باتىرادى

جاڭ جينفىڭ (ٴوز ٴتىلشىمىز)

ىلە ساياحاتى «جوعارى دەڭگەيلى بولۋ، ەرەكشەلىككە يە بولۋ، سارا بولۋ» باعىتىنا تاباندى بولىپ، وڭىرلىك ەرەكشەلىكتى ساۋلەلەندىرىپ، جاسىل، جوعارى ساپالى دامۋدى مىقتى يگەرىپ، مادەنيەت - ساياحاتتىڭ تىڭ تۇرلەرىن، «كورىنىس رايونى+ تولقىن ويىنى» ۇلگىسىن جاراتىپ، توراپ تانىمالدارى، ٴسوزسىز، باراتىن كوزەۋلى جەرلەردى قالىپتاستىرىپ، ىلەنىڭ ساياحاتىنا تاعى ٴبىر ەرەكشەلىك ۇستەدى.

كورىنىس رايوندارى كوركەمدىگىمەن عانا ەمەس، ساياحات مازمۇندارى قىزىقتى بولسا ساياحاتشىلارعا وزگەشە ٴلاززات باعىشتايدى. جاقىنعى جىلداردان بەرى، ٴتۇرلى جاڭا دا قىزىقتى، وزىندىك ەرەكشەلىككە يە توراپتا تانىمالى نىسانداردىڭ جارىققا شىعۋىمەن ىلەدەگى ساياحات كورىنىس رايوندارى وسى نىساندارعا نازار اۋدارا باستادى. سونىمەن قاتار، «توراپتا تانىمالى كورىنىس تۇيىندەرى» جاستاردىڭ ساياحاتتاۋىنداعى ٴبىر ٴتۇرلى اعىمعا اينالدى. جاس ساياحاتشىلار تابيعي كورىنىستى تاماشالاۋمەن بىرگە، ۇلتتىق سالت - سانانى سەزىنىپ، جاڭا دا قىزىقتى ويىن تۇرلەرىن نەگىز ەتكەن كورىنىس رايوندارى مەن كورىنىس تۇيىندەرىنە بارۋدى ۇناتادى.

قاراجون: «كەڭىستىكتە قالىقتاۋ + سۋدا قالقۋ» جاڭا ساياحات ۇلگىسىن جانداندىردى 

تەكەس اۋدانىن اۋىزعا الار بولساق، ساياحاتشىلاردىڭ ەسىنە سەگىز تاڭبالى قالاشىق، جىبەك جاعا داڭعىلى، شوڭقۇشتاي ەرەكشە قىستاعى، قاراجون ساحاراسىنداعى «كەڭىستىكتە قالىقتاۋ» - فەرراتادان (بولات ارقانمەن جارتاسقا ورمەلەۋ) تىس، كوكسۋ اڭعارىنداعى قورداي وزەنى تولقىنىندا جەل قايىقپەن اعىن بويلاي قالقۋ سياقتى قىزىقتى ساياحات ويىندارى كەلەدى.

اسا قىزىقتى فەرراتا ويىنى (بولات ارقانمەن جارتاسقا ورمەلەۋ) − ٴسىزدىڭ قيىننان جول تاباتىن باتىلدىعىڭىز بەن جىگەرىڭىزدى سىنايىن ويىن ٴتۇرى. جاڭا اعىمعا اينالعان بۇل ويىن تۇرىنە ساياحاتشىلار جەلىدە جانە جەلى سىرتىندا ارناۋلى تىزىمدەلەدى. «جالپى 7 ميلليون يۋان قارجى قوسىلعان شينجياڭداعى تۇڭعىش بولات ارقانمەن جارتاسقا ورمەلەۋ ساياحات ويىن ٴتۇرى نىسانى بيىل 1-مامىردا جالپىلاسقاننان كەيىن ٴار كۇنى 700 دە 800 ساياحاتشى كەلىپ سىناپ كورەتىن بولدى. ساياحاتتىڭ قاۋىرت مەزگىلىندە كەلەتىن ساياحاتشىلاردىڭ سانى ٴتپىتى دە كوپ» دەدى تەكەس اۋدانى ۋانشين ساياحات شەكتى سەرىكتەستىگىنىڭ باس ديرەكتورى ما گوشياڭ. 

فەرراتا ويىنى - دالالىق سپورت اۋەسكەرلەرىنە قاراتا جالپىلاستىرعان جارتاسقا ورمەلەۋ ويىنى بولىپ، «قيا بەتتە ٴبي بيلەۋ» دەگەن اتى بار. قاراجونداعى فەرراتا جارتاسقا ورمەلەۋ لەنياسىنىڭ جالپى ۇزىندىعى 350 مەتر بولىپ، قارلى تاۋ، ورمان، وزەن، اڭعار، جايلىم سياقتى جاراتىلىستىق تابيعاتتى ارتقى كورىنىس ەتىپ، جۇڭگوداعى تۇڭعىش جاراتىلىستىق ەكولوگياداعى بولات ارقانمەن جارتاسقا ورمەلەۋ جول لەنياسى اتانعان. مۇندا جارتاسقا ورمەلەۋگە 40 تا 80 مينۋت ۋاقىت جۇمسايسىز، جارتاسقا ورمەلەۋ لەنياسى كوكسۋ اڭعارىنىڭ قيا بەتكەيىنەن باستالىپ، قالقىما كوپىر، جالعىز اياق كوپىر، بولات ارقاندى كوپىر، ۇرەيلى وتكەل سياقتى 8 وتكەلدى باسىپ وتەدى. ٴبىر جولدا 150 ادامنىڭ قاتىناسۋىنا بولادى ٴارى تۇرلىشە جاس شاماسىنداعىلاردىڭ دا قاتىناسۋىنا بولاتىن،  دەنە شىنىقتىرۋ مەن جىگەر شىڭداۋ ۇشتاستىرىلعان ويىن ٴتۇرى.

قورداي وزەنىنىڭ تولقىندا جەل قايىقپەن قالقۋ سۋ جولىنىڭ جالپى ۇزىندىعى 7 مىڭ مەتر، قالقۋ ۋاقىتى 35 مينۋت اينالاسىندا، جول بويى 4 قاتەرلى قايراڭنان وتەسىز، ساياحات ۋاقىتى ٴار جىلى 5 - ايدىڭ سوڭىنان 10 - ايدىڭ ورتا شەنىنە دەيىن.

موڭعۇلكۇرە سازدىق باقشاسى: «تۇلپارلاردىڭ وزەننەن ٴوتۋى ايبىندى كورىنىس قالىپتاستىردى 

  موڭعۇلكۇرەگە بارىپ ساياحاتتاساڭىز، سازدىق باقشاسىنان ٴار كۇنى «تۇلپارلاردىڭ وزەننەن وتكەن» وزگەشە كورىنىسىن تاماشالاي الاسىز. تاڭ اتاردا نەمەسە كۇن باتاردا جىلقىشىنىڭ جىلقىلارىن ايداعان كوركەم كورىنىسى تابيعاتقا ٴسان قوسادى.

 مۇنداي كورىنىستى ساياحاتشىلار قۇمارى قانعانشا كوردى. چۇڭچيڭنەن كەلگەن ساياحاتشى چىن شياۋشياۋ بىلاي دەدى: «مەن <تۇلپارلاردىڭ وزەننەن وتكەن> كورىنىسىن تۇڭعىش رەت كورىپ وتىرمىن، وسى رەتكى ساپارىما ريزامىن. بەينە باياندى دوستار شەڭبەرىنە، دوۋيىنعا شىعارۋ ارقىلى توڭىرەكتىڭ ٴتورت بۇرىشىنداعى ادامداردىڭ بارىنە موڭعۇلكۇرەنىڭ وسىنشاما تاماشا، كوركەم جەر ەكەنىن ۇعىندىرامىن».

  موڭعۇلكۇرەنىڭ «تۇلپار مەكەنى» دەگەن كورىكتى اتى بار ، جىل سايىن قورادا باعىلاتىن جىلقى 100 مىڭ باستان استام بولىپ، باستىسى ىلە جىلقىسىن نەگىز ەتەدى.  بۇل اۋدان جىلقى شارۋاشىلىعى كاسىبىنىڭ باسىمدىعىن بەلسەنە ساۋلەلەندىرىپ، جىلقىلاردى فوتوعا ٴتۇسىرۋ، اتقا ٴمىنۋ، ات ونەرى ويىنى، ايگىلى اتتاردى كورمەلەۋ سياقتى ساياحات تۇرلەرىن اشىپ جانە جۇرگىزىپ، كوپتەگەن ساياحاتشىلاردى مۇندا كەلۋگە باۋرادى.

 بۇدان تىس، بىلتىر 4 - ايدا جۇمىس باستاپ سالىنا باستاعان جيىنى 3 ميلليون 732 مىڭ 300 يۋان قارجى قوسىلعان تۇلپار ساياحات - مادەنيەت باقشاسىنىڭ ساحارا سىرعاناق جولى ينجەنەرياسىندا قازىر بۇكىلدەي جۇمىس اياقتالىپ، كەڭدىگى 2 مەتر، ۇزىندىعى 780 مەتر كەلەتىن سىرعاناق جول سالىنىپ بولىپ، 16 مەحانيكالى سىرعاناق ماشيناسى تۇگەلدەي تياناقتانىپ، تەكسەرىپ وتكىزىپ الۋ ۇستىندە جانە قۇرىلعىلارعا تەڭشەۋ جۇرگىزىلۋدە، مەجەمەن 7 - ايدىڭ باسىندا پايدالانۋعا بەرىلەدى ەكەن.

 قازىر بۇل اۋداندا A دارەجەلى 19 كورىنىس رايونى بار بولىپ، مۇنىڭ ىشىندە 4A دارەجەلى 4 كورىنىس رايونى، 3A دارەجەلى 5 كورىنىس رايونى بار. 

كوركەم ناراتتا ۇشاقپەن كورىنىس تاماشالاۋ ساياحاتىنان ٴلاززاتتانىڭىز

    6 ـ ايدا نارات ساحاراسىنداعى كيىز ۇيلەردى جۇلدىزدارعا، تابىن - تابىن سيىرلار مەن قورالى قويلاردى اقشا بۇلتقا ۇقساتۋعا بولادى،  ٴتور جايلاۋداعى جاسىل جەلەك كوكجيەككە تۇتاسىپ، الۋان گۇلدەر قۇلپىرا اشىلىپ، تاۋ -  وزەندەر مەن گۇلدەرگە ورانعان كەڭ بايتاق جايلاۋ اسەم جازدىڭ سۇلۋ كەلبەتىن سازدى اۋەنمەن تەربەپ تۇرعانداي. 

نارات كورىنىس ٴوڭىرى نىسان قۇرىلىسىنا باسا ٴمان بەرىپ، نەگىزدىك قۇرىلعىلاردىڭ تىرەكتىك قابىلەتىن جوعارىلاتىپ، ساياحاتشىلارعا ٴتىپتى ساپالى، ٴتىپتى مول سەزىنۋ اسەر بەرەدى. 

بۇل ارادا ساياحاتشىلار اتقا ٴمىنىپ كۇننىڭ شىعۋىن كورۋدەن سىرت، جايلاۋدا سەرۋەندەپ، كونسەرت تاماشالاپ، ساحاراداعى نەكە سالتىن، ات ونەرى ويىندارىن كورەدى، ٴۇيسىن بايىرعى كوشەسىندە ساداق اتۋدان تىس، ۇشاقپەن كەڭ بايتاق جايلاۋعا بيىكتەن كوز جىبەرەدى. 

2017 ـ جىلى 6 ـ ايدا شينجياڭ نارات يۇيبوتۇڭيۇڭ اۆياتسيا سەرىكتەستىگىنىڭ تۇڭيۇڭ اۆياتسياسى جانە تىك ۇشاق پەن كورىنىس تاماشالاۋ ساياحاتى نىسانى باستالدى. نارات كورىنىس رايونى ساياحاتتى دامىتۋ ـ باسقارۋ مەكەمەسىنىڭ ورىنباسار باستىعى چى حۋا بىلاي دەدى: «بۇرىن اتقا ٴمىنۋ ساحارا ساياحاتىنىڭ ولشەمى بولاتىن، ال قازىر كورىنىس ٴوڭىرى العا قويعان ساحارانى كەڭىستىكتەن تاماشالاۋ، ساحارا وزەن - كولدەرىن تاماشالاۋ ساياحات تۇرلەرى ٴتىپتى دە قارسى الۋعا يە بولدى». 

 جارتاسقا ورمەلەۋ     جاڭ جينفىڭ فوتوسى 

قورعاس جۇڭحۋا فۋشوۋشان تاۋىنىڭ اينەك اسپا جولى       جاڭ چيڭحۋا فوتوسى 

كونسەرت     جاڭ جينفىڭ فوتوسى 

 نارات كورىنىس رايونىنداعى كورىنىس تاماشالاۋ ۇشاعى 

تولقىندا قالقۋ      قاراجون كورىنىس رايونىن باسقارۋ كوميتەتى قامداعان 

وزەننەن وتكەن تۇلپارلار     لاي يۇينيڭ، جاڭ چيڭحۋا فوتوسى